Об утверждении Правил оказании социальной помощи на погребение безработных граждан Қолданыста

Жұмыссыз азаматтарды жерлеу жөнінде әлеуметтік көмек көрсету Ережесін бекіту туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңындағы 6-бапқа және Ақкөл ауданы әкімдігінің ұсынысына сәйкес, аудандық мәслихат Шешім етті:

1. Жұмыссыз азаматтарды жерлеу жөніндегі әлеуметтік көмек көрсету Ережесі бекітілсін (қосымша).

2. Аудандық мәслихат сессиясының 2002 ж 29.10. № С 29-6 «Жұмыссыз азаматтарды жерлеу жөніндегі әлеуметтік көмек көрсету Ережесін бекіту туралы» шешімі күшін жойғандығы танылсын.

3. Осы шешім Ақмола облыстық әділет Департаментінде мемлекеттік тіркеуден өткеннен кейін күшіне енеді және бұқаралық ақпарат құралдарында жариялануға тиіс. Ескертусіз келісімдер: Аудан әкімі А.С.Үйсімбаев 2005 жылғы 25 ақпан Экономика және қаржы бөлімінің бастығы О.М.Лисина 2005 жылғы 25 ақпан Жұмыспен қамту және әлеуметтік Бағдарламалар бөлімінің бастығы А.К.Мананбаева 2005 жылғы 25 ақпан

Ақкөл аудандық мәслихатының сессиясының 2005 жылғы 25 ақпандағы № С 17-2 шешімімен БЕКІТІЛГЕН Жұмыссыз азаматтарды жерлеуге берілетін әлеуметтік көмек жөніндегі Ереже Осы ереже Қазақстан Республикасының 2001 жылғы 23 қаңтардағы «Қазақстан Респуликасындағы жергілікті мемлекеттік басқару туралы» Заңына және Қазақстан Республикасының Бюджет кодексіне сәйкес, халықтың әлеуметтік әлсіз санатына жататындарды әлеуметтік қорғау мақсатында әзірленді және жұмыссыз азаматтарды жерлеуге берілетін әлеуметтік көмек беру тәртібін белгілейді.

1. Жалпы қағидалар

1. Жұмыссыз азаматтарды жерлеуге әлеуметтік көмек аудандық әлеуметтік көмек тағайындау және төлеу жөніндегі өкілеттік орган арқылы жүзеге асады.

2. Жұмыссыз азаматтарды жерлеуге берілетін әлеуметтік көмек қайтқан адам қайтыс болған күні жұмыссыз ретінде тіркеуде тұрған болса төленеді.

3. Жұмыссыз азаматтарды жерлеуге берілетін әлеуметтік көмек жанұя табыстарына қарамай тағайындалады.

2. Әлеуметтік көмек тағайындау тәртібі

4. Әлеуметтік көмек тағайындауға құжаттар өткізілген соң 10 күн ішінде қаралуы кажет.

5. Жұмыссыз азаматтарды жерлеуге әлеуметтік көмек берілетіні немесе берілмейтіні аудан әкімдігі қаулымен белгіленген құрамдағы әлеуметгік көмек көосететін комиссияның отырысында шешіледі.

6. Әлеуметтік көмек тағайындау қабылданбаған жағдайда комиссия арыз иесіне жазбаша түрде мұны хабарлауы қажет.

7. Жұмыссыз азаматтарды жерлеуге әлеуметтік көмек жұмыссыз адам қайтқан соң 3 айдан кем емес уақыт ішінде өтініш жасалғанда төленеді.

3. Қажетті құжаттар тізбесі

8. Жұмыссыз азаматты жерлуге берілетін көмек тағайындауға жерлейтін адам атынан қосымша келесі құжаттармен өтініш беріледі:

1) жеке бас куәлігі (көшірмесі);

2) СТТН-салық төлеушінің тіркеу нөмірі (көшірмесі);

3) қайтыс болғаны туралы куәлік (көшірмесі);

4) жұмыссыз статусын растайтын анықтама;

5) аудандық юстиция бөлімі беретін қайтыс болғаны туралы анықтама;

6) қайтқан адамның аудан территориясында тұрғандығын растайтын анықтама.

9. Арыз иесі құжаттар мен өтінінішінде көрсетілген мәліметтердің толықтығы мен анықтығына заңға сәйкес жауап береді.

4. Әлеуметтік көмектің төленуі

10. Жұмыссыз азаматтарды жерлеуге әлеуметтік көмек Қазақстан Республикасының заңы белгілегендей он айлық есеп көрсеткіші мөлшерінде көрсетіледі.

11. Жұмыссыз азаматтарды жерлеуге берілетін әлеуметтік көмек аудандық бюджет қаражатынан әр жылға белгіленген сома мөлшерінде жүзеге асады.

12. Жұмыссыз азаматтарды жерлеуге берілетін әлеуметтік көмек төлемі тиісті операциялар жүргізуге Қазақстан Республикасының Халық банкісінің лидензиясы бар банктер арқылы жүзеге асады.