О внесении изменений в некоторые постановления акимата Мангистауской области Қолданыста

Маңғыстау облысы әкімиятының кейбір қаулыларына өзгерістер енгізу туралы Қазақстан Республикасының Азаматтық кодексіне, "Қазақстан Республикасындағы жергілікті мемлекеттік басқару туралы" 2001 жылғы 23 қаңтардағы № 148-ІІ , "Нормативтік құқықтық актілер туралы" Қазақстан Республикасының 1998 жылғы 24 наурыздағы № 213 Заңдарына сәйкес, коммуналдық меншік объектілерін жалға беру тәртібін ретке келтіру мақсатында, облыс әкімияты ҚАУЛЫ ЕТЕДІ:

1. Облыс әкімиятының "Мемлекеттік коммуналдық кәсіпорындардың шаруашылық жүргізуіндегі немесе жедел басқаруындағы мүлікті, оның ішінде жекешелендіруге жатпайтын мемлекеттік меншік объектілерін мүліктік жалға беру ережесі туралы" 2002 жылғы 2 қазандағы № 157 (әділет басқармасында 2002 жылғы 15 қазанда № 1106 болып тіркелген), облыс әкімиятының 2003 жылғы 25 сәуірдегі № 90 (әділет басқармасында 2003 жылғы 14 мамырда № 1455 болып тіркелген) қаулысымен өзгерістер мен толықтырулар, облыс әкімиятының 2004 жылғы 26 наурыздағы № 73 (Әділет департаментінде 2004 жылғы 06 мамырдағы № 1689 болып тіркелген) қаулысымен толықтырулар, облыс әкімиятының 2005 жылғы 27 қаңтардағы № 21 (Әділет департаментінде 2005 жылғы 9 наурызда № 1866 болып тіркелген) қаулысымен өзгерістер мен толықтырулар енгізілген қаулысына мынадай өзгеріс енгізілсін: көрсетілген қаулымен бекітілген, қосымшадағы 1 бөлімі 3 тармағының 3) тармақшасындағы "облыс әкімінің жекелеген шешімдері" деген сөз "облыс әкімиятының жекелеген актілері" деген сөздерімен ауыстырылсын.

2. Облыс әкімиятының "Коммуналдық мемлекеттік мекемелердің балансындағы объектілерді мүліктік жалға (жалдауға) беру Ережесін бекіту туралы" 2003 жылғы 27 наурыздағы № 66 (әділет басқармасында 2003 жылғы 25 сәуірдегі № 1453 болып тіркелген), облыс әкімиятының 2005 жылғы 27 қаңтардағы № 20 (Әділет департаментінде 2005 жылғы 09 наурыздағы № 1865 болып тіркелген) қаулысымен өзгерістер мен толықтырулар енгізілген қаулысына мынадай өзгеріс енгізілсін: көрсетілген қаулымен бекітілген, қосымшадағы 2 бөлімі 8 тармағының 6) тармақшасындағы "облыс әкімінің жекелеген шешімдері" деген сөз "облыс әкімиятының жекелеген актілері" деген сөздерімен ауыстырылсын.

3. Осы қаулының орындалуына бақылау жасау облыс әкімінің орынбасары М.Қ. Тұрысбековке жүктелсін.