Об упорядочении работы предприятий торговли области Күшін жойған

Облыстың сауда кәсiпорындарының жұмысын реттеу туралы 📌 Ескерту. Күші жойылды - Шығыс Қазақстан облысының әкімінің 2007 жылғы 10 қаңтардағы № 31 шешімімен. Сауда кәсiпорындарының жұмысын реттеу және салықтық алымдардың толық алынуын қамтамасыз ету мақсатында:

1. Қалалар мен аудандардың әкiмдерi, Шығыс Қазақстан облысының сауда және қызмет көрсету департаментi (Шәкенов М.Ш.), Шығыс Қазақстан мемлекеттiк-эпидемиологиялық қадағалау басқармасы (Якупов В.С.), Шығыс Қазақстан мемлекеттiк "Стандарттау және метрология орталығы" кәсiпорны (Мешiмбаев Е.С.), Шығыс Қазақстан мемлекеттiк өртке қарсы қызмет (Коншу В.П.), облыстық құрылыс, сәулет және тұрғын үй-коммуналдық шаруашылық басқармасы (Никитин Н.Л.) бiр ай мерзiм iшiнде мына сауда түрлерi бойынша сауда кәсiпорындарының жұмысын ретке келтiрсiн:

1) бөлшек сауда - дүкендердегi, дүңгiршектердегi, павильондардағы, палаткалардағы, базарлардағы сауда;

2) көтерме сауда - көтерме қоймалардағы, базалар мен көтерме базарлардағы сауда;

3) құрылыс нормалары мен ережелерi нормаларының, көтерме және бөлшек сауданың негiзгi ережелерiнiң талаптарына сәйкес келмейтiн жерлерде көтерме және бөлшек саудаға тыйым салынсын.

2. Облыстық салық комитетi (Шманов Н.Т.) патенттер бағасын белгiлесiн және сауда түрiне сәйкес салық салу жүйесiн әзiрлесiн.

3. Облыстық мәслихатқа облыстық мәслихаттың 1998 жылғы 17 қыркүйектегi ХVIII сессиясының N 18/10 шешiмiмен бекiтiлген "Көтерме сауданың негiзгi тәртiптерiнiң" "Жалпы Ережелерi" тарауының 1.2. тармағындағы "Көтерме-бөлшек сауда дүкенi - тауарларды шағын топтармен, сондай-ақ тауарларды бөлшек саудамен саудалауды жүргiзетiн сауда кәсiпорны" деген бесiншi абзац алынып тасталсын.

4. Осы өкiмнiң орындалуына бақылау жасау облыс әкiмiнiң орынбасары М.Қ. Татаевқа жүктелсiн.