О предоставлении льгот по оплате жилищно-коммунальных услуг и услуг связи лицам, достигшим столетнего возраста и старше Қолданыста

Жүз жасқа толған және одан да үлкендерге тұрғын үй-коммуналдық және байланыс қызметтері бойынша жеңілдіктер беру туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6, 7 баптарына сәйкес, жүз жасқа толған және одан да үлкендердің тұрмыстық және әлеуметтік жағдайын жақсарту мақсатында Ақтөбе қалалық мәслихаты ШЕШІМ ЕТТІ:

1. Жүз жасқа толған және одан да үлкен адамдарға тұрғын үй - коммунапдық және байланыс қызметтерінің шығындарды Ақтөбе калалық бюджет қаржысынан қосымшаға сәйкес өтелсін және үйдің меншік иесі немесе жалға алушы болуына қарамастан жүргізілсін.

2. Осы шешімнің атқарушы құзыретті органы болып "Калалық жұмыспен қамту және әлеуметтік бағдарламалар бөлімі" мемлекеттік мекемесі белгіленсін.

3. "Қалалық жұмыспен қамту және әлеуметтік бағдарламалар бөлімі" мемлекеттік мекемесі (Бөртебаева Н. Х.) осы шешімнің қолдану тәртібін белгілесін.

4. "Ақтөбе қалалық қаржы бөлімі" мемлекеттік мекемесі (Айдашева Р.) осы шешімнің жүзеге асырылуына арналған ақша қаражатының мерзімінде берілуін қамтамасыз етсін.

5. Осы шешім мемлекеттік тіркеуден кейін қолданысқа енгізілсін.

Ақтөбе қалалық мәслихаты кезекті жиырмасыншы сессиясының 2005 жылғы 31 тамыздағы №164 шешіміне қосымша Тұрғын - үй коммуналдық қызметтерінің шығындары және олардың өтеу мөлшері:

1. Орталықтандырылған және жеке көгілдір отынмен жылыту бойынша бір адамға 18 шаршы метр пайдалы алаң шегінде, бірақ тұрғын үйде нақты тұратын алаңынан аспайтын мөлшерде;

2. Электрқуатымен жабдықтау бойынша бір адамға 50 киловатт электрқуатынан аспайтын;

3. Байланыс қызметі бойынша абоненттік төлем шегінде;

4. Тұрғын үй-коммуналдық қызметтерінің басқа түрлері бойынша (ыстық, салқын сумен жабдықтау және канализаңия, тамақ әзірлеуге газбен жабдықтау, қоқыс шығару (қоқыстарды тазарту), лифт қызметі әр абонентке белгіленген нормалар және тарифтер шегінде немесе есептеу құралдарының көрсеткіштеріне сәйкес, бірақ белгіленген тарифтер мен нормалардан аспайтын мөлшерде. Есептеу құралдарының көрсеткіштері үйде тіркелген тұрғындардың санына бөлінеді.