Об утверждении минимальных нормативов обеспеченности населения торговой площадью в Алматинской области Қолданыста

Алматы облысында халықты сауда алаңымен қамтамасыз етудің ең төменгі нормативтерін бекіту туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабына, «Сауда қызметін реттеу туралы» Қазақстан Республикасы Заңының 8-бабына, «Ішкі сауда қағидаларын бекіту туралы» Қазақстан Республикасы Ұлттық экономика министрінің м.а. 2015 жылғы 27 наурыздағы № 264 бұйрығына (нормативтік құқықтық актілердің мемлекеттік тіркеу Тізілімінде № 91963 болып тіркелген) сәйкес Алматы облысының әкімдігі ҚАУЛЫ ЕТЕДІ:

1. Алматы облысында халықты сауда алаңымен қамтамасыз етудің ең төменгі нормативтері осы қаулының қосымшасына сәйкес бекітілсін.

2. «Алматы облысының кәсіпкерлік және индустриялық-инновациялық даму басқармасы» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулыға қол қойылған күннен бастап бес жұмыс күні ішінде оның қазақ және орыс тілдеріндегі электрондық түрдегі көшірмесін Қазақстан Республикасының нормативтік құқықтық актілерін Эталондық бақылау банкінде жариялау үшін «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;

2) осы қаулыны ресми жарияланғаннан кейін Алматы облысы әкімдігінің интернет-ресурсында орналастыруды қамтамасыз етсін.

3. Осы қаулының орындалуын бақылау Алматы облысы әкімінің жетекшілік ететін орынбасарына жүктелсін.

4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Алматы облысы әкімдігінің 2026 жылғы 10 сәуірдегі № 87 қаулысына қосымша Алматы облысында халықты сауда алаңымен қамтамасыз етудің ең төменгі нормативтері № Өңір 1 мың адамға шаққанда шаршы метр 1 Алматы облысы 764,2