О принятии государственного пакета акций открытого акционерного общества "Женис" в республиканскую собственность Қолданыста

"Жеңіс" ашық акционерлiк қоғамы акцияларының мемлекеттік пакетiн республикалық меншiкке қабылдау туралы "Мемлекеттiк мүлiктi мемлекеттiк меншiктiң бiр түрiнен екiншi түрiне беру ережесiн бекiту туралы" Қазақстан Республикасы Үкiметiнiң 2003 жылғы 22 қаңтардағы N 81 қаулысына сәйкес Қазақстан Республикасының Үкiметi ҚАУЛЫ ЕТЕДI:

1. "Жеңіс" ашық акционерлiк қоғамының жарияланған акцияларының жалпы санының 38 пайызы мөлшерiндегi акцияларының мемлекеттiк пакетi заңнамада белгiленген тәртiппен республикалық меншiкке қабылдансын.

2. Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетi және Қарағанды облысының әкiмдiгi осы қаулының 1-тармағынан туындайтын қажеттi шараларды қабылдасын.

3. Қазақстан Республикасы Үкiметiнiң кейбір шешiмдерiне мынадай өзгерiс пен толықтырулар енгiзiлсiн:

1) "Акциялардың мемлекеттiк пакеттерiне мемлекеттiк меншiктiң түрлерi және ұйымдарға қатысудың мемлекеттiк үлестерi туралы" Қазақстан Республикасы Үкiметiнiң 1999 жылғы 12 сәуiрдегi N 405 қаулысында (Қазақстан Республикасының ПҮКЖ-ы, 1999 ж., N 13, 124-құжат): көрсетiлген қаулыға 1-қосымшада: "Қарағанды облысы" деген бөлімде: реттік нөмiрi 751-1-жол алынып тасталсын; көрсетiлген қаулыға 2-қосымшада: "Қарағанды облысы" деген бөлім мынадай мазмұндағы реттiк нөмiрi 214-11-жолмен толықтырылсын: "214-11 КPГ-000154 "Жеңiс" ААҚ";

2) "Республикалық меншiктегi ұйымдар акцияларының мемлекеттік пакеттерi мен мемлекеттiк үлестерiне иелiк ету және пайдалану жөнiндегi құқықтарды беру туралы" Қазақстан Республикасы Үкiметiнiң 1999 жылғы 27 мамырдағы N 659 қаулысында : көрсетiлген қаулыға қосымшада: "Қазақстан Республикасы Ауыл шаруашылығы министрлiгiне" деген бөлім мынадай мазмұндағы реттiк нөмірi 205-13-жолмен толықтырылсын: "205-13 КРГ-000154 "Жеңiс" ААҚ";

3) "Қазақстан Республикасы Ауыл шаруашылығы министрлiгiнiң кейбiр мәселелерi" туралы Қазақстан Республикасы Үкiметiнiң 2005 жылғы 6 сәуiрдегі N 310 қаулысына (Қазақстан Республикасының ПҮКЖ-ы, 2005 ж., N 14, 168-құжат): көрсетілген қаулымен бекітілген Қазақстан Республикасы Ауыл шаруашылығы министрлiгiнiң қарамағындағы ұйымдардың тiзбесiнде: 2 "Акционерлiк қоғамдар" деген бөлiм мынадай мазмұндағы реттiк нөмiрi 66-1-жолмен толықтырылсын: "66-1 "Жеңiс" ашық акционерлiк қоғамы".

4. Осы қаулы қол қойылған күнiнен бастап қолданысқа енгiзiледi.