Об утверждении Положения об ономастической комиссии города Петропавловска Күшін жойған

Петропавл қаласының ономастика комиссиясы туралы Ережені бекіту туралы «Қазақстан Республикасындағы тіл туралы» 1997 жылғы 11 шілдедегі № 151 Қазақстан Республикасы Заңының 25-1 бабы 3 тармағының 2 тармақшасына сәйкес, географиялық нысандардың атауына және олардың атауларын өзгертуге бірыңғай көзқарас қалыптастыру, топонимикалык атауларды қолдану мен есепке алуды ретке келтіру, қаланың тарихи- мәдени мұрасының құрамдас бөлігі ретінде тарихи атауларды қалпына келтіру, сақтау және олардың атауларын өзгерту жөнінде ұсыныстар жасау максатында қала әкімдігі ҚАУЛЫ ЕТЕДІ:

1. Қоса берілген Петропавл қаласының ономастика комиссиясы туралы Ереже бекітілсін.

2. Осы қаулының орындалуын бақылау қала әкімінің орынбасары Т Н. Құлжановаға жуктелсін.

Қала әкімдігінің 2005 жылғы «23» наурыз № 217 қаулысымен бекітілді Петропавл қаласының ономастика комиссиясы туралы Ереже

1. Жалпы ережелер

1. Петропавл қаласының ономастика комиссиясы (бұдан әрі Комиссия) географиялық нысандардың атауына бірыңғай көзқарасты қалыптастыру, топонимикалық атауларды қолдану мен олардың есебін жүргізуді реттеу, каланың тарихи- мәдени мұрасының құрамдас бөлігі ретінде тарихи атауларды қалпына келтіру, сақтау және оларды қайта атау мақсатында ономастика саласында мемлекеттік тіл саясатын іске асыру жөніндегі ұсыныстарды әзірлейтін консультациялық кеңесші органы болып табылады.

2. Комиссия өз қызметінде Қазақстан Республикасының «Тіл туралы» Заңын, «Қазақстан Республикасының әкімшілік- аумақтық құрылысы туралы» Қазақстан Республикасының Заңын, Қазақстан Республикасы Үкіметінің «Қазақстан Республикасындағы кәсіпорындарды, ұйымдарды, мекемелерді, темір жол станцияларын, әуежайларды, сондай- ақ физикалық-географиялық нысандарды атау мен қайта атаудың және олардың атауларының транскрипциясын өзгертудің Тәртібі» қаулысын және осы Ережені басшылыққа алады.

3. Комиссия қала әкімдігінің қаулысымен құрылады. Комиссияның дербес құрамы мәслихат сессиясының шешімімен бекітіледі.

4. Комиссия қала аудандарын, алаңдарды, даңғылдарды, бульварларды, көшелерді, қысқа көшелерді, саябақтарды, скверлерді, көпірлерді және тағы басқа қаланың құрамдас бөліктерін атау мен қайта атауға қатысты және олардың атауларының транскрипциясын өзгерту жөнінде ұсыныстар береді.

2. Негізгі міндеттер

5. Комиссияның негізгі міндеттері: географиялық атауларды жинақтау және зерделеу, ономастика мәселелеріне байланысты материалдарды бір жүйеге келтіру; бұрын жоғалтылған тарихи топонимдерді қалпына келтіру жөнінде ұсыныстар енгізу; қала аудандарын, алаңдарды, даңғылдарды, бульварларды, көшелерді, қысқа көшелерді, саябақтарды, скверлерді, көпірлерді және тағы басқа қаланың құрамдас бөліктерін атау мен қайта атауға қатысты және олардың атауларының транскрипциясын өзгерту жөнінде ұсыныстар енгізу; ономастикаға географиялық және тарихи- мәдени пән ретінде қолдау, көрсету болып табылады.

3. Негізгі функциялары мен өкілеттігі

6. Комиссия өзіне жүктелген міндеттерді шешу мақсатында: орфографияның, ғылыми транскрипцияның және қалыптасқан мәдени-тарихи, әлеуметтік факторлардың қолданылып жүрген нормаларының негізінде қала аудандарын, алаңдарды, даңғылдарды, бульварларды көшелерді, қысқа көшелерді, саябақтарды, скверлерді, көпірлерді және тағы басқа қаланың құрамдас бөліктерін атау мен қайта атауға қатысты және олардың атауларының транскрипциясын өзгерту бойынша қорытындылар ұсынады; қала аудандарын, алаңдарды, даңғылдарды, бульварларды, көшелерді, қысқа көшелерді, саябақтарды, скверлерді, көпірлерді және тағы басқа қаланың құрамдас бөліктерін атау мен қайта атауға қатысты және олардың атауларының транскрипциясын өзгерту бойынша комиссияға келіп түскен қүжаттарды қарайды; ұйымдардың, жекелеген азаматтардың тарихи топонимдерін қалпына келтіру немесе ауыстыру мәселелері жөніндегі хаттарын қарайды және тиісті ұсынымдар береді; ономастика мен топонимика жөнінде анықтамалықтар мен сөздіктер шығаруды үйлестіреді; елді мекендердің, көшелердің, даңғылдардың, алаңдардың тұғырлы атауын сақтауға бағытталған шаралар кешенін жүзеге асырады. қаланың тарихи- мәдени мұрасының құрамдас бөлігі ретіндегі байырғы халықтық және тарихи қалыптасқан атауларға құрметпен қарауын қалыптастыруға белсенді ықпал етеді;

4. Комиссияның жұмысын ұйымдастыру

7. Комиссияның отырысы жергілікті жерлерден материалдардың келіп түсуіне және қажеттілігіне қарай өткізіледі. Комиссияның отырысы комиссия мүшелерінің кем дегенде жартысы қатысса, құқықты деп саналады.

8. Комиссияның шешімі оның отырысына қатысып отырған Комиссия мүшелерінің жалпы санының көпшілік даусымен ашық дауыс берумен қабылданады.

9. Қажет болған жағдайда Комиссияның құзырына кіретін жекелеген мәселелерді қарау үшін жұмыс топтары құрылады.

10. Комиссияның хатшысы отырыстардың құжаттарын әзірлеп, күн тәртібін дайындайды. Комиссия мүшелерінің өзара іс- қимылын ұйымдастырады және іс қағаздарын жүргізуге жауапты болады.