Об утверждении правил содержания и выгула сельскохозяйственных животных, собак и кошек в Зеленовском районе Күшін жойған

Зеленов ауданының тұрғын мекендерінде ауыл шаруашылық жануарлары, иттер мен мысықтар ұстаудың және серуенге шығару Ережелерін бекіту туралы Қазақстан Республикасының “Қазақстан Республикасындағы жергілікті мемлекеттік басқару туралы” Заңының 6 бабы,”Ветеринария туралы” Заңының 10 бабы, 1 тармағы және Қазақстан Республикасының Әкімшілік құқық бұзушылықтар туралы” Кодексінің 310,311 баптары сәйкес Зеленов аудандық мәслихаты ШЕШІМ ЕТТІ:

1. Зеленов ауданындағы ауыл шаруашылық жануарлары, иттер мен мысықтар ұстаудың және серуенге шығару Ережелері қосымшаға сәйкес бекітілсін.

2. Осы шешімінің орындалуын бақылау ауыл мен аграрлық саясатты дамыту, экология, жер пайдалану және технологиялық үрдістер мәселелері бойынша тұрақты комиссияға жүктелсін.

3. Шешім әділет органдарында мемлекеттік тіркеуден өткеннен кейін өз күшіне енеді.

Бекітілді 2005 жылғы 22 ақпандағы №13-3 мәслихаттың шешімімен Зеленов ауданының тұрғын мекендерінде ауыл шаруашылық жануарлары, иттер мен мысықтар ұстаудың және серуенге Ережелерін бекіту туралы Осы ветеринарлық-санитарлық Ережелер жеке және заңды тұлғалар үшін міндетті және Зеленов ауданы аумағында күші бар болып табылады.

1. Зеленов ауданының барлық елді мекендерінде осы Ережелерді орындау арқылы үй жануарлары мен құстардың ұсталуы рұқсат етіледі.

2. Зеленов ауданы аймағында қажетті ветеринарлық - санитарлық жағдайын қамтамасыз ету мақсатында мынадай негізгі ережелер орнатылсын:

1) ауыл шаруашылық жануарлары мен құстар тұрғын және қоғамдық ғимараттардан 15 метр қашықтықта орналасқан арнайы жабдықталған бөлмелерде ұсталуы қажет;

2) малдың ұсталып тұрған орны залалсыздандыру мен зарарсыздандыру шаралары арқылы тазартылып, үнемі жаңа сөндірілген ақпен ақталып тұруы тиіс;

3) санитарлық-гигиеналық Ережелеріне сәйкес үй жануарларын серуендетуге арналған арнайы жабдықталған вольерлер және жануарлардың экстременттерін сақтайтын орын болуға тиіс;

4) жеке иелеріне, жаупкешілігі шектеулі серіктестердің, шаруашылық қожалықтарына жататын ауыл шаруашылық жануарларына міндетті әр жыл сайын көктем және күзгі кездерінде алдын - ала ветеринарлық өңдеуден өткізілу қажет;

5) саябақтарда, көшелерде, даңғылдарда және де басқа қоғамдық орындардың аймағында ауыл шаруашылық жануарларын бос жіберуге рұқсат етілмейді (шабан қарамаған жағдайда).

3. Мал ауруының алдын алу мақсатында мал иелеріне қойылатын міндеттер:

1) ветеринариялық мамандарға олардың талап етуі бойынша диагностикалық зерттеулер мен вакцина егуді жүзеге асыру үшін жануарларды беруге;

2) ауыл шаруашылық жануарларын бірдейлендіруді және оларға ветеринариялық төлқұжат ресімдеуге қамтамасыз етуге;

3) мемлекеттік ветеринариялық қадағалау органдарын жаңадан сатып алынған жануарлар, туған төлдер, олардың сойылғаны мен сатылғаны туралы хабарлауға;

4) бірнеше жануар кенеттен өлген, бір мезгілде ауырған немесе олар әдеттен тыс мінез көрсеткен жағдайлар туралы ветеринариялық маманындарға хабарлауға және ветеринариялық мамандар келгенге дейін ауру деп күдік келтірілген жануарларды оқшаулап ұстау жөнінде шаралар қолдануға.

4. Жануарлардың, иттер мен мысықтардың құтырма ауруын болдырмау мақсатында олардың иелері міндетті:

1) жыл сайын наурыз-мамыр айларында өз міекен-жайында орналасқан ветеринарлық мемлекеттік мекемелерінде байта тіркеуде өту және тіркеу куәлігі мен нөмірлік белгілерін алу. Тіркелмеген иттерді ұстауға рұқсат етілмейді.

2) санитарлық және гигиеналық Ережелерді сақтаған жағдайда бір жанұя тұратын бөлек пәтерлерде мысық пен иттерді ұстауға рұқсат етіледі. Көп қабатты үйлерде бір алаңда тұратын жеке пәтерлер тұрғындарының келісімі қажет;

3) иттерді мықты байлауда ұстау қажет, олардың қашып кету мүмкіндігін болдыртпайтын жабық аулаларда жіберуге болады, иттердің мұрындығы және қысқа байлауда болған жағдайда аула мен көшелерге шығаруға болады;

4) үйдегі және ауладағы жалпы адамдар пайдаланатын жерлерді, пәтерлерді, үй баспалдақтарын мысық пен иттерге ластатуға рұқсат етпеу. Болған жағдайда қожайындары тез арада экстременттерін жинап алулары керек.

5) мысық пен иттерді сырқаттанған жағдайда ветеринарлық емдеу мекемесіне қарату, жануарлар өліп қалған жағдайда олардың өліктерін, тіркеу куәлігін, нөмірлік белгілерін ветеринарлық емдеу мекемесіне тапсыру.

6) ветеринарлық қызметкерлердің талабы бойынша иттерді алдын ала егілтіп, диагностикалық зерттеуден өткізу қажет. Адамдарды зақымдаған иттерді, мысықтарды 10 күн ішінде ветеринарлық мамандардың бақылауымен ветеринарлық тексерістен өткізу үшін ветеринарлық емдеу мекемесіне дереу жеткізу.

5. Мысық пен иттердің иелеріне рұқсат етілмейді:

1) иттер мен мысықтарды қоғамдық орындарда ұстауға;

2) жануарларды қадағалаусыз қалдыруға және өлтіруге;

3) құтырмаға қарсы егілмеген күзет иттерін байлаусыз ұстауға және күзет нысандарында пайдалануға;

4) иттердің, мысықтардың өліктерін жерге көміп тастауға немесе лақтыруға.

6. Көшелерде, базарларда, темір жол стансаларында, аулаларда, жағажайларда иесіз жүрген иттер мен мысықтар тұқымына, иелігіне қарамастан иесіз деп саналып, орнатылған тәртіп пен алдын ала сақтандыру шараларын сақтау арқылы ұсталып, атылуға тиіс.

7. Иесіз иттер мен мысықтарды аулау арнайы бригадамен жүзеге асырылады.

8. Адамдарды немесе жануарларды тістеген жағдайда иттердің иелері немесе зақымданған тұлғалар тиесілі шараларды қолдану үшін денсаулық сақтау органдарына және ветеринарлық қадағалау басқармасына дереу хабар берулері қажет.

9. Иттердің селері міндетті:

1) иттердің уақытында тіркелуін қадағалау. Тіркеуден бас тартқан иттердің иелері туралы аудандық ішкі істер бөлімінің және ветеринарлық қадағалау басқармасының органдарына хабар беру.

2) жануарлардың кіру мүмкіндігін болдырмау үшін жертөлелерді, шатыр астын және басқа да үй-жайларды жабық ұстау қажет.

10. Жануарлардың иелері осы Ережелерді бұзғаны үшін әкімшілік жауапкершілікке тартылады.

11. Қазақстан Республикасының ауыл шаруашылық мемлекеттік аудандық аймақтық басқармасы,Зеленов аудандық мемлекеттік санитарлық эпидемиялогиялық қадағалау басқармасының бастығы,коммуналдық шаруашылық басқармасы, аудандық ішкі істер бөлімі осы Ережелермен белгіленген талаптардың орындалуын қамтамасыз етуге міндетті.