О введении временного запрета на вывоз дизельного топлива Қолданыста

Дизель отынын әкетуге уақытша тыйым салуды енгiзу туралы Ел экономикасының мұқтаждары үшiн дизель отынының қажеттi қорын жасау мақсатында, Қазақстан Республикасының 2003 жылғы 5 сәуiрдегi Кеден кодексiнiң 8-бабының 2-тармағына сәйкес Қазақстан Республикасының Үкiметi ҚАУЛЫ ЕТЕДI:

1. 2005 жылғы 16 ақпан - 31 мамыр кезеңiнде Қазақстан Республикасының аумағынан дизель отынын (ЕурАзЭҚ СЭҚ ТН 2710 19 410 0 - 2710 19 490 0) әкетуге тыйым салынсын.

2. Қазақстан Республикасы Қаржы министрлiгінiң Кедендiк бақылау комитетi осы қаулының 1-тармағын орындау жөнiндегi қажеттi шараларды қабылдасын.

3. Қазақстан Республикасы Сыртқы iстер министрлiгi белгіленген тәртiппен Еуразиялық экономикалық қоғамдастықтың Интеграциялық комитетiне Қазақстан Республикасы осы қаулының 1-тармағына сәйкес Қазақстан Республикасының аумағынан дизель отынын әкетуге уақытша тыйым салуды енгiзгендiгi туралы хабарласын.

4. Осы қаулының орындалуын бақылау Қазақстан Республикасының Энергетика және минералдық ресурстар министрi B.C. Школьникке жүктелсін.

5. Осы қаулы 2005 жылғы 16 ақпаннан бастап қолданысқа енгiзiледi және жариялануға тиіс.