Об утверждении Правил определения рейтинговой оценки пользователя рыбных ресурсов и других водных животных Күшін жойған

Балық ресурстары мен басқа да су жануарларын пайдаланушының рейтингтік бағасын анықтаудың ережелерін бекіту туралы Қазақстан Республикасы Үкіметінің 2005 жылғы 4 ақпандағы № 102 қаулысымен бекітілген Балық шаруашылығы су тоғандарын (учаскелерін) бекітіп беру бойынша конкурс өткізу ережесі және конкурсқа қатысушыларға қойылатын біліктілік талаптарының 2 тарауының 18 тармағына сәйкес БҰЙЫРАМЫН:

1. Қоса беріліп отырған Балық ресурстары мен басқа да су жануарларын пайдаланушының рейтингтік бағасын анықтаудың ережелері бекітілсін.

2. "Балық пен басқа су жануарларын аулау лимиттері мен квоталарын бөлу үшін табиғат пайдаланушының рейтингтік бағасын анықтаудың Ережелерін бекіту туралы" Қазақстан Республикасының Ауыл шаруашылығы министрлігі Балық шаруашылығы комитеті Төрағасының 2003 жылғы 2 желтоқсандағы № 26-п бұйрығының (Нормативтік құқықтық актілерді мемлекеттік тіркеу тізілімінде № 2615 нөмірлі болып тіркелген, "Ресми газеттің" 2003 жылғы 27 желтоқсандағы № 52 (157) санында жарияланған) күші жойылды деп танылсын.

3. Осы бұйрықтың орындалуын бақылау Қазақстан Республикасының Ауыл шаруашылығы министрлігі Балық шаруашылығы комитеті Төрағасының орынбасары Ю.Т.Ромашовқа жүктелсін.

4. Осы бұйрық ол ресми жарияланған күннен кейін он күнтізбелік күн өткен соң қолданысқа енеді.

Қазақстан Республикасы Ауыл шаруашылығы министрлігінің Балық шаруашылығы комитеті төрағасының 2005 жылғы 12 қыркүйектегі № 16-6/64п бұйрығымен бекітілген Балық ресурстары мен басқа да су жануарларын пайдаланушының рейтингтік бағасын анықтаудың ережелері

1. Жалпы ережелер

1. Осы Балық ресурстары мен басқа да су жануарларын пайдаланушының рейтингтік бағасын анықтаудың ережелері (бұдан әрі - Ережелер) халықаралық, республикалық, жергілікті маңызы бар балық шаруашылығы су тоғандарын (учаскелерін) ұзақ мерзімге (10 жылдан 49 жылға дейін) арнайы пайдалану үшін бекітіп беру бойынша конкурс жеңімпазын анықтау жөнінде балық ресурстары мен басқа да су жануарларын пайдаланушының (бұдан әрі - Пайдаланушы) рейтингтік бағасын есептеу үшін қажет іс-әрекеттердің тізбектілік тәртібін белгілейді.

2. Рейтингтік бағаны анықтау

2. Пайдаланушының рейтингтік бағасы конкурстық құжаттамада және балық шаруашылығы саласындағы уәкілетті органның мәліметтерінде көрсетілген мәліметтер негізінде анықталады:

1) 100 пайызға теңелетін максималдық бағалау көрсеткіші біліктілік және басқа да пайыздық маңыздылығы бар көрсеткіштерге бөлінеді (3 баған);

2) ең көп/ең жақсы көрсеткіші бар үміткерге тиісті тармақ бойынша максималдық бағалау көрсеткіші беріледі;

3) пайдаланушылардың көрсеткіштерінің көлемі және/немесе саны ұсынылған өтінім мен осы мәліметтердің растығын дәлелдейтін құжаттарға сәйкес белгіленеді (4 баған);

4) конкурстық комиссия мүшесінің бағасы 10-баллдық жүйе бойынша белгіленеді (5 баған);

5) пайдаланушының рейтингтік бағасы (R) максималдық бағалау көрсеткішін (3 баған) 10-баллдық жүйе бағасына (5 баған) көбейтіп, оны 100-ге бөлу арқылы анықталады; R = (3баған x 5баған:100).

3. Рейтингтік бағаны есептеу осы Ережелердің қосымшасына сәйкес рәсімделеді.

Балық ресурстары мен басқа да су жануарларын пайдаланушының рейтингтік бағасын анықтаудың ережелеріне қосымша Рейтингтік бағаны санау парағы Пайдаланушы ______________________________________________________ Өтінім берілген балық шаруашылығы су тоғаны (учаске) _____________ Бұған дейін бекітілген балық шаруашылығы су тоғаны (учаске) ______ № т/б Көр­сет­кіш­тің ата­уы Максималдық ба­ға­лық көрсет­кіш Көр­сет- кіш­тер са­ны 10- балл­дық жүйе бой­ын­ша ба­ға Пайдала нушының рей­тингтік ко­эф­феци­ен­ті 1 2 3 4 5 6 1. Та­би­ғат­ты қор­ғау мен  ба­лық өсі­мін мо­лай­ту іс-ша­ра­ла­ры­на жұм­сал­ған қар­жы мөл­ше­рі, (қо­рық­шы­лық қыз­мет­ті құ­ру және ұста­уы­на жа­ра­ты­л­ған қа­ра­жат­тан бас­қа) мың.тнг. 10 2. Ба­лық өні­мін мұз­да­ту, сал­қын­да­ту және сақ­тау, ыдыс­та­ры­ның бар­лы­ғы, куб.м., 10 3. Ба­лық пен бас­қа да су жа­ну­ар­ла­рын те­рең өн­ді­ру цех­та­ры­ның бар­лы­ғы, тн/тәу­лік 10 4. Ба­лық аулау фло­ты­ның бар­лы­ғы, бір­лік 15 1) өзді­гі­нен жү­ре­тін, өзді­гі­нен жү­ре­тін (ста­ци­о­нар­лық қоз­ғалт­қы­шпен), 40 а.к. және одан жо­ға­ры 10 2) аз кө­лем­ді, өзді­гі­нен жүр­мей­тін 5 5 Кө­лік фло­ты­ның бар­лы­ғы, бір­лік/тн. 10 6 Ба­лық пен бас­қа да су жа­ну­ар­ла­рын аула­у­ға бө­лін­ген кво­та­ның иге­рі­луі, % 15 1) 100% 15 2) 75%-дан 100%-ға дей­ін 5 3) 75%-дан тө­мен 0 7 Өті­нім бе­рі­л­ген ба­лық ша­ру­а­шы­лы­ғы су то­ға­ны­ның (учас­ке­нің) бұ­ған дей­ін­гі жы­лы (жыл­да­ры) пай­да­ла­ну­шы­ға бе­кі­ті­л­ген­ді­гі ту­ра­лы фак­ті­нің бар­лы­ғы 20 1) бе­кі­тіл­ді 20 10 2) бе­кі­ті­л­ген жоқ 0 0 8 Та­би­ғат­ты қор­ғау заң­на­ма­сын бұ­зу­шы­лық­тар­дың са­ны 10 9 ҚО­РЫ­ТЫН­ДЫ, балл­дар 100