О состоянии общественного порядка и борьбы с преступностью в области Күшін жойған

Облыстағы қоғамдық тәртіптің және қылмыспен күресудің ахуалы туралы Құқық бұзушылықтың алдын алудың және қылмыспен күресті жетілдірудің тиімділігін одан әрі арттыру мақсатында облыс әкімдігі ҚАУЛЫ ЕТЕДІ:

1. «Облыстағы қоғамдық тәртіпті және қылмыспен күресудің ахуалы туралы» ақпараты назарға алынсын.

2. Ақмола облысының ішкі істер департаменті (келісім бойынша) Ақмола облысының аумағында қоғамдық тәртіпті күзетуді, қылмыстың алдын алуды қамтамасыз ету жөніндегі жұмыстарды күшейтсін.

3. Аудандардың, Көкшетау және Степногорск қалаларының әкімдері:

1) «Қоғамдық кауіпсіздікті қамтамасыз етуге азаматтардың катысуы туралы» Қазақстан Республикасының 2004 жылғы 9 шілде № 590 Заңын жүзеге асыру мақсатында, қоғамдық тәртіпті қамтамасыз етуде азаматтардың жұмысына септігін тигізу;

2) қоғамдық тәртіпті күзетуге белсенді қатысқандарды БАҚ жариялап ынталандыру жөніндегі жүмысты бұдан әрі дамыту ұсынылсын;

3) жергілікті ерекшеліктерді ескере отырып, консьержалар институтын бұдан әрі дамыту және көп кабатты үйлердің пәтерлері мен подъездерін күзету жөніндегі басқа да құрылымдарды енгізу қажеттілігін және олардың жұмыс тәжірибелерін қарастырсын.

4. Ақмола облысының білім және денсаулық сақтау департаменттері:

1) әлеуметтік-педагогикалық қызметтер құру жөніндегі жұмысты жандандырсын және олардың құқық бұзушылыққа бейім балалармен қызметін тиімді ұйымдастырсын;

2) аулалық клубтардың желісін кеңейтсін және оқымайтын, жұмыс істемейтін кәмелетке толмағандардың бос уақытын өткізетін мекемелердің қызметтерін жаксартсын, сондай-ақ жеткіншектер ортасында жағдайды сауықтыру мақсатымен, девиантты мінез-құлықты балаларға арналған мамандандырылған мектеп-интернаттар ашсын;

3) құқық қорғау органдарының салалары бойынша өткізілетін, «Подросток», «Лето» жедел-алдын алу шараларына жеткіншектер қылмыстарының алдын алу жөніндегі қызметтерді үйлестіру мақсатында білім беру және денсаулык сақтау қызметкерлерінің қатысуын және олардың жұмыстарының нәтижесін қарауды қамтамасыз етсін;

4) облыстың қалалық және аудандық оқу орындарында педагогикалық ұжымдардың күштерімен, кұқық бұзушылықтың алдын алу және құқықтық ілімді насихаттау жөнінде құқық қорғау бағытындағы бос уақытқа арналған іс-шараларды өткізуді ұйымдастырсын;

5. Аудандар мен қалалардың әкімдерімен бірлесе отырып, Ақмола облысының экономика және бюджеттік жоспарлау департаменті, қаржы департаменті: патрульді полиция бөлімшелерін, полиция учаскелік инспекторларын (ІІД ұсыныстарына сәйкес) материалдық-техникалық қамтамасыз ету және олардың жұмыс жүргізуіне жағдайлар жасау жөніндегі мәселелерді 2005 жылдың 1 тамызына дейін қарастырсын.

6. «Акмолинская правда» және «Арқа ажары» облыстық газеттерінің редакцияларына, облыстық телерадио компаниясына мүдделі ведомстволармен бірлесіп, құқық бұзушылықтың алдын алу, қылмыстың жолын кесу, салауатты өмірге табыну бойынша өткізілген жұмыстарды, сондай-ақ Ақмола облысы әкімдігінің 2005 жылғы 29 наурыздағы № А-4/86 «2005-2007 жылдарға арналған Ақмола облысында құқық-бұзушылықтың алдын алу және қылмыскерлікпен күресу» өңірлік Бағдарламасын бекіту туралы», Ақмола облысының Әділет департаментінде 2005 жылдың 20-ы мамырында № 3136 тіркелген қаулысын іске асыру барысын жан-жақты жариялап отыру ұсынсын. Келісілген: Ақмола облысы ішкі істер департаменті бастығының м.а. А. Қажкенов