Об утверждении Правил содержания собак и кошек в населенных пунктах Аулиекольского района Күшін жойған

Әулиекөл ауданының елді мекендерінде иттер мен мысықтарды ұстау Ережесін бекіту туралы Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару туралы» Заңының 6-бабы 1-тармағы 8) тармақшасының, Қазақстан Республикасының 2002 жылғы 10 шілдедегі № 339 «Ветеринария туралы» Заңының 10-бабының, Қазақстан Республикасының 2001 жылғы 30 қаңтардағы № 155 «Әкімшілік құқық бұзушылық туралы» Кодексінің 3-бабының және Әулиекөл ауданы әкімдігінің 2005 жылғы 1 тамыздағы № 298 «Әулиекөл ауданының елді мекендерінде иттер мен мысықтарды ұстау Ережесі туралы» қаулысының негізінде Әулиекөл аудандық мәслихаты ШЕШТІ:

1. Әулиекөл ауданының елді мекендерінде иттер мен мысықтарды ұстау Ережесі қосымшаға сәйкес бекітілсін.

2. Осы Ереженің орындалуына бақылау жасау аудан әкімінің әлеуметтік сала және ауыл шаруашылығы мәселелеріне басшылық жасаушы орынбасарына (Қ.М. Ғабдулин) жүктелсін.

Мәслихаттың 2005 жылғы 27 қыркүйектегі № 137 шешіміне қосымша Әулиекөл ауданының елді мекендерінде иттер мен мысықтарды ұстау ЕРЕЖЕСІ

1. Жалпы ережелер

1. Әулиекөл ауданының елді мекендерінде иттер мен мысықтарды ұстау Ережесі (әрі қарай - Ереже) Қазақстан Республикасының 2002 жылғы 10 шілдедегі № 339 «Ветеринария туралы» Заңының, Қазақстан Республикасының 2001 жылғы 30 қаңтардағы № 155 «Әкімшілік құқық бұзушылық туралы» Кодексінің негізінде әзірленді.

2. Осы Ереже иеленушілердің (меншік қалпынан тәуелсіз жеке және заңды тұлғалардың) иттер мен мысықтарды ұстау жөніндегі құқықтары мен міндеттерін, шарттары мен талаптарын белгілейді және Әулиекөл ауданының барлық елді мекендерінде орындалуға тиісті.

2. Иттер мен мысықтарды ұстау жөніндегі шарттар мен талаптар

3. Иттер мен мысықтардың иелері санитарлық-гигиеналық, ветеринарлық-санитарлық нормаларды және оларды ұстау ережелерін қатаң сақтауға, жалпы пайдалану орындарын ластауға жол бермеуге, адамдардың қауіпсіздігін және көппәтерлі үйлерде тыныштықты (түн уақытында) сақтауды қамтамасыз етуге міндетті.

4. Осы Ереженің 3-тармағында көрсетілген талаптарды сақтау кезінде ұстауға рұқсат етіледі:

1) тұрғын үй-жайларында, жеке үйлерде иттер тек қана жақсы қоршалған аумақтарда, олардың бар екендігі туралы кіреберісте ескертетін жазу болу керек;

2) иттер, мысықтар және басқа жануарларды ауданның санитарлық-эпидемиологиялық және ветеринарлық қызмет рұқсатымен балалар мен жасөспірімдер мекемелерінде, жазғы сауықтыру мекемелерінде "зообұрыштарда”, "тірі бұрыштарда";

3) мекемелер мен ұйымдардағы күзет иттерді тек қана байлауда немесе вольерлерде.

5. Қоғамдық көліктерде иттер мен мысықтарды тасымалдау жолаушыларды мазаламау шартымен жүзеге асырылуы керек. Жануар не тұмылдырықта, не арнайы бөлікте, қолдорбада болу керек.

6. Қоғамдық орындарда адамдар ертіп жүрмеген, иелері байлауда қалдырғандардан басқа иттер қаңғып жүрген деп есептеледі және оларды арнайы мекемемен міндетті түрде ұстауға жатады.

3. Иттер мен мысықтар иелерінің міндеттері

7. Иттер мен мысықтардың иелері міндетті:

1) сатып алған кезден бастап екі апта мерзімінде өз жануарларын Қазақстан Республикасының ауыл шаруашылық Министрлігінің аудандық аумақтық басқармасының ветеринарлық қадағалау бөліміне тіркеуге;

2) жануарларға жүйелі егуді жүргізуге;

3) итпен немесе мысықпен тістелген жағдайлар, келтірілген жарақаттар туралы медициналық мекемелерге және ветеринарлық қадағалау бөліміне тез хабарлауға;

4) адамдар мен жануарларды тістеген немесе оларға жарақат келтірген иттерді, мысықтарды қарау және карантиндік іс-шаралар қолдану үшін оларды ветеринарлық қадағалау бөліміне тез жеткізуге;

5) жануарды оның биологиялық қажеттілігіне сай ұстауға, онымен дұрыс қарым-қатынас жасауға, қараусыз, тамақ пен сусыз қалдырмауға, ал ауырса - уақытында ветеринарлық көмек көрсетуге;

6) аулаларды, кіреберістерді, баспалдақ алаңдарын, лифттерді, балалар алаңдарын, жолдарды, жаяу соқпақтарды, саябақтарды, бақтарды, демалыс орындарын ластамау, ал ластаған жағдайда міндетті түрде жинауды жүзеге асыруға;

7) жануарды одан әрі ұстау мүмкіндігі болмаса, басқа адамға беру немесе арнайы мекемеге өткізуіне;

8) жануар өліп қалған жағдайда, оның өлексесін мемлекеттік ветеринарлық инспекторының бақылауымен өлген жануарлар өлекселерін көму аумағына жерлеуге.

8. Иттер мен мысықтар иелеріне тыйым салынады:

1) жануарларды балалардың аула алаңдары, балалардың мектепке дейінгі мекемелері, мектептер мен оқу орындары, денсаулық сақтандыру нысандары, спорт алаңдары, бақтар, сутартқылар, суаттар, жағажай аумақтарында қыдыртуға;

2) мас күйіндегі адамдар мен 14 жасқа толмаған балаларға қоғамдық орындарда жануарларды қыдыртуға және олармен көлікке отыруға тыйым салынады;

3) иттер мен мысықтарды қоғамдық тамақтандыру кәсіпорындарында, сауда және азық-түлік дүкендерінің сауда және өндіріс залдарында пайда болуларына жол бермеуге;

4) жануарларды жалпы қолдану орындарында, кіреберістерде, баспалдақ бөліктері мен төбелерде, жертөлелерде, жатақханалардың дәліздерінде ұстауға;

5) иттер мен мысықтарды ветеринарлық құжаттары жоқ болса, белгіленген орындардан басқа жерде сатуға.

4. Иттер мен мысықтар иеленушілерінің құқы

9. Кез келген жануар иесінің меншігі болып табылады және басқа меншік сияқты Заңмен қорғалады.

10. Иесі итін шектеулі уақытқа дүкен немесе басқа мекеме жанында (ірі итті - тұмылдырықта) қысқа баумен байлаулы қалдыруға құқы бар.

5. Осы Ережені бұзған иттер мен мысықтар иелерінің жауапкершілігі

11. Осы Ережені сақтамағаны үшін иттер мен мысықтардың иелері Қазақстан Республикасының «Әкімшілік құқық бұзушылық туралы» Кодексіне сәйкес жауап береді.