О Правилах учетной регистрации малочисленных религиозных групп не имеющих признаков юридического лица Күшін жойған

Заңды тұлға белгілері жоқ, саны аз діни топтарды есепке тіркеу Ережесі туралы Қазақстан Республикасының "Қазақстан Республикасындағы жергілікті мемлекеттік басқару туралы", "Діни сенім бостандығы және діни бірлестіктер туралы" Заңдарына сәйкес облыс әкімдігі ҚАУЛЫ ЕТЕДІ:

1. Қоса беріліп отырған заңды тұлға белгілері жоқ, саны аз діни топтарды (бұдан әрі - Топ) есепке тіркеу туралы Ереже бекітілсін (1 қосымша).

2. Батыс Қазақстан облысының ішкі саясат департаменті Топтарды есепке тіркеуді жүзеге асыратын уәкілетті орган болып белгіленсін.

3. Батыс Қазақстан облысының ішкі саясат департаменті:

1) заңды тұлға белгілері жоқ, саны аз діни топтарды есепке тіркеуге арналған құжаттарды зерделеу және ресімдеу кезінде Қазақстан Республикасының қолданыстағы заңнамаларын басшылыққа алсын.

2) бір ай мерзім ішінде құрылтайшылық құжаттарға тиісті өзгерістер мен толықтыруларды енгізсін және бекітуге ұсынсын.

4. Мыналар бекітілсін:

1) Топтың есепке қою туралы өтінішінің үлгісі (2 қосымша);

2) Топ құрған азаматтар тізімінің үлгісі (3 қосымша);

3) Топтың есепке тіркеуге қойылғандығы туралы анықтама үлгісі (4 қосымша);

4) Топты тіркеу журналының үлгісі (5 қосымша).

5. Осы қаулының орындалуын бақылау облыс әкімінің орынбасары А. С. Иманғалиевке жүктелсін.

1 қосымша облыс әкімдігінің 2005 жылғы 31 наурыздағы N 114 қаулысымен бекітілген Заңды тұлға белгілері жоқ, саны аз діни топтарды есепке тіркеу ЕРЕЖЕСІ

1. Жалпы ережелер

1. Осы Ереже Қазақстан Республикасының "Діни сенім бостандығы және діни бірлестіктер туралы" Заңына сәйкес әзірленді және заңды тұлға белгілері жоқ, саны аз діни топтарды есепке тіркеу тәртібін белгілейді.

2. Заңды тұлға белгілері жоқ, саны аз діни топтарды есепке тіркеу Қазақстан Республикасының "Діни сенім бостандығы және діни бірлестіктер туралы" Заңына сәйкес жүзеге асырылады.

3. Заңды тұлға белгілері жоқ, саны аз діни топтарды есепке тіркеуді Батыс Қазақстан облысының ішкі саясат департаменті (бұдан әрі - тіркеуші орган) жүзеге асырады.

4. Заңды тұлға белгілері жоқ, саны аз діни топтарды есепке тіркеу аталмыш субъектілерге діни қызметті жүзеге асыруда заңдылық беру тәсілі болып табылады және тіркеуші органның саны аз діни топ туралы мәліметтерді есепке алу журналына енгізу жолымен жүзеге асырылады. Есепке тіркеуден өткенін ресми растайтын құжат болып тіркеуші орган берген анықтама болып табылады.

5. Заңды тұлға белгілері жоқ, саны аз діни топ тіркеуші органда есепке тіркеуге алынған сәттен бастап діни қызметті жүзеге асыру құқығына ие болады.

2. Саны аз діни топтарды есепке тіркеу тәртібі

6. Саны аз діни топтарды есепке тіркеу барысына құрылатын діни топтық құжаттарының Қазақстан Республикасының қолданыстағы Заңдарына сәйкестігін тексеру, діни топ туралы мәліметтерді есепке алу журналына енгізу және есепке қойылғаны туралы анықтама беру кіреді.

7. Есепке тіркелу үшін діни топ тіркеуші органға мыналарды ұсынады:

1) 2 қосымшаға сәйкес діни қауымдастықтың атауы, оның діни ұстанымы, орналасқан жері, топ басшысы жөнінде деректер, табыну құрылыстарының және шегінде ол өз қызметін жүргізетін аумағының бары жөнінде мәліметтер көрсетілген есепке қою туралы өтініші;

2) 3 қосымшаға сәйкес топ құратын кәмелетке толған азаматтардың тізімі;

3) топ мүшелері жиналысының хаттамасы;

4) құрылымы жағынан тіркелетін саны аз діни топ жатқызылған заңды тұлға мәртебесі бар, діни бірлестік жарғысының көшірмесі.

8. Заңды тұлға белгілері жоқ, саны аз діни топты есепке тіркеу туралы мәліметтер 4 қосымшаға сәйкес үлгі бойынша қатаң есептіліктің арнайы журналына енгізіледі.

9. Есепке тіркеу тиісті құжаттар берілген күннен бастап 15 күннен аспайтын мерзім ішінде жүргізіледі.

10. Тіркеуші орган діни топтың басшысына тіркеуші органның басшысы қол қойған, жергілікті атқарушы органда есепке тіркеуге қойылғаны жөнінде 5 қосымшаға сәйкес белгіленген үлгідегі анықтаманы береді.

11. Заңды тұлға белгілері жоқ, саны аз діни топта өзгерістер болған жағдайда тіркеуші орган журналға тиісті мәліметтерді енгізеді.

12. Заңды тұлға белгілері жоқ, саны аз діни топтың есепке қойылғаны туралы мәліметтер, сондай-ақ есепке алу журналына енгізілген өзгерістер мен толықтырулар тіркеуші органда сақталады.

13. Топ басшысы тіркеуші органға жылына 4 рет өз қызметі туралы ақпарат береді.

14. Есепке тіркеу қызметі тегін жүргізіледі. Саны аз діни топ өз қызметін нақты тоқтатқан жағдайда, не болмаса әділет органдарында заңды тұлға мәртебесі бар діни бірлестік немесе заңды тұлғаның филиалы ретінде заңды тіркеуден өткеннен кейін тіркеуші органмен есепке тіркеуден шығарылады.

2 қосымша облыс әкімдігінің 2005 жылғы 31 наурыздағы N 114 қаулысымен бекітілген ___________________________ (өтінішті тіркеуші органның ___________________________ атауы және мекен-жайы) Өтініш _________________________________________________________________ (Топ басшысының аты-жөні, әкесінің аты) _________________________________________________________________ (діни топтың атауы, оның діни ұстанымы) _________________________________________________________________ (кәмелетке толған мүшелерінің саны) _________________________________________________________________ (діни топтың мекен-жайы, табынатын құрылыстың бары) _________________________________________________________________ (шегінде өз қызметін жүргізетін аумағы) _________________________________________________________________ _________________________________________________________________ _________________________________________________________________ Қолы Күні

3 қосымша облыс әкімдігінің 2005 жылғы 31 наурыздағы N 114 қаулысымен бекітілген Діни топ құратын азаматтардың тізімі N р/с Аты-жөні, әкесінің аты Туған жылы, айы, күні Тұратын жері (мекен-жайы) Қолы

4 қосымша облыс әкімдігінің 2005 жылғы 31 наурыздағы N 114 қаулысымен бекітілген Діни топтың есепке тіркеуге қойылғаны туралы анықтама 2005 жылғы "__" _________ берілді. Діни топтың атауы_____________________________________________________________ _____________________________________________________________________________ Топты тіркеген органның басшысы: Қолы Мөр

5 қосымша облыс әкімдігінің 2005 жылғы 31 наурыздағы N 114 қаулысымен бекітілген Саны аз діни топтарды тіркеу журналы N р/с Тіркеу нөмірі және тіркелген күні Діни топтың атауы Діни топтың діни ұстанымы және діни орталыққа жататындығы Діни топтың орналасқан жері Діни топ қызметінің ауданы 1 2 3 4 5 6 Табынатын (сыйынатын) құрылыстың бары Басшының немесе топтың уәкілетті өкілінің аты-жөні, әкесінің аты, олардың мекен-жайы, телефон нөмірлері Тіркелгені туралы анықтаманы толтырған адамның аты-жөні, әкесінің аты Тіркелгені туралы анықтаманы алған адамның аты-жөні, әкесінің аты және қолы Ескерту 7 8 9 10 11