Об утверждении Требований к обеспечению информационной безопасности б… — 10.08.2026

Басқа 0

Банктердің, Қазақстан Республикасының бейрезидент банктері филиалдарының және банк операцияларының жекелеген түрлерін жүзеге асыратын ұйымдардың ақпараттық қауіпсіздігін қамтамасыз етуге қойылатын талаптарды бекіту туралы «Қазақстан Республикасындағы банктер және банк қызметі туралы» Қазақстан Республикасының Заңы 55-бабының 2 және 10-тармақтарына сәйкес Қазақстан Республикасы Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:

Тармақ 1

1. Қоса беріліп отырған Банктердің, Қазақстан Республикасының бейрезидент банктері филиалдарының және банк операцияларының жекелеген түрлерін жүзеге асыратын ұйымдардың ақпараттық қауіпсіздігін қамтамасыз етуге қойылатын талаптар бекітілсін.

Тармақ 2

2. Осы қаулыға қосымшаға сәйкес тізбе бойынша Қазақстан Республикасының Ұлттық Банкі Басқармасы қаулысының және Қазақстан Республикасының Қаржы нарығын реттеу және дамыту агенттігі Басқармасының кейбір қаулыларының, сондай-ақ Қазақстан Республикасының Ұлттық Банкі Басқармасы қаулысының және Қазақстан Республикасы Қаржы нарығын реттеу және дамыту агенттігінің Басқармасы кейбір қаулыларының жекелеген құрылымдық элементтерінің күші жойылды деп танылсын.

Тармақ 3

3. Ақпараттық және киберқауіпсіздік департаменті Қазақстан Республикасының заңнамасында белгіленген тәртіппен:

Тармақша 1

1) Заң департаментімен бірлесіп осы қаулыны Қазақстан Республикасының Әділет министрлігінде мемлекеттік тіркеуді;

Тармақша 2

2) осы қаулыны ресми жарияланғаннан кейін Қазақстан Республикасы Қаржы нарығын реттеу және дамыту агенттігінің ресми интернет-ресурсына орналастыруды;

Тармақша 3

3) осы қаулы мемлекеттік тіркелгеннен кейін он жұмыс күні ішінде Заң департаментіне осы тармақтың 2) тармақшасында көзделген іс-шараның орындалуы туралы мәліметтерді ұсынуды қамтамасыз етсін.

Тармақ 4

4. Осы қаулының орындалуын бақылау Қазақстан Республикасының Қаржы нарығын реттеу және дамыту агенттігі Төрағасының жетекшілік ететін орынбасарына жүктелсін.

Тармақ 5

5. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Басқа 0. Банктердің, Қазақстан Республикасының бейрезидент банктері филиалдарының және банк операцияларының жекелеген түрлерін жүзеге асыратын ұйымдардың ақпараттық қауіпсіздігін қамтамасыз етуге қойылатын талаптар

Қазақстан Республикасының Қаржы нарығын реттеу және дамыту Агенттігінің Басқармасының 2026 жылғы 3 сәуірдегі № 53 қаулысымен бекітілген Банктердің, Қазақстан Республикасының бейрезидент банктері филиалдарының және банк операцияларының жекелеген түрлерін жүзеге асыратын ұйымдардың ақпараттық қауіпсіздігін қамтамасыз етуге қойылатын талаптар

Тарау 1. 1-тарау. Жалпы ережелер

1-тарау. Жалпы ережелер

Тармақ 1

1. Осы Банктердің, Қазақстан Республикасының бейрезидент банктері филиалдарының және банк операцияларының жекелеген түрлерін жүзеге асыратын ұйымдардың ақпараттық қауіпсіздігін қамтамасыз етуге қойылатын талаптар (бұдан әрі – Талаптар) «Қазақстан Республикасындағы банктер және банк қызметі туралы» Қазақстан Республикасының Заңы 55-бабының 2 және 10-тармақтарына сәйкес әзірленді және банктердің, Қазақстан Республикасының бейрезидент банктері филиалдарының (бұдан әрі – банк) және банк операцияларының жекелеген түрлерін жүзеге асыратын ұйымдардың (бұдан әрі – ұйым) ақпараттық қауіпсіздігін қамтамасыз етуге қойылатын талаптарды белгілейді.

Тармақ 2

2. Талаптарда «Ақпараттандыру туралы» Қазақстан Республикасының Заңында көзделген ұғымдар, сондай-ақ мынадай ұғымдар пайдаланылады:

Тармақша 1

1) ақпараттандыру саласындағы ақпараттық қауіпсіздік (бұдан әрі – ақпараттық қауіпсіздік) – электрондық ақпараттық ресурстардың, ақпараттық жүйелердің және ақпараттық-коммуникациялық инфрақұрылымның сыртқы және ішкі қатерлерден қорғалуының жай-күйі;

Тармақша 2

2) ақпараттық актив – ақпараттың және оны сақтауға және (немесе) өңдеуге пайдаланылатын ақпараттық-коммуникациялық инфрақұрылым объектісінің жиынтығы. Ақпараттық актив маңызды және маңызды емес болып бөлінеді және банк олардың құпиялылығын, тұтастығын, қолжетімділігін бұзудан болған зиян деңгейі негізінде айқындайды;

Тармақша 3

3) ақпараттық жүйенің/активтің АТ-менеджері – банктің, ұйымның ақпараттық жүйені/активті ақпараттық жүйенің/активтің бизнес-иесінің талаптарына сәйкес келетін күйде ұстап тұруға жауапты қызметкері немесе бөлімшесі (қызметкерлері немесе бөлімшелері);

Тармақша 4

4) ақпараттық жүйенің немесе шағын жүйенің бизнес-иесі – банктің, ұйымның ақпараттық жүйені немесе шағын жүйені автоматтандыратын негізгі бизнес-процестің иесі болып табылатын бөлімшесі (қызметкері);

Тармақша 5

5) ақпараттық-коммуникациялық инфрақұрылым (бұдан әрі – ақпараттық инфрақұрылым) – электрондық ақпараттық ресурстарды қалыптастыру және оларға қолжетімділік беру мақсатында технологиялық ортаның жұмыс істеуін қамтамасыз етуге арналған ақпараттық-коммуникациялық инфрақұрылым объектілерінің жиынтығы;

Тармақша 6

6) ақпараттық-коммуникациялық инфрақұрылымды қорғау шегі – банктің, ұйымның ақпараттық-коммуникациялық инфрақұрылымын сыртқы ақпараттық желілерден оқшаулайтын және ақпараттық қауіпсіздік қауіпінен қорғауды іске асыратын бағдарламалық-аппараттық құралдардың жиынтығы;

Тармақша 7

7) ақпараттық қауіпсіздік қатері – ақпараттық қауіпсіздік оқыс оқиғаларының пайда болуының алғышарттарын туындататын жағдайлардың және факторлардың жиынтығы;

Тармақша 8

8) ақпараттық қауіпсіздік оқыс оқиғасы – ақпараттық-коммуникациялық инфрақұрылымның немесе оның жекелеген объектілерінің жұмысында жеке немесе сериялық туындайтын, олардың тиісінше жұмыс істеуіне қауіп келтіретін іркілістер және (немесе) электрондық ақпараттық ресурстарды заңсыз алу, көшіру, тарату, жаңғырту, жою немесе бұғаттау үшін жағдайлар;

Тармақша 9

9) ақпараттық қауіпсіздік оқыс оқиғалары туралы ақпарат – ақпараттық-коммуникациялық инфрақұрылымның немесе оның жекелеген объектілерінің жұмысында жеке немесе сериялық туындайтын, олардың тиісінше жұмыс істеуіне қауіп келтіретін және (немесе) электрондық ақпараттық ресурстарды заңсыз алуға, көшіруге, таратуға, жаңғыртуға, жою немесе бұғаттауға жағдайлар жасайтын іркілістер туралы ақпарат;

Тармақша 10

10) ақпараттық қауіпсіздік тәуекелі – банктің, ұйымның ақпараттық активтері құпиялылығының бұзылуы, тұтастығының немесе қолжетімділігінің қасақана бұзылуы салдарынан залалдың ықтимал пайда болуы;

Тармақша 11

11) ақпараттық қауіпсіздікті қамтамасыз ету – банктің, ұйымның ақпараттық активтерінің конфиденциалдылық, тұтастық және қолжетімділік күйін ұстап тұруға бағытталған процесс;

Тармақша 12

12) ақпаратты штаттық тасымалдаушы – ақпараттық-коммуникациялық инфрақұрылым объектісінің құрамдас бөлігі болып табылатын және оған тұрақты қосылған ақпарат тасымалдаушы;

Тармақша 13

13) алдын ала орнатылған есептік жазбалар – ақпараттық жүйелерді өндірушілер орнатқан есептік жазбалар;

Тармақша 14

14) артықшылықты есептік жазба –есептік жазбаларды жасау, жою және оларға кіру құқықтарын өзгерту артықшылықтары бар ақпараттық жүйедегі есептік жазба;

Тармақша 15

15) әкімшілендіру және мониторинг консолі – ақпараттық жүйені қашықтан басқаруды жүзеге асыруға мүмкіндік беретін жұмыс станциясы;

Тармақша 16

16) банктің, ұйымның деректерді өңдеу орталығы – банктің, ұйымның ақпараттық жүйелерінің жұмысын қамтамасыз ететін серверлер орналастырылған, арнайы бөлінген үй-жай;

Тармақша 17

17) бизнес-процесс – сыртқы немесе ішкі тұтынушы үшін белгілі бір өнімді немесе қызметті жасауға бағытталған өзара байланысты іс-шаралар немесе міндеттер жиынтығы;

Тармақша 18

18) бизнес-процестің иесі – банктің, ұйымның бизнес-процестің жұмыс істеу цикліне және банктің, ұйымның бизнес-процеске тартылған бөлімшелерінің қызметін үйлестіруге жауап беретін бөлімшесі (қызметкері);

Тармақша 19

19) виртуалды орта – аппараттық іске асырудан абстракцияланған және бір нақты ресурста орындалатын есептеуіш процестердің бір-бірінен қисынды оқшаулануын да қамтамасыз ететін есептеу ресурстары немесе олардың қисынды бірігуі;

Тармақша 20

20) гипервизор – бірнеше операциялық жүйені сол бір серверде немесе компьютерде құруға және іске қосуға мүмкіндік беретін бағдарламалық немесе аппараттық-бағдарламалық қамтылым;

Тармақша 21

21) деректер беру хаттамасы – желіге қосылған екі және одан көп құрылғы арасында қосу мен айырбастауды жүзеге асыруға мүмкіндік беретін қағидалар мен іс-қимылдар жиынтығы;

Тармақша 22

22) желіаралық экран – ақпараттық инфрақұрылымның берілген қағидаларға сәйкес ол арқылы өтетін желілік трафикке бақылау мен сүзгіден өткізуді жүзеге асыратын элементі;

Тармақша 23

23) жұмыс станциясы – банктің, ұйымның ақпараттық активін пайдаланушының стационарлық дербес компьютері;

Тармақша 24

24) комплаенсбақылау бөлімшесі – банктің, ұйымның және оның қызметкерлерінің Қазақстан Республикасы заңнамасының, банктің, ұйымның ішкі құжаттарының, сондай-ақ банктің, ұйымның қызметіне ықпал ететін шет мемлекеттер заңнамасының талаптарын сақтамауы салдарынан банкте, ұйымда шығындардың туындауын болғызбау жөніндегі функцияларды жүзеге асыратын бөлімше;

Тармақша 25

25) кіру – банктің, ұйымның ақпараттық активтерін пайдалану мүмкіндігі;

Тармақша 26

26) қауіпсіздіктің топтық саясаттары – ақпараттық жүйелердің құралдары арқылы іске асырылған ақпараттық қауіпсіздік қағидаларының үлгі жиынтықтары;

Тармақша 27

27) қосымша – ақпараттық жүйе пайдаланушысының қолданбалы бағдарламалық қамтылымы;

Тармақша 28

28) резервтік көшірме – деректер зақымдалған немесе бұзылған жағдайда оларды түпнұсқада немесе жаңадан орналастырылған орнында қалпына келтіруге арналған ақпарат жеткізгіштегі деректер көшірмесі;

Тармақша 29

29) сигнатуралар – бағдарламалық кодты сәйкестендіретін деректер жиынтығы;

Тармақша 30

30) техникалық қауіпсіздікті қамтамасыз ету – техникалық құралдарды (күзет және өрт сигнализациясы, кіруді бақылау және басқару, бейнебақылау, өрт сөндіру, деректерді өңдеу орталығында температуралық режим мен ылғалдылықты бақылау жүйелерін) пайдалана отырып банктің, ұйымның қауіпсіздігін қамтамасыз ету процесі;

Тармақша 31

31) технологиялық есептік жазба – ақпарат жүйесіндегі ақпараттық жүйелердің өзара іс-қимыл жасауы кезінде аутентификациялауға арналған есептік жазба;

Тармақша 32

32) түзету шарасы – ақпараттық қауіпсіздікті қамтамасыз ету барысында болған проблеманы не оның бұзылу салдарын түзетуге бағытталған ұйымдастыру және техникалық іс-шараларының жиынтығы;

Тармақша 33

33) уәкілетті орган – қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган.

Тармақ 3

3. Банктердің, ұйымдардың ақпараттық қауіпсіздігін қамтамасыз етуге мынадай талаптар қойылады:

Тармақша 1

1) ақпараттық қауіпсіздікті басқару жүйесін ұйымдастыруға қойылатын талаптар;

Тармақша 2

2) банктің, ұйымның ақпараттық активтерін санаттарға бөлуге қойылатын талаптар;

Тармақша 3

3) банктің, ұйымның ақпараттық активтеріне қолжетімділікті ұйымдастыруға қойылатын талаптар;

Тармақша 4

4) ақпараттық инфрақұрылымның қауіпсіздігін қамтамасыз етуге қойылатын талаптар;

Тармақша 5

5) ақпаратты криптографиялық қорғау құралдарына қойылатын талаптар;

Тармақша 6

6) үшінші тұлғалардың банктің, ұйымның ақпараттық активтеріне қол жеткізуі кезінде ақпараттық қауіпсіздікті қамтамасыз етуге қойылатын талаптар;

Тармақша 7

7) ақпараттық қауіпсіздік жай-күйін ішкі тексеруге қойылатын талаптар;

Тармақша 8

8) ақпараттық қауіпсіздікті басқару жүйесінің процестеріне қойылатын талаптар.

Тарау 2. 2-тарау. Ақпараттық қауіпсіздікті басқару жүйесін ұйымдастыруға қойылатын талаптар

2-тарау. Ақпараттық қауіпсіздікті басқару жүйесін ұйымдастыруға қойылатын талаптар

Тармақ 4

4. Банктің, ұйымның бірінші басшысы ақпараттық қауіпсіздікті қамтамасыз ету процесін басқаруға арналған банкті, ұйымды басқарудың жалпы жүйесінің бір бөлігі болып табылатын ақпараттық қауіпсіздікті басқару жүйесін құруды, оның жұмыс істеуін және жақсартуды қамтамасыз етеді.

Тармақ 5

5. Ақпараттық қауіпсіздікті басқару жүйесі банктің, ұйымның бизнес-процестері үшін ықтимал залалдың ең төмен деңгейін көздейтін банктің, ұйымның ақпараттық активтерін қорғауды қамтамасыз етеді.

Тармақ 6

6. Банк, ұйым ақпараттық қауіпсіздікті басқару жүйесінің тиісті деңгейін, оны дамытуды және жақсартуды қамтамасыз етеді.

Тармақ 7

7. Банктің, ұйымның ақпараттық қауіпсіздігін басқару жүйесінің қатысушылары:

Тармақша 1

1) басқару органы;

Тармақша 2

2) атқарушы органы;

Тармақша 3

3) ақпараттық қауіпсіздікті қамтамасыз ету міндеттері бойынша шешімдер қабылдауға уәкілетті алқалы орган (бұдан әрі – алқалы орган);

Тармақша 4

4) ақпараттық қауіпсіздік бөлімшесі;

Тармақша 5

5) ақпараттық технологиялар бөлімшесі;

Тармақша 6

6) қауіпсіздік бөлімшесі;

Тармақша 7

7) қызметкерлермен жұмыс жүргізу бөлімшесі;

Тармақша 8

8) заң бөлімшесі;

Тармақша 9

9) комплаенс-бақылау бөлімшесі;

Тармақша 10

10) ішкі аудит бөлімшесі;

Тармақша 11

11) ақпараттық қауіпсіздік тәуекелдерін басқару бөлімшесі болып табылады. Бөлімшелердің осы тармақтың бірінші бөлігінің 4), 5), 6), 7), 8), 9), 10) және 11) тармақшаларында көрсетілген функцияларын ұйымда осы тармақтың бірінші бөлігінде көрсетілген бөлімшелер не мұндай бөлімшелер болмаған жағдайда, ұйымның жауапты қызметкерлері жүзеге асырады.

Тармақ 8

8. Банк, ұйым ақпараттық қауіпсіздікті басқару жүйесін құру және оның жұмыс істеуі кезінде ақпараттық қауіпсіздік бөлімшесінің және ақпараттық технологиялар бөлімшесінің тәуелсіздігін оларды банктің, ұйымның атқарушы органының әртүрлі мүшелеріне немесе банктің, ұйымның атқарушы органының тікелей басшысына қарату арқылы қамтамасыз етеді.

Тармақ 9

9. Банктің, ұйымның басқару органы ақпараттық қауіпсіздік саясатын бекітеді, онда мыналар:

Тармақша 1

1) ақпараттық қауіпсіздікті басқару жүйесін құрудың мақсаттары, міндеттері және негізгі қағидаттары;

Тармақша 2

2) ақпараттық қауіпсіздікті басқару жүйесінің қолданылу саласы;

Тармақша 3

3) банктің, ұйымның ақпараттық активтерінде жасалатын, сақталатын және өңделетін ақпаратқа қолжетімділікті басқаруға қойылатын талаптар;

Тармақша 4

4) ақпараттық қауіпсіздікті және ақпараттық қауіпсіздік қатерлерін анықтау мен талдау, шабуылдарға қарсы іс-қимыл және оқыс оқиғаларды тексеру жөніндегі іс-шараларды қамтамасыз ету жөніндегі қызметті мониторингтеуді жүзеге асыруға қойылатын талаптар;

Тармақша 5

5) ақпараттық қауіпсіздік оқыс оқиғалары туралы ақпаратты жинауды, шоғырландыруды және сақтауды жүзеге асыруға қойылатын талаптар;

Тармақша 6

6) ақпараттық қауіпсіздіктің оқыс оқиғалары туралы ақпаратқа талдау жүргізуге қойылатын талаптар;

Тармақша 7

7) банк, ұйым қызметкерлерінің өздеріне жүктелген функционалдық міндеттерді атқару кезінде ақпараттық қауіпсіздікті қамтамасыз етуге жауапкершілігі айқындалады.

Тармақ 10

10. Банктің, ұйымның басқару органы бюджетті қалыптастыру кезінде банктің, ұйымның ақпараттық қауіпсіздігін қамтамасыз ету үшін ресурстарға қажеттілікті ескереді.

Тармақ 11

11. Банктің, ұйымның басқару органы қорғалатын ақпараттың тізбесін, оның ішінде қызметтік, коммерциялық немесе өзге де заңмен қорғалатын құпия болып табылатын мәліметтер туралы ақпаратты (бұдан әрі – қорғалатын ақпарат) қамтитын тізбені және қорғалатын ақпаратпен жұмыс тәртібін бекітеді.

Тармақ 12

12. Банктің, ұйымның атқарушы органы қайта қарау тәртібі мен кезеңділігі банктің, ұйымның ішкі құжаттарында айқындалатын ақпараттық қауіпсіздікті басқару процесін регламенттейтін ішкі құжаттарды бекітеді.

Тармақ 13

13. Банк, ұйым алқалы органды құрады, оның құрамына ақпараттық қауіпсіздік бөлімшесінің, ақпараттық қауіпсіздіктің тәуекелдерін басқару бөлімшесінің, ақпараттық технологиялар бөлімшесінің өкілдері, сондай-ақ банктің, ұйымның алқалы органы басшысының шешімі бойынша банктің, ұйымның басқа бөлімшелерінің өкілдері кіреді немесе атқарушы орган осы тармақта көрсетілген алқалы органның құрамына қойылатын талаптарға сәйкес келген кезде атқарушы органға алқалы органның функцияларын жүктейді. Банкте, ұйымда алқалы орган құрылған жағдайда банктің, ұйымның алқалы органының басшысы болып банктің, ұйымның атқарушы органының басшысы немесе ақпараттық қауіпсіздік бөлімшесінің қызметіне жетекшілік ететін банктің, ұйымның атқарушы органының мүшесі тағайындалады.

Тармақ 14

14. Ақпараттық қауіпсіздік бөлімшесі банк, ұйым ақпаратының конфиденциалдылығын, тұтастығын және қолжетімділігін қамтамасыз ету мақсатында мынадай функцияларды жүзеге асырады:

Тармақша 1

1) ақпараттық қауіпсіздікті басқару жүйесін құрады, банк, ұйым бөлімшелерінің ақпараттық қауіпсіздікті және қауіптерді анықтау және талдау, шабуылдарға қарсы іс-қимыл жасау және ақпараттық қауіпсіздіктің оқыс оқиғаларын тергеу жөніндегі іс-шараларды қамтамасыз ету бойынша қызметін үйлестіруді және бақылауды жүзеге асырады;

Тармақша 2

2) банктің, ұйымның ақпараттық қауіпсіздік саясатын әзірлейді;

Тармақша 3

3) банктің, ұйымның ақпараттық қауіпсіздікті қамтамасыз ету процесін әдіснамалық қолдауды қамтамасыз етеді;

Тармақша 4

4) өз өкілеттіктері шеңберінде банктің, ұйымның ақпараттық қауіпсіздігін басқару, қамтамасыз ету және бақылау әдістерін, құралдары мен тетіктерін таңдауды, енгізуді және қолдануды жүзеге асырады;

Тармақша 5

5) ақпараттық қауіпсіздік оқыс оқиғалары туралы ақпаратты жинауды, шоғырландыруды, сақтауды және өңдеуді жүзеге асырады;

Тармақша 6

6) ақпараттық қауіпсіздік оқыс оқиғалары туралы ақпаратты талдауды жүзеге асырады;

Тармақша 7

7) алқалы органның ақпараттық қауіпсіздік жөніндегі мәселелер бойынша шешім қабылдауы үшін ұсыныстар дайындайды;

Тармақша 8

8) банктің, ұйымның ақпараттық қауіпсіздігін қамтамасыз ету процесін автоматтандыратын бағдарламалық-техникалық құралдарды енгізуді және олардың тиісінше жұмыс істеуін, сондай-ақ оларға қолжетімділікті қамтамасыз етеді;

Тармақша 9

9) артықшылық берілген есептік жазбаларды пайдалану бойынша ақпараттық қауіпсіздік талаптарын айқындайды;

Тармақша 10

10) банк, ұйым қызметкерлерінің ақпараттық қауіпсіздік мәселелері саласында хабардар болуын арттыру бойынша іс-шараларды өткізуді қамтамасыз етеді;

Тармақша 11

11) банктің, ұйымның ақпараттық қауіпсіздікті басқару жүйесінің жай-күйін мониторингтеуді жүзеге асырады;

Тармақша 12

12) банктің, ұйымның ақпараттық қауіпсіздікті басқару жүйесінің жай-күйі туралы банктің, ұйымның басшылығын хабардар етуді жүзеге асырады.

Тармақ 15

15. Банк, ұйым ақпараттық қауіпсіздік бөлімшесіне техникалық қауіпсіздікті қамтамасыз ету бойынша функцияларды жүктеу мүмкіндігін айқындайды. Ақпараттық қауіпсіздік бөлімшесі олардың негізгі функцияларымен мүдделер қайшылығына әкелетін функцияларды, оның ішінде алаяқтыққа қарсы іс-қимыл жөніндегі функцияларды жүзеге асырмайды.

Тармақ 16

16. Ақпараттық технологиялар бөлімшесі мынадай функцияларды жүзеге асырады:

Тармақша 1

1) банктің, ұйымның ақпараттық инфрақұрылымы схемасының өзектілігін әзірлейді және қолдау жасайды;

Тармақша 2

2) ақпараттық технологиялар жөніндегі бөлімшеге жатпайтын ақпараттық жүйелердің АТ-менеджерлері кіруге рұқсат беретін мамандандырылған ақпараттық активтерді қоспағанда, банктің, ұйымның ақпараттық активтеріне банктің, ұйымның ақпараттық активтерін пайдаланатын банктің, ұйымның қызметкері (бұдан әрі-пайдаланушы) қол жеткізуді қамтамасыз етеді;

Тармақша 3

3) ақпараттық қауіпсіздік талаптарын ескере отырып, банктің, ұйымның жүйелік және қолданбалы бағдарламалық қамтылымының үлгі баптауларын қалыптастыруды және конфигурациялауды қамтамасыз етеді;

Тармақша 4

4) банктің, ұйымның ішкі құжаттарына сәйкес ақпараттық инфрақұрылымның үзіліссіз жұмыс істеуі, банктің ақпараттық жүйелері деректерінің конфиденциалдылығы, тұтастығы және қолжетімділігі (ақпаратты резервтеуді және (немесе) архивтеуді және резервтік көшіруді қоса алғанда) бойынша белгіленген талаптардың орындалуын қамтамасыз етеді;

Тармақша 5

5) ақпараттық жүйелерді таңдау, ендіру, әзірлеу және тестілеуден өткізу кезінде ақпараттық қауіпсіздік талаптарының сақталуын қамтамасыз етеді.

Тармақ 17

17. Банк, ұйым Талаптардың 14 және 16-тармақтарында көрсетілген жекелеген функцияларды банктің, ұйымның бөлімшелеріне беру мүмкіндігін айқындайды.

Тармақ 18

18. Қауіпсіздік жөніндегі бөлімше мынадай функцияларды жүзеге асырады:

Тармақша 1

1) банкте, ұйымда физикалық және техникалық қауіпсіздік шараларын іске асырады, оның ішінде өткізу және объектішілік режимді ұйымдастырады;

Тармақша 2

2) банк, ұйым қызметкерлерін жұмысқа қабылдау және жұмыстан босату кезінде ақпараттық қауіпсіздік қатерлерінің туындау тәуекелдерін барынша азайтуға бағытталған профилактикалық іс-шараларды жүргізеді.

Тармақ 19

19. Қызметкерлермен жұмыс жүргізу жөніндегі бөлімше мынадай функцияларды жүзеге асырады:

Тармақша 1

1) банк, ұйым қызметкерлерінің, сондай-ақ қызмет көрсету туралы шарт бойынша жұмысқа тартылған адамдардың, тағылымдамадан, іс-тәжірибеден өтушілердің конфиденциалды ақпаратты жария етпеу туралы міндеттемелерге қол қоюын қамтамасыз етеді;

Тармақша 2

2) банк, ұйым қызметкерлерінің ақпараттық қауіпсіздік саласында хабардар болуын арттыру процесін ұйымдастыруға қатысады;

Тармақша 3

3) уәкілетті органды банктің, ұйымның ақпараттық қауіпсіздік жөніндегі бөлімшесінің қызметкерлерін жұмысқа қабылдау және (немесе) олармен еңбек қатынастарын бұзу туралы уәкілетті органның ақпараттық қауіпсіздіктің оқиғалары мен оқыс оқиғалары туралы ақпаратты өңдеуге арналған автоматтандырылған жүйесі арқылы немесе банктің, ұйымның ресми хатымен қағаз тасымалдағышта үш жұмыс күнінен кешіктірілмейтін мерзімде хабардар етеді.

Тармақ 20

20. Заң бөлімшесі банктің, ұйымның ақпараттық қауіпсіздікті қамтамасыз ету мәселелері бойынша ішкі құжаттарының құқықтық сараптамасын жүргізеді.

Тармақ 21

21. Комплаенс-бақылау бөлімшесі банктің, ұйымның заң бөлімшесімен бірлесіп, Талаптардың 11-тармағында көзделген қорғалатын ақпараттың тізбесіне енгізуге жататын ақпараттың барлық түрлерін айқындайды.

Тармақ 22

22. Ішкі аудит бөлімшесі банктің, ұйымның ішкі аудит жүйесін ұйымдастыруды реттейтін банктің, ұйымның ішкі құжаттарына сәйкес банктің, ұйымның ақпараттық қауіпсіздікті басқару жүйесінің жай-күйін бағалауды жүргізеді.

Тармақ 23

23. Банктің, ұйымның ақпараттық қауіпсіздік тәуекелдерін басқару бөлімшесі банктің, ұйымның ішкі құжаттарына сәйкес функцияларды жүзеге асырады.

Тармақ 24

24. Банктің, ұйымның құрылымдық бөлімшелерінің басшылары:

Тармақша 1

1) қызметкерлердің банктің, ұйымның ақпараттық қауіпсіздікке қойылатын талаптарды (бұдан әрі - ақпараттық қауіпсіздікке қойылатын талаптары) қамтитын ішкі құжаттарымен танысуын қамтамасыз етеді;

Тармақша 2

2) олар басқаратын бөлімшелерде ақпараттық қауіпсіздікті қамтамасыз ету үшін дербес жауапкершілік атқарады;

Тармақша 3

3) конфиденциалды ақпаратты жария етпеу туралы келісімдер жасасуды және банктің, ұйымның бөлімшесі мұндай келісімдерді, шарттарды жасасуға бастамашы болған жағдайларда, ақпараттық қауіпсіздікті қамтамасыз ету туралы талаптарды келісімдерге, қызметтер көрсету/жұмыстарды орындау шарттарына енгізуді қамтамасыз етеді.

Тармақ 25

25. Ақпараттық жүйелердің немесе шағын жүйелердің бизнес-иелері:

Тармақша 1

1) ақпараттық жүйелерді құру, енгізу, түрлендіру, пайдалану және банктің, ұйымның клиенттері мен бөлімшелеріне өнімдер мен қызметтерді ұсыну кезінде, сондай-ақ мемлекеттік органдардың ақпараттық жүйелерін қоса алғанда, ақпараттық жүйелерді сыртқы ақпараттық жүйелермен біріктіру кезінде ақпараттық қауіпсіздікке қойылатын талаптардың сақталуына жауап береді;

Тармақша 2

2) ақпараттық жүйелерге кіру матрицаларының жаңартылуын қалыптастырады және қолдайды.

Тармақ 26

26. Банктің, ұйымның құрылымдық бөлімшелерінің қызметкерлері:

Тармақша 1

1) банкте, ұйымда қабылданған ақпараттық қауіпсіздік талаптарының орындалуы үшін жауап береді;

Тармақша 2

2) өздерінің функционалдық міндеттері шеңберінде олар өзара іс-әрекет жасайтын үшінші тұлғалардың ақпараттық қауіпсіздік талаптарын орындауын, оның ішінде аталған талаптарды үшінші тұлғалармен жасалған шарттарға енгізу арқылы бақылайды;

Тармақша 3

3) өзінің тікелей басшысына және ақпараттық қауіпсіздік бөлімшесіне банктің, ұйымның ақпараттық активтерімен жұмыс істеу кезіндегі барлық күдікті жағдайлар мен бұзушылықтар туралы хабарлайды.

Тармақ 27

27. Егер банктің, ұйымның ақпараттық қауіпсіздігін қамтамасыз ету функциялары тысқары ұйымдарға берілсе, атқарушы органының ақпараттық қауіпсіздік мәселелеріне жетекшілік ететін мүшесі ақпараттық қауіпсіздікті қамтамасыз етуге жауапты болып табылады.

Тармақ 28

28. Банк, ұйым жыл сайын есепті жылдан кейінгі жылдың 10 қаңтарынан кешіктірмей уәкілетті органға ақпараттық қауіпсіздікті басқару жүйесінің жай-күйі және оның Талаптарға сәйкестігі туралы ақпарат (бұдан әрі – АҚБЖ туралы ақпарат) береді.

Тармақ 29

29. АҚБЖ туралы ақпарат еркін нысанда жасалады және ұсынылатын деректердің конфиденциалдығы мен түзетілмеуін қамтамасыз ететін криптографиялық қорғау құралдарымен ақпаратты кепілді жеткізудің тасымалдау жүйесін пайдалана отырып, немесе ақпараттық қауіпсіздік оқиғалары мен оқыс-оқиғалары туралы ақпаратты өңдеуге арналған уәкілетті органның автоматтандырылған жүйесі арқылы уәкілетті органға ұсынылады.

Тармақ 30

30. АҚБЖ туралы ақпаратта мыналар:

Тармақша 1

1) банктің, ұйымның ақпараттық қауіпсіздікті басқару жүйесінің қолданылу шегі және олардың функционалының Талаптарға сәйкестігін көрсете отырып, оның қатысушылары;

Тармақша 2

2) ақпараттық қауіпсіздікті басқару жүйесін құруды және оның жұмыс істеуін реттейтін құжаттардың болуы;

Тармақша 3

3) ақпараттық қауіпсіздікті қамтамасыз ету үшін пайдаланылатын бағдарламалық-техникалық құралдарының болуы және сандық құрамы;

Тармақша 4

4) операторлармен жасалған қызметтер көрсету туралы шарттарда ақпараттық қауіпсіздікті қамтамасыз ету бойынша талаптардың және міндеттемелердің болуы;

Тармақша 5

5) деректер өңдеудің резервтік орталықтарының болуы, материалдық-техникалық жабдықталуы және дайындығы;

Тармақша 6

6) банктің, ұйымның ақпараттық қауіпсіздікті басқару жүйесін және ақпараттық активтерін Талаптарға сәйкестендіру бойынша жүргізілген іс-шаралар туралы мәліметтер қамтылады.

Тармақ 31

31. Уәкілетті орган банктің, ұйымның Талаптарға сәйкестігін бағалауды 3 (үш) жылда кемінде бір рет жүзеге асырады.

Тармақ 32

32. Банк, ұйым банктің, ұйымның ақпараттық қауіпсіздігін басқару жүйесінің жай-күйіне банктің, ұйымның атқарушы органы айқындайтын көлемде «Ақпараттық қауіпсіздік, киберқауіпсіздік және құпиялылықты қорғау. Ақпараттық қауіпсіздік менеджменті жүйелері. Талаптар» СТ ISO/IEC 27001-2023 Қазақстан Республикасының ұлттық стандартына немесе «Information security, cybersecurity and privacy protection – Information security management systems - Requirements» (Информэйшн секьюрити, сайберсекьюрити энд прайвэси протекшн. Информэйшн секьюрити мэнэджмент системс - Реквайрментс) ISO/IEC 27001:2022 халықаралық стандартына (Ақпараттық қауіпсіздік, киберқауіпсіздік және жеке өмірді қорғау - Ақпараттық қауіпсіздік менеджменті жүйелері - Талаптар) сәйкес келуіне 3 (үш) жылда кемінде бір рет сыртқы тексеруді жүргізеді.

Тарау 3. 3-тарау. Ақпараттық активтерді санатқа жатқызуға қойылатын талаптар

3-тарау. Ақпараттық активтерді санатқа жатқызуға қойылатын талаптар

Тармақ 33

33. Банк, ұйым олардың иелерін көрсете отырып, маңызды ақпараттық активтердің тізбесін қалыптастырады.

Тармақ 34

34. Банк, ұйым Талаптарға сәйкес маңызды санатына жатқызылған ақпараттық активтердің, сондай-ақ осы активтер кіретін ақпараттық жүйелердің ақпараттық қауіпсіздігін қамтамасыз етеді.

Тармақ 35

35. Маңызды емес санатына жатқызылған ақпараттық активтерді, сондай-ақ тұтастай осы активтерден тұратын ақпараттық жүйелерді қорғау әдістері мен құралдарын банк, ұйым дербес айқындайды.

Тарау 4. 4-тарау. Ақпараттық активтерге кіруді ұйымдастыруға қойылатын талаптар

4-тарау. Ақпараттық активтерге кіруді ұйымдастыруға қойылатын талаптар

Тармақ 36

36. Банктің, ұйымның қызметкерлеріне ақпаратқа кіру олардың функционалдық міндеттерін айқындайтын көлемде беріледі.

Тармақ 37

37. Банктің, ұйымның ақпараттық жүйелеріне кіруіне рұқсат беру ақпараттық жүйелерді пайдаланушылардың кіру құқықтарының олардың функционалдық міндеттеріне сәйкестігін қамтамасыз ету үшін рөлдерді қалыптастыру және енгізу жолымен жүргізіледі. Мұндай рөлдердің жиынтығы банк, ұйым электрондық нысанда немесе қағаз тасымалдағышта қалыптастыратын ақпараттық жүйеге кіру матрицасы болып табылады.

Тармақ 38

38. Банктің, ұйымның ақпараттық жүйелеріне кіру матрицаларын құру және пайдалану процесі Талаптардың 9-тарауына сәйкес банктің, ұйымның ішкі құжатында айқындалады.

Тармақ 39

39. Банктің, ұйымның ақпараттық жүйелеріне кіру ақпараттық жүйелерді пайдаланушыларды сәйкестендіру және аутентификациялау арқылы жүзеге асырылады. Банктің, ұйымның ақпараттық жүйелерін пайдаланушыларды сәйкестендіру және аутентификациялау мынадай тәсілдердің бірі арқылы:

Тармақша 1

1) «есептік жазба (сәйкестендіруші) – құпиясөз» деген жұпты енгізу немесе екі факторлы аутентификациялау тәсілдерін қолдану арқылы (үш фактордың ішінен екеуін қолданумен: білім, иелік ету, ажырамастық);

Тармақша 2

2) биометриялық және (немесе) криптографиялық және (немесе) аппараттық аутентификациялау тәсілдерін пайдалану арқылы жүргізіледі.

Тармақ 40

40. Банктің, ұйымның ақпараттық жүйелерінде тек пайдаланушылардың дербестендірілген есептік жазбалары пайдаланылады.

Тармақ 41

41. Технологиялық есептік жазбалар ақпараттық қауіпсіздік бөлімшесі басшысының келісімі бойынша ақпараттық технологиялар бөлімшесінің басшысы бекітетін, оларды пайдалануға және өзектілігі үшін дербес жауапты адамдарды көрсете отырып, әрбір ақпараттық жүйе үшін осындай есептік жазбалардың тізбесіне сәйкес пайдаланылады.

Тармақ 42

42. Банктің, ұйымның ақпараттық жүйелерінде Талаптардың 9-тарауына сәйкес банк, ұйым айқындайтын есептік жазбаларды және құпиясөздерді басқару, сондай-ақ пайдаланушылардың есептік жазбаларын оқшаулау бойынша функциялар пайдаланылады.

Тарау 5. 5-тарау. Ақпараттық инфрақұрылымның қауіпсіздігін қамтамасыз етуге қойылатын талаптар

5-тарау. Ақпараттық инфрақұрылымның қауіпсіздігін қамтамасыз етуге қойылатын талаптар

Тармақ 43

43. Банктің, ұйымның ақпараттық технологиялар бөлімшесі мыналарды:

Тармақша 1

1) элементтерінің нақты орналасқан жерін көрсете отырып, ақпараттық инфрақұрылымның жалпы схемасын қалыптастыру және бекіту процесін;

Тармақша 2

2) ақпараттық активті немесе ақпараттық активтер тобын конфигурациялау құқығы берілген банктің, ұйымның жауапты қызметкерлерін (бұдан әрі – әкімшілер) тағайындау процесін;

Тармақша 3

3) мынадай: операциялық жүйелердің; дерекқорды басқару жүйелерін; телекоммуникациялық құрылғыларды; ақпараттық жүйелерді; ақпараттық инфрақұрылымның тораптары мен соңғы нүктелерін, жұмыс станцияларын, оның ішінде қорғау аясының шегінен тыс тасымалдау және пайдалану үшін ыңғайлы нысанда жасалған дербес компьютерлерді (бұдан әрі – ноутбук) және операциялық жүйенің мобильді нұсқасы негізінде жұмыс істейтін жеке пайдаланылатын электрондық құрылғыларды (бұдан әрі - мобильді құрылғы) құжаттамалау және типтік теңшеулерін бекіту процесін әзірлейді және оларды іске асыруды қамтамасыз етеді.

Тармақ 44

44. Ақпараттық қауіпсіздік бөлімшесі банктің, ұйымның ақпараттық активтеріндегі жүйелік және конфигурациялық файлдардың, сондай-ақ аудиторлық із журналдарының қауіпсіздік теңшеулерінің және тұтастығының өзгеруін бақылау жүйесін ұйымдастыруды қамтамасыз етеді.

Тармақ 45

45. Банк, ұйым авторизацияланбаған құрылғылардың не теңшеулері банктің, ұйымның ішкі құжатында белгіленген ақпараттық қауіпсіздікті қамтамасыз ету тәртібіне қайшы келетін құрылғылардың ақпараттық инфрақұрылымына кіру тәуекелін төмендететін ұйымдастыру іс-шараларын жүргізеді және (немесе) бағдарламалық-техникалық құралдарды орнатады.

Тармақ 46

46. Банктің, ұйымның әрбір ақпараттық активі үшін ақпараттық жүйенің немесе шағын жүйенің кем дегенде бизнес-иесі, сондай-ақ АТ-менеджері және (немесе) әкімшісі анықталады.

Тармақ 47

47. Ақпараттық инфрақұрылым объектілерін құруға (жаңғыртуға) техникалық тапсырмаларды әзірлеу кезінде ақпараттық жүйенің немесе шағын жүйенің бизнес-иесі ақпараттық қауіпсіздік талаптарын ескереді.

Тармақ 48

48. Банк, ұйым ақпараттық жүйенің жұмыс істеуге қабілетті көшірмесін қалпына келтіруді қамтамасыз ететін ақпараттық жүйелер деректерінің, олардың файлдарының және теңшеулерінің резервтік сақталуын қамтамасыз етеді. Ақпаратты резервтік көшіру, сақтау, қалпына келтіру тәртібі мен кезеңділігін, резервтік көшірмелерден маңызды ақпараттық жүйелердің жұмыс істеу қабілетін қалпына келтіруді тестілеуден өткізу кезеңділігін банк, ұйым айқындайды.

Тармақ 49

49. Банк, ұйым ақпараттық инфрақұрылымды вирусқа қарсы қорғауды Талаптардың 9-тарауына сәйкес банк, ұйым айқындаған тәртіппен қамтамасыз етеді.

Тармақ 50

50. Банктің, ұйымның деректерді өңдеу орталықтарының заттай қауіпсіздігін қамтамасыз ету тәртібін Талаптардың 9-тарауына сәйкес банк, ұйым айқындайды.

Тармақ 51

51. Банк, ұйым қызметкерлерінің жұмыс станцияларына, ноутбуктеріне және корпоративтік мобильді құрылғыларына олардың функционалдық міндеттеріне сәйкес бағдарламалық қамтылым орнатылады.

Тармақ 52

52. Ақпараттық технологиялар бөлімшесі банкте, ұйымда пайдалануға рұқсат етілетін бағдарламалық қамтылымның тізбесін қалыптастырады және жаңартады. Бағдарламалық қамтылым ақпараттық қауіпсіздік бөлімшесі тексеру жүргізгеннен кейін тізбеге енгізіледі.

Тармақ 53

53. Банк, ұйым Талаптардың 9-тарауына сәйкес банктің, ұйымның жұмыс станцияларын, ноутбуктар мен мобильді құрылғыларын, сондай-ақ ақпарат тасымалдағыштарының және желілік ресурстарын қорғауды қамтамасыз ететін ұйымдық және техникалық шараларды айқындайды.

Тарау 6. 6-тарау. Ақпаратты криптографиялық қорғау құралдарына қойылатын талаптар

6-тарау. Ақпаратты криптографиялық қорғау құралдарына қойылатын талаптар

Тармақ 54

54. Ақпараттық жүйенің бизнес-иесі ақпаратты криптографиялық қолдау құралдарын енгізу және қолдау процесін ақпараттық қауіпсіздік бөлімшесімен келіседі.

Тармақ 55

55. Банк, ұйым Талаптардың 9-тарауына сәйкес ақпаратты криптографиялық қорғау құралдарын пайдалану тәртібін айқындайды. Банк, ұйым олардың мақсатын, оларда іске асырылатын криптографиялық алгоритмдерді, ақпараттық жүйенің атауын, ақпаратты криптографиялық қорғау құралдарын пайдаланатын ақпараттық жүйенің иесін көрсете отырып, қолданылатын ақпаратты криптографиялық қорғау құралдарының тізбесін бекітеді.

Тарау 7. 7-тарау. Үшінші тұлғалардың банктің, ұйымның ақпараттық активтеріне кіруі кезінде ақпараттық қауіпсіздікті қамтамасыз етуге қойылатын талаптар

7-тарау. Үшінші тұлғалардың банктің, ұйымның ақпараттық активтеріне кіруі кезінде ақпараттық қауіпсіздікті қамтамасыз етуге қойылатын талаптар

Тармақ 56

56. Банк, ұйым банктің, ұйымның қызметкерлері немесе клиенттері болып табылмайтын үшінші тұлғалардың (бұдан әрі – үшінші тұлғалар) банктің, ұйымның ақпараттық активтеріне кіру кезінде ақпараттық қауіпсіздікті қамтамасыз етеді.

Тармақ 57

57. Үшінші тұлғалардың банктің, ұйымның ақпараттық активтеріне кіру рұқсаты Қазақстан Республикасының заңнамасында көзделген жағдайларды қоспағанда, ақпараттық қауіпсіздік талаптарын сақтау туралы талаптарды қамтитын келісім, шарт негізінде жүргізілетін жұмыстарда айқындалатын кезеңге және көлемде беріледі. Үшінші тұлғалармен жасалатын ақпараттық қауіпсіздік талаптарын сақтау туралы келісімдерде, шарттарда конфиденциалдылық туралы ережелер, ақпараттық қауіпсіздіктің бұзылуы салдарынан туындаған шығынды қайтару туралы, сондай-ақ үшінші тұлғалардың араласуы салдарынан болған ақпараттық жүйелердің жұмысындағы іркілістер және үшінші тұлғалардың әрекетінен немесе әрекетсіздігінен болған олардың қауіпсіздігін бұзуы салдарынан туындаған зиянды өтеу туралы талаптар қамтылады.

Тармақ 58

58. Банктің, ұйымның қызметіне тексеруді жүзеге асырған не тиісті кіру рұқсаты немесе ақпарат ұсынғанға дейін уәкілетті орган ақпарат сұратқан кезде уәкілетті орган өкілдерінің өкілеттіктері тексеріледі.

Тармақ 59

59. Үшінші тұлғалардың қызметін бақылауды қамтамасыз ету мақсатында мынадай ұйымдастыру және (немесе) бағдарламалық-техникалық шаралар көзделеді:

Тармақша 1

1) үшінші тұлғалар қызметінің нәтижесін тексеру;

Тармақша 2

2) үшінші тұлғалардың қызметін банк, ұйым қызметкерлерінің қатысуымен ғана жүзеге асыру;

Тармақша 3

3) үшінші тұлғалардың іс-қимылдары бойынша аудиторлық ізді жүргізу;

Тармақша 4

4) банктің, ұйымның ақпараттық активтеріне кіру сессиясын жазу.

Тармақ 60

60. Үшінші тұлғаларға банктің, ұйымның ақпараттық активтерінің бір бөлігін беру (серверлік қуаттарды тысқары деректерді өңдеу орталықтарына орналастыру, деректерді өңдеу және/немесе сақтаудың сыртқы сервистерін пайдалану) жағдайында ақпараттық қауіпсіздікті қамтамасыз етудің мынадай шаралары қабылданады:

Тармақша 1

1) үшінші тұлғамен жасалған тиісті келісімде, шартта банктің, ұйымның ақпараттық активтерін қорғау жөніндегі талаптарды және банктің, ұйымның осындай талаптардың орындалуын тексеру құқығын, сондай-ақ қауіпсіздікті және ақпараттық жүйелердің жұмыс істеу қабілетінің бұзылуы салдарынан туындаған шығынды қайтару туралы талаптарды көрсету;

Тармақша 2

2) Қазақстан Республикасының азаматтық, банк заңнамасына, Қазақстан Республикасының дербес деректер және оларды қорғау туралы заңнамасына сәйкес үшінші тұлғаларға беруге жол берілмейтін ақпаратқа үшінші тұлғалардың қол жеткізу мүмкіндігін болдырмау. Бұлттық сервистерді пайдалану кезінде осы мақсаттар үшін банк, ұйым тарапынан ақпаратты жариялаумен, ақпаратты шифрланған түрде сақтау әдісі қолданылады. Бұл ретте шифрлау кілті банкте, ұйымда сақталады.

Тарау 8. 8-тарау. Ақпараттық қауіпсіздіктің жай-күйіне ішкі тексерулер жүргізуге қойылатын талаптар

8-тарау. Ақпараттық қауіпсіздіктің жай-күйіне ішкі тексерулер жүргізуге қойылатын талаптар

Тармақ 61

61. Ақпараттық қауіпсіздіктің жай-күйі мынадай тексеру жүргізу арқылы бағаланады:

Тармақша 1

1) ақпараттық қауіпсіздік бөлімшесі – атқарушы органның ақпараттық қауіпсіздік бөлімшесіне жетекшілік ететін мүшесі бекітетін жоспарға сәйкес, сондай-ақ банктің, ұйымның басқару органы басшысының жеке өкімі бойынша;

Тармақша 2

2) ішкі аудит бөлімшесі – банктің, ұйымның ішкі аудит жүйесін ұйымдастыруды реттейтін банктің, ұйымның ішкі құжаттарына сәйкес аудиторлық тексерулердің жылдық жоспары шеңберінде.

Тармақ 62

62. Ақпараттық қауіпсіздік бөлімшесі тексерудің нәтижесі бойынша тексеру материалдарын тіркей отырып, есеп жасайды, оны банктің, ұйымның тексерілетін бөлімшесіне мәлімет үшін жібереді.

Тарау 9. 9-тарау Ақпараттық қауіпсіздікті басқару жүйесінің процестеріне қойылатын талаптар

9-тарау Ақпараттық қауіпсіздікті басқару жүйесінің процестеріне қойылатын талаптар

Тармақ 1. 1-параграф. Ақпараттық жүйелерге кіруді ұйымдастыру процесіне қойылатын талаптар

1-параграф. Ақпараттық жүйелерге кіруді ұйымдастыру процесіне қойылатын талаптар

Тармақ 63

63. Ақпараттық жүйеге кіру матрицасын құру процесін банк, ұйым белгіленген тәртіппен жүзеге асырады және мынадай кезеңдерден тұрады:

Тармақша 1

1) ақпараттық жүйенің бизнес-иесі банктің, ұйымның ақпараттық жүйесіне кіру матрицасын құруға және белсенділігін қамтамасыз етеді;

Тармақша 2

2) бизнес-процестің иесі ақпараттық жүйенің АТ-менеджерімен бірлесе отырып, қызметкерлердің функционалдық міндеттерінде айқындалатын көлемде ақпараттық жүйеде рөлдердің қалыптасуын және өзектілігін қамтамасыз етеді;

Тармақша 3

3) қалыптастырылған рөлдер ақпараттық жүйенің бизнес-иесімен келісіледі;

Тармақша 4

4) банк, ұйым қолданыстағы автоматтандырылған бақылауларды айналып өтуге мүмкіндік беретін кірудің қайшылықты құқықтарын рөлдерде алып тастауды қамтамасыз етеді;

Тармақша 5

5) ақпараттық жүйенің АТ-менеджері ақпараттық жүйеде рөлдерді іске асырады;

Тармақша 6

6) ақпараттық жүйенің немесе шағын жүйенің бизнес-иесі және бизнес-процестің иесі құрылған рөлдерді тестілеуден өткізеді;

Тармақша 7

7) ақпараттық жүйенің АТ-менеджері ақпараттық жүйеге рөлдерді енгізеді.

Тармақ 64

64. Ақпараттық жүйеге кіру матрицасына өзгерістер мен толықтыруларды енгізу Талаптардың 63-тармағында белгіленген тәртіппен жүзеге асырылады.

Тармақ 65

65. Банктің, ұйымның ақпараттық жүйесіне кіруді басқарудың тетігі мыналарды:

Тармақша 1

1) жаңа пайдаланушыны қосымша деңгейінде тіркеу мүмкіндігін;

Тармақша 2

2) пайдаланушыларға ақпараттық жүйелерге рольдер арқылы ғана кіру құқықтарын тағайындауды;

Тармақша 3

3) пайдаланушыларға ақпараттық жүйенің немесе шағын жүйенің бизнес-иесімен келісе отырып және ақпараттық қауіпсіздік бөлімшесіне хабарлай отырып, ақпараттық жүйеде бар рөлге қосымша жекелеген құқықтар беруді;

Тармақша 4

4) пайдаланушылардың рольдеріне ілеспе қызмет көрсетуді (құру, өзгерту, жою);

Тармақша 5

5) транзакциялық жүйелер үшін бірдей есептік деректер арқылы әр түрлі аппараттық құралдардан (компьютерлерден) бірмезгілде кіруді оқшаулау мүмкіндігін;

Тармақша 6

6) аудиторлық із жүргізуді қамтамасыз етеді.

Тармақ 66

66. Банктің, ұйымның ақпараттық жүйесінің деректеріне кіруді басқару тетігі мыналарды қамтиды:

Тармақша 1

1) пайдаланушыларға ақпараттық жүйенің деректеріне қосымша арқылы ғана кіруді қамтамасыз ету;

Тармақша 2

2) ақпараттық жүйенің деректеріне қосымшаны айналып өтіп, кіруді ұсыну ақпараттық қауіпсіздік бөлімшесімен келісу бойынша жүзеге асырылады;

Тармақша 3

3) ақпараттық технологиялар бөлімшесінің қосымшаны айналып өтіп, деректерге тікелей кіруге рұқсат берілген пайдаланушылар тізбесін қалыптастыруы және жаңартуы.

Тармақ 67

67. Қызметкердің функционалдық міндеттері өзгерген кезде қолда бар кіру құқықтары ажыратылады және оның жаңа функционалдық міндеттеріне сәйкес жаңа кіру құқықтары тағайындалады. Қызметкер жұмыстан босатылған кезде жұмыстан босатылған күннен бастап бір тәуліктен асырмай оның барлық есептік жазбалары ажыратылады.

Тармақ 68

68. Ақпараттық қауіпсіздік бөлімшесі кіру матрицаларына сәйкес ақпараттық жүйелерге кіру құқықтарының дұрыстығына тексеру, сондай-ақ жұмыстан босатылған қызметкерлердің кіру құқықтарының ажыратылуына бақылау жүргізеді.

Тармақ 69

69. Ақпараттық жүйелердің және шағын жүйелердің бизнес-иелері ақпараттық жүйелерге кіру рөлдері мен құқықтарын қайта қарауды банктің, ұйымның мүдделі бөлімшелерін тарта отырып, жылына кемінде бір рет жүргізеді.

Тармақ 70

70. Банкте, ұйымдарда осы параграфтың бір немесе бірнеше талабын іске асыруға техникалық мүмкіндіктер болмаған кезде, ақпараттық қауіпсіздік тәуекелдерінің әсерін ішінара немесе толық болдырмау бойынша қосымша техникалық және ұйымдастыру шаралары түріндегі өтеу шараларын қолданады.

Тармақ 2. 2-параграф. Пайдаланушылардың ақпараттық жүйелердегі құпиясөздерін және есептік жазбаларын оқшаулауды басқару процесіне қойылатын талаптар

2-параграф. Пайдаланушылардың ақпараттық жүйелердегі құпиясөздерін және есептік жазбаларын оқшаулауды басқару процесіне қойылатын талаптар

Тармақ 71

71. Банктің, ұйымның ақпараттық жүйелерінде пайдаланушылардың құпиясөздерін және есептік жазбаларын оқшаулауды басқару жөніндегі функцияның мынадай өлшемдері қолданылады:

Тармақша 1

1) құпиясөздің ең қысқа ұзындығы – осы өлшемнің мәні 8 символдан тұрады. Құпиясөзді осы өлшемге сәйкестігін тексеру құпиясөз ауысқан сайын жүргізіледі, сәйкес келмеген жағдайда – пайдаланушыға хабарлама жіберіледі;

Тармақша 2

2) құпиясөздің күрделілігі – құпиясөзде кемінде символдардың үш тобының: кішкентай әріптер, бас әріптерінің, цифрлық мәндердің, арнайы символдардың болуын тексеру мүмкіндігі. Құпиясөздің осы өлшемге сәйкестігін тексеру құпиясөз ауысқан сайын жүргізіледі, сәйкес келмеген жағдайда – пайдаланушыға хабарлама жіберіледі;

Тармақша 3

3) құпиясөздің тарихы – жаңа құпиясөз кемінде алдыңғы жеті құпиясөзді қайталамайды. Құпиясөздің осы өлшемге сәйкестігін тексеру құпиясөз ауысқан сайын жүргізіледі, сәйкес келмеген жағдайда – пайдаланушыға хабарлама жіберіледі;

Тармақша 4

4) құпиясөздің ең қысқа пайдалану мерзімі – 1 (бір) жұмыс күні;

Тармақша 5

5) құпиясөздің ең ұзақ пайдалану мерзімі – күнтізбелік 60 (алпыс) күннен аспайды. Құпиясөздің осы өлшемге сәйкестігін тексеру ақпараттық жүйеге кірген сайын және құпиясөз ауысқан кезде жүргізіледі. Құпиясөздің ең ұзақ пайдалану мерзімі аяқталғанға дейін күнтізбелік 7 (жеті) күн және одан аз күн қалған жағдайда пайдаланушыға тиісті хабарлама жіберіледі. Құпиясөздің ең ұзақ қолданылу мерзімі аяқталғаннан кейін ақпараттық жүйе кіруді оқшаулайды және құпиясөзді міндетті түрде ауыстыруды талап етеді;

Тармақша 6

6) ақпараттық жүйеге бірінші рет кіру кезінде, не әкімші құпиясөзді ауыстырғаннан кейін ақпараттық жүйе пайдаланушыдан бұл рәсімді орындамау мүмкіндігінсіз құпиясөзді ауыстыруды сұратуға тиіс. Осы қағида құпиясөздің қолданылу мерзімі туралы қағидадан басым болады;

Тармақша 7

7) ақпараттық жүйеде пайдаланушының белсенділігі күнтізбелік 30 (отыз) күннен аса болмаған жағдайда, оның есептік жазбасы автоматты түрде оқшауланады;

Тармақша 8

8) дұрыс емес құпиясөзді қатарынан бес рет енгізген кезде пайдаланушының есептік жазбасы уақытша оқшауланады;

Тармақша 9

9) пайдаланушы 30 (отыз) минуттан аса белсенді болмаған кезде ақпараттық жүйе пайдаланушының жұмыс істеу сеансын автоматты түрде аяқтайды, не пайдаланушының аутентификациялық деректерін енгізген кезде ғана оқшалаусыздандыру мүмкіндігімен жұмыс станциясын оқшаулайды.

Тармақ 72

72. Талаптардың 71-тармағының талаптары мынадай:

Тармақша 1

1) ақпараттық жүйе Талаптардың 71-тармағының талаптарына сәйкес келетін ақпараттық жүйемен аутентификациялау бөлігінде ықпалдастырылған;

Тармақша 2

2) бір ақпараттық жүйенің функциялары басқа ақпараттық жүйеде авторизацияланбаған кіру тәуекелін барынша азайтқан жағдайларда қолданылмайды.

Тармақ 73

73. Банк, ұйым құпиясөздерді және есептік жазбаларды басқару процесін айқындайды және мыналарды қамтиды:

Тармақша 1

1) ақпараттық жүйелер әкімшілерінің ақпараттық жүйелерді пайдаланушылардың есептік жазбаларын басқару және олардың құпиясөздерін ауыстыру;

Тармақша 2

2) есептік жазбаларды құруға өтінімдерді беру және қарау, сондай-ақ штаттан тыс оқиға туындаған кезде құпиясөзді өзгерту;

Тармақша 3

3) есептік жазбаларды өзгертуге немесе жоюға өтінімдер беру;

Тармақша 4

4) есептік жазбаларды құруға, өзгертуге немесе жоюға өтінім беретін тұлғаларды сәйкестендіру, сондай-ақ құпиясөзді өзгерту;

Тармақша 5

5) құпиясөздерді үшінші тұлғаларға, ақпараттық жүйелерді басқарушыларға және банктің, ұйымның өзге де қызметкерлеріне заңсыз беруге тыйым салу;

Тармақша 6

6) пайдаланушыны дәлме-дәл сәйкестендіруді қамтамасыз ету кезінде көрсетілген уақыт аралығында ақпараттық қауіпсіздік бөлімшесімен келісім бойынша қызметтің үздіксіздігін қамтамасыз ету мақсатында бөтен есептік жазбаға қол жеткізуді ұсынуды қоспағанда, ақпараттық жүйелерде бөтен есептік жазбалармен жұмыс істеуге жол бермеу болып табылады.

Тармақ 3. 3-параграф. Ақпарат қауіпсіздігін қамтамасыз ету процесіне қойылатын талаптар

3-параграф. Ақпарат қауіпсіздігін қамтамасыз ету процесіне қойылатын талаптар

Тармақ 74

74. Интернетті және электрондық поштаны пайдаланған кезде ақпаратты қорғау процесін банк, ұйым мынадай әдістердің кез келгенін пайдалана отырып, бірақ олармен шектелмей айқындайды:

Тармақша 1

1) ұйымдастырушылық: банк, ұйым айқындайтын шектеулер, қызметкерлердің хабардар болуын қамтамасыз ету, Интернет желісіне, жедел хабарламалар қызметіне, бұлттық сервистерге, IP-телефонияға және сыртқы электрондық почтаға кіру рұқсаты бар қызметкерлердің санын шектеу;

Тармақша 2

2) бағдарламалық-техникалық: пайдаланушылар санын және олардың интернет-ресурстарына кіруін шектеу, Интернетке, оның ішінде жедел хабарламалар қызметі, IP-телефония және сыртқы электрондық почта арқылы берілетін ақпаратты бақылау, Интернетке кіруді терминалдық сервер арқылы беру, желі сегменттерін бөлу, сыртқы электрондық почтаның архивін жүргізу (сақтау мерзімін банк, ұйым айқындайды, осы архивтегі ақпаратты өзгертуге немесе жоюға кіруді шектеу), банктің, ұйымның ақпараттық инфрақұрылымының қорғау шегіне бағытталған шабуылдарға қарсы іс-қимыл жасау жүйелерін пайдалану, жіберілетін ақпаратты шифрлау.

Тармақ 75

75. Сыртқы электрондық ақпаратты тасымалдағыштарды пайдаланған кезде ақпаратты қорғау үшін мынадай әдістердің кез келгені қолданылады, бірақ олармен шектелмейді:

Тармақша 1

1) ұйымдастырушылық: банк, ұйым айқындайтын шектеулер, қызметкерлердің хабардар болуын қамтамасыз ету, сыртқы ақпарат тасымалдағыштарға жазба жасауға кіру рұқсаты бар қызметкерлердің санын шектеу;

Тармақша 2

2) бағдарламалық-техникалық: ақпаратты сыртқы тасымалдағыштарға жазуды шектеуді, бақылауды және шифрлауды қамтамасыз ететін бағдарламалық-техникалық құралдарды пайдалану; банк, ұйым қызметкерлерінің жұмыс станцияларында немесе серверлерде пайдаланылмайтын енгізу-шығару порттарын және сыртқы тасымалдағышта жазба жасау құрылғыларын ажырату.

Тармақ 76

76. Қағаз тасымалдағыштарды пайдалану кезінде ақпаратты қорғау үшін мынадай әдістердің кез келгені пайдаланылады, бірақ олармен шектелмейді:

Тармақша 1

1) ұйымдастырушылық: банк, ұйым айқындайтын шектеулер, қызметкерлердің хабардар болуын қамтамасыз ету, қорғалатын ақпарат қамтылған құжаттармен жұмыс жасауға кіру рұқсаты бар қызметкерлердің санын шектеу;

Тармақша 2

2) бағдарламалық-техникалық: ақпаратты қағаз тасымалдағыштарына шығаруды бақылауды қамтамасыз ететін бағдарламалық-техникалық құралдарды пайдалану.

Тармақ 77

77. Штаттық ақпарат тасымалдағыштар жоғалған жағдайда, ақпаратты қорғау үшін мынадай әдістердің кез келгені пайдаланылады, бірақ олармен шектелмейді:

Тармақша 1

1) ұйымдастырушылық: банк, ұйым айқындайтын шектеулер, банктің, ұйымның шегінің нақты қауіпсіздігін қамтамасыз ету, қызметкерлердің хабардар болуын қамтамасыз ету, ақпарат тасымалдағыштарын жарамсыз ету нормалары;

Тармақша 2

2) бағдарламалық-техникалық: жүйелік блоктарды ашуды бақылайтын құралдарды пайдалану, жұмыс станцияларында, серверлерде ақпаратты шифрлау, дерекқорын басқару жүйелерінде ақпаратты шифрлау немесе токендеу (түпнұсқа деректерді кездейсоқ деректер (токен) жинағын пайдалана отырып қандай да бір суррогатпен ауыстыру).

Тармақ 78

78. Қорғалатын ақпаратты жою оны қалпына келтіруді болдырмайтын әдістермен, тасымалдағыштың түріне байланысты аталған ақпарат жоюдың мына әдістерінің кез келгенін пайдалана отырып, жүргізіледі:

Тармақша 1

1) ақпарат тасымалдағышты нақты жою;

Тармақша 2

2) ақпарат тасымалдағышқа электромагниттік әсер ету (магниттік тасымалдағыштар үшін);

Тармақша 3

3) электрондық ақпаратты мамандандырылған бағдарламалық құралдармен бағдарламалық жою.

Тармақ 4. 4-параграф. Ақпараттық инфрақұрылымның қорғау шегінің қауіпсіздігін қамтамасыз ету процесіне қойылатын талаптар

4-параграф. Ақпараттық инфрақұрылымның қорғау шегінің қауіпсіздігін қамтамасыз ету процесіне қойылатын талаптар

Тармақ 79

79. Банк, ұйым ақпараттық-коммуникациялық инфрақұрылымының қорғау шегін (бұдан әрі – қорғау шегі) айқындайды. Ақпараттық технологиялар бөлімшесі қорғау шегінің схемасын және қорғау шегінің қауіпсіздігін қамтамасыз ету құралдары басқарушыларының тізбесін бекітеді және жұмыс істейтін жағдайда қолдайды.

Тармақ 80

80. Банктің, ұйымның қорғау шегінен шығатын қалалық телефон желісімен қосылғыштарды қоспағанда, телекоммуникациялық қосылғыштар.

Тармақ 81

81. Телекоммуникациялық қосылғыштарды шифрлау ақпараттық қауіпсіздік жөніндегі бөлімшемен келісілген әдістермен жүргізіледі.

Тармақ 82

82. Талаптардың 80 және 81-тармақтарында көрсетілген телекоммуникациялық қосылғыштарды шифрлаумен бірге берілетін ақпаратты шифрлау қолданылады.

Тармақ 83

83. Қорғау шегінде ақпараттық инфрақұрылымға кіруді шектеу үшін желіаралық экрандар орнатылады.

Тармақ 84

84. Желіаралық экрандар орнатылған кіру қағидалары банктің, ұйымның ақпараттық активтерінің жұмыс істеп тұру үшін пайдаланылмаған қосылғыштарды оқшаулауға теңшеледі. Көрсетілген қағидалар ақпараттық қауіпсіздік бөлімшесімен келісіледі. Қорғау шегіне жасалған шабуылдарды анықтау және көрсету үшін басып кіруді анықтау және алдын алу құралдары пайдаланылады.

Тармақ 85

85. Банк, ұйым «қызмет көрсетуден бас тарту» сияқты шабуылдарды болдырмау шараларын қолдануды қамтамасыз етеді. Аталған шараларды іске асыру кезінде қорғау шегін қамтамасыз ету жүйесінің штаттық тетіктері және (немесе) қорғау шегінің қауіпсіздігін қамтамасыз етудің қосымша әдісі пайдаланылады.

Тармақ 86

86. Банктің, ұйымның ақпараттық активтеріне қорғау шегінен тыс жерден кіруді пайдаланушыны аутентификациялау арқылы қорғау шегінде шифрленген арна бойынша ғана ұсынылады. Қорғау шегінен тыс жерден ақпараттық жүйелерге кіру екі факторлық аутентификациялау әдісін пайдалана отырып қана ұсынылады (үш фактордың ішінен екеуін пайдалану арқылы: «мен нені білем», «менде не бар», «мен кіммін»).

Тармақ 87

87. Пайдаланушыларға Интернет желісінің ресурстарына кірудің, сондай-ақ сыртқы электрондық поштаны пайдаланудың қауіпсіздігін қамтамасыз ету үшін тиісті шлюздер орнатылады, олар мыналарды:

Тармақша 1

1) трафикті зиянды кодтан тазалауды;

Тармақша 2

2) деструктивті функциялары бар Интернет ресурсты бұғаттауды;

Тармақша 3

3) пошта трафигін спамнан тазалауды қамтамасыз етеді;

Тармақша 4

4) кіріс электрондық поштаны жөнелтушінің домендік атауын аутентификациялауды және криптографиялық алгоритмдерді пайдалана отырып, шығыс электрондық поштаның домендік атауын аутентификациялау мүмкіндігін қамтиды.

Тармақ 88

88. Қорғау шегінің қауіпсіздігін қамтамасыз ету құралының конфигурациясы өндірушілердің ұсынымдарын ескере отырып орындалады және банк, ұйым айқындаған кезеңділікпен қайта қаралады. Алдын ала белгіленген есептік жазбаларға құпиясөздер міндетті тәртіпте өзгертіледі. Пайдаланылмаған, алдын ала белгіленген есептік жазбалар бұғатталады немесе жойылады.

Тармақ 89

89. Осы саладағы тәуелсіз сыртқы сарапшылар банк, ұйым айқындаған кезеңділікпен ақпараттық инфрақұрылымға рұқсатсыз кіруге тестілеу жүргізеді. Осы тестілеудің шегінде, жүйелік және қолданбалы бағдарламалық қамтылымның осал жерлерін іздестіру және пайдалану мүмкіндіктерінен басқа «қызмет көрсетуден бас тарту» шабуылына ұқсатып жүктеме тестілеу жүргізіледі.

Тармақ 5. 5-параграф. Ақпараттық инфрақұрылымды қорғауды қамтамасыз ету процесіне қойылатын талаптар

5-параграф. Ақпараттық инфрақұрылымды қорғауды қамтамасыз ету процесіне қойылатын талаптар

Тармақ 90

90. Ақпараттық жүйенің АТ-менеджері ақпараттық активтің жүйелік уақытын эталондық уақыттың орталықтандырылған дереккөзімен үйлестіруді қамтамасыз етеді.

Тармақ 911

911. Ақпараттық технологиялар бөлімшесі ішкі желілік инфрақұрылымды кемінде мынадай сегменттерге:

Тармақша 1

1) клиенттік (пайдаланушылық);

Тармақша 2

2) серверлік (инфрақұрылымдық);

Тармақша 3

3) әзірлемелер (бар болса);

Тармақша 4

4) тестілік бөлуді қамтамасыз етеді.

Тармақ 92

92. Желілік инфрақұрылым сегменттері арасында ақпараттық активтердің жұмыс істеуі үшін пайдаланылмаған қосылғыштарды оқшаулауға рұқсат беру қағидалары теңшеледі.

Тармақ 93

93. Банк, ұйым ақпараттық инфрақұрылымды қорғау мақсатында банктің, ұйымның ақпараттық инфрақұрылымындағы болжанбаған (аномальді) белсенділікті анықтауға мүмкіндік беретін әдістерді немесе жүйелерді қолданады.

Тармақ 94

94. Банк, ұйым ақпараттық инфрақұрылымның түпкілікті құрылғыларына қауіпсіздіктің қажетті теңшеуін орнатуға мүмкіндік беретін операциялық жүйелердің, желілік архитектуралардың немесе бағдарламалық қамтылымның мүмкіндіктерін пайдалана отырып қауіпсіздіктің топтық саясаттарын құру және қолдану жөніндегі ұйымдық және (немесе) техникалық шараларды қолданады. Қауіпсіздіктің топтық саясатынан ақпараттық инфрақұрылымның түпкілікті құрылғыларын алып тастау ақпараттық технологиялар бөлімшесімен келісіледі.

Тармақ 95

95. Банктің, ұйымның бірнеше ақпараттық активтерін бір серверде немесе гипервизорда орналастырған кезде осы серверде немесе гипервизорда орналастырылған барынша күрделі ақпараттық активке сәйкес келетін деңгейде қорғау қамтамасыз етіледі.

Тармақ 6. 6-параграф. Ақпараттық жүйелерді қорғауды қамтамасыз ету процесіне қойылатын талаптар

6-параграф. Ақпараттық жүйелерді қорғауды қамтамасыз ету процесіне қойылатын талаптар

Тармақ 96

96. Ақпараттық жүйелерді өнеркәсіптік пайдалану ортасында әзірлеу және пысықтау жүзеге асырылмайды.

Тармақ 97

97. Әзірлеу, тестілеу және өнеркәсіптік пайдалану орталары осы орталардың кез келгеніне енгізілген өзгерістер басқа ортада орналасқан ақпараттық жүйеге әсер етпейтіндей етіп бір-бірінен бөлінеді.

Тармақ 98

98. Қорғалатын ақпаратты әзірлеу және тестілеу ортасында пайдаланған жағдайда оларды қорғау бойынша тиісті шаралар қолданылады.

Тармақ 99

99. Банктің, ұйымның және әзірлеуді жүзеге асыратын тысқары ұйымдардың ақпараттық технологиялар бөлімшесі қызметкерлерінің ақпараттық жүйенің өзгерістерін өнеркәсіптік ортаға ауыстыру өкілеттіктері, сондай-ақ өнеркәсіптік ортадағы ақпараттық жүйелерге әкімшілік кіру рұқсаты жоқ.

Тармақ 100

100. Ақпараттық жүйені өнеркәсіптік пайдалануға енгізудің алдында онда қалыпты жағдай бойынша орнатылған қауіпсіздік теңшеулері банкте, ұйымда белгіленген ақпараттық қауіпсіздікке қойылатын талаптарына сәйкес келетін теңшеулерге өзгертіледі. Көрсетілген теңшеулер тестілеу кезінде пайдаланылатын құпиясөздерге ауыстыруды, сондай-ақ барлық тестілік есептік жазбаларды алып тастауды қамтуға тиіс.

Тармақ 101

101. Артықшылық берілген есептік жазбалардың пайдаланылуын бақылау:

Тармақша 1

1) ақпараттық жүйелер әкімшілерінің тізбесін жасау және бекіту (операциялық жүйе, дерекқорды басқару жүйесі, қосымша);

Тармақша 2

2) ақпараттық жүйелерді әкімшілендіру функцияларын орындау кезінде қосарланған бақылауды енгізу және (немесе) артықшылық берілген есептік жазбалардың пайдаланылуын бақылаудың арнайы кешендерін енгізу арқылы қамтамасыз етіледі.

Тармақ 102

102. Банктің, ұйымның ақпараттық жүйелері техникалық қолдаумен қамтамасыз етіледі, оның құрамына тиісті ақпараттық жүйенің жаңартуларын, оның ішінде қауіпсіздік жаңартуларын ұсыну қызметтері кіреді.

Тармақ 7. 7-параграф. Қызметкерлермен жұмыс жүргізу процесіне қойылатын талаптар

7-параграф. Қызметкерлермен жұмыс жүргізу процесіне қойылатын талаптар

Тармақ 103

103. Жұмысқа қабылдау кезінде банктің, ұйымның жаңа қызметкері қорғалатын ақпаратты жария етпеу туралы міндеттемеге қол қояды. Міндеттеме қызметкердің жеке ісіне тігіледі.

Тармақ 104

104. Жаңа қызметкер жұмысқа қабылданған кезде ол жұмысқа қабылданған сәттен бастап 5 (бес) жұмыс күнінен кешіктірмей ақпараттық қауіпсіздікті қамтамасыз ету жөніндегі негізгі талаптармен (кіріспе нұсқаулық) қолын қоя отырып танысады. Танысу нәтижелері тиісті нұсқаулық журналында немесе нұсқаулықтан өткенін растайтын жеке құжатта тіркеледі. Нұсқаулықтан өткенін растайтын жеке құжат қызметкердің жеке ісіне тігіледі.

Тармақ 105

105. Қызметкерді ақпараттық қауіпсіздікке қойылатын талаптармен танысқанға дейін оған маңызды емес ақпараттық активтерге ғана кіруге рұқсат етіледі.

Тармақ 106

106. Банктің, ұйымның қызметкерімен жасасқан еңбек шартында ақпараттық қауіпсіздікті қамтамасыз ету жөніндегі талаптарды сақтау туралы міндеттеме қамтылады.

Тармақ 107

107. Банк, ұйым қызметкерлердің ақпараттық қауіпсіздікті қамтамасыз ету мәселелері жөнінде хабардар болуын арттыру бағдарламасын әзірлейді. Бұл ретте қызметкерлердің хабардар болуын арттырудың мынадай әдістері қолданылуы мүмкін:

Тармақша 1

1) банктің, ұйымның ішкі құжаттарымен, сондай-ақ оларға енгізілген өзгерістермен және толықтырулармен танысу;

Тармақша 2

2) банктің, ұйымның атқарушы органы бекітетін банк, ұйым қызметкерлеріне тест жүргізу жоспарына сәйкес банктің, ақпараттық қауіпсіздік жөніндегі ұйымның ішкі құжаттарының талаптарын білуге арналған тест жүргізу;

Тармақша 3

3) банк, ұйым айқындаған әдістер.

Тармақ 108

108. Нұсқаулық жүргізу кезінде сондай-ақ хабардар болуды арттыру жөніндегі одан кейінгі іс-шаралар өткізу кезінде:

Тармақша 1

1) ақпараттық қауіпсіздікті қамтамасыз ету әдістері;

Тармақша 2

2) Қазақстан Республикасының банктік заңнамасында тыйым салынған ақпаратты таратуға тыйым салу;

Тармақша 3

3) банктің, ұйымның ақпараттық жүйелерінде құрылатын, сақталатын және өңделетін кез келген ақпаратты мониторингтеуді жүзеге асыруға банктің, ұйымның құқығы туралы ереже;

Тармақша 4

4) ақпараттық қауіпсіздікті қамтамасыз етуге қойылатын талаптар белгіленетін ішкі құжаттарды бұзғаны үшін көзделген жауапкершілік туралы талаптар.

Тармақ 109

109. Банк, ұйым ақпараттық қауіпсіздік, ақпараттық қауіпсіздік тәуекелдерін басқару бөлімшелері және ішкі аудит бөлімшесі қызметкерлерінің біліктілігін көтеруді мыналарды жүргізу арқылы қамтамасыз етеді:

Тармақша 1

1) ішкі іс-шаралар (лекциялар, семинарлар);

Тармақша 2

2) сырттай оқыту (курстарға, семинарларға қатысу – әрбір қызметкер үшін үш жылда кемінде бір реттен).

Тармақ 110

110. Қызметкер жұмыстан босатылған кезде, ақпараттық қауіпсіздікті қамтамасыз ету мақсатында мыналар бойынша іс-шаралар жүзеге асырылады:

Тармақша 1

1) банктің, ұйымның құжаттары мен ақпараттық активтерін қабылдау-өткізу;

Тармақша 2

2) куәліктерді, рұқсат қағаздарын және рұқсат ету құжаттарын тапсыру;

Тармақша 3

3) жұмыстан босатылатын қызметкерлермен конфиденциалды ақпаратты жария етпеу туралы нұсқама жүргізу;

Тармақша 4

4) ақпараттық жүйелерде есептік жазбаларды оқшаулау немесе жою.

Тармақ 8. 8-параграф. Ақпараттық жүйелерде аудиторлық із жүргізу процесіне қойылатын талаптар

8-параграф. Ақпараттық жүйелерде аудиторлық із жүргізу процесіне қойылатын талаптар

Тармақ 111

111. Ақпараттық жүйенің АТ-менеджері ұйымдастырушылық және техникалық деңгейде аудиторлық іздің жүргізілуін және өзгермеуін қамтамасыз етеді.

Тармақ 112

112. Банктің, ұйымның ақпараттық активтерінде аудиторлық із жүргізу функциясы пайдаланылады, ол мыналарды көрсетеді:

Тармақша 1

1) ақпараттық активте қосылғыштарды орнату, сәйкестендіру, аутентификациялау және іске қосу (сәтті және сәтсіз) оқиғалары;

Тармақша 2

2) қауіпсіздік теңшеулерін түрлендіру оқиғалары;

Тармақша 3

3) пайдаланушылардың топтарын және олардың өкілеттіктерін түрлендіру оқиғасы;

Тармақша 4

4) пайдаланушылардың есептік жазбаларын және олардың өкілеттіктерін түрлендіру оқиғасы;

Тармақша 5

5) ақпараттық жүйедегі жаңартуларды және (немесе) өзгерістерді орнатуды көрсететін оқиға;

Тармақша 6

6) аудиттің өлшемдерінің өзгеру оқиғасы;

Тармақша 7

7) жүйелік өлшемдердің өзгерістер оқиғасы.

Тармақ 113

113. Аудиторлық із форматы мынадай ақпаратты қамтиды:

Тармақша 1

1) іс-қимыл жасайтын пайдаланушының сәйкестендіргіші (логині);

Тармақша 2

2) іс-қимыл жасау күні және уақыты;

Тармақша 3

3) пайдаланушының жұмыс станциясының атауы және (немесе) іс-қимыл жасалған IP мекенжайы;

Тармақша 4

4) іс-қимыл жүргізілген объектілердің атауы;

Тармақша 5

5) жасалған іс-қимылдың түрі және атауы;

Тармақша 6

6) іс-қимылдың нәтижесі (сәтті және сәтсіз).

Тармақ 114

114. Аудиторлық ізді сақтау мерзімі жедел қолжетімділікте кемінде 3 (үш) айды және архивтік қолжетімділікте кемінде 1 (бір) жылды не жедел қолжетімділікте кемінде 1 (бір) жылды құрайды.

Тармақ 9. 9-параграф. Вирусқа қарсы қорғауды қамтамасыз ету процесіне қойылатын талаптар

9-параграф. Вирусқа қарсы қорғауды қамтамасыз ету процесіне қойылатын талаптар

Тармақ 115

115. Банк, ұйым лицензиялық вирусқа қарсы бағдарламалық қамтылымды немесе жұмыс стансаларында, ноутбуктарда, мобилді құрылғыларда, сол сияқты серверлерде, банкоматтарда және банктік киоскілерде бағдарламалық ортаның тұтастығы мен тұрақтылығын қамтамасыз ететін жүйелерді пайдаланады.

Тармақ 116

116. Банк, ұйым пайдаланатын вирусқа қарсы бағдарламалық қамтылым төмендегі талаптарға сәйкес келеді

Тармақша 1

1) белгілі сигнатурлар негізінде вирустарды анықтау;

Тармақша 2

2) эвристикалық талдау негізінде (вирустарға тән командалар мен тәртіптік талдауды іздестіру) вирустарды анықтау;

Тармақша 3

3) қосу кезінде ауыстырылатын тасымалдағыштарды сканерлеу;

Тармақша 4

4) кесте бойынша вирусқа қарсы базаны сканерлеуді және жаңартуды іске қосу;

Тармақша 5

5) басқарудың және мониторинг жүргізудің орталықтандырылған консолінің болуы;

Тармақша 6

6) пайдаланушы үшін вирусқа қарсы бағдарламалық қамтылымның, сондай-ақ вирусқа қарсы бағдарламалық қамтылымды жаңарту және вирустардың болмауын жоспарлы тексеру процестерінің жұмыс істеуін үзу мүмкіндігін оқшаулау;

Тармақша 7

7) виртуалды орта үшін – вирусқа қарсы бағдарламалық қамтылымның виртуалды орта қауіпсіздігінің қоса орнатылған функцияларын пайдалануы, мұндай мүмкіндіктер болмаған кезде – өндірушінің банк, ұйым пайдаланатын виртуалды орталарда вирусқа қарсы бағдарламалық қамтылымды тестіден өткізуі туралы растауы;

Тармақша 8

8) банкті, ұйымды қорғаудың периметрінен тыс пайдаланылатын мобилді құрылғылар және өзге де құрылғылар үшін желіаралық экранға шығарудың қоса орнатылған функцияларымен вирусқа қарсы бағдарламалық қамтылымды пайдалану.

Тармақ 117

117. Бағдарламалық ортаның тұтастығы мен тұрақтылығын қамтамасыз ететін жүйелерді пайдаланған кезде төмендегілер ең төменгі талаптар болып табылады:

Тармақша 1

1) жаңартуды және техникалық қолдауды көздейтін лицензиялық бағдарламалық қамтылымның болуы;

Тармақша 2

2) басқарудың және мониторинг жүргізудің орталықтандырылған консолінің болуы;

Тармақша 3

3) түпкілікті пайдаланушы үшін осы жүйенің жұмыс істеуін үзу үшін оқшаулау мүмкіндігінің болуы;

Тармақша 4

4) түпкілікті құрылғыларға орнату алдында вирусқа қарсы бағдарламалық қамтылым арқылы бағдарламалық ортаның бейінін тексеру мүмкіндігінің болуы;

Тармақша 5

5) қорғау шегінен тыс пайдаланылатын мобилді құрылғылар және өзге де құрылғылар үшін желіаралық экранның болуы.

Тармақ 118

118. Вирусқа қарсы бағдарламалық қамтылымды таңдауды ақпараттық технологиялар бөлімшесі ақпараттық қауіпсіздік бөлімшесінің міндетті қатысуымен жүргізеді.

Тармақ 119

119. Вирусқа қарсы бағдарламалық қамтылымды пайдаланушының барлық қызметтік процестерді барынша үздіксіз қолдануын қамтамасыз етеді (кесте бойынша сканерлеу, жаңарту және басқалары). Вирусқа қарсы бағдарламалық қамтылымды жаңарту тәулігіне кемінде бір рет, компьютерді толық сканерлеу – аптасына кемінде бір рет жүргізіледі.

Тармақ 10. 10-параграф. Ақпараттық жүйелердің жаңартуларын және осалдығын басқару процесіне қойылатын талаптар

10-параграф. Ақпараттық жүйелердің жаңартуларын және осалдығын басқару процесіне қойылатын талаптар

Тармақ 120

120. Ақпараттық жүйенің АТ-менеджері банктің, ұйымның ақпараттық активтерінің қауіпсіздік жаңартуларын уақытылы орнатуды қамтамасыз етеді.

Тармақ 121

121. Маңызды осалдықтарды жоятын ақпараттық жүйелерді жаңартулар ақпараттық қауіпсіздік бөлімшесімен келісілген жағдайларды қоспағанда, оларды жариялау және өндіруші таратқан күннен бастап бір айдан кешіктірмей орнатылады.

Тармақ 122

122. Ақпараттық жүйелерді жаңартулар өнеркәсіптік ортаға орнатылғанға дейін тестілеу ортасында сынақтан өтеді.

Тармақ 123

123. Ақпараттық қауіпсіздік жүйесімен келісу бойынша жаңартуларды орнату мүмкіндігі болмаған жағдайда, ақпараттық жүйенің АТ-менеджері түзету шараларын жүзеге асырады.

Тармақ 124

124. Ақпараттық қауіпсіздік бөлімшесі ақпараттық активтерді мамандандырылған бағдарламалық қамтылымды пайдалана отырып, осалдықтың болуына сканерлеуді (бұдан әрі – сканерлеу) (қорғаныстың техникалық талдауы) қамтамасыз етеді. Банктің, ұйымның ақпараттық активтерін сканерлеу 6 (алты) айда кемінде бір рет жоспарлы негізде жүргізіледі. Сканерлеуді банктің, ұйымның қызметкерлері және (немесе) сырттан мамандандырылған компаниялар жүргізе алады. Сканерлеудің нәтижелері анықталған осалдықтарды жою бойынша түзету шаралары жөнінде ұсынымдарды көрсете отырып, ақпараттық қауіпсіздіктің жағдайы туралы есеп түрінде қалыптастырылады.

Тармақ 125

125. Ақпараттық жүйенің АТ-менеджері анықталған осалдықтарды жою бойынша түзету шараларын іске асыруды қамтамасыз етеді. Осалдықтарды жою бойынша жұмыстар аяқталысымен ақпараттық жүйенің АТ-менеджері анықталған осалдықтардың жойылғаны туралы растаманы ақпараттық қауіпсіздік бөлімшесіне ұсынады.

Тармақ 11. 11-параграф. Ақпаратты криптографиялық қорғау құралдарын пайдалану процесіне қойылатын талаптар

11-параграф. Ақпаратты криптографиялық қорғау құралдарын пайдалану процесіне қойылатын талаптар

Тармақ 126

126. Ақпаратты криптографиялық қорғау құралдарын пайдалану процесін банктің, ұйымның ақпараттық қауіпсіздік бөлімшесінің келісімі бойынша ақпараттық технологиялар бөлімшесі мыналарды қоса алғанда, бірақ олармен шектелмей:

Тармақша 1

1) ақпаратты криптографиялық қорғау құралдарының сипаттамасын (жүйенің атауы, криптоалгоритм, кілттің ұзындығы);

Тармақша 2

2) ақпаратты криптографиялық қорғау құралдарын пайдалану саласын;

Тармақша 3

3) ақпаратты криптографиялық қорғау құралдарын күйге келтірудің сипаттамасын;

Тармақша 4

4) негізгі ақпаратты басқару: генерация, қауіпсіз беру (кілт пен қорғалатын ақпаратты беру үшін түрлі арналарды пайдалану талаптары есебімен кілттерді алмастыру), сақтау, пайдалану және жою тәртібін;

Тармақша 5

5) негізгі ақпарат әшкереленген кездегі іс-әрекетті;

Тармақша 6

6) ақпаратты криптографиялық қорғау құралдарын соңғы пайдаланушылардың пайдалану тәртібін;

Тармақша 7

7) ақпаратты криптографиялық қорғау құралдарына әкімшілендіруге және негізгі ақпаратты басқаруға жіберілген тұлғалар тізбесін айқындайды.

Тармақ 12. 12-параграф. Деректерді өңдеу орталықтарының нақты қауіпсіздігін қамтамасыз ету процесіне қойылатын талаптар

12-параграф. Деректерді өңдеу орталықтарының нақты қауіпсіздігін қамтамасыз ету процесіне қойылатын талаптар

Тармақ 127

127. Банктің, ұйымның деректерді өңдеу орталықтары техникалық қауіпсіздіктің мынадай жүйелерімен:

Тармақша 1

1) қолжетімділікті бақылау және басқару жүйесімен;

Тармақша 2

2) күзет сигнализациясымен;

Тармақша 3

3) өрт сигнализациясымен;

Тармақша 4

4) автоматты өрт сөндіру жүйесімен;

Тармақша 5

5) температура мен ылғалдылықтың белгіленген өлшемдерін ұстап тұру жүйесімен;

Тармақша 6

6) бейнебақылау жүйесімен жарақтандырылады. Серверлік және коммуникациялық жабдық үздіксіз қуат көздері арқылы электр қуаты жүйесіне қосылады. Банкте, ұйымда деректерді өңдеу орталығы болмаған жағдайда аталған тармақтың талаптары банктің, ұйымның ақпараттық инфрақұрылымы жүйесі мен құрамдастары орналастырылған банктің, ұйымның үй-жайына қолданылады.

Тармақ 128

128. Деректерді өңдеу орталығына қолжетімділік тізбесін ақпараттық қауіпсіздік бөлімшесінің келісімі бойынша ақпараттық технологиялар бөлімшесінің басшысы бекітетін адамдарға беріледі.

Тармақ 129

129. Банк, ұйым деректерді өңдеу орталығына кіруді бақылау және басқару жүйесінің журналын жүргізеді, ол кемінде 1 (бір) жыл сақталады.

Тармақ 130

130. Деректерді өңдеу орталығының өртті автоматты сөндіру жүйесі бүкіл үй-жай көлемінің тұтануын болдырмауды қамтамасыз етеді және резервтік қорға ие.

Тармақ 131

131. Деректерді өңдеу орталығының бейне бақылау жүйесі деректерді өңдеу орталығының барлық өту орындарында, кіру орындарында бақылауды қамтамасыз етеді. Деректерді өңдеу орталығында бейнекамераларды орналастыру деректерді өңдеу орталығы үй-жайының ішінде және кіру орнының алдында бейнебақылаумен қамтамасыз етілмеген аймақтардың болуына жол бермейді.

Тармақ 132

132. Деректерді өңдеу орталығының бейнебақылау жүйесі оқиғаларының жазбасы үздіксіз немесе қозғалыс детекторын пайдалана отырып жүргізіледі.

Тармақ 133

133. Деректерді өңдеу орталығының бейнебақылау жүйесінің жазбалар мұрағаты кемінде 3 (үш) ай сақталады.

Тармақ 134

134. Деректерді өңдеу орталығынан тыс орналасқан серверлерге және белсенді желілік жабдыққа заңсыз нақты кірудің алдын алу мақсатында олардың қауіпсіздігін қамтамасыз ету бойынша іс-шаралар анықталады және іске асырылады.

Тармақ 135

135. Банктің, ұйымның ақпараттық активтеріне нақты қолжетімділікті ұсынуды банк, ұйым айқындайды.

Тармақ 13. 13-параграф. Жұмыс станцияларын, ноутбуктарды және мобильдік құрылғыларды қорғауды қамтамасыз ету процесіне қойылатын талаптар

13-параграф. Жұмыс станцияларын, ноутбуктарды және мобильдік құрылғыларды қорғауды қамтамасыз ету процесіне қойылатын талаптар

Тармақ 136

136. Банкте, ұйымда пайдаланушыларға бағдарламалық қамтылымды, жұмыс станцияларын, ноутбуктар мен перифериялық жабдықты өз бетінше орнатуды және теңшеуді жүргізуге тыйым салынатын ұйымдастырушылық және техникалық іс-шаралар анықталады және енгізіледі.

Тармақ 137

137. Жергілікті әкімшінің қолжетімділік құқығы немесе жергілікті әкімшінің қолжетімділік құқығына ұқсас құқықтар пайдаланушы орындайтын функцияларды автоматтандыратын бағдарламалық қамтылымның жұмыс істеуі үшін талап етілетін жағдайларды қоспағанда, пайдаланушыларға жергілікті әкімшінің қолжетімділік құқығы немесе осыған ұқсас қолжетімділік құқығы берілмейді.

Тармақ 138

138. Пайдаланушының өз функционалдық міндеттерін бағдарламалық қамтылымды және жабдықты өз бетінше орнату және теңшеуді жүзеге асырусыз орындау мүмкіндігі болмаған жағдайда, мұндай пайдаланушыға жергілікті әкімші құқығы немесе ұқсас құқықтар беріледі.

Тармақ 139

139. Талаптардың 137 және 138-тармақтарында көрсетілген пайдаланушылардың тізбесін ақпараттық қауіпсіздік бөлімшесімен келісу бойынша ақпараттық технологиялар бөлімшесінің басшысы қалыптастырады, жаңартады және бекітеді. Ақпараттық қауіпсіздік бөлімшесі пайдаланушылардың Талаптардың 137 және 138-тармақтарында көрсетілген қолжетімділік құқықтарын бақылауды жүзеге асырады.

Тармақ 140

140. Ақпараттық технологиялар бөлімшесі банктің, ұйымның корпоративтік желісіндегі жұмыс станцияларын, ноутбуктар мен мобильді құрылғыларды есепке алуды қамтамасыз етеді, бұл осы жұмыс станциясының орналасқан жерін немесе ноутбуктың, мобильді құрылғының тиесілігін дәл анықтауға мүмкіндік береді.

Тармақ 141

141. Мобильді құрылғылар, ноутбуктар банктің, ұйымның ақпараттық активтеріне банкті, ұйымды қорғау шегінен тыс қосылған жағдайда, бұл құрылғыларда ақпараттық активтерге қорғаныс қолжетімділігін қамтамасыз ететін арнайы бағдарламалық қамтылым (байланыс арнасын шифрлеу, екі факторлы аутентификациялауды қамтамасыз ету, мобильді құрылғыдан деректерді қашықтан жою) орнатылады.

Тармақ 142

142. Банктің, ұйымның ақпараттық активтерін өңдеу үшін банк, ұйым қызметкерлерінің жеке ноутбуктарын және мобильді құрылғыларын қолдану кезінде берілген ноутбуктар мен мобильді құрылғыларға жеке деректерді және банктің, ұйымның ақпараттық активтерін өңдеу ортасын жіктеуді қамтамасыз ететін арнайы бағдарламалық қамтылым орнатылады.

Тармақ 143

143. Банктің, ұйымның ноутбукта және мобильдік құрылғыларда орналасқан бүкіл ақпараты шифрленген түрде сақталады.

Тарау 10. 10-тарау. Банктің, ұйымның қашықтан қызмет көрсететін бағдарламалық қамтылымының қауіпсіздігіне қойылатын талаптар

10-тарау. Банктің, ұйымның қашықтан қызмет көрсететін бағдарламалық қамтылымының қауіпсіздігіне қойылатын талаптар

Тармақ 144

144. Банктің, ұйымның қашықтан қызмет көрсету бағдарламалық қамтылымына:

Тармақша 1

1) веб-қосымшалар серверлерінің бағдарламалық қамтылымы (бұдан әрі – веб-қосымша);

Тармақша 2

2) мобильді құрылғыларға арналған бағдарламалық қамтылым (бұдан әрі – мобильді қосымша);

Тармақша 3

3) бағдарламалық интерфейстердің бағдарламалық қамтылымы (бұдан әрі – серверлік ҚБҚ) кіреді.

Тармақ 145

145. Қашықтан қызмет көрсететін бағдарламалық қамтылымын әзірлеу және (немесе) пысықтауды банк, ұйым бағдарламалық қамтылымды әзірлеу және (немесе) пысықтау тәртібін, әзірлеу кезеңдерін және олардың қатысушыларын регламенттейтін банктің, ұйымның ішкі құжаттарына сәйкес жүзеге асырады.

Тармақ 146

146. Банктің, ұйымның қашықтан қызмет көрсету бағдарламалық қамтылымын әзірлеу және (немесе) пысықтау бөгде ұйымға және (немесе) үшінші тұлғаға берілген жағдайда, банк, ұйым бөгде ұйымның және (немесе) үшінші тұлғаның осы тараудың және ішкі құжаттардың талаптарын орындауын қамтамасыз етеді, қашықтан қызмет көрсететін бағдарламалық қамтылым қауіпсіздігінің жағдайы үшін жауап береді.

Тармақ 147

147. Банкте, ұйымда әзірленетін қашықтан қызмет көрсететін бағдарламалық қамтылымның бастапқы кодтарын сақтау резервтік көшірме жасауды қамтамасыз ете отырып, банктің, ұйымның аясында орналастырылатын мамандандырылған код репозиторияларын басқару жүйесінде жүзеге асырылады.

Тармақ 148

148. Банкте, ұйымда қабылданған қашықтан қызмет көрсететін бағдарламалық қамтылымды әзірлеу және (немесе) пысықтау тәсіліне қарамастан, қауіпсіздікті тестілеу міндетті кезең болып табылады, оның барысында кемінде мынадай іс-шаралар жүзеге асырылады:

Тармақша 1

1) бастапқы кодты статикалық талдау;

Тармақша 2

2) құрауыштарды және бөгде кітапханаларды талдау.

Тармақ 149

149. Банктің, ұйымның қашықтан қызмет көрсететін бағдарламалық қамтылымының бастапқы кодын статикалық талдау тексерілетін бағдарламалық қамтылымда қолданылатын барлық бағдарламалау тілінің талдауын қолдайтын, бастапқы кодты статикалық талдау сканерін пайдаланумен жүргізіледі, оның функцияларына мынадай осалдықтарды анықтау кіреді, бірақ олармен шектелмейді:

Тармақша 1

1) зиянды кодтың кіруіне мүмкіндік беретін тетіктердің болуы;

Тармақша 2

2) осал операторларды және бағдарламалау тілдерінің функцияларын пайдалану;

Тармақша 3

3) әлсіз және осал криптографиялық алгоритмдерді қолдану;

Тармақша 4

4) белгілі бір жағдайларда қызмет көрсетуден бас тартуды немесе қосымшаның жұмысын айтарлықтай баяулатуды тудыратын кодты пайдалану;

Тармақша 5

5) қосымшаны қорғау жүйелерін айналып өту тетіктерінің болуы;

Тармақша 6

6) кодта құпияларды ашық түрде пайдалану;

Тармақша 7

7) қосымшаның қауіпсіздігін қамтамасыз ету үлгілері мен тәжірибелерін бұзу.

Тармақ 150

150. Банктің, ұйымның қашықтан қызмет көрсететін бағдарламалық қамтылымының құрауыштарын және (немесе) бөгде кітапханаларын талдау құрауыштың және (немесе) бөгде кітапхананың қолданылатын нұсқасына тән белгілі осалдықтарды анықтау мақсатында, сондай-ақ құрауыштар және (немесе) бөгде кітапханалар және олардың нұсқалары арасындағы тәуелділіктерді бақылау үшін жүргізіледі.

Тармақ 151

151. Банк, ұйым анықталған осалдықтарды атқарушы орган бекіткен ішкі құжатта айқындалған тәртіппен жою жөнінде түзету шараларының іске асырылуын қамтамасыз етеді. Бұл ретте, маңызды осалдықтар қашықтан қызмет көрсететін бағдарламалық қамтылымды және (немесе) оның жаңа нұсқаларын пайдалануға енгізгенге дейін жойылады.

Тармақ 152

152. Банк, ұйым ақпараттық қауіпсіздік бөлімшесімен келісілгеннен кейін қашықтан қызмет көрсететін бағдарламалық қамтылымды және (немесе) оның жаңа нұсқаларын пайдалануға енгізуді жүзеге асырады.

Тармақ 153

153. Банк, ұйым қашықтан қызмет көрсететін бағдарламалық қамтылымның бастапқы кодтарының және соңғы 3 (үш) жыл ішінде пайдалануға енгізілген қауіпсіздікті тестілеу нәтижелерінің барлық нұсқаларын жедел режимде сақтауды және оларға қол жеткізуді қамтамасыз етеді.

Тармақ 154

154. Қашықтан қызмет көрсететін бағдарламалық қамтылымның клиенттік және серверлік тараптары арасында деректер алмасу Transport Layer Security (Транспорт Лейер Секьюрити) шифрлеу хаттамасының 1.2-ден төмен болмайтын нұсқасын пайдалана отырып шифрленеді.

Тармақ 155

155. Банктің, ұйымның мобильді қосымшасында клиентті бастапқы тіркеу кезінде Сәйкестендіру деректерімен алмасу орталығы (бұдан әрі – СДАО) арқылы немесе банктің, ұйымның құрылғылары арқылы алынған биометриялық деректерді пайдалана отырып, клиентті биометриялық сәйкестендіруді жүзеге асырады.

Тармақ 156

156. Мобильді қосымшаға кіру кодын (құпиясөзді) өзгерту СДАО растаған немесе банктің, ұйымның құрылғылары арқылы алынған биометриялық деректерді пайдалана отырып, клиентті биометриялық сәйкестендіруді қолданумен жүзеге асырылады.

Тармақ 157

157. Банкте, ұйымда клиенттің атына осыған дейін тіркелмеген мобильді құрылғы арқылы клиентті мобильді қосымшада аутентификация кезінде банк, ұйым СДАО растаған немесе банктің, ұйымның құрылғылары арқылы алынған биометриялық деректерді пайдалана отырып, клиентті биометриялық сәйкестендіруді жүргізеді.

Тармақ 158

158. Қашықтан қызмет көрсететін бағдарламалық қамтылымда клиентті сәйкестендіру және аутентификациялау банктің, ұйымның ішкі құжаттарында белгіленген қауіпсіздік рәсімдеріне сәйкес екі факторлы (үш фактордың екеуін қолдану: білім, иелену, ажырамастық) аутентификациялау әдістерін қолдана отырып жүзеге асырылады.

Тармақ 159

159. Қашықтан қызмет көрсететін бағдарламалық қамтылымды кроссдомендік аутентификациялау тетігін ақпараттық қауіпсіздік жөніндегі бөлімше келіседі.

Тармақ 160

160. Веб-қосымша мыналарды:

Тармақша 1

1) веб-қосымшаның тек банкке, ұйымға тиесілілігін сәйкестендіруді (домендік аты, логотиптері, корпоративтік түстері);

Тармақша 2

2) браузердің жадында іске қосылу деректерін сақтауға тыйым салуды;

Тармақша 3

3) енгізілген құпияларды бүркемелеуді;

Тармақша 4

4) клиенттің іске қосылу парақшасында веб-қосымшаны пайдалану кезінде сақтау ұсынылатын кибергигиенаны қамтамасыз ету шаралары туралы хабардар етуді;

Тармақша 5

5) қате туралы ең төменгі жеткілікті ақпаратты бере отырып, клиенттің интерфейсінде конфиденциалды деректердің көрсетілуіне жол бермей қателер мен ерекшеліктерді қауіпсіз тәсілмен өңдеуді қамтамасыз етеді.

Тармақ 161

161. Мобильді қосымша мыналарды:

Тармақша 1

1) мобильді қосымшаның тек қана банкке, ұйымға тиесілігін сәйкестендіруді (қосымшалардың ресми дүкеніндегі деректер, логотиптер, корпоративтік түстер);

Тармақша 2

2) операциялық жүйенің тұтастығын бұзу және (немесе) қорғау тетіктерін айналып өту белгілері анықталған, қашықтан басқару процестерін анықтаған жағдайда банктің, ұйымның қашықтан қызмет көрсету функционалын бұғаттауды;

Тармақша 3

3) клиентті мобильді қосымшаның жаңартуларының бар екендігі туралы хабардар етуді;

Тармақша 4

4) маңызды осалдықтарды жою қажет болған жағдайда, мобильді қосымшаның жаңартуларын мәжбүрлеп орнату немесе оларды орнатқанға дейін мобильді қосымшаның функционалын бұғаттау мүмкіндігін;

Тармақша 5

5) конфиденциалды деректерді мобильді қосымшаның қорғалған контейнерінде немесе жүйелік есептік деректерді сақтау орнында сақтауды;

Тармақша 6

6) конфиденциалды деректерді кэштеуді алып тастауды;

Тармақша 7

7) мобильді қосымшаның резервтік көшірмелерінен ашық түрдегі конфиденциалды деректерді алып тастауды;

Тармақша 8

8) клиентті мобильді қосымшаны пайдалану кезінде басшылыққа алу ұсынылатын кибергигиенаны қамтамасыз етудің әдістері туралы хабардар етуді;

Тармақша 9

9) клиентті оның есептік жазбасындағы іске қосылу оқиғалары, құпиясөзді өзгерту және (немесе) қалпына келтіру, банк, ұйым тіркеген мобильді телефон нөмірінің өзгеруі туралы хабардар етуді;

Тармақша 10

10) ақшалай қаражатпен операцияларды жүзеге асыру барысында клиенттің рұқсаты болған жағдайда банктің, ұйымның серверлік ҚБҚ-ға мобильді құрылғының геолокациялық деректерін беру не мұндай рұқсаттың жоқ екендігі туралы ақпарат беруді қамтамасыз етуді;

Тармақша 11

11) клиент рұқсаты болған кезде банк, ұйым айқындайтын тәртіппен мобильді құрылғының микрофонына белсенді қолжетімділік анықталған жағдайда ақшалай қаражатпен операцияларын жүзеге асыру функционалын бұғаттау не банктің серверлік ҚБҚ-на осындай рұқсаттың жоқ екендігі туралы ақпаратты беруді қамтамасыз етеді.

Тармақ 162

162. Банк, ұйым өз тарапында:

Тармақша 1

1) жауапта конфиденциалды деректердің жария болуына жол бермей, проблеманы анықтау үшін ең аз қажетті ақпарат ұсына отырып, қателер мен ерекшеліктерді қауіпсіз тәсілмен өңдеуді;

Тармақша 2

2) мобильді қосымшаларды және олармен байланысты құрылғыларды сәйкестендіруді және аутентификациялауды;

Тармақша 3

3) жалған сұрау салулармен және зиянды код инъекциялары шабуылдарының алдын алу үшін деректердің жарамдылығын тексеруді;

Тармақша 4

4) банкте, ұйымда тіркелген құрылғыларда клиенттердің мобильді қосымшаларында қашықтан басқару процестерін анықтау оқиғаларының және операциялық жүйенің тұтастығын бұзу және (немесе) қорғау тетіктерін айналып өту белгілерінің, сондай-ақ клиенттердің мобильді қосымшаларының функционалын бұғаттау жөніндегі іс-қимылдардың жазбаларын сақтау;

Тармақша 5

5) аутентификациялаудың сәтсіз әрекеттері туралы және клиенттерге осы әрекеттер жөнінде хабарлау туралы жазбаларды сақтау.

Басқа 1. Күші жойылған Қазақстан Республикасының Ұлттық Банкі Басқармасы қаулысының және Қазақстан Республикасының Қаржы нарығын реттеу және дамыту агенттігі Басқармасының кейбір қаулыларының, сондай-ақ Қазақстан Республикасының Ұлттық Банкі Басқармасы қаулысының және Қазақстан Республикасы Қаржы нарығын реттеу және дамыту агенттігінің Басқармасы кейбір қаулыларының жекелеген құрылымдық элементтерінің тізбесі

Қазақстан Республикасы Қаржы нарығын реттеу және дамыту агенттігі Басқармасының 2026 жылғы «___»____ №___ қаулысына қосымша Күші жойылған Қазақстан Республикасының Ұлттық Банкі Басқармасы қаулысының және Қазақстан Республикасының Қаржы нарығын реттеу және дамыту агенттігі Басқармасының кейбір қаулыларының, сондай-ақ Қазақстан Республикасының Ұлттық Банкі Басқармасы қаулысының және Қазақстан Республикасы Қаржы нарығын реттеу және дамыту агенттігінің Басқармасы кейбір қаулыларының жекелеген құрылымдық элементтерінің тізбесі

Тармақ 1

1. «Банктердің, Қазақстан Республикасының бейрезидент-банктері филиалдарының және банк операцияларының жекелеген түрлерін жүзеге асыратын ұйымдардың ақпараттық қауіпсіздігін қамтамасыз етуге қойылатын талаптарды, Ақпараттық жүйелердегі бұзушылықтар, іркілістер туралы мәліметтерді қоса алғанда, ақпараттық қауіпсіздіктің оқыс оқиғалары туралы ақпаратты беру қағидалары мен мерзімдерін бекіту туралы» Қазақстан Республикасы Ұлттық Банкі Басқармасының 2018 жылғы 27 наурыздағы № 48 қаулысы (Нормативтік құқықтық актілерді мемлекеттік тіркеу тізілімінде № 16772 болып тіркелген).

Тармақ 2

2. «Қазақстан Республикасының кейбір нормативтік құқықтық актілеріне қаржы нарығын реттеу мәселелері бойынша өзгерістер енгізу туралы» Қазақстан Республикасы Ұлттық Банкі Басқармасының 2019 жылғы 19 қарашадағы № 203 қаулысымен (Нормативтік құқықтық актілерді мемлекеттік тіркеу тізілімінде № 19641 болып тіркелген) бекітілген Қазақстан Республикасының қаржы нарығын реттеу мәселелері бойынша өзгерістер енгізілетін нормативтік құқықтық актілері тізбесінің 3-тармағы.

Тармақ 3

3. «Банктердің және банк операцияларының жекелеген түрлерін жүзеге асыратын ұйымдардың ақпараттық қауіпсіздігін қамтамасыз етуге қойылатын талаптарды, Ақпараттық жүйелердегі бұзушылықтар, іркілістер туралы мәліметтерді қоса алғанда, ақпараттық қауіпсіздіктің оқыс оқиғалары туралы ақпаратты беру қағидалары мен мерзімдерін бекіту туралы» Қазақстан Республикасы Ұлттық Банкі Басқармасының 2018 жылғы 27 наурыздағы № 48 қаулысына өзгеріс енгізу туралы» Қазақстан Республикасының Қаржы нарығын реттеу және дамыту агенттігі Басқармасының 2020 жылғы 3 тамыздағы № 72 қаулысы (Нормативтік құқықтық актілерді мемлекеттік тіркеу тізілімінде № 21069 болып тіркелген).

Тармақ 4

4. «Қазақстан Республикасының кейбір нормативтік құқықтық актілеріне Қазақстан Республикасының бейрезидент-банктері филиалдарының, Қазақстан Республикасының бейрезидент-сақтандыру (қайта сақтандыру) ұйымдары филиалдарының, Қазақстан Республикасының бейрезидент-сақтандыру брокерлері филиалдарының және микроқаржылық қызметті жүзеге асыратын ұйымдардың қызметін реттеу мәселелері бойынша өзгерістер мен толықтырулар енгізу туралы» Қазақстан Республикасы Қаржы нарығын реттеу және дамыту агенттігі Басқармасының 2021 жылғы 17 ақпандағы № 34 қаулысымен (Нормативтік құқықтық актілерді мемлекеттік тіркеу тізілімінде № 22239 болып тіркелген) бекітілген Өзгерістер мен толықтырулар енгізілетін Қазақстан Республикасының бейрезидент-банктері филиалдарының, Қазақстан Республикасының бейрезидент-сақтандыру (қайта сақтандыру) ұйымдары филиалдарының, Қазақстан Республикасының бейрезидент-сақтандыру брокерлері филиалдарының және микроқаржылық қызметті жүзеге асыратын ұйымдардың қызметін реттеу мәселелері бойынша нормативтік құқықтық актілері тізбесінің 13-тармағы.

Тармақ 5

5. «Қазақстан Республикасының кейбір нормативтік құқықтық актілеріне қаржы нарығындағы ақпараттық қауіпсіздікті реттеу мәселелері бойынша өзгерістер енгізу туралы» Қазақстан Республикасы Қаржы нарығын реттеу және дамыту агенттігі Басқармасының 2022 жылғы 29 сәуірдегі № 30 қаулысымен (Нормативтік құқықтық актілерді мемлекеттік тіркеу тізілімінде № 27949 болып тіркелген) бекітілген Өзгерістер енгізілетін Қазақстан Республикасының қаржы нарығындағы ақпараттық қауіпсіздікті реттеу мәселелері бойынша нормативтік құқықтық актілері тізбесінің 1-тармағы.

Тармақ 6

6. «Банктердің, Қазақстан Республикасының бейрезидент-банктері филиалдарының және банк операцияларының жекелеген түрлерін жүзеге асыратын ұйымдардың ақпараттық қауіпсіздігін қамтамасыз етуге қойылатын талаптарды, Ақпараттық жүйелердегі бұзушылықтар, іркілістер туралы мәліметтерді қоса алғанда, ақпараттық қауіпсіздіктің оқыс оқиғалары туралы ақпаратты беру қағидалары мен мерзімдерін бекіту туралы» Қазақстан Республикасы Ұлттық Банкі Басқармасының 2018 жылғы 27 наурыздағы № 48 қаулысына толықтыру енгізу туралы» Қазақстан Республикасы Қаржы нарығын реттеу және дамыту агенттігі Басқармасының 2023 жылғы 17 қазандағы № 75 қаулысы (Нормативтік құқықтық актілерді мемлекеттік тіркеу тізілімінде № 33560 болып тіркелген).

Тармақ 7

7. «Қазақстан Республикасының кейбір нормативтік құқықтық актілеріне ақпараттық қауіпсіздік мәселелері бойынша өзгерістер мен толықтырулар енгізу туралы» Қазақстан Республикасы Қаржы нарығын реттеу және дамыту агенттігі Басқармасының 2025 жылғы 20 тамыздағы № 38 қаулысымен (Нормативтік құқықтық актілерді мемлекеттік тіркеу тізілімінде № 36711 болып тіркелген) бекітілген Қазақстан Республикасының ақпараттық қауіпсіздік мәселелері бойынша өзгерістер мен толықтырулар енгізілетін нормативтік құқықтық актілері тізбесінің 1-тармағы.

Қызметтер

Навигация

Параметрлер

Аккаунт