Об утверждении Правил выгула собак и кошек на территории Федоровского района Қолданыста

Федоров ауданының аумағында иттер мен мысықтарды серуендету Қағидаларын бекіту туралы Қазақстан Республикасының «Ветеринария туралы» Заңының 10-бабы 1-тармағының 2)-тармақшасына сәйкес Федоров аудандық мәслихаты ШЕШТІ: Федоров ауданының аумағында иттер мен мысықтарды серуендету Кағидалары бекітілсін (қосымша).

Мәслихаттың 2005 жылғы «29» қыркүйектегі № 200 шешіміне қосымша Федоров ауданының аумағында иттер мен мысықтарды серуендету Қағидасы

1. Жалпы ережелер

1. Осы Қағида Федоров ауданының аумағында иттер мен мысықтарды серуендетуді реттеу мақсатында әзірленді.

2. Осы Қағида ит пен мысық ұстайтын барлық нысана түріне қарамастан меншіктің жеке және заңды тұлғаларына таратылады.

3. Осы Қағида "Жергілікті мемлекеттік басқару туралы" Қазақстан Республикасының Заңына, Қазақстан Республикасының "Ветеринария туралы" Заңына, Қазақстан Республикасының "Халықтың санитариялық-эпидемиологиялық жағдайы туралы" Заңына сәйкес әзірленді.

4. Кез келген хайуанат иесінің меншігі болып табылады және кез келген меншік ретінде заңмен қорғалады.

2. Иттер мен мысықтарды ұстау

5. Ит және мысық иелері оларды серуендету кезінде санитарлық-гигиеналық және ветеринарлық-санитарлық қағидаларын сақтауға міндетті.

6. Иттерді көшеге, аулаға қысқа жіппен жетектеп және томаға кигізіп шығаруға олардың қашып кетуін болдырмауға міндетті.

7. Иттерді томағасыз ұстауға мына жағдайларда: мал отарында, аң аулау кезінде, жаттығу алаңдарында, арнайы ұйымдарда, жедел қызмет атқару үшін пайдалануда рұқсат етіледі.

8. Хайуанаттардың подъездерді, баспалдақ алаңдарын, спорт және балалар алаңдарын, көгалдарды, тротуарларды ластауға тыйым салынады.

3. Қағидаларды сақтамаған хайуанаттар иелерінің жауапкершілігі

9. Осы Қағидаларды сақтамаған, жеке және заңды тұлғалар Қазақстан Республикасының қолданыстағы заңнамаларымен белгіленген тәртіпте жауапқа тартылады.