Об утверждении инструкции по оказанию социальной помощи безработным, направленным на профессиональную подготовку, повышение квалификации и переподготовку Қолданыста

Кәсіби даярлау, біліктілікті арттыру және қайта даярлауға жіберілген жұмыссыздарға әлеуметтік көмек көрсету жөніндегі нұсқаулықты бекіту туралы Қазақстан Республикасының Бюджеттік кодексінің 53-бабының негізінде, Қазақстан Республикасы Үкіметінің 2001 жылғы 19 маусымдағы № 836 «Қазақстан Республикасының 2001 жылғы 23 қаңтардағы «Халықты жұмыспен қамту туралы» қаулысына және Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабына сәйкес, Ұзынкөл ауданының әкімдігі ҚАУЛЫ ЕТЕДІ:

1. Қоса берілген кәсіби даярлау, біліктілікті арттыру және қайта даярлауға жіберілген жұмыссыздарға әлеуметтік көмек көрсету жөніндегі нұсқаулық бекітілсін.

2. «Ұзынкөл ауданының экономика және қаржы бөлімі» мемлекеттік мекемесі (Н.А. Коваленко) «Жұмыссыздарды кәсіби даярлау және қайта даярлау» 451-002-101 бюджеттік бағдарламасы бойынша қаржыландыруды жүзеге асырсын.

3. Осы қаулының орындалуына бақылау жасау Ұзынкөл ауданы әкімінің орынбасары М.В. Слесарьға жүктелсін.

Әкімдіктің 2005 жылғы 29 қарашадағы № 288 қаулысымен бекітілген Кәсіби даярлау, біліктілікті арттыру және қайта даярлауға жіберілген жұмыссыздарға әлеуметтік көмек көрсету туралы нұсқаулық Осы нұсқаулық кәсіби даярлау, біліктілікті арттыру және қайта даярлауға жіберілген жұмыссыздарға тұруға, тамақтануға, медициналық куәландыруға және аумақ шегінде оқу орнына баратын жолға арналған шығынды өтеу жөнінде әлеуметтік көмек көрсетудің тәртібін анықтайды.

1. Жалпы ережелер

1. Осы нұсқаулықта мынадай негізгі ұғымдар пайдаланылады:

1) Уәкілетті орган - «Ұзынкөл ауданының жұмыспен қамту және әлеуметтік бағдарламалар бөлімі» мемлекеттік мекемесі;

2) өтініш беруші - әлеуметтік көмек алудан үміткер адам.

2. Кәсіби даярлау, біліктілікті арттыру және қайта даярлауға жіберілген жұмыссыздарға тұруға, тамақтануға, медициналық куәландыруға және аумақ шегінде оқу орнына баратын жолға арналған шығынды өтеу жөнінде әлеуметтік көмекті Уәкілетті орган көрсетеді.

3. Әлеуметтік көмек, егер жұмыссыз оқу бітірген күннен кейін бір ай ішінде өтініш жасаса, төленеді.

4. Уәкілетті орган азаматтардың әлеуметтік көмек көрсету туралы арыздарын қарайды және оны тағайындау немесе тағайындаудан бас тарту туралы шешім қабылдайды.

5. Қазақстан Республикасының «Халықты жұмыспен қамту туралы» заңына сәйкес халықтың нысаналы топтарына кіретін жұмыссыздардың, басым тәртіп бойынша кәсіби даярлау, біліктілікті арттыру және қайта даярлауды өтеуге құқығы бар.

2. Әлеуметтік көмек алуға өтініш жасау

6. Өтініш беруші Уәкілетті органға жазбаша арыз береді және әлеуметтік көмек алу құқығын растайтын құжаттарды тапсырады.

7. Өтініш беруші арызда және құжаттарда көрсетілген мәліметтің толықтығына және растығына Қазақстан Республикасының заңнамаларына сәйкес жауапты болады.

8. Әлеуметтік көмек тағайындау үшін қажет құжаттар:

1) әлеуметгік көмек көрсету туралы тұрғылықты жердегі банктегі жеке шоттың нөмірі көрсетілген жазбаша арыз;

2) өтініш берушінің жеке тұлғасын куәландыратын құжаттың көшірмесі;

3) Уәкілетті органның өтініш берушінің жұмыссыз ретінде тіркелгенін растайтын құжаттың көшірмесі;

4) Уәкілетті органның кәсіби оқуға берген жолдамасының көшірмесі;

5) Уәкілетті органның кәсіби даярлауға, біліктілікті арттыруға және қайта даярлауға жіберілген жұмыссызбен жасасқан шартының көшірмесі;

6) жолаушылар, теміржол көлігі (таксиден басқа) бойынша жолақы құжаттарының түпнұсқасы, немесе көрсетілген тасымалдау түрлерін жүзеге асыратын ұйымның, уәкілетті органмен қол қойылған және мөрмен растаған (оқу басталар алдындағы күндегі) жолақының бағасы туралы анықтамасы;

7) емдеу мекемесі берген медициналық куәландырудан өткені туралы санитарлық кітапшасының көшірмесі және оны өтеу үшін төлеген ақы жөніндегі төлем құжаты.

9. Әлеуметтік көмек тағайындау үшін қажет құжаттардың түпнұсқалары және салыстыру үшін олардың көшірмелері уәкілетті органға тапсырылады. Салыстырғаннан кейін құжаттардың түпнұсқалары өтініш берушіге қайтарылады.

4. Әлеуметтік көмек тағайындау тәртібі

10. Уәкілетті орган әлеуметтік көмекті тағайындау немесе тағайындаудан бас тарту туралы шешімді өтініш беруші арызымен қоса барлық құжаттарын тапсырғаннан кейін 10 күн ішінде қабылдайды. Әлеуметтік көмекті тағайындаудан бас тартқан жағдайда өтініш берушіге, бас тартудың себептері көрсетіліп, жазбаша хабарланады.

11. Әлеуметтік көмекті тағайындау немесе тағайындаудан бас тарту туралы шешімге Уәкілетті органның басшысы қол қояды.

12. Қажет құжаттардың біреуінің болмауы әлеуметтік көмек көрсетуден бас тартуға әкеліп соғады.

5. Әлеуметтік көмектің мөлшері

13. Әлеуметтік көмек шығынды өтеу үшін көрсетіледі:

1) тамақтың - тиісті жылға республикалық бюджет туралы заңымен белгіленген, айына екі айлық есептік көрсеткіш ;

2) осы Нұсқаулықтың 8-тармағының 7) тармақшасында көрсетілген құжатпен расталған, медициналық куәландыру үшін;

3) тұру үшін - тиісті жылға республикалық бюджет туралы заңымен белгіленғен, айына бір айлық есептік көрсеткіш;

4) аумақ шегінде оқу орнына баратын жолға осы нұсқаулықтың 8-тармағының 6) тармақшасында көрсетілген құжаттармен расталған, жолақының бағасы.

14. Қостанай облысы бойынша Ұзынкөл ауданынан тыс жерлерғе кәсіби оқуға жіберілген жұмыссыздарға тұруға және оқу орнына баратын жолға арналған шығынды өтеу үшін әлеуметтік көмек көрсетіледі.

6. Әлеуметтік көмекті төлеу

15. Әлеуметтік көмекті төлеу аудандық бюджеттің қаражаты есебінен жүзеге асырылады.

16. Әлеуметтік көмекті төлеу барлық оқу мерзіміне оқу аяқталған соң жүзеге асырылады.

17. Уәкілетті орган есептеу жүргізеді, әлеуметтік көмек тағайындалған азаматтардың тізімін қалыптастырады және қаржы органға қаржыландыруға жиынтық өтінім тапсырады.

18. Әлеуметтік көмекті төлеу тиісті банктік операциялар түріне Қазақстан Республикасының Ұлттық банкінің лицензиясы бар, екінші деңгейдегі банктер арқылы уәкілетті орган берген тізімдерге сәйкес жұмыссыздардың жеке есеп шоттарына ақша түрінде аудару арқылы жүзеге асырылады.