Об утверждении Правил содержания сельскохозяйственных животных в населенных пунктах Сарыкольского района Қолданыста

Сарыкөл ауданының елді мекендерінде ауыл шаруашылығы жануарларын ұстау Ережесін бекіту туралы «Қазақстан Республикасындағы жергілікті мемлекеттік басқару туралы» Занының 6-бабына, «Ветеринария туралы» Қазақстан Республикасы Заңының 10-бабының 1-тармағына сәйкес Сарыкөл аудандық мәслихаты ШЕШТІ: Сарыкөл ауданының елді мекендерінде ауыл шаруашылығы жануарларын ұстау Ережесі бекітілсін ( қоса беріледі).

Мәслихаттың 2005 жылғы 24 тамыздағы № 142 шешімімен бекітілген Сарыкөл ауданының елді мекендерінде ауыл шаруашылығы жануарларын ұстау ЕРЕЖЕСІ

1. Жалпы ережелер

1. Осы ережелер Сарыкөл ауданы аумағында ауыл шаруашылық үй жануарларын ұстауды белгілеу мақсатында әзірленіп, жеке және заңды тұлғалардың осы Ережені бұзған үшін жауапкершілігін белгілейді.

2. Ереже меншік түріне қарамастан ауыл шаруашылығы жануарларын ұстайтын барлық жеке және заңды тұлғаларға тарайды.

3. Осы Ереже «Қазақстан Республикасындағы жергілікті мемлекеттік басқару туралы» Қазақстан Республикасының Заңына, «Әкімшілік құқық бұзушылык туралы» Қазақстан Республикасының Кодексіне және «Ветеринария туралы» Қазақстан Республикасының Заңына сәйкес әзірленген.

2. Ауыл шаруашылық үй жануарларын ұстау

4. Үй жануарлары аулада көршілерге кедергі келтірмейтін арнайы бөлінген жайларда ұсталуы тиіс.

5. Ауыл шаруашылық жануарлар иелері оларды ұстаудың зоотехникалық және ветеринарлық талаптарың сақтауға, қоршаған ортаны ластамауға міндетті.

3. Жануар иелерінің міндеттері

6. Жануарлар иесінің міндеттері:

1) жануарларды биологиялық ерекшеліктеріне сәйкес ұстау, оларға мейірімділікпен қарау, қараусыз қалдырмау, ауыра қалған жағдайда уақытында ветеринарлық көмекке жүгіну;

2) жануарларды осы Ереже талаптарына сай қалыпта ұстауды қамтамасыз ету;

3) қоршаған орта қауіпсіздігін және тыныштық пен санитарлық ережелерді сақтауды қамтамасыз ету шараларын қабылдау;

4) қоғамдық пайдалану орындарын ластауды болдырмау;

5) жануарлар өлекселерін кез-келген жерге тастамау, жануарлар өлекселері жойылуы тиіс.

7. Жануарлар мен құс иелері жануарлардың нәжістерін жүйелі түрде жинастырып, тегулері немесе жоюлары керек.

8. Жануарлардың иелері паразитті жәндіктер мен кемірушілердің пайда болуын болдырмау шараларын қабылдауға, жануарлар мен құстарды қараусыз қалдырмауға міндетті.

9. Жануарлардың иелері белгіленген мерзімдерде міндетті ветеринарлық және жануарлардың жұқпалы ауруларын жою іс-шараларын өткізуге, жануарларды оқшаулау режимін сақтауға міндетті.

4. Жануарлар иелерінің ережені бузған үшін жауапкершілігі

10. Осы Ережені бұзған кінәлі жеке және заңды тұлғалар «Әкімшілік құқық бұзушылық туралы» Қазақстан Республикасы Кодексіне сәйкес жауапқа тартылады.

11. Айыппұл немесе басқа өндіріп алу айыпты тұлғаларды Қазақстан Республикасы азаматтық заңдарында белгіленген тәртіппен залалды өтеуден босатпайды.