Об утверждении Правил «О порядке предоставления малообеспеченным гражданам жилищных пособий на содержание жилья и оплату коммунальных услуг по Теректинскому району» Күшін жойған

«Теректі ауданы бойынша тұрғын үй ұстау және коммуналдық қызмет төлеу үшін аз қамтылған азаматтарды тұрғын үй жәрдемақымен қамтамасыз ету тәртібі жөнінде» Ережені бекіту туралы Қазақстан Республикасының «Қазақстан Республикасында мемлекеттік жергілікті басқару туралы» Заңына сәйкес, Қазақстан Республикасының «Тұрғын үй жөніндегі қатынастар туралы» Заңын басшылыққа ала отырып аз қамтылған отбасылардың тұрмыстық деңгейін жақсарту мақсатында Теректі аудандық Мәслихаты ШЕШІМ ЕТТІ:

1. «Теректі ауданы бойынша тұрғын үй ұстау және коммуналдық қызмет төлеу үшін аз қамтылған азаматтарды тұрғын үй жәрдемақымен қамтамасыз ету тәртібі жөнінде» Ереже бекітілсін.

Аудандық Мәслихат сессиясының 2004 жылғы 2 қарашадағы №13-4 шешімімен бекітілген «Теректі ауданы бойынша тұрғын үй ұстау және коммуналдық қызмет төлеу үшін аз қамтылған азаматтарды тұрғын үй жәрдемақымен қамтамасыз ету тәртібі жөнінде» Ереже.

1. Жалпы жағдайы.

1. Тұрғын үй жәрдемақысы халықтың аз қамтылған тобына тұрғын үй ұстауға, коммуналдық қызметті тұтынуына және мемлекеттік тұрғын үй қорынан тұрғын үйді жалдауына (жалға алуына) төлемдердің орнын толтыруға берілетін өтемақы.

2. Тұрғын үй жәрдемақысы тұрғын үйді ұстау және коммуналдық қызмет шығындарын өтеу үшін төленеді.

3. Тұрғын үй жәрдемақысы арыз берген, күннен бастап 6 айға тағайындалады.

4. Тұрғын үй жәрдемақысын алушылар тұрғын үйінің жекеменшіктік түрі, отбасы құрамы мен жанұяның жиынтық кірісі өзгерген жағдайда, сондай-ақ жәрдемақы дұрыс, есептелген жағдайда, тұрғын үй жәрдемақасы бөліміне 10 күн ішінде хабарлауға, тиісті.

5. Тұрғын үй жәрдемақысын Алу үшін, тұрғын үй жәрдемақысын тағайындау және төлеу бөлімінің растауына сәйкес кәсіпорынға коммуналдық қызметке борышкер болуына қарамастан, кәсіпорыннан анықтамалар тегін беріледі.

2. Тұрғын үй жәрдемақы алу құқығы.

6. Аз қамтылған отбасына тұрғын үй жәрдемақысы отбасының нақты шығыны тұрғын үйді ұстау, коммуналдық қызмет төлемдерінен асып кеткен жағдайда тағайындалады, және ол отбасы жиынтық кірісінің 30% мөлшерінде белгіленеді.

7. Өтемақы өлшемімен қамтылған тұрғын үй көлемі нормасы тұрғын үй беру нормасына эквивалентті және Қазақстан Республикасы «Тұрғын үй жөніндегі қатынастар тұралы” Заңымен, Қазақстан Республикасы Үкіметінің 1996 жыл 12 сәуірдегі №437 “Тұрғын үйді ұстау және коммуналдық қызмет төлемдерінің жаңа қағидалары туралы» Қаулысымен отбасының әрбір мүшесіне белгіленеді жалғыз тұратын азаматтарға 30 шаршы метр; - бір бөлмелі пәтерде жалғыз тұратын азаматтарға тұрғын үйінің нақты көлемі; - 3 және одан да көп кісілі отбасында әрбір мүшесіне 18 шаршы метр, бірақ үйдің нақты пайдаланатын жалпы көлем мөлшерінен артық емес;

8. Тұрғын үй жәрдемақысын жеке меншіші бір тұрғын үйден (пәтер, үй) аспайтын азаматтығы баржоқтығына қарамастан Қазақстан Республикасында тұрғылықты тұратын барлық азаматтар, оралмандар, босқындар сұрауға құқылы.

9. Егер, 18 жасқа толған, еңбекке қабілетті мүшелері жұмыс істемесе, оқымаса, әскер қызметінде болмаса және жұмыспен қамту орталығының есебінде тұрмаса, тұрғын үй жәрдемақысын алуға құқығы жоқ. Оларға күтімге мұқтаж етіп таңылған мүгедектерді күтушілер 3 жасқа деінгі (бір және одан да астам) баланы тәрбиелеуші, сондай ақ 4 және одан да астам балаларды тәрбиелеуші ең кішісі 1-сыныпты бітіргенге дейін (9 жастан аспаған) жатпайды.

10. Жұмысқа жарамсыз тұлғалар ДКК анықтамасын әкелген жағдайда тұрғын үй жәрдемақысын алуға құқылы.

11. Кәмелетке толған жұмысқа жарамды, жұмыс істемейтін, жұмыссыз санатындағы жұмыспен қамту орталығының есебінде тұрмаған балаларымен бірге тұратын зейнеткерлер жалғыз тұратын азамат есебінде тұрғын үй жәрдемақысын алуға құқылы.

12. Арнаулы мемлекеттік жәрдемақы алушылар осы Ережеге сәйкес, жалпы негіздеме арқылы тұрғын үй жәрдемақысын алуға құқылы.

13. Тұрғын үй жәрдемақысына құқығы анықталмаған жекеменшік иесінің (жалға алушы) отбасы құрамы ауылдық әкімшіліктің анықтамасымен тұрғын үй жәрдемақысы берілетін мерзімге байланысты анықталады.

3. Тұрғын үй жәрдемақысын тағайындау тәртібі.

14. Тұрғын үй жәрдемақысын тағайындау туралы шешім Теректі аудандық еңбек, жұмыспен қамту және халықты әлеуметтік қорғау бөлімімен арыз берушінің белгіленген нұсқада жазбаша арызы және оған қосымша бекітілген тізбеге сәйкес құжаттар мен анықтамалар негізінде қабылданады. Арыз берушінің тұрғын үй жәрдемақысын алуға құқығын растайтын құжаттар тізбесіне енетін:

1. Отбасының барлық мүшелерінің жеке куәліктері, балалардың туу туралы куәліктері;

2. Тұрғын үйдің жеке меншіктік (пайдалану) құқығын растайтын құжат (пәтердің жекешелендіру келісімі, сату - сатып алу, жалға алу, ордер, нотариалдық сендірілген сенімхат, т,б.,) отбасы құрамын анықтайтын құжат.

3. Отбасының кірісі туралы анықтамалар: еңбек ақы, жұмыспен қамту қызметінің анықтамасы, әкімшіліктен анықтама, (жұмыс істемейтіндерге), алимент туралы анықтама, сот үкімінен көшірме (жылға бір рет), стипендия туралы анықтама (студент), ДКК қосымша көлемге құқықты болуы туралы анықтама.

15. Отбасы құрамына тіркеуге сәйкес, мемлекет қарауындағы, жедел әскер қызметіндегі, бостандығынан айыру орынындағы, еріксіз емделу орынындағылардан басқа тұлғалар енгізіледі.

16. Тұрғын үй жәрдемақысын тағайындағанда зейнетақы және жәрдемақы мөлшерін нақтылап, Мемлекеттік зейнетақы және жәрдемақы орталығының мәліметтер жиынтығы пайдаланылуы тиісті.

17. Арыз берушінің тұрғын үй жәрдемақысын тағайындау үшін өткізген құжаттарының растығына күмән туған жағдайда Теректі аудандық әлеуметтік қорғау бөлімі арыз берушіге құжат берген (отбасының кірісі мен шығысы туралы ұйымдармен көрсетілген мәліметтерді салыстырып, тексеруге құқылы.

18. Арыз беруші өзінің электрқуатын пайдалану төлемінде борышы болса, арызында өз бетімен төлейтіндігін ( бекітілген формада) көрсетуі керек. Осы міндетін орындамаған болса 6 айға жәрдемақы алу құқығынан айырылады.

19. Мәліметтердің күмәнділігі жағдайы туындаса, тұрғын үй жәрдемақы бөлімі тұрғын үй жәрдеақысын алуға үміткердің кірісі туралы ақпарат сұратуға құқылы, ал заңды және жеке тұлғалар қажетті ақпаратты беруге міндетті.

4. Отбасының жалпы жиынтық кірісін есептеу.

20. Отбасының жалпы жиынтық кірісін есептеу колданысты заңымен негізінде жүргізіледі.

21. Отбасының жалпы жиынтық кірісіне тұрғын үй жәрдемақы көмегі, мемлекеттік атаулы әлеуметтік жәрдемақысынан басқа барлық кірістер енгізіледі.

22. Отбасының жалпы жиынтық кірісіне зейнетақы қоры, кіріс салығы есептеулері енбейді.

23. Отбасының жалпы жиынтық кірісі мөлшері алдыңғы жартыжылдық кірісімен есептеледі.

24. Егер балаға әкелік (аналық) құқығынан айырылған жағдайда немесе бала әжесінде (атасында) тәрбиеленсе, отбасының жалпы жиынтық кірісіне баланың ата-анасының нақты табысы енгізіледі.

5. Тұрғын үй жәрдемақысын есептеу мөлшері.

25. Тұрғын үй жәрдемақысы барлық қажетті құжаттармен бірге арыз берілген 6 айға тағайындалады.

26. Тұрғын үй жәрдемақысын тағайындау шешімі тұрғын үй меншік иесінің (жалдаушы) арызы және оған қосымша құжаттар негізінде қабылданады.

27. Көмек мөлшері жеке меншік иесі (жалдаушы) бюджетіндегі өтемақымен қамтамасыз етілетін тұрғын үйді ұстау және коммуналдық қызметтерді пайдалану төлемақыларының нақты төлеуі мен осы отбасының бұл мақсатқа шағаратын шығынының айырмашылығы мөлшерінде көрсетіледі.

28. Тұрғын үй жәрдемақы көмегі мөлшерін есептеуде тұрғын үй ұстау шығындары есепке алынады, оған коммуналдық қызмет пайдаланудың келесі түрлерінің есептеулері енеді: жылыту (отын, көмір), электроқуаты.

29. Тұрғын үй жәрдемақысының төленуі жергілікті бюджеттен тұрғын үй жәрдемақысын алушының есепшотына аударым арқылы жүргізіледі.

6. Тұрғын үй жәрдемақысын қаржыландыру.

30. Тұрғын үй жәрдемақы төлеу жергілікті бюджет есебінен жүргізіледі.

31. Теректі аудандық бөлімінде әр айдың 1 күніне арыз берушілердің адресі мен жәрдемақының сомасы көрсетілген тізімі жәрдемақыларының қалыптасады.

32. Аз қамтылған азаматтарға тұрғын үй төлемдері орынын толтыруға байланысты шығындар орынын толтыру тәртібі қолданысты заңымен анықталады.

33. Тұрғын үй жәрдемақы қаржысы жұмсалынуының есептелінуі мен есеп беруін Теректі аудандық еңбек, жұмыспен қамту және халықты әлеуметтік қорғау бөлімі жүзеге асырады.