Об утверждении Правил осуществления социальных выплат отдельным категориям граждан Күшін жойған

Жеке санаттағы азаматтарға әлеуметтік төлемдерді жүзеге асыру Ережесін бекіту туралы Қазақстан Республикасының «Қазақстан Республикасындағы жергілікті мемлекеттік басқару туралы» заңының 6 бабына сәйкес, аудан әкімінің өтінішін қарастырып және жұмыспен қамту әлеуметтік бағдарламалар бөлімі бастығының ақпаратын тыңдап, Сандықтау ауданының мәслихаты ШЕШТІ:

1. Жеке санаттағы азаматтарға әлеуметтік төлемдерді жүзеге асыруға ұсынылған Ережені №1 қосымшаға орай бекітсін.

2. Осы шешімді бақылауды әлеуметтік мәселелер жөніндегі аудан мәслихатының тұрақты комиссиясына жүктесін.

3. Осы шешім Ақмола облысының Сандықтау ауданының Әділет басқармасында тіркеуден өткеннен кейін және «Сандыктауские вести» газетінде жарияланғаннан кейін күшіне енеді.

2005 жылдың 18 наурызында № 15/2 аудан мәслихаты сессиясының бекітілген шешіміне 1 қосымша Жеке категориядағы азаматтарға әлеуметтік төлемдерді жүзеге асыру ережесі

1. Жалпы ереже

1. Нақты жеке категориядағы азаматтарға әлеуметтік төлемдерді жүзеге асыру ережесі (бұдан әрі-Ереже) бюджеттік 451007000 «Жеке категориядағы тұлғаларға жергілікті органдардың өкілдерінің шешімі бойынша әлеуметтік төлемдер», бағдарламасы бойынша төлемдерді ұйымдастыру тәртібін реттейді

2. Ережені қабылдау үшін Қазақстан Республикасының 23 қаңтар 2001 жылғы № 148 «Қазақстан Республикасында мемлекеттік жергілікті басқару туралы» Заңы және 24 сәуір 2004 жылғы № 548 Қазақстан Республикасының бюджет кодексі құқықтық негіз болып табылады

3. Ереженің қызметі реттелетін Қазақстан Республикасының «Мемлекеттік атаулы әлеуметтік көмек туралы» Заңының қатысына таратылмайды

4. Әлеуметтік көмек мемлекеттік мерекелерде және жалпы аудандық шараларда ақшалай қаражатпен, ақысыз тамақтануға, жеке куәлігін рәсімдеуге, стационарда емделуге, медициналық мекемелерде қаралуға, дәрі-дәрмекті сатып алуға және емделу орнына дейінгі жол ақы, жұмыссыздар мен кәмелеттік жасқа толмаған балаларды жерлеу түрінде көрсетіледі

2. Төлемдерді алу құқығы

5. Төлемдерді алу құқығын игеретіндер:

1) Өмірлік ауыр жағдайға тап болған орта жан басына шаққандағы кірісі күн көріс деңгейінен аспайтын және жедел әлеуметтік қолдауға мұқтаж жағдайлары анықталған отбасылары (азаматтары), сонымен бірге мереке күндері жеке санаттағы азаматтар болып табылады;

2).Ұлы Отан соғысына қатысушылар және оған тенестірілген тұлғалар, тыл еңбекерлеріне, әскери-интернационалистер, зейнеткерлер, 16 жасқа дейінгі мүгедек-балалар, жетім балалар, «Мать героиня» медалдарымен және «Күміс алқа», «Алтын алқа» аспаларымен марапатталған көп балалы аналар;

3) Өртін нәтижесінде, басқада жағдайларда зардап шеккен отбасылары (кіріс саналмайды)

4) Жұмыссыз азаматтар мен кәмелеттік жасқа толмаған балаларды жерлейтін отбасылары

3. Төлемдер бойынша жұмыстарды ұйымдастыру

6. Төлемдер бойынша жұмыстарды ұйымдастыру мақсатында аудандық мәслихат депутаттарының санынан, Сандықтау ауданының жұмыспен қамту және әлеуметтік бағдарламалар бөлімінің, қоғамдық мүшелерден және басқа да ұйымдардың өкілдерінен комиссия құрылады. Комиссияның жеке құрамы мен саны аудандық маслихаттың шешімімен бекітіледі. Комиссия отырысы айына бір реттен кем емес Сандықтау ауданының жұмыспен қамту және әлеуметтік бағдарламалар бөлімінде өткізіледі. Комиссияның негізгі міндеттері болып табылатындар:

1) әлеуметтік көмекті көрсету туралы азаматтардың өтініштерін қарастыру;

2) көмек сұраған отбасының (азаматтың) қамтамасыз етілген деңгейін және әлеуметтік-тұрмыстық жағдайын тексеру;

3) әлеуметтік көмекті тағайындау немесе бас тарту туралы шешім қабылдау.

4. Әлеуметтік көмекті көрсетудің тәртібі мен мөлшері

7. Әлеуметтік төлем ақша түрінде жылына бір рет бір отбасының мүшесіне (азаматқа) беріледі.

8. әлеуметтік төлемді алуға үміткер тұлғалар Сандықтау ауданының жұмыспен қамту және әлеуметтік бағдарламалар бөліміне өтініш тапсырады. Өтінішке келесі құжаттар тапсырылады:

1) төлқұжат немесе жеке куәлігі, ӘЖК, СТН;

2) отбасының құрамы туралы анықтама;

3) өткен тоқсандағы кірісі туралы анықтама;

4) әлеуметтік төлемге мұқтаж екендігін растайтын құжат

5) отбасының материалды жағдайы туралы акті

6) банктегі есеп шотының нөмірі

9. 5 тармақтың 4 кіші тармағында көрсетілген тұлғалар әлеуметтік көмек алуға келесі құжаттарды тапсырады:

1) өтініш

2) отбасы туралы анықтама

3) өлуі туралы анықтама

4) өлуі туралы куәлік

5) ӘЖК, СТН, банк шоты, жеке куәлігі

10. Көмек көрсету туралы өтінішті талап етпей-ақ және материалдық-тұрмыстық тексеріс актісіңсіз, мемлекеттік мерекелерде және аудандық іс-шараларда аудан әкімімен келісілген, тізімнің негізінде жүргізіледі.

11. Әрбір нақты жағдайда төлем мөлшері комиссиямен анықталады. 5 тармақтың 1 кіші тармағында және 5 тармақтың 2 кіші тармағында көрсетілген тұлғалар үшін 20 айлық есептеу көрсеткішінен аспауы керек, 5 тармақтың 3 кіші тармағында көрсетілген тұлғаларға комиссиямен анықталады, бірақ 40 айлық есептеу көрсеткішінен аспауы керек, ал 5 тармақтың 4 кіші тармағында көрсетілген тұлғалар үшін 10 айлық есептеу көрсеткішінен аспауы керек

5. Төлемдерді қаржыландыру.

12. Әлеуметтік төлемдердің шығыстарын қаржыландыру 451007000 «Жеке категориядағы тұлғаларға жергілікті органдардың өкілдерінің шешімі бойынша әлеуметтік төлемдер» бюджеттік бағдарлама бойынша осы мақсаттар үшін аудандық бюджетте қарастырылған қаражаттың шегінде жүргізіледі.

6. Төлемдерді жүзеге асыруды бақылау

13. Әлеуметтік төлемдерді бақылау және есеп беру жөніндегі Қазақстан Республикасының бюджет кодексіне сәйкес жүзеге асырылады