Об утверждении Типового положения о комиссии по делам семьи и женщин при акиме области (городов Астаны и Алматы) Күшін жойған
Басқа 0
Облыстың (Астана және Алматы қалалары) әкімінің жанындағы отбасы және әйелдер істері жөніндегі комиссия туралы үлгі ережені бекіту туралы
Қаулының күші жойылды - ҚР Үкіметінің 2006.02.28. N 138 қаулысымен
"Қазақстан Республикасы Президентінің жанындағы отбасы және әйелдер істері жөніндегі ұлттық комиссия туралы" Қазақстан Республикасы Президентінің Жарлығын іске асыру мақсатында Қазақстан Республикасының Үкіметі қаулы етеді:
Тармақ 1
1. Қоса беріліп отырған Облыстың (Астана және Алматы қалалары) әкімінің жанындағы отбасы және әйелдер істері жөніндегі комиссия туралы үлгі ереже бекітілсін.
Тармақ 2
2. Облыстардың, Астана, Алматы қалаларының әкімдері екі апталық мерзім ішінде Облыстардың, Астана және Алматы қалалары әкімдерінің жанындағы отбасы және әйелдер істері жөніндегі комиссиялар туралы ережені бекітсін.
Тармақ 3
3. Осы қаулы қол қойылған күнінен бастап күшіне енеді.
Басқа 0. Облыстың (Астана мен Алматы қалалары) әкімінің
жанындағы Отбасы және әйелдер істері жөніндегі
комиссия туралы
Үлгі ереже
Қазақстан Республикасы
Үкіметінің
1999 жылғы 2 наурыздағы
N 194 қаулысымен
бекітілді
Облыстың (Астана мен Алматы қалалары) әкімінің
жанындағы Отбасы және әйелдер істері жөніндегі
комиссия туралы
Үлгі ереже
Тарау 5. І. Жалпы ережелер
І. Жалпы ережелер
Тармақ 1
1. Облыстың (Астана мен Алматы қалалары) әкімінің жанындағы Отбасы және әйелдер істері жөніндегі комиссия (бұдан әрі - Комиссия) облыстар, Астана мен Алматы қалалары әкімдерінің (бұдан әрі - әкімнің) жанындағы консультативтік-кеңесші орган болып табылады.
Тармақ 2
2. Комиссия қызметінің құқықтық негізін Қазақстан Республикасының Конституциясы мен заңдары, Қазақстан Республикасының Президенті мен Үкіметінің актілері, Қазақстан Республикасының өзге де нормативтік құқықтық актілері, әкімнің шешімі, Қазақстан Республикасы Президентінің жанындағы Отбасы және әйелдер істері жөніндегі ұлттық комиссияның ұсынымдары мен ұсыныстары, сондай-ақ осы Ереже құрайды.
Тарау 8. ІІ. Комиссияның негізгі міндеттері
ІІ. Комиссияның негізгі міндеттері
Тармақ 3
3. Комиссияның негізгі міндеттері:
Тармақша 1
1) Қазақстан Республикасы Президентінің жанындағы Отбасы және әйелдер істері жөніндегі ұлттық комиссияның белгіленген басымдықтары мен ұсынымдарына сәйкес, отбасы, әйелдер мен балалар мәселелері жөніндегі кешенді аймақтық (облыстық, қалалық және аудандық) бағдарламаларды қалыптастыру;
Тармақша 2
2) отбасын, әйелдер мен балаларды әлеуметтік, экономикалық, заңдық және психологиялық қолдау жөніндегі өзге де іс-шараларды әзірлеуге және жүзеге асыруға қатысу;
Тармақша 3
3) халықтың денсаулық жағдайын, ана мен баланы қорғауды, отбасының тыныс-тіршілігінің әлеуметтік-экономикалық шарттарын қайта өркендету процестеріне кешенді талдау жүргізу;
Тармақша 4
4) отбасының, әйелдер мен балалардың қоғамның экономикалық, әлеуметтік саяси және мәдени өміріндегі нақты жағдайы мәселелері жөніндегі ақпараттық базаны қалыптастыруға қатысу;
Тармақша 5
5) әйелдердің жергілікті өкілді және атқарушы органдарға өкілдігін кеңейтуге жәрдемдесу;
Тармақша 6
6) әйелдерді тарта отырып шағын және орта бизнесті дамыту мәселелері жөнінде ұсыныс әзірлеу және оны іске асыруға қатысу;
Тармақша 7
7) жергілікті өкілді және атқарушы органдардың, сондай-ақ қоғамдық бірлестіктердің (келісім бойынша) отбасының, әйелдер мен балалардың жағдайын жақсартуға бағытталған ұсыныстары мен шешімдерінің жобаларын қарауға қатысу;
Тармақша 8
8) көп балалы және аз қамтамасыз етілген отбасыларға әлеуметтік қолдау көрсетуді жүзеге асыруға, мектепте жаппай оқуды қамтамасыз етуге, жетім балалардың жазғы демалысын ұйымдастыруға, отбасы, әйелдер мен балалар мәселелері жөніндегі өзге де әлеуметтік жобаларды іске асыруға жәрдемдесу;
Тармақша 9
9) жергілікті өкілді және атқарушы органдар үшін Комиссияның құзыретіне кіретін мәселелер бойынша ұсынымдар мен ұсыныстар дайындау;
Тармақша 10
10) отбасының, әйелдер мен балалардың жағдайы аспектілерін неғұрлым толық және объективті көрсету мақсатында бұқаралық ақпарат құралдармен өзара іс-қимыл жасау;
Тармақша 11
11) өз құзыретінің шегінде барлық мүдделі ұйымдармен ынтымақтасу, сондай-ақ отбасы, әйелдер мен балалар мәселелері жөнінде аймақтық конференциялар, семинарлар, кеңестер өткізу;
Тармақша 12
12) функциялары жөнінен, осындай төмен тұрған комиссиялардың қызметін үйлестіру және әдістемелік қамтамасыз ету болып табылады.
Тарау 22. ІІІ. Комиссияның өкілеттігі
ІІІ. Комиссияның өкілеттігі
Тармақ 4
4. Комиссияның өз құзыретінің шегінде:
Тармақша 1
1) өзінің отырыстарына әкімге тікелей бағынысты және есеп беретін мемлекеттік органдардың басшыларын шақыруға және тыңдауға;
Тармақша 2
2) белгіленген тәртіппен өз қызметін жүзеге асыру үшін қажет құжаттар, материалдар және ақпарат сұратуға;
Тармақша 3
3) тиісті жергілікті мемлекеттік органдардың басшыларына отбасы, әйелдер мен балалар мәселелерін реттейтін заңдардың жол берілген бұзылуы фактілері бойынша тексерулер мен қызметтік тексерістер жүргізу туралы ұсыныс енгізуге;
Тармақша 4
4) белгіленген тәртіппен Комиссияның отырыстарын дайындауға, тексерулерге және аймақтық бағдарламаларды әзірлеуге қатысу үшін штаттан тыс сарапшылар ретінде қоғамдастықтың беделді және кәсіби даярланған өкілдерін тартуға;
Тармақша 5
5) функциялары бойынша осындай төмен тұрған комиссиялардың қызметін үйлестіруге және бақылауға;
Тармақша 6
6) әйелдердің арасынан кандидатураларын басшы лауазымдарға ұсынуға жәрдемдесуге;
Тармақша 7
7) отбасының, әйелдер мен балалардың жағдайын жақсарту мақсатында жергілікті мемлекеттік органға, қоғамдық бірлестіктерге және өзге ұйымдарға статистикалық, талдаулық, әдістемелік және өзге ақпараттық материалдар жолдауға құқылы;
Тармақша 8
8) Комиссия азаматтардың келіп түскен өтінімдерін қараудың, бұқаралық ақпарат құралдарының хабарламаларының қорытындысы бойынша, мәні бойынша шешім қабылдау үшін, тиісті мемлекеттік органның немесе лауазымды тұлғаның қарауына материалдар жолдай алады.
Тарау iv. IV. Комиссияның жұмысын ұйымдастыру
IV. Комиссияның жұмысын ұйымдастыру
Тармақ 5
5. Комиссия өз қызметін осы Үлгі ережеге сәйкес әкім бекіткен Ереженің негізінде жүзеге асырады.
Тармақ 6
6. Комиссияны, Қазақстан Республикасы Президентінің жанындағы Отбасы және әйелдер істері жөніндегі ұлттық комиссияның төрағасымен келісім бойынша, әкім тағайындайтын төраға басқарады.
Комиссияның төрағасының орынбасары бола алады.
Тармақ 7
7. Комиссияға, әдетте жергілікті мемлекеттік органдардың және өзге де ұйымдардың өкілдері кіреді.
Комиссиялардың сандық және жеке құрамын Комиссия төрағасының ұсынысы бойынша әкім белгілейді.
Тармақ 8
8. Комиссиялардың отырысы қажетіне қарай, бірақ кемінде тоқсанына бір рет өткізіледі.
Тармақ 9
9. Комиссия шешімді Комиссия мүшелерінің отырысқа қатысып отырған санының қарапайым көпшілік дауысымен қабылдайды. Дауыстар тең болған жағдайда төрағалық етушінің дауысы шешуші болып табылады.
Комиссия отырысы, егер оған Комиссия мүшелерінің жалпы санының 2/3 қатысса құқық күші бар болып саналады.
Комиссияның шешімі хаттамамен ресімделеді.
Тармақ 10
10. Комиссияның төрағасы:
Тармақша 1
1) Комиссияның қызметіне басшылық жасауды ұйымдастырады және жүзеге асырады;
Тармақша 2
2) Комиссияның отырысының күн тәртібін жасайды;
Тармақша 3
3) Комиссияның отырыстарын шақырады және оларға төрағалық етеді. Комиссияның төрағасы болмаған кезде оның тапсырмасы бойынша отырыстарға оның орынбасары немесе Комиссия мүшелерінің бірі төрағалық етеді;
Тармақша 4
4) Комиссия мүшелерінің қатарынан Комиссия отырысының күн тәртібіне енгізілген мәселе бойынша баяндамашыны белгілейді;
Тармақша 5
5) тоқсан сайын әкім мен Қазақстан Республикасы Президентінің жанындағы Отбасы және әйелдер істері жөніндегі ұлттық комиссия төрағасының алдында Комиссия жұмысының қорытындылары туралы есеп береді;
Тармақша 6
6) әкімнің шешімінде көзделген өзге де өкілеттіктерді жүзеге асырады.
Тарау v. V. Комиссияның қызметін қамтамасыз ету
V. Комиссияның қызметін қамтамасыз ету
Тармақ 11
11. Комиссияның қызметін ақпараттық-талдамалық және ұйымдастырушылық қамтамасыз етуді, функциясын әкімнің аппараты құрылымдық бөлімшелерінің бірі орындайтын, оның хатшылығы жүзеге асырады.