Об утверждении Правил по содержанию сельскохозяйственных животных в населенных пунктах Ерейментауского района Қолданыста

Ерейментау ауданының елді мекендерінде ауыл шаруашылығы жануарларын ұстау Ережесін бекіту туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6 бабына сәйкес, Ерейментау аудандық Мәслихаты ШЕШТI:

1. Ерейментау ауданының елді мекендерінде ауыл шаруашылығы жануарларын ұстау Ережесі (қосымша) бекітілсін.

2. Бұл шешім Ерейментау ауданының Әділет басқармасында мемлекеттік тіркеуден өткеннен кейін және ресми жарияланған сәтінен бастап күшіне енеді.

2005 жылдың 29 наурызындағы № С-16/5 шешіміне қосымша Ерейментау ауданының елді мекендерінде ауыл шаруашылығы жануарларын ұстау ЕРЕЖЕСІ

1. Жалпы ереже

1. Бұл Ереже Ерейментау ауданының аумағында ауыл шаруашылығы жануарларын ұстау ісін бір ізге түсіру мақсатымен жобаланған және осы Ережені бұзғаны үшін заңды және жеке тұлғалардың жауапкершілігін көздейді.

2. Ереже, меншік үлгісіне қарамастан, ауыл шаруашылығы жануарларын ұстайтын жеке және заңды тұлғалардың барлығына қолданылады.

3. Бұл Ереже Қазақстан Республикасының «Қазақстан Республикасындағы жергілікті мемлекеттік басқару туралы» Заңымен, Қазақстан Республикасының «Әкімшілік құқық бұзушылық туралы» Кодексімен және Қазақстан Республикасының «Ветеринария туралы» Заңымен сәйкестендіріліп жобаланған.

4. Бұл Ереженің орындалуына аудандык ішкі істер бөлімі бақылау жүргізеді, ол Ережені ескермейтін жандарды әкімшілік жауапкершілікке тарту мәселесін шешетін болады.

2. Ауыл шаруашылығы жануарларын ұстау тәртібі

5. Ауыл шаруашылығы жануарлары аулада арнайы белгіленген орында көршілерге қолайсыздық тудырмайтын лайықталған бөлмелерде ұсталуға тиісті

6. Мал иелері оны ұстауға арналған зоотехникалық және ветеринарлық- санитарлық ереже талаптарын ескеруге, қоршаған ортаның ластануына жол бермеуге міндетті.

7. Мал қоятын орын тоқсан сайын әктаспен ағартылып, кемінде жылына бір рет залалсыздандырылып тұруы шарт. Көңін, жемшөп қалдықтарын, қоқысын осы мақсатқа арнайы лайықталған орынға уақтылы шығару қажет.

8. Малды көшеде, скверде, саябақта, ортақ қолданыстағы басқадай орындарда серуендетуге тыйым салынады.

3. Ауыл шаруашылығы жануарлары иелерінің міндеттері

9. Мал иелері:

1) малды тіршілік ерекшеліктерімен сәйкестендіріп ұстауға, жанашырлықпен қарауға, бақылаусыз қалдырмауға, індет байқалған жағдайда ветеринардың көмегіне уақтылы жүгінуге;

2) малдың осы ереже талаптарымен сәйкестендірілген лайықты күтімін қамтамасыз етуге;

3) айналаның қауіпсіздігін қамтамасыз етуге, тыныштықты, тазалық ережелерін сақтауға арналған шараларды қолдануға;

4) ортақ қолданыстағы орындарды былғамауға, малды тек жайылым мен серуен орнында ғана жайып-бағуға;

5) малдың өлі денесін қалдық жинайтын орыннан тыс жерге тастамауға міндетті. Өлген малдың денесі кәдеге жаратылуы шарт.

10. Ауыл шаруашылығы жануарлар иелері қиын жүйесі түрде жиып алуға, оны қоқыс орнына шығаруға немесе пайдаға асыруға міндетті.

11. Мал иелері паразитті жәндіктер мен кеміргіштердің бой көрсетуін тыю шараларын қолдануға, мал бақылаусыз қалдырмауға, оларды қаңғытып жібермеуге міндетті.

12. Мал иелері белгіленген мерзімде міндетті ветеринария шараларын жүргізуге, карантиндік режимде сақтауға, жұқпалы індеттің алдын алуға арналған шараларды іске асыруға міндетті.

4. Ережені бұзғаны үшін мал иелеріне жүктелетін жауапкершілік

13. Осы Ережені бұзып, кінәлі болған жеке және заңды тұлғалар Қазақстан Республикасының «Әкімшілік құқық бұзушылық туралы» Кодексінің 310 бабына және Қазақстан Республикасының «Ветеринария туралы» Заңына сәйкес жауапкершілікке тартылады. Ветеринария туралы заңнаманы бұзғаны үшін, атап айтқанда: індет жұқтыратын малды жоюға арналған міндетті ветеринарлық - санитарлық шараларын жүргізуден бас тартқаны; індет жұқтыратын малды таратқаны; малды өз төлінен өсірген сәтте ветеринарлық - санитарлық ережелерді ескермегені; ветеринарлық салада өзге нормативтік-құқықтық актілерді, сондай-ақ індетпен күрес мәселелеріне арналған жергілікті өкілетті және атқару органдарының шешімін бұзғаны үшін азаматтар мен заңды тұлғаларға заңнамаға сәйкес айып жазасы қолданылады. Айып салу туралы қаулыны аудандық ішкі істер бөлімінің өкілі жазып береді.

14. Материалдық шығын келтірілген жағдайда, жәбірленушінің оны толтыруға сотқа арыз беретін құқығы бар.