Об утверждении требований к индивидуальному предпринимателю или юридическому лицу, с которым заключается договор по эксплуатации строительного объекта Қолданыста

Құрылыс объектісін пайдалану жөніндегі шарт жасалатын жеке кәсіпкерге немесе заңды тұлғаға қойылатын талаптарды бекіту туралы Қазақстан Республикасы Құрылыс кодексінің 137-бабы 1-тармағына сәйкес БҰЙЫРАМЫН:

1. Қоса беріліп отырған Құрылыс объектісін пайдалану жөніндегі шарт жасалатын жеке кәсіпкерге немесе заңды тұлғаға қойылатын талаптары бекітілсін.

2. Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық Қазақстан Республикасы Өнеркәсіп және құрылыс министрлігінің ресми жарияланғаннан кейін интернет-ресурсында орналастырылуын қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.

4. Осы бұйрық 2026 жылғы 1 шілдеден бастап қолданысқа енгізіледі және ресми жариялануға тиіс.

Қазақстан Республикасы Өнеркәсіп және құрылыс министрінің міндетін атқарушы 2026 жылғы 22 мамырдағы № 255 бұйрығымен бекітілген Құрылыс объектісін пайдалану жөніндегі шарт жасалатын жеке кәсіпкерге немесе заңды тұлғаға қойылатын талаптар

Құрылыс объектісін пайдалану бойынша шарт жеке кәсіпкермен немесе заңды тұлғамен мынадай талаптарға сәйкес жасалады:

1) Қазақстан Республикасының заңнамасында белгіленген тәртіппен «Сыйақыға немесе шарттық негізде жылжымайтын мүлікті басқару» (ОКЭД 68.32) қызмет түрі бойынша жеке кәсіпкер не заңды тұлға ретінде тіркелген;

2) штатта не азаматтық-құқықтық шарт негізінде «Кәсіби біліктіліктер туралы» Қазақстан Республикасының Заңына сәйкес танылған кәсіби біліктілігінің болуын қоса алғанда, кәсіби стандарттардың талаптарына жауап беретін кемінде бір маманның болуы;

3) мыналарды қоса алғанда, құрылыс объектісін пайдалану жөніндегі қызметті жүзеге асыру үшін қажетті материалдық-техникалық базаны орналастыру: құрылыс объектісін қауіпсіз пайдалануға және меншік иелері мен өзге де мүдделі тұлғаларды қабылдауға арналған үй-жайлар (кеңсе): құрылыс объектісін пайдалануды жүзеге асыруға арналған жабдықтар мен құралдар не осындай жұмыстарды орындауға арналған келісімшарттар.