Об утверждении инструкции о порядке и условиях финансирования общественных работ Қолданыста

Қоғамдық жұмыстарды қаржыландырудың парттары мен тәртібі туралы нұсқауды бекіту туралы «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» Қазақстан Республикасы Үкіметінің 2001 жылғы 19 маусымдағы № 836 қаулысын орындауда аудандық әкімдік ҚАУЛЫ ЕТЕДІ:

1. Қоғамдық жұмыстарды қаржыландырудың шарттары мен тәртібі туралы нұсқауы бекітілсін (қосымша).

2. «Қарасу ауданының жұмыспен қамту және әлеуметтік бағдарламалар бөлімі» мемлекеттік мекемесі (Л.Б. Ужахова) қоғамдық жұмыстарды ұйымдастырған кезде осы нұсқаумен басшылық етсін.

3. Осы қаулының орындалуын бақылау аудан әкімінің орынбасары Н.Қ. Нөгербековке жүктелсін.

Қарасу ауданы әкімдігінің 2005 жылғы 28 ақпандағы № 72 қаулысымен бекітілді Қоғамдық жұмыстарды қаржыландырудың шарттары мен тәртібі туралы НҰСҚАУ

1. Жалпы ережелер

1. Қоғамдық жұмыстарды қаржыландырудың шарттары мен тәртібі туралы нұсқау (бұдан әрі - Нұсқау) ақылы қоғамдық жұмыстарды ұйымдастыру үшін уақытша жұмыс орындарын беретін ұйымдармен негізгі шарттар мен есеп айырысу жүйесін реттейді.

2. Осы Нұсқауда пайдаланылатын негізі ұғымдар:

1) қоғамдық жұмыстар - атқарушы органдар ұйымдастыратын, кызметкердің алдын ала кәсіби даярлықтан отуін талап етпейтін, әлеуметтік пайдалы бағыттағы және азаматтарды уақытша жұмыспен қамтуды камтамасыз ету үшін, жұмыспен қамту мәселелері жөніндегі уәкілетті органдардың жолдамасы бойынша орындайтын еңбек қызметінің түрлері;

2) жергілікті атқарушы орган (әкімдік) - аудан әкімі басқаратын, тиісті аумақты өз құзыры шегінде мемлекеттік басқаруды жүзеге асыратын алқалық атқарушы органы;

3) нысаналы топтар - «Халықты жұмыспен қамту туралы» Қазақстан Республикасы Заңымен белгіленген, жұмысқа орналасуда қиындық көріп жүрген және әлеуметтік қорғауды қажет ететін адамдар топтары.

2. Қоғамдық жұмыстары ұйымдастыру тәртібі

3. «Қарасу ауданының жұмыспен қамту және әлеуметтік бағдарламалар бөлімі» мемлекеттік мекемесі (бұдан әрі - уәкілетті орган) қоғамдық жұмыстарды орындауға қызметтре жөніндегі жұмыс берушілермен шарт жасайды.

4. Қоғамдык жұмыстар ұйымдарда уақытша жұмыс орындарын құру жолымен жүргізіледі және жергілікті бюджет қаражаттары есебінен қаржыландырылады.

5. Жұмыссыздарды уақытша жұмыс орындарымен қамтамасыз ету және ақылы қоғамдық жұмыстарға қатысушылардың еңбекақысын төлеуге арналған қаражаттарды әсерлі пайдалану мақсатында, жергілікті атқарушы органдар жергілікті бюджет қаражаттары есебінен мынадай іс-шараларды жүзеге асырады:

1) қоғамдық жұмыстарға сұраным ұсынысты анықтайды;

2) қоғамдық жұмыстардың түрлерді, көлемдерді мен орындаудың нақты шарттарды қоғамдық жұмыстарды өткізетін ұйымдардың тізбесін бекітеді.

6. Жұмыссыздарды қоғамдық жұмыстарға жіберуді жергілікті атқару органның қаулысымен бекітілген ұйымдарда аудандык жұмыспен қамту және әлеуметтік багдарламалар бөлімімен жүзеге асырылады.

7. Нысаналы топтарга жататын жұмыссыздар қоғамдық жұмыстарга қатысуға басымдық құқығы бар.

8. Қоғамдық жұмыстарды өткізу мерзімі алты айдан аспайды.

3. Қоғамдық жұмыстарды қаржыландыру шарттары мен көздері

9. Қоғамдық жұмыстарға қатысатын жұмыссыздардың еңбекақысын төлеу жұмыс берушісімен ай сайын жеке еңбек шартының шарттарына сәйкес және орындалған жұмыстың санына, күрделілігі мен сапасына байланысты жүзеге асырады.

10. Жұмыс берушілердің қоғамдық жұмыстарға қатысушылардың еңбекақыларын толеуге арналған шығыстары аудандық әкімдігінің каулысымен белгіленген мөлшерді жергілікті бюджет есебінен отіледі. Бюджеттік қаражаттары жұмыс берушілердің есеп шоттарына аударылады.

11. Қоғамдық жұмыстарға қатысатын жұмыссыздардың жергілікті бюджет есебінен төленетін жұмыс ақысы заңнамамен белгіленген тәртіпте салық салудан босатылады.

12. Жұмыс берушілер жергілікті бюджеттен ақшалай түсімдерді қатаң мақсатты тағайындау бойынша қолданады.

13. Жұмыс берушілер жергілікті бюджеттен еңбекақылары бойынша шығыстарды өтем үшін уәкілетті органына ай сайын жұмысқа қабылдау туралы бұйрықтың үзіндісін, жұмыс уақытын есептеу гізімдігін, жұмыс ақыны есептеудің тізімдеме-есебін, орындалган жұмыстардың актісін ұсынады. Қоғамдык жұмыстарға қатысқан азаматтардың еңбекақысы нақты орындалған көлемі бойынша жүргізіледі.

14. Қоғамдық жұмыстарға қатысқан жұмыссыздарға уақытша жұмысқа жарамсыздығы жөніндегі әлеуметтік жәрдемақыларды төлеуді, денсаулыққа келтірілген зақым немесе басқа да зияндардың орнын толтыруды жұмыс беруші қолданыстағы заңнамаға сәйкес жүргізеді.

4. Қоғамдық жұмыстарды ұйымдастыру және қаржыландыру тәртібін бақылау

15. Қоғамдық жұмыстарды ұйымдастыру және қаржыландыру тәртібін бақылау заңнамада белгіленген тәртіппен мемлекеттік органдар жүзеге асырады.