Об утверждении Правил и сроков прохождения повышения квалификации сотрудников регионального уполномоченного органа по защите прав детей Республики Казахстан Қолданыста

Қазақстан Республикасының балалардың құқықтарын қорғау жөніндегі өңірлік уәкілетті органы қызметкерлерінің біліктілігін арттырудан өту қағидалары мен мерзімдерін бекіту туралы «Қазақстан Республикасындағы баланың құқықтары туралы» Қазақстан Республикасы Заңының 7-14-бабының 2-тармағына сәйкес БҰЙЫРАМЫН:

1. Қоса беріліп отырған Қазақстан Республикасының балалардың құқықтарын қорғау жөніндегі өңірлік уәкілетті органы қызметкерлерінің біліктілігін арттырудан өту қағидалары мен мерзімдері бекітілсін.

2. Қазақстан Республикасы Оқу-ағарту министрлігінің Балалардың құқықтарын қорғау комитеті Қазақстан Республикасының заңнамасында белгіленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін;

2) осы бұйрықты ресми жарияланғаннан кейін Қазақстан Республикасы Оқу-ағарту министрлігінің интернет-ресурсында орналастыруды;

3) осы бұйрық мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Оқу-ағарту министрлігінің Заң департаментіне ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Оқу-ағарту вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Оқу-ағарту министрі 2026 жылғы 29 сәуірдегі № 105-НҚ Бұйрығымен бекітілген Қазақстан Республикасының балалардың құқықтарын қорғау жөніндегі өңірлік уәкілетті органы қызметкерлерінің біліктілігін арттырудан өту қағидалары мен мерзімдері

1-тарау. Жалпы ережелер

1. Осы Қазақстан Республикасының балалардың құқықтарын қорғау жөніндегі өңірлік уәкілетті органы қызметкерлерінің біліктілігін арттырудан өту қағидалары мен мерзімдері (бұдан әрі – Қағидалар) «Қазақстан Республикасындағы баланың құқықтары туралы» Қазақстан Республикасы Заңының 7-14-бабының 2-тармағына сәйкес әзірленді және Қазақстан Республикасының балалардың құқықтарын қорғау жөніндегі өңірлік уәкілетті органы қызметкерлерінің біліктілігін арттырудан өту тәртібін мен мерзімдерін айқындайды.

2. Осы Қағидаларда мынадай негізгі ұғымдар пайдаланылады:

1) біліктілікті арттыру – бұрын алған кәсіптік білімін, машықтары мен дағдыларын қолдауға, кеңейтуге, тереңдету мен жетілдіруге мүмкіндік беретін кәсіптік оқыту нысаны;

2) Қазақстан Республикасының балалардың құқықтарын қорғау жөніндегі өңірлік уәкілетті органы (бұдан әрі – өңірлік уәкілетті орган) – балалардың негізгі құқықтары мен заңды мүдделерін қорғау, олардың құқықтарын бұзушылық профилактикасы және оны ерте анықтау, оларды қалпына келтіру және қорғау жөніндегі шараларды қабылдау қызметін үйлестіруді жүзеге асыратын, сондай-ақ мемлекеттің кәмелетке толмағандарға қатысты қорғаншылық немесе қамқоршылық жөніндегі функцияларын орындайтын жергілікті атқарушы орган;

3) Қазақстан Республикасы балалардың құқықтарын қорғау жөніндегі өңірлік уәкілетті органның қызметкері (бұдан әрі – қызметкер) – кәсіби білімі бар және балалардың құқықтарын қорғау қызметін жүзеге асыратын тұлға;

4) Қазақстан Республикасының балалардың құқықтарын қорғау саласындағы уәкілетті органы (бұдан әрі – уәкілетті орган) Қазақстан Республикасының Үкіметі айқындайтын, балалардың құқықтарын қорғау саласында басшылықты және салааралық үйлестіруді жүзеге асыратын орталық атқарушы орган;

5) сертификат – біліктілікті арттыру бағдарламасына сәйкес қорытынды бағалаудан өткен қызметкерлерге берілетін құжат.

3. Біліктілікті арттыру өнірлік уәкілетті орган қаражаты есебінен жүзеге асырылады.

2-тарау. Қызметкерлердің біліктілігін арттырудан өту тәртібі мен мерзімдері

4. Қызметкерлердің біліктілігін арттыру мынадай тәртіппен ұйымдастырылады:

1) күндізгі нысанда (жалақысын сақтай, еңбек қызметінен қол үзе отырып);

2) төтенше жағдай, шектеу іс-шаралары, оның ішінде тиісті әкімшілік-аумақтық бірліктерде (жекелеген объектілерде) карантин енгізілген, төтенше жағдайлар жарияланған жағдайларда қашықтан оқыту нысанында.

5. Қызметкерлердің біліктілігін арттыруды балалардың құқықтарын қорғау функцияларын жүзеге асыратын ұйымдар мен балалардың құқықтарын қорғау органдары қызметкерлерінің біліктілігін арттыру қызметін жүргізетін ұйымдар (бұдан әрі – ұйым) өткізеді.

6. Біліктілікті арттыру ұзақтығы кемінде 40 академиялық сағатты құрайды. Бұл ретте біліктілікті арттырудың академиялық сағаты 45 минутты құрайды. Қызметкерлердің біліктілігін арттыру олардың өтіліне қарамастан кемінде екі жылда бір рет жүзеге асырылады.

7. Ауданның (облыстық маңызы бар қаланың) өңірлік уәкілетті органы жыл сайын 1 қарашаға дейін біліктілігін арттыруға жататын қызметкерлердің алдағы күнтізбелік жылға арналған тізімін қалыптастырады және оны облыстың, республикалық маңызы бар қаланың және астананың өңірлік уәкілетті органына жібереді.

8. Облыстың, республикалық маңызы бар қаланың және астананың өңірлік уәкілетті органы жыл сайын 1 желтоқсанға дейін біліктілігін арттыруға жататын қызметкерлердің алдағы күнтізбелік жылға арналған жиынтық тізімін қалыптастырады және бекітеді.

9. Қызметкерлер оқыту мерзімдерін, ұйымның атауын көрсете отырып, өңірлік уәкілетті орган басшысының бұйрығы негізінде біліктілігін арттыруға жіберіледі.

10. Білім беру процесі ұйымның сабақ кестесімен реттеледі.

11. Қызметкер біліктілікті арттырудан өтудің мынадай шарттарын көрсете отырып, ұйыммен біліктілікті арттыруға арналған келісімге қол қояды:

1) белгіленген сабақ кестесіне сәйкес оқу;

2) оқу тәртібі мен мінез-құлық нормаларын сақтау, оның ішінде профессор-оқытушылар құрамына және басқа да білім алушыларға құрмет көрсету, олардың ар-намысы мен қадір-қасиетіне қол сұқпау;

3) қорытынды тестілеуден өту. Қызметкер келісімде белгіленген шарттарды бұзған жағдайда, ұйым өңірлік уәкілетті органға хабарлайды.

12. Білім беру бағдарламасы аяқталғаннан кейін ұйым қызметкерлерге осы Қағидаларға 1-қосымшаға сәйкес нысан бойынша сертификат береді.

13. Қорытынды тестілеуден өтпеген қызметкерлерге ұйым біліктілікті арттыру бағдарламасын тыңдағаны туралы еркін нысанда анықтама береді. Сертификат алмаған қызметкерлердің келесіндей мүмкіндіктері болады:

1) жылына бір реттен артық емес қайта тестілеуге қатысуға;

2) дәлелді себептерге (ауру, төтенше жағдайлар, дүлей зілзала) байланысты ағымдағы жыл ішінде бір оқу легінен екіншісіне ауысуға мүмкіндігі бар.

14. Ұйым осы Қағидаларға 2-қосымшаға сәйкес нысан бойынша сертификаттарды тіркеу журналын жүргізеді.

Қазақстан Республикасының балалардың құқықтарын қорғау жөніндегі өңірлік уәкілетті органы қызметкерлерінің біліктілігін арттырудан өту қағидалары мен мерзімдеріне 1-қосымша Нысан Ұйымның логотипі ұйымның ресми атауы СЕРТИФИКАТ № Осы сертификатпен _____________________ (Тегі, аты әкесінің аты (ол болған жағдайда)) _______________________академиялық сағат көлемінде біліктілікті арттырудан өткендігі расталады. Берілген күні «_____» ___________20 жыл Ұйым басшысы (қолы) Мөр орны

Қазақстан Республикасының балалардың құқықтарын қорғау жөніндегі өңірлік уәкілетті органы қызметкерлерінің біліктілігін арттырудан өту қағидалары мен мерзімдеріне 2-қосымша Нысан Біліктілікті арттырудан өткені туралы сертификаттарды тіркеу журналы № р/с Те­гі, аты, әке­сі­нің аты (ол болған жағ­дай­да), же­ке сәй­кестен­ді­ру нө­мі­рі Жұ­мыс ор­ны, ла­у­а­зы­мы Сер­ти­фи­кат­тың № Бе­рі­л­ген кү­ні