О предельных (максимальных) размерах земельных участков, которые могут находиться в частной собственности Мәртебесі расталмаған

Жеке меншікте болуы мүмкін жер учаскелерінің шекті (ең жоғары) мөлшері туралы "Қазақстан Республикасындағы жергілікті мемлекеттік басқару туралы" Қазақстан Республикасының Заңы 6 бабының 1 тармағы 13) тармақшасына, Қазақстан Республикасының Жер кодексінің 50 бабының 3 тармағына сәйкес облыстық мәслихат ШЕШІМ ЕТЕДІ және облыс әкімияты ҚАУЛЫ ЕТЕДІ:

1. Азаматтарға берілетін, жеке меншікте болуы мүмкін жер учаскелерінің шекті (ең жоғары) мөлшері мынадай болып белгіленсін:

1) ауылдық жерлерде өзіндік қосалқы шаруашылық (үй маңындағы және егістік телімдерді қоса алғанда) жүргізу үшін - суарылмайтын жерде 0,40 гектарға (оның ішінде тегін 0,25 га) дейін және суарылатын жерде 0,25 гектарға (оның ішінде тегін 0,15 га) дейін;

2) жеке тұрғын үй құрылысы үшін 0,20 гектарға (оның ішінде тегін 0,10 га) дейін;

3) бағбандық, сондай-ақ саяжай құрылысы үшін 0,20 гектарға (оның ішінде тегін 0,12 га) дейін;

2. Аудандар мен Ақтөбе қаласының әкімдері, "Облыстық жер ресурстарын басқару жөніндегі комитет" ММ төрағасы (М. Н. Жекеев) көрсетілген талаптардың орындалуын қамтамасыз етсін.

3. Ақтөбе облыстық мәслихаты мен Ақтөбе облысы әкімиятының 2001 жылғы 14 желтоқсандағы N 8 "Тауарлы ауыл шаруашылығы өндірісін жүргізу үшін жеке меншікте болуы мүмкін, сондай-ақ ұзақ мерзімді пайдаланудағы жер учаскелерінің шекті (ең жоғары) мөлшері туралы" облыстық әділет басқармасында 2002 жылы 18 қаңтарда N 1404 тіркелген бірлескен шешімінің күші жойылды деп танылсын.

4. Осы шешім Ақтөбе облысының әділет департаментінде тіркелген күннен бастап күшіне енеді және жариялануға тиіс.