Об утверждении Соглашения между Правительством Республики Казахстан и… — 06.08.2026

Басқа 0

Қазақстан Республикасының Үкіметі мен Қытай Халық Республикасы Үкіметі арасындағы Кеден істеріндегі ынтымақтастық пен өзара көмек туралы келісімді бекіту туралы Қазақстан Республикасының Үкіметі қаулы етеді:

Тармақ 1

1. 1997 жылғы 26 қыркүйекте Алматы қаласында жасалған Қазақстан Республикасының Үкіметі мен Қытай Халық Республикасының Үкіметі арасындағы Кеден істеріндегі ынтымақтастық пен өзара көмек туралы келісім бекітілсін.

Тармақ 2

2. Осы қаулы қол қойылған күнінен бастап күшіне енеді. Қазақстан Республикасы Үкіметі мен Қытай Халық Республикасы Үкіметі арасындағы "Кеден істеріндегі ынтымақтастық пен өзара көмек туралы" Келісім (ҚР халықаралық шарттары бюллетені, 2000 ж., N 4, 43-құжат) (1999 жылғы 3 тамызда күшіне енді - "Дипломатия жаршысы" ж., Арнайы шығарылым N 2, 2000 жылғы қыркүйек, 83 бет) Бұдан әрі Тараптар деп аталынатын Қазақстан Республикасы Үкіметі мен Қытай Халық Республикасы Үкіметі, екі мемлекет арасындағы, оның ішінде кеден істері саласындағы ынтымақтастық арқылы адалкөршілік қатынастарды дамытуды қалай отырып, кеден ережелерін бұзушылық қос мемлекеттің экономикалық, әлеуметтік және салық мүдделеріне нұқсан келтіретінін ескере отырып, кеден заңдары мен ережелердің бұзылуын болдырмау және кеден ережелерінің бұзылуына қарсы күрес жөніндегі күш-жігер Тараптардың кеден қызметтерінің ынтымақтастығының арқасында анағұрлым тиімдірек бола түседі деп сене отырып, төмендегілер жөнінде келісті:

Бап 1. 1-бап Анықтаулар

1-бап Анықтаулар Осы Келісімнің мақсаттары үшін қолданылатын терминдер мынадай мағыналарды білдіреді:

Тармақша а

а) "кеден заңдары" - кеден баждарын, салықтар мен алымдарды алуға не валютаны өткізуге бақылау жасауды қосқанда тыйым салу, шектеу немесе бақылау бойынша шараларға қатысты дәрежеде тауарларды әкелу, әкету және транзиттеу кезінде кеден қызметтерінің сақтауы қамтамасыз етілетін, заңмен немесе қосымша заң актілерімен белгіленген барлық ережелер;

Тармақша b

b) "кеден ережелерін бұзу" - кеден заңдарына бұзуға кез келген жағдайда ұмтылу сияқты осы заңдарды кез келген жағдайда бұзушылық;

Тармақша с

с) "кеден қызметтері" - Қазақстан Республикасында - Қазақстан Республикасы Мемлекеттік кеден комитеті, Қытай Халық Республикасында - Қытай Халық Республикасының Бас кеден басқармасы;

Тармақша d

d) "тұлға" - кез келген заңды немесе жеке тұлға;

Бап 2. 2-бап Келісімді қолдану аясы

2-бап Келісімді қолдану аясы

Тармақ 1

1. Тараптардың мемлекеттерінің кеден қызметтері осы Келісімнің негізінде өз мүмкіндіктері мен құзыреті шегінде және мемлекеттерінің аумағында қолданылатын заңдар сақталатын кезде:

Тармақша а

а) екі мемлекет арасындағы жолаушылар мен тауарлар тасымалын жеңілдету мен жеделдету;

Тармақша b

b) кеден заңдарын бұзудың алдын алу, тергеу және онымен күресу;

Тармақша с

с) тауарларды әкелген және әкеткен кезде алынатын кеден баждарын, төлемдері мен салықтарды дәл есептеуді қамтамасыз ету;

Тармақша d

d) өз қызметтерінің тәжірибесімен және кеден ісі саласындағы ақпараттармен алмасу мақсатында қарым-қатынас жасайды және бір-біріне өзара көмек көрсетеді.

Тармақ 2

2. Осы келісім өзге халықаралық келісімдермен және уағдаластықтармен көзделген ынтымақтастықты, соның ішінде қылмыстық істер бойынша құқықтық жәрдем көрсетуді реттейтін ережелерді қамтымайды.

Бап 3. 3-бап Ақпарат алмасу

3-бап Ақпарат алмасу

Тармақ 1

1. Тараптардың мемлекеттерінің кеден қызметтері өздерінің бастамаларымен немесе сұрау салу бойынша:

Тармақша а

а) әкелу немесе әкету кеден баждарының, салықтар мен алымдардың дәл алынуын қамтамасыз етуде көмектесуі мүмкін;

Тармақша b

b) төмендегілерді;

Тармақша і

і) қоршаған ортаға немесе халықтың денсаулығына қауіп төндіретін тауарлар мен материалдарды;

Тармақша іі

іі) есірткі дәрі-дәрмектерін және жүйке улайтын заттарды;

Тармақша ііі

ііі) қару-жарақты, оқ-дәріні, жарылғыш заттар мен жарғыш құралдарды;

Тармақша iv

iv) маңызды тарихи, көркем, мәдени немесе археологиялық құндылыққа ие заттарды;

Тармақша v

v) Тараптардың мемлекеттерінің кеден қызметтері алмасатын тізбелеріне сәйкес аса айрықша маңызға ие тауарларды өткізуге қатысты жасалынған немесе дайындалып жатқан құқық бұзушылықтар туралы өздеріндегі бар ақпараттарды бір-біріне береді.

Тармақ 2

2. Тараптардың мемлекеттерінің кеден қызметтері өздерінің бастамаларымен және мүмкіндігінше қысқа мерзімде:

Тармақша а

а) өздерінің кәдімгі қызметі барысында алынған және басқа Тараптың мемлекетінің аумағында елеулі кеден тәртібін бұзушылық орын алады деп ойлауға толық негіз беретін;

Тармақша b

b) құқық бұзушылықтың анықталуына және алдын кесуге септігін тигізетін;

Тармақша с

с) бір Тарап мемлекетінің кеден қызметінің контрабандалық тауарлардың түсу көздері мен оларды өткізу бағыттары жөнінде келесі Тарапқа қатысты анықталған жағдайлары туралы өздеріндегі бар күллі ақпараттарды бір-біріне береді.

Бап 4. 4-бап Арнайы қадағалау

4-бап Арнайы қадағалау Бір Тараптың мемлекетінің кеден қызметінің сұрау салуымен келесі Тараптың мемлекеттің кеден қызметі өз құзыреті мен мүмкіндіктері шегінде белгілі бір мерзім ішінде:

Тармақша а

а) сұрау салатын Тараптың мемлекетінің аумағында кеден құқықтарын бұзуға кәсіби немесе жай түрде қатысуға жеткілікті негізде күмәнді нақты адамдардың қозғалысына, әсіресе өз аумағына кіруіне және өз аумағынан шығуынан;

Тармақша b

b) сұрау салатын Тараптың кеден қызметі осы елдің мемлекетінің аумағына немесе аумағынан барынша заңсыз өткізілетін заттар ретінде айқындайтын тауарларға;

Тармақша с

с) сұрау салатын Тараптың мемлекетінің аумағында кеден құқықтарын бұзу кезінде пайдалануға жеткілікті негізде күмән келтіретін нақты жер үстіндегі, су, әуе және басқа да көлік құралдарына арнайы қадағалауды жүзеге асырады. Осындай қадағалаудың нәтижелері сұрау салатын мемлекеттің кеден қызметіне беріледі.

Бап 5. 5-бап Түпнұсқаны растау

5-бап Түпнұсқаны растау

Тармақ 1

1. Бір Тараптың мемлекетінің кеден қызметінің сұрау салуымен келесі Тараптың мемлекетінің кеден қызметі сол кеден қызметіне:

Тармақша а

а) сұрау салатын Тараптың мемлекетінің кеден қызметіне ұсынылатын жүк декларациясына берілген ресми құжаттардың түпнұсқасына;

Тармақша b

b) сұрау салатын Тараптың мемлекетінің аумағына әкелінген тауарлардың келесі Тараптың мемлекетінің аумағынан заңсыз әкетілгені-әкетілмегеніне;

Тармақша с

с) сұрау салатын Тараптың мемлекетінің аумағынан әкетілген тауарлардың сұрау салынатын Тараптың мемлекетінің аумағына заңсыз әкелінгені-әкелінбегенінен қатысты ақпараттарды береді.

Бап 6. 6-бап Сұрау салудың нысаны мен мазмұны

6-бап Сұрау салудың нысаны мен мазмұны

Тармақ 1

1. Осы Келісімге сәйкес жәрдем беру туралы сұрау салу жазбаша нысанда жасалады. Сұрау салуларға оларды орындауға қажетті құжаттар қоса тіркеледі. Төтенше жағдайда ауызша сұрау салулардың қабылдануы мүмкін, алайда олар дереу жазбаша нысанда расталуы тиіс.

Тармақ 2

2. Мұндай сұрау салулар төмендегідей:

Тармақша а

а) сұрау салып отырған кеден органы;

Тармақша b

b) сұрау салынатын әрекет;

Тармақша с

с) сұрау салудың мәні мен негізі;

Тармақша d

d) істің және оған қатысты жағдаяттардың мәнін қысқаша сипаттау;

Тармақша е

е) іске қатысты заңдар, ережелер мен өзге де заңдық актілер;

Тармақша f

f) сұрау салуға негіз болып табылатын жеке және заңды тұлғалар туралы мүмкіндігінше нақты және толық мәліметтерді қамтуы тиіс.

Тармақ 3

3. Сұрау салу сұрау салынатын мемлекеттің ресми тілінде не ағылшын тілінде немесе сұрау салынатын Тараптың мемлекетінің кеден қызметіне қолайлы басқа тілде жасалады.

Тармақ 4

4. Қажет болған жағдайда сұрау салынатын Тараптың мемлекетінің кеден қызметі осындай сұрау салулардың түзетулерін немесе оларға толықтыруларды сұратып ала алады.

Бап 7. 7-бап Сұрау салуды орындау

7-бап Сұрау салуды орындау

Тармақ 1

1. Сұрау салу бойынша көрсетілетін кез келген көмек сұрау салынатын Тараптың мемлекетінің аумағында қолданылатын заңдарға сәйкес жүзеге асырылады.

Тармақ 2

2. Бір Тараптың мемлекетінің кеден қызметінің сұрау салуы бойынша келесі тараптың мемлекетінің кеден қызметі өз құзыреті шегінде сұрау салатын тараптың мемлекетінің аумағында тергелуі жүргізілетін құқық бұзушылыққа қатысты жағдайларды тексеру немесе анықтауды өткізеді.

Тармақ 3

3. Деректі материалдар мен басқа да құжаттарды беру сұрау салуды орындаудың бір түрі болып табылады. Құжаттардың түпнұсқаларына олардың заңдық күшінің шарттарына қарай куәлендірілген көшірмелерді беру жеткіліксіз болатын жағдайларда сұрау салынады. Алынған құжаттардың түпнұсқалары алғашқы мүмкіндіктің өзіне қайтарылады.

Тармақ 4

4. Сұрау салынатын Тараптың мемлекетінің кеден қызметі сұрау салудың өз мемлекетінің заңдарына сәйкес орындалуы үшін барлық қажетті шараларды қолданады.

Тармақ 5

5. Сұрау салынатын Тараптың мемлекетінің кеден қызметі өз құзыретіне кірмейтін сұрау салуды алатын болса, оны сұрау салынатын Тараптың тиісті ведомствосына береді және сұрау салатын Тараптың мемлекетінің кеден қызметіне бұл туралы, сондай-ақ осы сұрау салудың орындалу нәтижелері туралы хабарлайды. Бұл ретте сұрау салудың орындалуы сұрау салынатын Тараптың тиісті ведомствосының қарауында болады.

Тармақ 6

6. Сұрау салуды орындаудан бас тартылған болса, онда сұрау салынатын Тараптың мемлекетінің кеден қызметі сұрау салатын Тараптың мемлекетінің кеден қызметіне бас тартудың себептерін көрсетіп, осы жөнінде жазбаша түрде хабарлайды. Сұрау салынатын Тараптың мемлекетінің кеден қызметі осындай сұрау салуда көрсетілген істі одан әрі жүргізу үшін пайдалы бола алатын қолдағы бар күллі ақпараттарды береді.

Бап 8. 8-бап Ақпараттар мен құжаттарды пайдалану

8-бап Ақпараттар мен құжаттарды пайдалану

Тармақ 1

1. Осы Келісімнің ережелеріне сәйкес алынған ақпараттар, құжаттар және басқа мәліметтер тек осы Келісімнің 3-бабымен белгіленген мақсаттар үшін ғана пайдаланылады.

Тармақ 2

2. Ақпараттар, құжаттар және басқа мәліметтер, сот немесе әкімшілік талқылаулары кезінде айғақтар ретінде пайдалануды қосқанда, оларды берген мемлекеттің кеден қызметінің жазбаша келісімімен ғана және осы кеден қызметі белгілеген кез келген шектеулер сақталған жағдайда ғана басқа мақсаттарда қолданылады.

Бап 9. 9-бап Құпиялылық

9-бап Құпиялылық Осы Келісімнің ережелеріне сәйкес алынған кез келген ақпараттарға, құжаттарға немесе мәліметтерге оларды алатын елде осы елдің өз аумағында алынған осындай ақпараттарға, құжаттар мен мәліметтерге берілетін сияқты жарияланудан қорғалу дәрежесі беріледі.

Бап 10. 10-бап Көмек көрсету жөніндегі міндеттемелердің ерекше жағдайлары

10-бап Көмек көрсету жөніндегі міндеттемелердің ерекше жағдайлары

Тармақ 1

1. Егер бір Тараптың мемлекетінің кеден қызмет сұрау салынған көмек өзінің мемлекетінің егемендігіне, қауіпсіздігіне немесе басқа да өмірлік мүдделеріне зиян келтіруі мүмкін не кез келген мемлекеттің немесе жеке кәсіпорынның заңды коммерциялық мүдделеріне зиян келтіреді не кез келген сұрау салынатын Тараптың мемлекетінің аумағында жүргізіліп жатқан талқылауға кедергі келтіре алады деп санаса, онда ол көмектен бас тарта алады әлде оны белгілі бір шарттар немесе талаптар сақталатын жағдайда көрсете алады.

Тармақ 2

2. Егер бір Тараптың мемлекетінің кеден қызметі, келесі Тараптың мемлекетінің кеден қызметі осындай сұрау салған жағдайда өзі көрсете алмаған көмек туралы сұрау салумен қайырылатын болса, өзінің сұрау салуында осыған назар аударады. Мұндай сұрау салуды орындау сұрау салынатын кеден қызметінің қарауына беріледі.

Бап 11. 11-бап Есірткі дәрі-дәрмектері мен жүйке улағыш заттардың заңсыз айналымымен күрес

11-бап Есірткі дәрі-дәрмектері мен жүйке улағыш заттардың заңсыз айналымымен күрес

Тармақ 1

1. Тараптардың мемлекеттерінің кеден қызметтері есірткі дәрі-дәрмектері мен жүйке улағыш заттардың заңсыз айналымын болдырмау, тергеу және оның алдын алу жөніндегі әрекеттерді жандандыру мақсатында өздерінің бастамаларымен және мүмкіндігінше қысқа мерзімде бір-біріне:

Тармақша а

а) есірткі дәрі-дәрмектері мен жүйке улағыш заттардың заңсыз айналымына тартылғандығы белгілі немесе оған күмәнді адамдар туралы;

Тармақша b

b) есірткі дәрі-дәрмектері мен жүйке улағыш заттардың заңсыз айналымы үшін қолданылатындықтары белгілі немесе бұл жөнінде күдік тудыратын жер бетіндегі, су, әуе немесе басқа да көлік құралдары, контейнерлер мен посылкалар туралы мәліметтерді хабарлайды.

Тармақ 2

2. Тараптардың мемлекеттерінің кеден қызметтері өздерінің бастамаларымен есірткі дәрі-дәрмектері мен жүйке улағыш заттардың заңсыз айналымының қолданылатын тәсілдері, сондай-ақ олардың контрабандасымен тиімді күрестің жаңа әдістері туралы өздеріндегі бар күллі ақпараттарды бір-біріне береді.

Тармақ 3

3. Тараптар өзара келісе отырып, есірткі дәрі-дәрмектері мен жүйке улағыш заттардың заңсыз айналымына қатысы бар адамдарды анықтау мақсатында бақыланатын жеткізілімдер тәсілін пайдалану жөнінде шешім қабылдаса, Тараптардың мемлекеттерінің кеден қызметтері өздерінің мемлекеттерінің заңдарына сәйкес және мүмкіндіктері мен құзыреті аясында осыған қатысты өздерінің іс-қимылдарында ынтымақтасу үшін көмек беретін болады.

Тармақ 4

4. Тараптардың мемлекеттерінің кеден қызметтері осы баптың қолданылуы есірткі дәрі-дәрмектері мен жүйке улағыш заттарды өндіруде пайдаланылатын заттарға да кеңейте алады.

Бап 12. 12-бап Кеден ресімдемелерін жеңілдету

12-бап Кеден ресімдемелерін жеңілдету

Тармақ 1

1. Тараптардың мемлекеттерінің кеден қызметтері өзара келісе отырып, тауарлар транзитін қосқанда екі мемлекет арасындағы жолаушылар мен жүк тасымал-қатынастарын жеңілдету мен жеделдету мақсатында кедендік ресімдеуді оңайлату бойынша қажетті шаралар қолданады. Екі мемлекеттің ортақ шекарасы арқылы тауарлар мен көлік құралдарын өткізу өзара уағдаластықпен белгіленген өткізу пункттері арқылы жүзеге асырылады.

Тармақ 2

2. Тараптардың мемлекеттерінің кеден қызметтері, бұл ретте халықаралық тасымал-қатынастары туралы қолданылып жүрген келісімдерді ескере отырып, ортақ шекарада орналасқан тиісті кеден күзет орындарының жұмыс тәртібі мен өткізу қабілеті жөнінде келісіп алу мақсатында тиісті әкімшілік шараларын қолдануға септігін тигізетін болады.

Тармақ 3

3. Тараптардың мемлекеттерінің кеден қызметтері кеңестер өткізеді және бір-бірінің кедендік қамтамасыз етілуі мен кеден құжаттарын тану туралы мәселені жеке келіседі.

Бап 13. 13-бап Тәжірибе алмасу

13-бап Тәжірибе алмасу

Тармақ 1

1. Тараптардың мемлекеттерінің кеден қызметтері өзара түсіністікке жету мақсатында өз қызметінің тәжірибесімен төмендегідей салаларда алмасады:

Тармақша а

а) кеден заңдары;

Тармақша b

b) тауарларға, жолаушыларға және почта жөнелтілімдеріне кедендік бақылауды ұйымдастыру мен қолданылатын тәсілдер;

Тармақша с

с) кедендік бақылаудың техникалық құралдарын пайдалану;

Тармақша d

d) контрабандалық қызмет, оның түрлері, жасыру құралдары, құқық тәртібін бұзудың жаңа әдістері, табу әдістері және олардың нәтижелері туралы ақпараттар;

Тармақша е

е) басқа кеден қызметтерімен, Кеден ынтымақтастығы кеңесімен және өзге де халықаралық ұйымдармен ынтымақтастық;

Тармақша f

f) өзара мүдделі өзге де мәселелер.

Тармақ 2

2. Тараптардың мемлекеттерінің кеден қызметтері кеден ісінің төмендегідей:

Тармақша а

а) өзара мүдделі жағдайларда, оның ішінде кедендік бақылаудың техникалық құралдарымен, компьютерлік техникамен және басқа да қазіргі заманғы ғылыми-техникалық құралдармен танысу мақсатында кеден қызметтері қызметкерлерімен және сарапшыларымен алмасуды;

Тармақша b

b) кеден қызметкерлерін кәсіби оқытуды;

Тармақша с

с) кеден ісіне қатысты кәсіби, ғылыми және техникалық мәліметтермен алмасуды қоса алғандағы салаларында ынтымақтасады.

Бап 14. 14-бап Шығыстар

14-бап Шығыстар

Тармақ 1

1. Тараптардың мемлекеттерінің кеден қызметтері осы Келісімнің ережелеріне сәйкес сұрау салуды орындау кезінде кеден қызметінде тұрмайтын куәлердің, сондай-ақ сарапшылар мен аудармашылардың жұмысына ақы төлеуге кеткен шығыстарды қоспағанда осы Келісімнің ережелерін орындауға байланысты шығыстарды өтеуге қатысты кез келген талаптарды қабыл алмайды.

Тармақ 2

2. Осы Келісімнің 13-бабының ережелерін орындауға байланысты шығыстарды өтеу Тараптар мемлекеттерінің кеден қызметтерінің арасындағы жеке уағдаластықтың әңгіме арқауы болуы мүмкін.

Бөлім 15. 15-бап Келісімді орындау

15-бап Келісімді орындау

Тармақ 1

1. Тараптардың кеден қызметтері өздерінің орталық бөлімшелері арасында тікелей байланыс арналарын орнатуды көздейді және жергілікті бөлімшелеріне Тараптардың кеден қызметтерінің жеке уағдаластықта келісілгендегідей өзара қатынас жасауды жүзеге асыруға өкілеттік береді.

Тармақ 2

2. Тараптардың кеден қызметтері кеңестер өткізеді және осы Келісімнің ережелерін түсіндіру немесе қолдану кезінде пайда болатын мәселелерді шешеді.

Бап 16. 16-бап Келісімнің аумақтық қолданылуы

16-бап Келісімнің аумақтық қолданылуы Осы Келісім Қазақстан Республикасының кеден аумағында және Қытай Халық Республикасының кеден аумағында қолданылады.

Бап 17. 17-бап Келісімнің күшіне енуі және қолданылуының тоқтатылуы

17-бап Келісімнің күшіне енуі және қолданылуының тоқтатылуы Осы Келісім Тараптар бұл Келісімнің күшіне енуіне және өзара хабардар етуге қажетті өзінің елінде заң ресімдемелерін орындаған соң отызыншы күні күшіне енеді. Осы Келісімнің қолданылу мерзімі - 5 жыл. Егер мерзімінің аяқталуына алты ай қалғанша Тараптардың бір де бірі оның қолданылуын тоқтату туралы жазбаша түрде хабарламаса, онда осы Келісім келесі 5 жылға өздігінен ұзартылатын болады және одан кейін осылайша ұзартыла береді.

Бап 18. 18-бап Өзгерістер мен толықтырулар енгізу

18-бап Өзгерістер мен толықтырулар енгізу Осы Келісімге Тараптардың өзара уағдаласуымен өзгерістер мен толықтырулар енгізілуі мүмкін. Алматы қаласында 1997 жылдың 26 қыркүйекте қазақ, қытай және орыс тілдерінде әрқайсысы екі данада жасалынды, барлық мәтіндердің заңды күші бірдей. Осы Келісімнің ережелерін түсіндіруде келіспеушіліктер туындайтын жағдайда Тараптар орыс тіліндегі мәтінді басшылыққа алатын болады. Қазақстан Республикасының Үкіметі үшін Қытай Халық Республикасы Үкіметі үшін

Қызметтер

Навигация

Параметрлер

Аккаунт