Об утверждении Правил оказания гражданам жилищной помощи на содержание жилища, услуг связи и оплату коммунальных услуг Қолданыста

Азаматтарға тұрғын-жайды ұстауға, байланыс және коммуналдық қызметін төлеуге тұрғын үй көмегін беру Ережелерін бекіту туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 6 бабы 1 тармағы 11), 14) тармақшаларына сәйкес, Степногорск қалалық мәслихаты ШЕШІМ ЕТТІ:

1. «Азаматтарға тұрғын-жайды ұстауға, байланыс және тұрғын үй коммуналдық қызметін төлеуге тұрғын үй көмегін беру Ережелері» бекітілсін.

2. Степногорск қалалық мәслихатының:

1) Ақмола облысының әділет баскармасында 2002 жылғы 23 тамызда № 1277 тіркелген «Табысы аз азаматтарға тұрғын-жайды ұстауға, байланыс және коммуналдық қызметін төлеуге тұрғын үй көмегін беру Ерсжелерін бекіту туралы» 2002 жылғы 9 шілдедегі № С-20/7 шешімі;

2) Ақмола облысының әділет басқармасында 2003 жылғы 24 маусымда № 1869 тіркелген «Табысы аз азаматтарға тұрғын-жайды ұстауға, байланыс және тұрғын үй коммуналдық қызметін төлеуге тұрғын үй көмегін беру Ережелерін бекіту туралы» 2002 жылғы 9 шілдедегі № 20/7 шешіміне өзгерістер мен толықтырулар енгізу туралы» 2003 жылғы 19 маусымдағы № С-26/4 шешімі;

3) Ақмола облысының әділет баскармасында 2004 жылғы 28 қазанда № 2862 тіркелген «Табысы аз азаматтарға тұрғын-жайды ұстауға, байланыс және тұрғын үй коммуналдық қызметін төлеуге тұрғын үй көмегін беру Ережелерін бекіту туралы» 2002 жылғы 9 шілдедегі № 20/7 шешіміне өзгерістер мен толықтырулар енгізу туралы» 2004 жылғы 21 қазандағы № С-10/2 шешімі;

4) Степногорск қаласының әділет басқармасында 2005 жылғы 10 қазанда № 1-2-17 тіркелген «Табысы аз азаматтарға тұрғын-жайды ұстауға, байланыс және тұрғын үй коммуналдық қызметін төлеуге тұрғын үй көмегін беру Ережелерін бекіту туралы» 2002 жылғы 9 шілдедегі № 20/7 шешіміне өзгерістер мен толықтырулар енгізу туралы» 2005 жылғы 3 қазандағы № ЗС-20/3 шешімдерінің күші жойылды деп танылсын.

3. Осы шешім Степногорск қаласының әділет Басқармасында тіркелген күннен бастап өз күшіне енеді және бұқаралық ақпарат құралдарында ресми жарияланады.

4. Осы шешімнің әрекеті 2006 жылдың 1 қаңтарында белгіленген құқықтық қатынастарға тарайды.

Степногорск қалалық мәслихатының 2006 жылғы 08 ақпандағы № ЗС-27/5 «Азаматтарға тұрғын-жайды ұстауға, байланыс және коммуналдық қызметін төлеуге тұрғын үй көмегін беру Ережелерін бекіту туралы» шешімі бекітілген Азаматтарға тұрғын-жайды ұстауға, байланыс және тұрғын үй коммуналдық қызметін төлеуге тұрғын үй көмегін беру ЕРЕЖЕЛЕРІ

1. Жалпы ереже

1. Тұрғын үй көмегі-азаматтарға тұрғын-жайды (жеке үйді ұстаудан басқа) ұстауға, байланыс қызметін және коммуналдық қызметті пайдаланғаны үшін жасаған төлем шығындарының орнын толтыру мақсатында берілетін өтемақы.

2. Тұрғын үй көмегі қала және кенттерде тұрақты тұратын, егер тұрғын-жайды (жеке үйді ұстаудан басқа) ұстауға, байланыс қызметін және коммуналдық қызметті пайдаланғаны үшін жасаған төлем шығындары осы мақсатта жұмсалатын жанүя бюджеті шығындарының мүмкіндік шегінен асып кететін тұрғын үйдің заңды иесі немесе жалдаушысы болып табылатын тұлғаларға беріледі. Тұрғын-жайды (жеке үйді ұстаудан басқа) ұстауға және коммуналдық қызметті пайдаланғаны үшін жасаған төлем шығынының мүмкіндік шегінің үлесі жанұяның жиынтық табысының 15% мөлшерін құрайды. Өтемақы алаң белгіленген нормадан астам болған жағдайда тұрғын үйді ұстауға және көрсетілген коммуналдық қызметтерге төлем жасау жалпы негізде жүргізіледі.

3. Өтемақымен қамтамасыз етілетін тұрғын үй алаңының нормалары бір адамға 18 кв. метр көлемінде белгіленеді. Жалғыз тұратын азаматтарға өтемақымен қамтамасыз етілетін тұрғын үй алаңының нормалары 30 кв. метр, бірақ бір бөлмелі пәтердің көлемінен кем болмауы тиіс. Коммуналдық қызметтерді (сумен жабдықтау, газ, канализация, жылу энергиясы, лифт, қоқыс) пайдалану нормативтері нақты пайдалану мөлшерімен белгіленеді және нормативтік-құқықтық құжаттарда (СНжЕ) белгіленген шегі көлемінен аспауы тиіс.

4. Жеке меншігінде бір өлшемнен астам тұрғын үйі бар немесе тұрғын- жайларды жалдауға беретін тұлғалар тұрғын-жай жәрдемін алу құқығынан айрылады. Үш жасқа дейінгі бала тәрбиесімен айналысатын немесе мүгедектерді күтуді жүзеге асыратын тұлғаларды қоспағанда отбасында еңбекке қабілетті, бірақ жұмыспен қамту қызметінде тіркелмеген, оқымайтын, әскери қызметте жоқ жұмыс істемейтін тұлғасы бар жанұялар тұрғын-жай жәрдемін алуға құқығы жоқ.

5. Телекоммуникация желілерінің абоненттеріне (бұдан әрі - абонент) телефонға абоненттік ақы тарифтерінің өтемақысы телефон үшін абоненттік өсуінің айырымын тұрғын үйді ұстау мен коммуналдық қызметтерді тұтыну шығындарының қосындысына енгізу жолымен жүзеге асырылады. Телефон үшін абоненттік ақы тарифтерінің көтерілуіне байланысты өтемақысын алу үшін абонент тұрғын үй жәрдемін тағайындау үшін қажетті құжаттарымен бірге қалалық өкілетті органға - Степногорск қаласының жұмыспен қамту және әлеуметтік бағдарламалар бөліміне өтініш тапсырады. Тұрғын үй жәрдемінің мөлшері абоненттік ақы тарифтерінің көтерілуі бойынша телефон үшін абоненттік ақының ұлғаю қосындысынан артық болмауы тиіс.

2. Тұрғын үй жәрдемін тағайындау

6. Жұмыспен қамту және әлеуметтік бағдарламалар бөлімі тұрғын үй жәрдемақысын өтініш берген айдан бастап сол тоқсанның соңына дейін тағайындайды. Тұрғын үй көмегін беру туралы өтініш отбасының тек бір мүшесінен ғана қабылдануы мүмкін. Тұрғын үй жәрдемінің көлемін анықтау үшін отбасының өтініш берген тоқсанның алдындағы тоқсандағы орташа айлық табысы есептеледі. Тұрғын үй иесінің (жалдаушының) өтініші және оған томенде қоса берілген құжаттардың негізінде тұрғын үй жәрдемі тағайындалады:

1) отбасының тұрақты тұрғын-жайын растайтын құжатының көшірмесі;

2) пәтерге құқығын растайтын құжаттар (техникалық төлқұжат, ордер, жекешелендіру, айырбастау, сатып алу, сыйға тарту, жалдау шарттары және т.б.);

3) отбасының барлық мүшелерінің табыстары туралы мәліметтер (еңбек ақы, стипендия мөлшері туралы, алименттер туралы, мемлекеттік зейнетақы, мемлекеттік әлеуметтік жәрдемақы, мемлекеттік арнайы жәрдемақылар);

4) жеке қосалқы шаруашылығы туралы анықтама;

5) Ақмола облысының жылжымайтын мүлікті тіркеу және бағалауы жөніндегі орталығы филиалынан тіркелген меншік туралы анықтама (өтінішті алғаш рет тапсырғандары үшін);

6) телекоммуникация қызметтері үшін шот-түбіртегі немесе келісімі;

7) тұрғын үй мен коммуналдық қызметтердің төлемі туралы түбіртек;

8) жеке куәлігі, СТН, Халық банкінің бөлімшесіндегі шоты.

7. Жұмыспен қамту және әлеуметтік бағдарламалар бөлімі өтініш берілген күннен бастап 10 күннің ішінде құжаттарды қарастырып, тұрғын үй көмегін тағайындау немесе бас тарту туралы шешімін шығарады. Тұрғын үй көмегін алушыда тұрғын үй мен коммуналдық қызметтерді төлеу бойынша қарыздары болған жағдайда оған тағайындалған тұрғын үй жәрдемі оның жазбаша өтініші бойынша қызмет көрсетушінің шотына аударылады.

8. Тұрғын үй жәрдемін алушылар 10 күннің ішінде отбасы құрамының немесе оның жиынтық табысының өзгеруі туралы қалалық өкілеттік органды хабардар етеді. Тұрғын үй жардемінің ұлғаюы немесе заңсыз жәрдемақы тағайындауға әкеліп соғатын жалған мәліметтерді тапсырған жалдаушы (үй иесі) бір жыл ішінде тұрғын үй жәрдемақысын алуға құқығын жоғалтады. Артық төленген ақша ерікті негізде қайтаруға жатады, ал бас тартқан жағдайда - сот тәртібінде қайтарылады.

9. Егер тапсырылған ақпарат күмән тудыратын болса жұмыспен қамту және әлеуметтік қорғау бөлімі қажетті ақпаратты сұрауға кұқығы бар. Ал заңды және жеке тұлғалар тұрғын үй көмегіне мұқтаж азаматтардың табысы туралы ақпаратты беруге міндетті.

3. Тұрғын үй жәрдемін қаржыландыру көздері

10. Тұрғын үй жәрдемін төлеу тағайындалған соманы алушының дербес шотына ай сайын аудару арқылы немесе коммуналдық қызмет көрсетушілерге ақшасыз жолмен ай сайын төленеді.

11. Тұрғын үйдің барлық меншік түрлерінде тұратын тұлғаларға көрсетілетін тұрғын үй жәрдемін қаржыландыру жергілікті бюджет есебінен, телефон үшін өтемақы Республикалық бюджеттен бөлінген мақсатты трансферттер есебінен жүзеге асырылады.

12. Қалалық жұмыспен қамту және әлеуметтік бағдарламалар бөлімі тұрғын үй жәрдеміне бөлінген қаражаттарды тұрғын үй көмегіне мұқтаж тұлғаның жеке өтінішіне сәйкес коммуналдық қызмет көрсетушілеріне аударады.

13. Осы бағдарлама бойынша қаржыландыруды жұмыспен қамту және әлеуметтік бағдарламалар бөлімінің бағдарлама әкімішісі арқылы Қалалық қаржы бөлімі жүргізеді.

14. Құжаттардың бұрыс рәсімделуінен заңсыз төленген тұрғын үй жәрдеміне кінәлі лауазымды тұлғалар заң бойынша белгіленген тәртіпте жауапқа тартылады.