Об отборе кандидатов в военно-учебные заведения Республики Казахстан и Россиской Федерации Қолданыста

Қазақстан Республикасының және Ресей Федерациясының әскери-оқу орындарына кандидаттар іріктеп алу туралы Қазақстан Республикасының "Қазақстан Республикасындағы Жергілікті мемлекеттік басқару туралы" Заңындағы 29 баптың 11 тармағына сәйкес Қазақстан Республикасының және Ресей Федерациясының әскери-оқу орындарына 2005 жылы кандидаттар іріктеп алу шараларын ұйымдасқан түрде және сапалы өткізу мақсатында облыс Әкімі ШЕШІМ ҚАБЫЛДАДЫ :

1. Аудандар мен қалалардың әкімдері, Талдықорған қалалық қорғаныс істері жөніндегі басқармасы мен аудандық бөлімдер:

1) Қазақстан Республикасының және Ресей Федерациясының әскери-оқу орындарына кандидаттар іріктеп алу разнарядкаларын орындау мақсатында тиісті шаралар қабылдасын (N 1 қосымша).

2) Әскери оқу орындарында оқытуға кандидаттар іріктеп алу кезінде балалар үйінің тәрбиеленушілері, жетім балаларға арналған мектеп-интернаттар оқушылары, сондай-ақ көп балалы және аз қамтамасыз етілген отбасыларының балалары, Қазақстан Республикасының мүддесін қорғау кезінде қаза тапқан әскери қызметшілер балалары арасынан шыққан бозбалаларға артықшылық берілсін.

3) Әскери-оқу орындарына ең лайықты, дене күш дамуы жетілген және моральдық жағынан Қазақстан Республикасының қарулы Күштерінде әскери қызмет етуге дайын тұлғалар жіберілсін.

4) Медициналық растау және мандат комиссиясының тексеруін жүргізу мақсатында Алматы қаласындағы облыстық пунктке кандидаттарды дер кезінде жеткізуге қажет қаржының және көлік құралдарының бөлінуін ескерсін.

2. Алматы облысы әкімі денсаулық сақтау басқармасының бастығы (Б.Садықов):

1) Қазақстан Республикасының және Ресей Федерациясының әскери-оқу орындарына кандидаттарды медициналық растау шарасын 2004 жылдың 10-22 сәуірі, ал Кадет корпусы мен Республикалық "Жас ұлан" мектебіне кандидаттарды медициналық растау шарасын 2004 жылғы 2-22 мамыр аралығында өткізсін.

2) Талдықорған қалалық қорғаныс істері жөніндегі басқармасы мен аудандық бөлімдердің келісімімен әскери-оқу орнына кандидаттарды медициналық растау шарасын өткізуге, қажет мөлшерде дәрігер мамандар мен медициналық қызметкерлер бөлсін, әскери-оқу орындарындағы мамандықтарды ескере отырып, оларды медициналық тексеруден өткізуді ұйымдастырсын. Анализдер тапсыру, сондай-ақ флюорография мен арнайы медициналық тексерулерден өту кезінде кандидаттарға тегін қызмет көрсетілсін.

3. Білім департаментінің директоры (Т.Е.Естенов) әскери-оқу орындарына кандидаттардың негізгі пәндер (математика, физика, қазақ және орыс тілдері, қазақстанның тарихы) бойынша білімдерін әділ тексеруден өткізсін.

4. Спорт және дене тәрбиесі басқармасының бастығы (Ж.Жайлаубеков) әскери-оқу орындарына түсетін кандидаттардың дене күш дайындығы нормативтерінің өткізілуін ұйымдастырсын.

5. Алматы облыстық қорғаныс  істері жөніндегі басқармасы (Т.Р.Мәукебаев) осы шешімге сәйкес әскери-оқу орындарына кандидаттар іріктеп алуды ұйымдастырсын және осы шешімнің орындалуы туралы ақпарат 2004 жылдың 15-қарашасына дейін тапсырылсын.

6. Алматы облысы Әкімінің 2004 жылғы 16-ақпандағы "Қазақстан Республикасының және Ресей Федерациясының әскери-оқу орындарына кандидаттар іріктеп алу туралы" N 2-22  шешімі  (2004ж. 10 наурыздағы тіркеу N 1513) күшін жойған болып саналсын.

7. Осы шешімнің орындалуын бақылау Алматы облысы Әкімінің бірінші орынбасары В.А.Долженковқа жүктелсін.

Облыс Әкімінің 2005 жылғы "11" ақпандағы N 2-10 шешіміне N 1 қосымша Қазақстан Республикасы және Ресей Федерациясы Қорғаныс министрліктерінің әскери-оқу орындарына кандидаттар іріктеп алудың разнарядкасы N№ Аудандар (қалалар) атаулары Оның ішінде Ресей Федерациясының жоғарғы әскери оқу орындары Жоғарғы әскери оқу орындары Кадет корпусы Республикалық "Жас ұлан" мектебі 1 Ақсу 3 1 - 1 2 Алакөл 8 1 - 2 3 Балқаш 3 - - - 4 Еңбекшіқазақ 20 2 1 5 5 Ескелді 10 1 1 2 6 Жамбыл 11 1 1 3 7 Іле 12 1 1 2 8 Қапшағай қ. 10 - - 1 9 Қарасай 10 1 1 2 10 Кербұлақ 6 1 1 1 11 Қаратал 7 1 1 2 12 Панфилов 11 1 - 2 13 Райымбек 3 1 - 1 14 Сарқан 6 1 1 1 15 Талғар 10 1 - 2 16 Талдықорған қ. 23 2 1 6 17 Ұйғыр 8 - - 1 Барлығы: 161 16 9 34