Об утверждении Положения о государственном учреждении «Управление строительства Атырауской области» Қолданыста

«Атырау облысы Құрылыс басқармасы» мемлекеттік мекемесі туралы ережені бекіту туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 27, 37-баптарына, «Мемлекеттік мүлік туралы» Қазақстан Республикасының Заңының 17-бабына сәйкес Атырау облысы әкімдігі ҚАУЛЫ ЕТЕДІ:

1. Осы қаулының қосымшасына сәйкес «Атырау облысы Құрылыс басқармасы» мемлекеттік мекемесі туралы Ереже бекітілсін.

2. «Атырау облысы Құрылыс басқармасы» мемлекеттік мекемесі заңнамада белгіленген тәртіппен осы қаулыдан туындайтын шараларды алсын.

3. «Атырау облысы Құрылыс, сәулет және қала құрылысы басқармасы» мемлекеттік мекемесі туралы ережені бекіту туралы» Атырау облысы әкімдігінің 2023 жылғы 15 тамыздағы № 152 қаулысының күші жойылды деп танылсын.

4. Осы қаулының орындалуын бақылау Атырау облысы әкімінің жетешілік ететін орынбасарына жүктелсін.

5. Осы қаулы оның алғашқы ресми жарияланған күнінен бастап қолданысқа енгізіледі.

Атырау облысы әкімдігінің 2026 жылғы «30» маусымдағы № 123 қаулысына қосымша Атырау облысы әкімдігінің 2026 жылғы «30» мауымдағы № 123 қаулысымен бекітілген «Атырау облысы Құрылыс басқармасы» мемлекеттік мекемесі туралы Ереже

1. Жалпы ережелер

1. Атырау облысы Құрылыс басқармасы (бұдан әрі – Басқарма) Атырау облысы аумағында өз құзыреті шегінде құрылыс қызметін реттеу функцияларын орындауға арналған уәкілеттік мемлекеттік орган болып табылады.

2. Басқарма өз қызметін Қазақстан Республикасының Конституциясына және заңдарына, Қазақстан Республикасы Президентінің, Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.

3. Басқарма мемлекеттік мекеменің ұйымдық-құқықтық нысанындағы заңды тұлға болып табылады, оның мөрлері мен айырым белгілері (бар болса), оның мемлекеттік тілде атауы бар мөрі және мөртаңбалары, белгіленген үлгідегі бланкілері, Қазақстан Республикасының заңнамасына сәйкес «Қазақстан Республикасы Қаржы министрлігі Қазынашылық комитетінің Атырау облысы бойынша Қазынашылық департаменті» мемлекеттік мекемесінде шоттары бар.

4. Басқарма азаматтық-құқықтық қатынастарды өз атынан жасайды.

5. Басқарма Қазақстан Республикасының заңнамасына сәйкес уәкілеттік берілген жағдайда ол мемлекеттің атынан азаматтық-құқықтық қатынастардың тарапы болуға құқылы.

6. Басқарма өз құзыретіндегі мәселелері бойынша заңнамада белгіленген тәртіппен Басқарма басшысының бұйрықтарымен және Қазақстан Республикасының заңнамасында көзделген басқа да актілермен рәсімделетін шешімдер қабылдайды.

7. Басқарманың құрылымы мен штат санының лимиті қолданыстағы заңнамаға сәйкес бекітіледі.

8. Басқарманың орналасқан жері: 060010, Атырау облысы, Атырау қаласы, Әйтеке би көшесі, 77 үй.

9. Осы ереже Басқарманың құрылтай құжаты болып табылады.

10. Басқарманың қызметін қаржыландыру жергілікті бюджеттен жүзегеасырылады.

11. Басқармаға өз функциялары болып табылатын міндеттерді орындаутұрғысынан кәсіпкерлік субъектілерімен шарттық қатынас жасауға тыйымсалынады. Егер Басқармаға заңнамалық актілермен кіріс әкелетін қызметті жүзегеасыру құқығы берілсе, онда осындай қызметтен түскен кірістер мемлекеттікбюджет кірісіне жіберіледі.

2. Басқарманың мақсаттары мен өкілеттіктері

12. Мақсаты:

1) ведомстволық бағыныстағы аумақта құрылыс саясатын жүргізу;

2) құрылыс қызметі саласындағы мемлекеттік, қоғамдық мүдделерді қорғау;

3) Қазақстан Республикасының заңнамалық актілерімен белгіленген өкілеттіктер шегінде құрылыс қызметі саласындағы өзге де міндеттерді жүзеге асыру.

13. Өкілеттіктері:

1) құқықтары: басқармаға жүктелген тапсырмаларды орындау үшін өз құзіреті шегіндеведомстволық бағынысты аумақта орналасқан тиісті статистика органдарынан,ұйымдардан, мекемелерден, кәсіпорындардан меншік иелігіне қарамастан,оның құзіретіне жататын ақпараттарды, сондай-ақ жоспарлы есеп деректерібойынша мәселелерді сұратуға және алуға; құрылыс объектілеріне, құрылыс материалдарын, бұйымдары мен құрылымдарын шығаратын көсіпорындар мен ұйымдарға баруға; шетелдермен ғылыми-техникалық және экономикалық ынтымақтастықты жүзеге асыруға қатысу және өз құзыреті шегінде жәрдем көрсету; басқарма құзыретіне қатысты мәселелерді шешу үшін облыс әкімі және облыстық мәслихаттың қарауына ұсыныстар енгізуге; облыс әкімдігінің және әкімнің жобаларын дайындауға қатысуға; өз құзыреті шегінде мекеменің құқығы мен мүддесін қорғау бойыншасотқа жүгінуге; Қазақстан Республикасының Заңдарына және ҚазақстанРеспубликасының нормативтік құқықтық актілеріне сәйкес құқықтарды жүзегеасыруға құқылы.

2) міндеттері: құрылыс қызметі туралы заңнама нормаларын, мемлекеттік нормативтердің және белгіленген тәртіппен бекітілген құрылыс құжаттамасын сақталуын қамтамасыз ету; республикалық және жергілікті бюджеттерден қаржыландырылатын объектілер құрылысын ұйымдастыру; өз құзыреті шегінде сыбайлас жемқорлыққа қарсы күрес жөніндегі жұмыстарды жүзеге асырады;

14. Функциялары:

1)облыстық коммуналдық меншiк объектiлерi мен облыстық маңызы бар, әлеуметтiк-мәдени мақсаттағы объектілерді салу, реконструкциялау және жөндеу бойынша тапсырысшы болу;

2)құрылыс саласындағы мемлекеттік саясатты іске асыру;

3)мемлекеттік сараптама және мемлекеттік сәулет-құрылыс бақылау органдарымен өзара іс-қимыл жасау;

4)мемлекеттік бюджет есебінен қаржыландырылатын объектілер бойынша конкурстық рәсімдерді ұйымдастыру;

5)сәулет, қала құрылысы және құрылыс қызметі саласында инжинирингтік қызметтер (авторлық және техникалық қадағалау) көрсетуді ұйымдастыру;

6)тапсырысшысы Басқарма болып табылатын мемлекеттік бюджет және әлеуметтік инвестиция есебінен салынған нысандарды қабылдау және пайдалануға беру;

7)аудандық және қалалық құрылыс органдарының қызметін үйлестіру;

8)жергілікті бюджеттен, республикалық бюджеттен бөлінетін кредиттер, нысаналы трансферттер, сондай-ақ инвесторлар қаражаты есебінен қаржыландырылатын инвестициялық жобаларды іске асыруды қамтамасыз ету;

9)құрылыс саласына қатысты арыздар мен шағымдарды уақытылы қарауды қамтамасыз ету;

10)жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асыру.

3. Басқарма басшысының мәртебесі, өкілеттіктері

15. Басқарманы басқаруды басшы жүзеге асырады, ол Басқармаға жүктелген міндеттердің орындалуына және оның өз өкілеттіктерін жүзеге асыруына дербес жауапты болады.

16. Басқарманың басшысын облыс әкімі қызметке тағайындалады және лауазымнан босатылады.

17. Басқарма басшысы Қазақстан Республикасының заңнамаларына сәйкес қызметке тағайындалатын және қызметтен босатылатын орынбасарлары болады.

18. Басқарма басшысының өкілеттіктері:

1) басқарманың қызметіне басшылық етеді, барлық мемлекеттік органдар мен басқа ұйымдарда басқарма атынан сөйлейді;

2) өзінің орынбасарлары мен Басқарма қызметкерлерінің міндеттері мен өкілеттіктерін анықтайды;

3) басқарма басшының орынбасарларын, бөлімдердің басшыларын, бас мамандарды, мемлекеттік қызметші болып табылмайтын қызметкерлерді қызметке тағайындайды және қызметтен босатады, марапаттайды және оларға тәртіптік жаза қолданады;

4) Басқарманың құрылымдық бөлімшелері туралы ережелерді бекітеді;

5) Басқармада сыбайлас жемқорлыққа қарсы іс-қимыл жасауға бағытталған тиісті шараларды қабылдайды және сыбайлас жемқорлыққа қарсы шаралардың қабылдануы үшін дербес жауапты болады;

6) өз құзыреті шегінде бұйрықтар шығарып, өзінің құзыретіне жататын басқа да мәселелер бойынша шешімдер қабылдайды;

19. Басқарма басшысы өз орынбасарларының өкілеттігін қолданыстағы заңнамаға сәйкес айқындайды.

4. Басқарманың мүлкі

20. Басқарма заңнамада көзделген жағдайларда жедел басқару құқығында оқшауланған мүлкі болуы мүмкін. Басқарма мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.

21. Басқармаға бекітілген мүлік коммуналдық меншікке жатады.

22. Егер заңнамада өзгеше көзделмесе, Басқарма өзіне бекітілген мүлікті және қаржыландыру жоспары бойынша өзіне берілген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.

5. Басқарманы қайта ұйымдастыру және тарату

23. Басқарманы қайта ұйымдастыру және тарату, осы Ережеге өзгерістер мен толықтырулар енгізу Қазақстан Республикасының заңнамасына сәйкес жүзеге асырылады.