О дополнительном регламентировании порядка проведения собраний, митингов, шествий, пикетов и демонстраций Күшін жойған

Жиналыстар, митингілер, шерулер, пикеттер және демонстрациялар өткізу тәртібін қосымша реттеу туралы «Қазақстан Республикасында бейбіт жиналыстар, митингілер, шерулер, пикеттер және демонстрациялар ұйымдастыру мен өткізу тәртібі туралы» Қазақстан Республикасы Занының 10-бабына сәйкес, «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6, 7 баптарына сәйкес, сондай-ақ азаматтардың құқықтары мен бостандықтарын, қоғамдық қауіпсіздікті, көліктің, инфрақұрылым объектілерінің қалыпты жұмыс істеуін, жасыл желектер мен шағын сәулет нысандарының сақталуын қамтамасыз ету мақсатында, Ақтөбе қалалық мәслихаты ШЕШІМ ЕТТІ:

1. Ақтөбе қаласында бейбіт жиналыстар, митингілер және пикеттер өткізу жерлері болып келесі орындар белгіленсін: "Авиақалашық" ауданындағы стадион; облыстық халық шығармашылығы үйінің мәжіліс залы (Әйтеке би көшесі, 39); облыстық "Алақай" қуыршақ театрының көрермендер залы (Бейбітшілік даңғылы, 17 "А").

2. Осы шешім мемлекеттік тіркеуден өткеннен кейін күшіне енеді.