О некоторых вопросах поощрения граждан, участвующих в обеспечении общественного порядка Қолданыста

Қоғамдық тәртіпті қамтамасыз етуге қатысатын азаматтарды көтермелеудің кейбір мәселелері туралы Қазақстан Республикасындағы жергілікті мемлекеттік басқару және өзін-өзі басқару туралы Қазақстан Республикасы Заңының 31, 37-баптарына, «Құқық бұзушылықтың алдын алу туралы» Қазақстан Республикасы Заңының 9-бабына сәйкес, Солтүстік Қазақстан облысы Қызылжар ауданының әкімдігі ҚАУЛЫ ЕТЕДІ:

1. Қоғамдық тәртiптi қамтамасыз етуге қатысатын азаматтарды көтермелеудiң қоса берiлiп отырған Ережесi бекiтiлсiн.

2. «Қоғамдық тәртіпті қамтамасыз етуге қатысатын азаматтарды көтермелеудің кейбір мәселелері туралы» Солтүстік Қазақстан облысы Қызылжар ауданы әкімдігінің 2017 жылғы 24 қарашадағы № 445 қаулысы жойылсын.

3. "Қоғамдық тәртіпті қамтамасыз етуге қатысатын азаматтарды көтермелеудің кейбір мәселелері туралы «Солтүстік Қазақстан облысы Қызылжар ауданы әкімдігінің 2017 жылғы 24 қарашадағы № 445 қаулысына өзгеріс енгізу туралы» Солтүстік Қазақстан облысы Қызылжар ауданы әкімдігінің 2019 жылғы 29 шілдедегі № 224 қаулысы жойылсын.

4. Осы қаулының орындалуын бақылау Солтүстік Қазақстан облысы Қызылжар ауданы әкімінің жетекшілік ететін орынбасарына жүктелсін.

5. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Солтүстік Қазақстан облысы Қызылжар ауданы әкімдігінің қаулысына қосымша 2026 жылғы «14» мамыр № 127 Қоғамдық тәртіпті қамтамасыз етуге қатысатын азаматтарды көтермелеу қағидалары Осы Қағидалар азаматтық белсенділікті ынталандыру мақсатында әзірленген және Қызылжар ауданының аумағында құқық бұзушылықтың алдын алуға қатысатын азаматтарды көтермелеу тәртібін айқындайды. Көтермелеу белсенді азаматтық ұстанымы, құқық қорғау органдарына жәрдемдескені және қоғамдық тәртіпті қамтамасыз етуге қосқан үлесі үшін жүзеге асырылады. Осы Қағидалар Қазақстан Республикасының азаматтарына, полицияның қоғамдық көмекшілеріне, еріктілерге және профилактикалық қызметке қатысатын өзге де адамдарға қолданылады. Осы Ереже қоғамдық тәртіпті сақтауға қатысатын азаматтарды көтермелеу тәртібін айқындайды.

1. Қоғамдық көмекшілерді көтермелеу мәселелері мемлекеттік органдардың ұсынысы бойынша азаматтарды көтермелеу жөніндегі аудандық комиссияда (бұдан әрі - Комиссия) қаралады.

2. Комиссия жергілікті атқарушы органдарда қоғамдық көмекші ретінде тіркелмеген азаматтарды, егер олар құқық бұзушылықтардың алдын алуға, жолын кесуге немесе ашуға ықпал етсе, осы Заңда белгіленген тәртіппен көтермелеуге құқылы.

3. Қоғамдық тәртіпті сақтауға белсенді қатысатын азаматтарды көтермелеу туралы ұсынымды «Қазақстан Республикасы Ішкі істер министрлігі Солтүстік Қазақстан облысының полиция департаменті Қызылжар ауданының полиция бөлімі» мемлекеттік мекемесі (бұдан әрі - Қызылжар ауданының ПБ) Комиссияның қарауына енгізеді.

4. Комиссия қабылдайтын шешім көтермелеу үшін негіз болып табылады.

5. Құқық бұзушылықтың алдын алуға қатысатын қоғамдық көмекшілерді көтермелеу шаралары:

1) алғыс жариялау;

2) құрмет грамотасымен наградтау;

3) алғыс хатпен марапаттау

4) ақшалай сыйақы төлеу;

5) көтермелеу туралы ұсынымдарды ұйымдарға, кәсіпорындарға жіберу;

6) құқық бұзушылықтың алдын алуға елеулі үлес қосқан адамдар үшін мемлекеттік наградамен және құрметті атақпен марапаттау туралы ұсыныстар енгізу. Комиссия құқық бұзушылықтың алдын алуға қатысатын азаматтарды көтермелеудің өзге де шараларын қолдануға құқылы.

6. Көтермелеу шарасын Комиссия көтермеленушінің қоғамдық тәртіпті қамтамасыз етуге қосқан үлесін ескере отырып белгілейді.

7. Ақшалай сыйақыны төлеу және бағалы сыйлықты сатып алу үшін Комиссия қабылдаған шешімге сәйкес қосымша Қызылжар ауданының КБ бастығының бұйрығы шығарылады.

8. Ақшалай сыйақыны төлеуді және бағалы сыйлықты сатып алуды Қызылжар ауданының КБ облыстық бюджет қаражаты есебінен жүргізеді.

9. Көтермелеуді төлеуге қаражат облыстық бюджеттен «Солтүстік Қазақстан облысының полиция департаменті» мемлекеттік мекемесінің 252 003 «Қоғамдық тәртіпті сақтауға қатысатын азаматтарды көтермелеу» бюджеттік бағдарламасы бойынша көзделеді.

10. Қоғамдық тәртіпті қамтамасыз етуге қосқан үлесі үшін азаматтарға Қызылжар ауданы әкімінің алғыс хатын, Құрмет грамотасын, ақшалай сыйақыны, бағалы сыйлықты тапсыруды Қызылжар ауданы КБ салтанатты жағдайда жүзеге асырады.