Об оказании социальной помощи молодежи из числа студентов для частичного возмещения расходов, связанных с получением образования Қолданыста

Білім алуға байланысты жекелеген шығындарды төлеу үшін студенттер қатарындағы жастарға әлеуметтік көмек көрсету туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 27-бабына, «Қазақстан Республикасындағы мемлекеттік жастар саясаты туралы» Қазақстан Республикасы Заңының 11-бабына, «Білім беру туралы» Қазақстан Республикасы Заңының 4-бабының 5-тармағына сәйкес, Қостанай облыстық мәслихатының 2003 жылғы 19 ақпандағы № 263 «Қостанай облысының 2003-2005 жылдарға арналған өңірлік жастар саясаты бағдарламасын бекіту туралы» шешімімен бекітілген Қостанай облысының 2003-2005 жылдарға арналған өңірлік жастар саясаты бағдарламасын орындауда Қостанай облысының әкімдігі ҚАУЛЫ ЕТЕДІ:

1. Білім алуға байланысты жекелеген шығындарды төлеу үшін студенттер қатарындағы жастарға әлеуметтік комек көрсетілсін: жоғары оқу орындарының күндізгі оқу бөліміндегі студенттер ішінен, оқытудың 3 курсынан бастап, оқу озаттары, облыстың қоғамдық өміріне белсене қатысып жүрген, тұрмысы нашар отбасылардан шыққан 20 студент үшін 2005 жыл ішінде ай сайын 20000 теңге көлемінде; жоғары оқу орындарының күндізгі оқу бөліміндегі студенттер ішінен, оқытудың 3 курсынан бастап, тиісті оқу бағдарламаларын жетік меңгеріп жүрген және тұрмысы нашар отбасылардан шыққан 18 студент үшін 2005 жыл ішінде ай сайын 11600 теңге көлемінде.

2. «Қостанай облысының ішкі саясат департаменті» мемлекеттік мекемесі (Т.С. Жақыпова) білім алу кезеңінде жекелеген шығындарды төлеу үшін студенттер қатарындағы жастарға әлеуметтік көмек көрсету жағынан Қостанай облысының 2003-2005 жылдарға арналған өңірлік жастар саясаты бағдарламасының іс-шараларын орындауды қамтамасыз етсін.

3. Облыс әкімдігінің жанындағы жастар істері жөніндегі кеңес бюджеттік бағдарламалардың әкімгері «Қостанай облысының ішкі саясат департаменті» мемлекеттік мекемесіне әлеуметтік көмекті алуға үміткерлерді анықтау бойынша ұсыныстар әзірлесін және енгізсін.

4. Осы қаулының орындалуын бақылау облыс әкімінің орынбасарлары С.Ш. Бектұрғанов, А.П. Рауға жүктелсін.