Об утверждении Правил использования объектов коммунальной собственности в качестве залогового обеспечения при кредитовании субъектов малого предпринимательства Күшін жойған

Шағын кәсіпкерлік субъектілеріне несие беру кезінде кепілдікті қамтамасыз ету ретінде коммуналдық меншік объектілерін пайдалану Ережесін бекіту туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 27-бабына және Қазақстан Республикасы Үкіметінің 2000 жылғы 7 шілдедегі № 1028 «Шағын кәсіпкерлік сібъектілеріне несие беру кезінде кепілдікті қамтамасыз ету ретінде коммуналдық меншік объектілерін пайдалану мәселелері» жөніндегі қаулысына сәйкес Қостанай облысының әкімдігі ҚАУЛЫ ЕТЕДІ:

1. Қоса беріліп отырған шағын кәсіпкерлік субъектілеріне несие беру кезінде кепілдікті қамтамасыз ету ретінде коммуналдық меншік объектілерін пайдаланудың Ережесі бекітілсін.

2. Осы қаулының орындалуын бақылау Қостанай облысы әкімінің орынбасары А.П. Рауға жүктелсін.

Әкімдіктің 2005 жылғы 28 наурыздағы № 99 қаулысымен бекітілген Шағын кәсіпкерлік субъектілеріне несие беру кезінде кепілдікті қамтамасыз ету ретінде коммуналдық меншік объектілерін пайдаланудың ережесі

1. Жалпы ережелер

1. Осы Ереже Қазақстан Республикасы Президентінің 2003 жылғы 29 желтоқсандағы № 1268 Жарлығымен бекітілген Қазақстан Республикасында шағын кәсіпкерлікті дамыту мен қолдаудың 2004-2006 жылдарға арналған мемлекеттік бағдарламасын, Қазақстан Республикасы Үкіметінің 2000 жылғы 7 шілдедегі № 1028 «Шағын кәсіпкерлік субъектілеріне несие беру кезінде кепілдікті қамтамасыз ету ретінде коммуналдық меншік объектілерін пайдалану мәселелері» қаулысын іске асыру мақсатында әзірленді және шағын кәсіпкерлік субъектілеріне несие беру кезінде кепілдікті қамтамасыз ету ретінде коммуналдық меншік объектілерін пайдаланудың біркелкі тәртібін анықтайды.

2. Шағын кәсіпкерлік субъектілеріне несие беру кезінде кепілдікті коммуналдық меншік объектілерімен қамтамасыз ету шаруашылық жүргізу құқығында жұмыс істеп тұрған мемлекеттік коммунлдық кәсіпорындардың (бұдан әрі – МКК) жанына кепілдікті қорлар құру жолымен жүзеге асырылады.

3. Коммуналдық меншік объектілерін кепілдікті қорға беру туралы қаулыны облыстың қалалары мен аудандарының әкімдіктері (будан әрі – Әкімдік) қабылдайды.

4. Шағын кәсіпкерлік субъектілеріне несие беру кезінде кепілдікті коммуналдық меншік объектілерімен қамтамасыз ету МКК-ның өз кәсіпкерлік тәуекеліне сақтандыру жүргізуі жағдайында жүзеге асырылады.

2. Кепілдік мүлігін іріктеу және оны бағалау

5. Әкімдік жыл сайын коммуналдық меншік объектілерін түгендеуді жүргізеді, сондай-ақ объектілердің атауы, олардың орналасқан жері, баланстық құны мен объектілер жағдайының басқа да деректері көрсетілетін коммуналдық меншік объектілерінің тізілімін жасайды және бекітеді.

6. Тізілімді жасаған кезде «Қазақстан Республикасындағы банк және банк қызметі туралы» Қазақстан Республикасының Заңына сәйкес несиелерді кепілдікті қамтамасыз ету несие ұйымдарының қоятын талаптарына сәйкес коммуналдық меншік объектілерін бағалау мамандарды немесе тәуелсіз сарапшыларды тарту арқылы жүргізіледі. Шағын кәсіпкерлік субъектілеріне несие беру кезінде кепілдікті коммуналдық меншік объектілерімен қамтамасыз ету ретінде коммуналдық меншік объектілерін беру кезінде коммуналдық меншік объектілерін бағалау жергілікті бюджет қаражаты есебінен жүргізіледі.

7. Шағын кәсіпкерлік субъектілеріне несие беру кезінде кепілдікті қамтамасыз ету ретінде ұсынылған коммуналдық меншік объектілерінің тізімі Қостанай облысының мемлекеттік коммуналдық мүлікті басқару уәкілетті органымен (бұдан әрі – Әкім) бекітіледі. Сонымен қатар, көрсетілген тізбеге білім және денсаулық сақтау объектілерін енгізу облыстық деңгейдегі мемлекеттік органдарының келісімімен жүзеге асырылады. Мемлекеттік кәсіпорындарының келісімімен жүзеге асырылады. Шағын кәсіпкерлік субъектілеріне несие беру кезінде кепілдікті қамтамасыз ету ретінде ұсынылған коммуналдық меншік объектілерінің тізіміне стратегиялық маңызы бар объектілер енгізілмейді.

3. Шағын кәсіпкерлік субъектілерінің жобаларын іріктеу

8. Әкімдіктің қаулысымен коммуналдық меншік объектілерін кепілдікті қамтамасыз ету есебіне несие берілетін шағын кәсіпкерлік субъектілерінің жобаларын іріктеу жөніндегі Комиссия (бұдан әрі – Комиссия) құрылады.

9. Комиссияны Әкім басқарады.

10. МКК басшысы лауызымы бойынша Комиссия хатшысы болып табылады. Саны кем дегенде бес адамнан тұратын Комиссияның жеке құрамын хатшының ұсынуы бойынша Әкім бекітеді.

11. Комиссия жұмыс органының функциялары МКК-ға жүктеледі.

12. Комиссияның жұмыс органы Комиссия отырысының күн тәртібі жөнінде ұсыныстар әзірлейді; өз құзыры ның шегінде Комиссия шешімдерінің орындалуын қамтамасыз етеді; Комиссия мүшелерінің және оның қызметіне тартылған мамандардың жұмысын үйлестіреді; шағын кәсіпкерлік субъектілерінің өтінімдерін тіркеуді жүзеге асырады. Шағын кәсіпкерлік субъектілерінің өтінімдері еркін түрде ресімделеді. Шағын кәсіпкерлік субъектілерінің жобаларды іріктеуге қатысуға өтінімдерін тіркеуден бас тартуға жол берілмейді.

13. Шағын кәсіпкерлік субъектілерінің жобалары бойынша іріктеуді жүзеге асыру екі кезенде жүргізіледі. Жобаларды іріктеудің алдын-ала сатысында жұмыс органы талдау жүргізуге және оларды несиелендіру мүмкіндіктері туралы қорытындыларды беруге арналған жобалар бойынша құжаттарды экономикалық, ұйымдастырушылық, маркетингтік және қаржылық көзқарастар тұрғысынан сараптайды және несие ұйымдарының қарауына тапсырады. Жұмыс органы несие ұйымдарының оң қорытындыларын алған өтінімдерді отырыс күнінен үш күн бұрын, несие ұйымдарының қорытындыларын қоса отырып, Комиссия мүшелерінің қарауына ұсынады.

14. Комиссия өз қызметін жүзеге асыру үшін заңнамада белгіленген тәртіппен: ғалымдардың, беделді кәсіпкерлердің, уәкілетті органдардың өкілдерін және басқа да мамандардың қатарынан сарапшылар мен кеңесшілерді жұмыс істеуге тартады; уақытша және үнемі әрекет етуші сараптау және жұмыс топтарын ұйымдастырады; қажетті ақпараттық, талдамалы, анықтамалық-статистикалық материалдарды, сондай-ақ ведомстволық нормативтік құқықтық актілерді алады.

15. Жобаларды іріктеу кезінде мынадай талаптар ескеріледі:

1) шағын кәсіпкерлік субъектісінің бюджет алдында берешегінің болмауы;

2) қолайлы несие жинағының болуы, егер ол болса;

3) жобаның облыстық мәслихатпен бекіткен, облысты дамытудың индикативті жоспарына және аймақта шағын бизнесті дамытудың басым бағыттарына сәйкес келуі.

16. Комиссия несие ұйымдарының оң қорытындыларын алған өтінімдерді, олар тіркелген күннен бастап екі айдан кешіктірмей қарайды.

17. Комиссияның төрағасы Комиссия отырысын қажеттілігіне қарай шақырады. Комиссияның шешімдері ашық дауыс арқылы үштен екі дауыспен қабылданады. Комиссияның шешімдеріне Комиссияның төрағасы мен хатшысы қол қояды. Комиссия мүшелері ерекше пікір білдіруге құқылы, білдірілген жағдайда жазбаша жазылып, Комиссия отырысының хаттамасына қоса берілуі тиіс.

18. Нисиелеуге арналған жобалар мен ұсынымдарды іріктеу кезінде Комиссияның мүшелері қабылдаған шешімдер үшін, олар Қазақстан Республикасының заңнамасына сәйкес жауап береді.

19. Шағын кәсіпкерлік субъектісіне кепілдікті қамтамасыз етуді беруден бас тартылған жағдайда, жұмыс органы жобаларды іріктеудің тиісті кезеңінен кейін, үш күндік мерзімде бас тартудың негізін көрсете отырып, шағын кәсіпкерлік субъектісін жазбаша нысанда хабардар етуге міндетті.

4. Кепілдікті қамтамасыз етуді рәсімдеу

20. Комиссияның шешімі МКК-ның шағын кәсіпкерлік субъектілеріне несие беру кезінде кепілдікті қамтамасыз ету ретінде коммуналдық меншік объектілерін беру туралы шарт жасау туралы шешім қабылдауды үшін негіз болып табылады.

21. Шағын кәсіпкерлік субъектілері несие алған кезде МКК кепілдік беруші болып табылады.

22. Объектілер кепілдікті қамтамасыз етуше пайдаланылғаны үшін МКК-ға алынған несие сомасының 0,1 проценті мөлшерінде шағын кәсіпкерлік субъектілері төлейтін сыйақы (мүдде) мөлшерлемесі белгіленеді.

23. Егер де жобаны қаржыландыру туралы оң шешім қабылданса, МКК азаматтық заңнамаға сәйкес несие ұйымымен және шағын кәсіпкерлік субъектісімен ипотекалық шартқа отырады.

24. Ипотекалық шартта кепілдікті мүліктің мәні, бағалау құны, негізгі міндеттемелерінің маңызы, оның мөлшері және орындау мерзімі; тараптардың құқықтары мен міндеттері, оның ішінде МКК-ныі шағын кәсіпкерлік субъектілеріне берілген несиелердің мақсатты пайдаланылуына бақылау жүргізу құқығы; жоғары да көрсетілген объектілердің кепілдікпен қамтамасыз етіп алынған несиелерін қайтару жөніндегі шағын кәсіпкерлік субъектілерінің міндеттерін орындауды қамтамасыз ету тәртібі; заңнамамен тыйым салынбаған және ипотекалық шарттағы кез келген тараптардың өтініші бойынша келісімге қол жеткізуге тиіс басқа да жағдайлар көрсетілуі қажет.

25. Ипотекалық шарт Уәкілетті органда келісілуі тиіс.