О психологической деятельности — 06.08.2026

Басқа 0

Психологиялық қызмет туралы

Бап 1

1-бап. Негізгі ұғымдар Осы Заңда мынадай негізгі ұғымдар қолданылады:

Тармақша 1

1) кәсіптік құпия – психолог психологиялық қызмет процесінде алған, психологиялық көмек алушының жазбаша келісімінсіз жария етуге болмайтын ақпарат;

Тармақша 2

2) психолог – психология саласында жоғары және (немесе) жоғары оқу орнынан кейінгі білімі және (немесе) ғылыми дәрежесі, тиісті біліктілігі бар және психологиялық қызметті атқаратын адам;

Тармақша 3

3) психологиялық көмек алушы – психологиялық көмек көрсетілетін жеке тұлға, отбасы немесе адамдар тобы;

Тармақша 4

4) психологиялық көмектің сапасы – психологиялық көмектің уақтылы көрсетілуін, психологиялық көмек көрсету әдістерін дұрыс таңдауды, жоспарланған нәтижеге қол жеткізу дәрежесін көрсететін сипаттамалар жиынтығы;

Тармақша 5

5) психологиялық қызмет – психологтың профилактика, диагностика, коррекция, консультация, психологиялық саламаттылықты сүйемелдеу мен қолдау түріндегі психологиялық көмекті қамтитын кәсіптік қызметін жүзеге асыруы кезінде туындайтын құқықтық қатынастар жиынтығы;

Тармақша 6

6) психологиялық саламаттылық – жеке тұлғаның психоэмоциялық жай-күйінің тұрақтылығы, өмірдегі қиын жағдайларды еңсеру қабілеті қамтамасыз етілген жай-күйі;

Тармақша 7

7) Психологтардың әдеп кодексі – психологтардың психологиялық қызметті атқару кезіндегі мінез-құлқы әдеп қағидаларының бірыңғай жиынтығы;

Тармақша 8

8) психолог супервизиясы – психологты кәсіби қолдаудың психологиялық қызметтің сапасын қамтамасыз етуге, құзыреттерді дамытуға бағытталған нысаны.

Бап 2

2-бап. Қазақстан Республикасының психологиялық қызмет туралы заңнамасы

Тармақ 1

1. Қазақстан Республикасының психологиялық қызмет туралы заңнамасы Қазақстан Республикасының Конституциясына негізделеді, осы Заңнан және Қазақстан Республикасының өзге де нормативтік құқықтық актілерінен, Қазақстан Республикасының халықаралық шарттық міндеттемелерінен тұрады.

Тармақ 2

2. Қазақстан Республикасының аумағында халықаралық шарттардың қолданылу тәртібі Қазақстан Республикасының заңдарында айқындалады.

Бап 3

3-бап. Осы Заңның қолданылу аясы

Тармақ 1

1. Осы Заң Қазақстан Республикасының аумағында психологиялық қызмет атқару процесінде туындайтын қоғамдық қатынастарға қолданылады.

Тармақ 2

2. Осы Заңның күші:

Тармақша 1

1) Қазақстан Республикасының денсаулық сақтау саласындағы заңнамасында белгіленген талаптарға сәйкес реттелетін мамандандырылған медициналық көмек көрсету саласындағы қатынастарға;

Тармақша 2

2) «Құқық бұзушылық профилактикасы туралы» Қазақстан Республикасының Заңымен реттелетін психологиялық көмек көрсетуге қолданылмайды.

Тармақ 3

3. Осы Заңның 4-бабының 3-тармағы 2) және 3) тармақшаларының, 8-бабының, 9-бабы 2 және 4-тармақтарының, 11-бабының 1-тармағы 6) және 7) тармақшаларының, 2-тармағы 2), 3), 5), 7), 9) және 10) тармақшаларының, 12-бабының 1-тармағы 2), 3), 4) және 6) тармақшаларының, 2-тармағының, 14, 17 және 19-баптарының ережелері Қазақстан Республикасының құқық қорғау, арнаулы мемлекеттік органдарында, азаматтық қорғау органдарында және Қарулы Күштерінде жүзеге асырылатын психологиялық қызмет саласындағы қатынастарға қолданылмайды.

Бап 4

4-бап. Осы Заңның негізгі мақсаты, міндеттері мен қағидаттары

Тармақ 1

1. Осы Заңның негізгі мақсаты – Қазақстан Республикасында психологиялық қызмет атқарудың құқықтық, ұйымдастырушылық негіздерін, сондай-ақ психологиялық көмек алу кезінде Қазақстан Республикасы азаматтарының құқықтары мен заңды мүдделерін қорғауды қамтамасыз ету.

Тармақ 2

2. Осы Заңның негізгі міндеттері:

Тармақша 1

1) психологтардың кәсіптік біліктілігіне, оларды даярлауға, қайта даярлауға, біліктілігін растауға және арттыруға қойылатын талаптарды айқындау;

Тармақша 2

2) Қазақстан Республикасы азаматтарының құқықтары мен заңды мүдделерін қорғау;

Тармақша 3

3) психологиялық көмектің қолжетімділігін қамтамасыз ету;

Тармақша 4

4) сапалы психологиялық көмек көрсетуді қамтамасыз ету.

Тармақ 3

3. Осы Заңның негізгі қағидаттары:

Тармақша 1

1) заңдылық;

Тармақша 2

2) психологиялық көмекке жүгінудің еріктілігі;

Тармақша 3

3) құпиялық;

Тармақша 4

4) кәсіптік құзыреттілік;

Тармақша 5

5) ғылыми негізділік.

Бап 5

5-бап. Психологиялық қызмет саласындағы мемлекеттік саясат Психологиялық қызмет саласындағы мемлекеттік саясат:

Тармақша 1

1) Қазақстан Республикасы азаматтарының психологиялық саламаттылығын қамтамасыз ететін жағдай жасауға;

Тармақша 2

2) білікті психологтар даярлауға;

Тармақша 3

3) адамның тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тіліне, дiни көзқарасына, нанымына, тұрғылықты жерiне немесе кез келген өзге де мән-жайларға қарамастан, әр адамның психологиялық көмек алу құқығын іске асырудағы тең құқықтары мен мүмкіндіктерін қамтамасыз етуге;

Тармақша 4

4) психологтың ар-намысы мен қадір-қасиетін құрметтеуге және қорғауға;

Тармақша 5

5) психологиялық көмекке мұқтаж жеке тұлғаға, отбасыға немесе адамдар тобына қатысты өмірдегі қиын жағдай мен оның зардаптарының алдын алуға, оларды шешуге және еңсеруге ықпал ететін іс-шараларды өткізуге бағытталған.

Бап 6

6-бап. Мемлекеттік органдардың құзыреті

Тармақ 1

1. Кәсіптік біліктілікті тану саласындағы уәкілетті орган:

Тармақша 1

1) психологтардың кәсіптік біліктілігін тану саласындағы нормативтік құқықтық актілерді әзірлейді және бекітеді;

Тармақша 2

2) психологиялық қызмет саласындағы шараларды әзірлеуге және іске асыруға қатысатын мемлекеттік органдардың, мемлекеттік және үкіметтік емес ұйымдардың өзара іс-қимылын қамтамасыз етеді;

Тармақша 3

3) психологтардың мемлекеттік тізілімін жүргізу тәртібін әзірлейді және бекітеді;

Тармақша 4

4) Психологтардың әдеп кодексін әзірлейді және бекітеді;

Тармақша 5

5) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.

Тармақ 2

2. Орталық мемлекеттік органдар өз құзыреті шегінде:

Тармақша 1

1) психологиялық қызмет саласындағы мемлекеттік саясаттың іске асырылуын қамтамасыз етеді;

Тармақша 2

2) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.

Бап 7

7-бап. Жергілікті атқарушы органдардың құзыреті Жергілікті атқарушы органдар:

Тармақша 1

1) психологиялық қызмет саласындағы мемлекеттік саясаттың іске асырылуын қамтамасыз етеді;

Тармақша 2

2) жергілікті мемлекеттік басқару мүддесінде жергілікті атқарушы органдарға Қазақстан Республикасының заңдарымен жүктелетін өзге де өкілеттіктерді жүзеге асырады.

Бап 8

8-бап. Хабардарлығы туралы келісім

Тармақ 1

1. Хабардарлығы туралы келісім – психологиялық көмек алушының немесе оның заңды өкілінің психологиялық көмек алуға жазбаша келісімі. Егер психологиялық көмек алушы кәмелетке толмаған, сот әрекетке қабiлетсiз немесе әрекет қабілеті шектеулі деп таныған адам болса, психологиялық көмек алуға хабардарлығы туралы келісімді олардың атынан заңды өкілі береді. Егер психологиялық көмек алушы кәмелетке толмаған болса, сот әрекетке қабілетсіз немесе әрекет қабілеті шектеулі деп таныған адамды олардың атынан психологиялық көмек алуға ақпараттандырылған Келісімді заңды өкіл береді.

Тармақ 2

2. Осы баптың 4-тармағында көзделген жағдайларды қоспағанда, психологиялық көмек алушыға қатысты кез келген психологиялық қызметке психологиялық көмек алушының немесе оның заңды өкілінің хабардарлығы туралы келісімін алғаннан кейін ғана жол беріледі.

Тармақ 3

3. Хабардарлығы туралы келісімнің нысанын кәсіптік біліктілікті тану саласындағы уәкілетті орган бекітеді.

Тармақ 4

4. Суицидтік мінез-құлық белгілері, адамның дағдарыстық жағдайда болғанын куәландыратын мән-жайлар, сондай-ақ отбасылық-тұрмыстық зорлық-зомбылық фактілері туралы мәліметтер болған кезде психологиялық көмек алушының не оның заңды өкілінің хабардарлығы туралы келісімі талап етілмейді.

Бап 9

9-бап. Психологиялық көмек

Тармақ 1

1. Әр адамның Қазақстан Республикасының заңнамасына сәйкес психологиялық көмек алуға құқығы бар.

Тармақ 2

2. Психологиялық көмек алушы немесе оның заңды өкілі психологиялық көмектің мақсаттары, әдістері туралы хабардар болуға тиіс.

Тармақ 3

3. Психологиялық көмек күндізгі нысанда, қашықтан және аралас нысанда жүргізіледі.

Тармақ 4

4. Психологтың қызметінде бейне- және (немесе) аудиожазба қолдану, сондай-ақ үшінші тұлғаларды олармен таныстыру психологиялық көмек алушы не оның заңды өкілі тарапынан бұған хабардарлығы туралы келісім алынғаннан кейін ғана мүмкін болады.

Тармақ 5

5. Психологиялық қызмет атқару кезінде психологиялық көмек алушының өмірі мен денсаулығына зиян келтіруге жол берілмейді.

Бап 10

10-бап. Медициналық емес психотерапия

Тармақ 1

1. Медициналық емес психотерапия – медициналық араласуды қажет ететін психикалық, мінез-құлықтық бұзылушылықтарды (ауруларды) емдеуді қамтымайтын, өмірдегі қиын жағдайларды еңсеру, психоэмоциялық жағдайды жақсарту бағытында психолог ғылыми негізі бар әдістерді қолдана отырып жүзеге асырылатын психологиялық көмектің ерекше түрі.

Тармақ 2

2. Медициналық емес психотерапияны медициналық емес психотерапия саласында қосымша даярлықтан өткен психологтар жүзеге асыруға құқылы.

Тармақ 3

3. Медициналық емес психотерапия саласындағы қосымша даярлықты аяқтаған психологтар психолог супервизиясы түріндегі практикалық жұмыс кезеңінен өтеді.

Тармақ 4

4. Медициналық емес психотерапия саласындағы қосымша даярлыққа және психолог супервизиясы түріндегі практикалық жұмысқа қойылатын талаптар Қазақстан Республикасының кәсіптік біліктілікті тану саласындағы заңнамасына сәйкес психологтың кәсіптік стандартында бекітіледі.

Бап 11

11-бап. Психологтың негізгі құқықтары мен міндеттері

Тармақ 1

1. Психолог:

Тармақша 1

1) психологиялық қызметтің тиісті саласында қолдану үшін сынақтан өткен, дәлелденген ғылыми негізі бар және сенімді әдістемелерді пайдаланып психологиялық диагностика жүргізуге;

Тармақша 2

2) психологиялық консультация беруге;

Тармақша 3

3) психологтарға олардың психологиялық қызметі шеңберінде әдістемелік көмек пен консультативтік қолдау көрсетіп отыруға;

Тармақша 4

4) психологиялық қызмет саласында ғылыми және сараптамалық қызмет атқаруға;

Тармақша 5

5) өзінің ар-намысын, қадір-қасиетін және іскерлік беделін қорғауға;

Тармақша 6

6) «Қоғамдық бірлестіктер туралы» Қазақстан Республикасының Заңында белгіленген тәртіппен психологтардың қоғамдық бірлестіктерін құруға;

Тармақша 7

7) осы Заңның 13-бабы 2-тармағының 1) тармақшасына сәйкес психологтардың мемлекеттік тізілімінде тіркеуден өткен жағдайда жеке психологиялық практика тәртібімен психологиялық қызмет атқаруға құқылы.

Тармақ 2

2. Психолог:

Тармақша 1

1) психологиялық көмек алушылардың құқықтары мен заңды мүдделерін сақтай отырып, психологиялық қызметті біліктілікпен атқаруға;

Тармақша 2

2) Психологтардың әдеп кодексін сақтауға;

Тармақша 3

3) осы Заңның 8-бабының 4-тармағында көзделген жағдайларды қоспағанда, жұмыс басталар алдында психологиялық көмек алушының немесе оның заңды өкілінің хабардарлығы туралы келісімін алуға;

Тармақша 4

4) психологиялық көмек алушыға өзінің біліктілігі, сондай-ақ оның құқықтары мен міндеттері туралы ақпарат беруге;

Тармақша 5

5) психологиялық көмек алушыға психологиялық көмек көрсетудің кез келген кезеңінде оны алудан бас тарту құқығы туралы хабар беруге;

Тармақша 6

6) егер психологиялық диагностика нәтижелері бойынша талап етілсе, психологиялық көмек көрсету үшін басқа кәсіптердің мамандарымен тиісті өзара іс-қимылды қамтамасыз етуге;

Тармақша 7

7) жеке психологиялық практика шеңберінде психологиялық көмек алушымен психологиялық көмек көрсетуге шарт жасасуға;

Тармақша 8

8) мүдделер қақтығысы туындаған жағдайда не өзінің кәсіптік құзыретінің шегінен асып кететін мән-жайлар анықталған кезде психологиялық қызметті атқарудан бас тартуға;

Тармақша 9

9) психологиялық қызмет атқару процесінде алынған мәліметтердің, ақпараттың кәсіптік құпиясын сақтауға және құпиялығын қамтамасыз етуге;

Тармақша 10

10) психологиялық көмек алушының немесе үшінші тұлғалардың өмірі мен денсаулығына қауіп төнген жағдайда тиісті органдарды жедел түрде хабардар етуге міндетті.

Тармақ 3

3. Психологтың Қазақстан Республикасының заңдарында белгіленген өзге де құқықтары мен міндеттері бар.

Бап 12

12-бап. Психологиялық көмек алушының негізгі құқықтары мен міндеттері

Тармақ 1

1. Психологиялық көмек алушының:

Тармақша 1

1) өздері осы Заңда белгіленген талаптарды сақтаған кезде сапалы психологиялық көмек алуға;

Тармақша 2

2) психологты, психологиялық көмек түрін және оларды көрсету нысанын таңдауға;

Тармақша 3

3) психологиялық көмек алу кезінде өз құқықтары мен міндеттері туралы, сондай-ақ туындаған психологиялық проблемалардың сипаты туралы ақпарат алуға;

Тармақша 4

4) психологиялық көмек көрсетудің кез келген кезеңінде одан бас тартуға;

Тармақша 5

5) өзінің құқықтары мен заңды мүдделерін қорғауға;

Тармақша 6

6) ғылыми зерттеулер объектісі ретінде қатысуға, психологиялық көмек көрсету процесінде өзі туралы деректердің жиналуына, бейне- және (немесе) аудиожазбаның жүргізілуіне, сондай-ақ үшінші тұлғалардың олармен танысуына және осы процеске қатысуына келісім беруге не көмек көрсетілуінен бас тартуға құқығы бар.

Тармақ 2

2. Психологиялық көмек алушы:

Тармақша 1

1) жеке психологиялық практикамен айналысатын психологпен жасалған психологиялық көмек көрсету туралы шарттың талаптарын сақтауға;

Тармақша 2

2) осы Заңның 8-бабының 4-тармағында көзделген жағдайларды қоспағанда, хабардарлығы туралы келісім беруге міндетті.

Тармақ 3

3. Қазақстан Республикасының заңдарына сәйкес психологиялық көмек алушының өзге де құқықтары мен міндеттері болады.

Бап 13

13-бап. Психологтардың мемлекеттік тізілімі

Тармақ 1

1. Кәсіптік біліктілікті тану саласындағы уәкілетті орган ұлттық біліктілік жүйесінің цифрлық платформасында психологтардың мемлекеттік тізілімін жүргізеді.

Тармақ 2

2. Психологтар психологтардың мемлекеттік тізілімінде:

Тармақша 1

1) жеке психологиялық практика тәртібімен және (немесе) жұмыс берушімен еңбек қатынасындағы психологиялық қызмет атқаратын психологтар модулінде;

Тармақша 2

2) мемлекеттік органдардың цифрлық жүйелерінен алынған мәліметтері негізінде мемлекеттік ұйымдарда, дербес білім беру ұйымдарында психологиялық қызметті атқаратын психологтар модулінде тіркелуге тиіс.

Тармақ 3

3. Кәсіптік біліктілікті тану саласындағы уәкілетті орган психологтарды психологтардың мемлекеттік тізіліміне енгізу және одан алып тастау тәртібін әзірлеп, бекітеді.

Тармақ 4

4. Психологтардың мемлекеттік тізілімінде тіркеуден өтпеген адамдардың:

Тармақша 1

1) осы Заңда белгіленген психологиялық қызмет атқаруға және психологиялық көмек көрсетуге;

Тармақша 2

2) өзін психолог деп атауға, сондай-ақ «психо-» деген сөзге психологиялық қызмет атқаруда жаңылыстыратын өзге де туынды және ұқсас атауларды қолдануға;

Тармақша 3

3) медициналық диагностика жүргізуге және дәрі-дәрмекпен емдеуді тағайындауға, адамның санасына әсер ететін психикалық белсенді заттарды пайдалануға және (немесе) психикаға белсенді әсер ететін әдістерді, сондай-ақ адамның өмірі мен денсаулығына зиян келтіретін басқа да әдістерді қолдануға құқығы жоқ.

Тармақ 5

5. Психологтардың мемлекеттік тізілімінен:

Тармақша 1

1) осы Заңның талаптарын бұзуға жол берген;

Тармақша 2

2) сот әрекетке қабілетсіз немесе әрекет қабілеті шектеулі деп таныған;

Тармақша 3

3) психикалық денсаулық саласында медициналық көмек көрсететін ұйымдарда динамикалық бақылауда тұрған;

Тармақша 4

4) психологиялық көмек алушының өмірі мен денсаулығына зиян келтірген психологтар алып тасталады. Психологтардың мемлекеттік тізілімінде қайта тіркеуге одан алып тасталған күннен бастап алты ай өткен соң жол беріледі.

Бап 14

14-бап. Психологтардың кәсіптік стандарты

Тармақ 1

1. Психологтардың кәсіптік стандарты психологтардың кәсіптік даярлығының мазмұны мен деңгейлеріне қойылатын бірыңғай талаптарды айқындайды, психологиялық қызметтің бағыттары мен қолданылу аясын көрсетеді, сондай-ақ психологиялық көмек әдістерін қолдануға қажетті құзыреттілікті сипаттайды.

Тармақ 2

2. Кәсіптік стандарт психологтарға қойылатын біліктілік талаптарын айқындауға, біліктіліктің, құзыреттіліктің және кәсіптік даярлықтың сәйкестігін бағалауға, даярлаудың, біліктілікті арттырудың, медициналық емес психотерапия саласындағы қосымша даярлайтын білім беру бағдарламаларын әзірлеуге, психологиялық қызмет саласындағы біліктілікті растауға негіз болады.

Тармақ 3

3. Психологтың кәсіптік стандарты Қазақстан Республикасының кәсіптік біліктілікті тану саласындағы заңнамасына сәйкес бекітіледі.

Бап 15

15-бап. Психологты кәсіптік даярлау мен біліктілігін арттыру

Тармақ 1

1. Психологты кәсіптік даярлау психология саласында бейінді кафедралары бар жоғары және (немесе) жоғары оқу орнынан кейінгі білім беру ұйымдарының базасында жүргізіледі.

Тармақ 2

2. Психологтың біліктілігін арттыру жоғары және (немесе) жоғары оқу орнынан кейінгі білімнің, қосымша білімнің білім беру бағдарламаларын іске асыратын ұйымдарда, ғылыми ұйымдарда, біліктілікті арттыруды жүргізетін ұйымдарда өз қаражаты және (немесе) Қазақстан Республикасының заңнамасында көзделген өзге де қаражат есебінен кемінде бес жылда бір рет жүргізіледі.

Бап 16

16-бап. Психологтың ғылыми қызметі

Тармақ 1

1. Жеке тұлғалардың психологиялық қызмет саласындағы ғылыми зерттеулерге өз еркімен қатысуға құқығы бар.

Тармақ 2

2. Жеке тұлғалардың ғылыми зерттеулерге қатысуына осындай адамның не оның заңды өкілінің хабардарлығы туралы келісімі болған кезде жол беріледі. Жеке тұлғалар кез келген кезеңде ғылыми зерттеулерге қатысудан бас тартуға құқылы.

Тармақ 3

3. Психолог ғылыми қызметті атқару кезінде ғылыми зерттеуге қатысушылардың құқықтары мен заңды мүдделерінің сақталуын, алынған деректердің құпиялығын және ғылыми зерттеуге қатысушылардың өміріне, денсаулығына және психологиялық саламаттылығына зиян келтіруге жол бермеуді қамтамасыз етуге міндетті.

Тармақ 4

4. Ғылыми зерттеулердің нәтижелері олардың ғылыми қоғамдастық үшін қол жетімділігін қамтамасыз ететін нысанда жазылуға және толық, анық болуға және олардың әртүрлі түсіндірілу ықтималдығын болғызбауға тиіс.

Бап 17

17-бап. Психологтарды сертификаттау

Тармақ 1

1. Психологтарды сертификаттау кәсіптік даярлық деңгейін және біліктілік талаптарына сәйкестігін растауға бағытталған. Сертификаттаудан сәтті өткен психологтарға олардың кәсіптік біліктілігін растайтын сертификат беріледі.

Тармақ 2

2. Психологтардың сертификаттаудан өту тәртібі Қазақстан Республикасының кәсіптік біліктілікті тану саласындағы заңнамасында айқындалады.

Бап 18

18-бап. Психологиялық қызмет саласындағы шектеулер Психологқа:

Тармақша 1

1) медициналық диагностика жүргізуге және дәрі-дәрмекпен емдеуді тағайындауға, санаға әсер ететін, психикаға белсенді әсер ететін заттарды пайдалануға және (немесе) психикаға белсенді әсер ететін әдістерді қолдануға;

Тармақша 2

2) медициналық араласуды талап ететін психикалық, мінез-құқықтық бұзылушылық (ауру) белгілері бар адамдарға психологиялық көмек көрсетуге тыйым салынады. Тиісті симптомдар анықталған кезде психолог психологиялық көмек алушыға психиатр дәрігерге жүгінуді ұсынуға міндетті;

Тармақша 3

3) психологиялық көмек алушыға психологиялық көмек көрсетудің нақты нәтижесіне, оның ішінде жарнамалық және өзге де мақсатта қол жеткізуіне кепілдік беруге тыйым салынады.

Бап 19

19-бап. Онлайн-платформаларды пайдаланып психологиялық көмек көрсету

Тармақ 1

1. Онлайн-платформалар арқылы психологиялық қызмет атқаратын психологтар психологтардың мемлекеттік тізілімінде тіркелгені туралы, сондай-ақ өздерінің білімі мен біліктілігі туралы мәліметтерді орналастыруға міндетті.

Тармақ 2

2. Психологтар онлайн-жарнама орналастыру кезінде «Онлайн-платформалар және онлайн-жарнама туралы» Қазақстан Республикасының Заңында белгіленген талаптарды сақтауға тиіс.

Тармақ 3

3. Психологиялық қызметті онлайн-платформалар арқылы атқару кезінде жалған ақпарат орналастыру Қазақстан Республикасының заңдарына сәйкес жауаптылыққа алып келеді.

Бап 20

20-бап. Қазақстан Республикасының психологиялық қызмет туралы заңнамасын бұзғаны үшін жауаптылық Психологиялық көмек алушының өмірі мен денсаулығына зиян келтіру және Қазақстан Республикасының психологиялық қызмет туралы заңнамасын өзге де бұзушылықтар Қазақстан Республикасының заңдарына сәйкес жауаптылыққа алып келеді.

Бап 21

21-бап. Өтпелі ережелер Психологтар осы Заң қолданысқа енгізілген күннен бастап бір жыл ішінде осы Заңның талаптарына сәйкес психологтардың мемлекеттік тізілімінде тіркеуден өтуге міндетті.

Бап 22

22-бап. Осы Заңды қолданысқа енгізу тәртібі Осы Заң 2028 жылғы 1 қаңтардан бастап қолданысқа енгізілетін 17-бапты қоспағанда, алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.

Қызметтер

Навигация

Параметрлер

Аккаунт

О психологической деятельности Мәртебесі расталмаған