Об утверждении Инструкции по организации и финансированию социальных рабочих мест Қолданыста

Әлеуметтік жұмыс орындарын ұйымдастыру және қаржыландыру жөніндегі Нұсқаулығын бекіту туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 31-бабына, «Халықты жұмыспен қамту туралы» Қазақстан Республикасы Заңына сәйкес, Таран ауданының әкімдігі ҚАУЛЫ ЕТЕДІ:

1. Қоса беріліп отырған әлеуметтік жұмыс орындарын ұйымдастыру және қаржыландыру жөніндегі Нұсқаулығы бекітілсін.

2. Осы қаулының орындалуына бақылау жасау аудан әкімінің орынбасары Ж.Ж. Бисимбаевке жүктелсін.

2005 жылғы 14 ақпандағы № 35 әкімдік қаулысымен бекітілген Әлеуметтік жұмыс орындарын ұйымдастыру және қаржыландыру жөніндегі Нұсқаулығы

1. Жалпы ережелер

1. Осы, әлеуметтік жұмыс орындарын ұйымдастыру және қаржыландыру жөніндегі Нұсқаулығы (бұдан әрі - Нұсқаулық), халықтың нысаналы топтарының жұмыссыздарын еңбекпен қамту үшін әлеуметтік жұмыс орындарын ұйымдастыруын және қаржыландыруын анықтайды, әлеуметтік жұмыс орындарын беретін ұйымдарының (меншік иесінен тәуелді) негізгі шарттарын және есеп айырысу жүйесін реттейді.

2. Осы Нұсқаулықта пайдаланатын негізгі түсініктер:

1) әлеуметтік жұмыс орындарын — халықтың нысаналы топтарынан жұмыссыз азаматтарды еңбекпен қамту үшін, жұмыс берушінің жазбаша келісімі бойынша, ұсынылатын жұмыс орыны, жергілікті бюджет қаражаты арқылы қабылданған қызметкерлердің жалақыларын төлеу үшін жұмыс берушілердің шығындарының бөлшегін өтеу;

2) нысаналы топтар - «Халықты жұмыспен қамту туралы» Қазақстан Республикасы Заңымен белгіленген әлеуметтік қорғаудағы тұлғалардың тобы және Таран ауданы әкімдігінің қаулысымен бекітілген тұлғалар;

3) жастар тәжірибесі - 21 жасқа дейінгі жастарды, бастауыш орта және жоғары кәсіби білімдері бар түлектерді, білім, практикалық тәжірибе алу үшін әлеуметтік жұмыс орындарына орналастыру.

3. Әлеуметтік жұмыс орындарына орналасқан жұмыссыздар еңбек туралы, зейнеткерлік қамтамасыз ету және сақтандыру Қазақстан Республикасының заңнамалық актілеріне бағынады.

4. «Таран ауданының халықты жұмыспен қамту және әлеуметтік бағдарламаларының бөлімі» мемлекеттік мекемесі әлеуметтік жұмыс орындарына халықтың нысаналы топтарындағы жұмыссыздарды орналастыруын қолдайды.

2. Әлеуметтік жұмыс орындарына ұйымдастыру және еңбекпен қамту тәртібі

5. Әлеуметтік жұмыс орындарын, жергілікті бюджет қаражатынан қабылданған жұмыссыздарға жалақы төлеу үшін шығындарды өтеу үшін өз қаражаты арқылы жұмыс берушілер анықтайды және құрады.

6. «Таран ауданының жұмыспен қамту және әлеуметтік бағдарламаларының бөлімі» мемлекеттік мекемесі халықтың нысаналы топтарынан әлеуметтік жұмыс орындарына қабылданған жұмыссыздарға жалақы төлеу үшін шығындарының бөлшегін өтеуге қызмет көрсету жөнінде жұмыс берушімен келісім-шарт жасайды.

7. Әлеуметтік жұмыс орындарына жұмыссыздарды орналастыру және еңбекақы төлеу үшін бюджет қаражатын нәтижелі пайдалану мақсатында, Таран ауданының әкімдігі жұмыс берушінің жазбаша келісімі бойынша, халықтың нысаналы топтарындағы жұмыссыздар үшін әлеуметтік жұмыс орындары ұсынылатын немесе құрылатын ұйымдардың тізбесін анықтайды.

8. Әлеуметтік жұмыс орындарына жұмыссыздарды орналастыруды, сенімхатқа сәйкес, «Таран ауданының жұмыспен қамту және әлеуметтік бағдарламаларының бөлімі» мемлекеттік мекемесі жүзеге асырады.

9. Әлеуметтік жұмыс орындарына орналасуға нысаналы топтарына кіретін аз қамтылған жұмыссыздардың басымқы құқықтары бар болады.

3. Әлеуметтік жұмыс орындарының көздері және қаржыландыру шарттары

10. Әлеуметтік жұмыс орындарына орналасқан жұмыссыздарға жалақы төлеуді, жеке еңбек шартқа сәйкес және жүзеге асырылатын жұмыстың көлеміне және күрделігіне байланысты, ай сайын, жұмыс беруші жүзеге асырады.

11. Әлеуметтік жұмыс орындарына орналасқан жұмыссыздарға жалақы төлеу үшін жұмыс берушілердің шығыстары ең кем жалақы мөлшерінде 50 (елу) процент алты айдан кем емес, 100 (жүз) процент мөлшерінде төленеді — жастар тәжірибесіне бағытталған оқу мекемелері төлектері үшін — төрт ай мерзіміне. Бюджет қаражаты жұмыс берушілердің есеп айырысу шотына аударылады.

12. Әлеуметтік жұмыс орындарына орналасқан азаматтарға еңбекақы төлеу, нақты жүзеге асырылған жұмысы көлеміне байланысты анықталады.

13. Жұмыс берушілер, жергілікті бюджеттен ақша түсімдерді, әлеуметтік жұмыс орындарына орналасқан жұмыссыздарға жалақы төлеуге шығындарды өтеу үшін пайдаланады.

4. Әлеуметтік жұмыс орындарын ұйымдастыру және қаржыландыру тәртібін бақылау

14. Әлеуметтік жұмыс орындарын ұйымдастыру және қаржыландыру тәртібін бақылау заңнамамен белгіленген тәртіпте мемлекеттік органымен жүзеге асырылады.