Об оказании социальной помощи молодежи из числа студентов для частичного возмещения расходов, связанных с получением образования Күшін жойған

Білім алуына байланысты шығыстарын ішінара өтеу үшін студенттер қатарындағы жастарға әлеуметтік көмек көрсету туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 27-бабына, «Қазақстан Республикасындағы мемлекеттік жастар саясаты туралы» Қазақстан Республикасы Заңының 11 -бабына, «Білім туралы» Қазақстан Республикасы Заңының 4-бабының 5-тармағына сәйкес, Қостанай облыстық мәслихатының 2005 жылғы 23 желтоқсандағы № 267 «Қостанай облысының 2006-2008 жылдарға арналған өңірлік жастар саясаты бағдарламасын бекіту туралы» шешімімен бекітілген Қостанай облысының 2006-2008 жылдарға арналған өңірлік жастар саясаты бағдарламасын орындау үшін Қостанай облысының әкімдігі ҚАУЛЫ ЕТЕДІ:

1. Білім алуына байланысты шығыстарын ішінара өтеу үшін студенттер катарындағы жастарға әлеуметтік көмек көрсетілсін: 2006 жылдың ақпан айынан 2006 жылдың шілде айы аралығында жоғары оқу орындарының күндізгі оқу бөліміндегі студенттер ішінен, окытудың 2 курсынан бастап, оқу озаттары, облыстың қоғамдық өміріне белсене қатысып жүрген, тұрмысы нашар отбасылардан шыққан 20 студентке 10000 теңге көлемінде; 2006 жылдың ақпан айынан 2006 жылдың шілде айы аралығында орта кәсіптік оқу орындарының күндізгі оқу бөліміндегі студенттер ішінен, оқытудың 1 курсынан бастап, оқу озаттары, облыстың қоғамдық өміріне белсене қатысып жүрген, түрмысы нашар отбасылардан шыққан 18 студентке айына 5800 теңге көлемінде.

2. «Қостанай облысының ішкі саясат департаменті» мемлекеттік мекемесі (Т.С. Жақыпова) білім алу кезеңінде шығыстарын ішінара өтеу үшін студенттер қатарындағы жастарға әлеуметтік көмек көрсету жағынан Қостанай облысының 2006-2008 жылдарға арналған өңірлік жастар саясаты бағдарламасының іс-шараларын орындауды қамтамасыз етсін.

3. Облыс әкімдігінің жанындағы жастар істері жөніндегі кеңес бюджеттік бағдарламалардың әкімшісі «Қостанай облысының ішкі саясат департаменті» мемлекеттік мекемесіне әлеуметтік көмекті алуға үміткерлерді анықтау жөнінде ұсыныстар әзірлесін және енгізсін.

4. «Білім алуына байланысты шығыстарын ішінара өтеу үшін студенттер қатарындағы жастарға әлеуметтік көмек көрсету туралы» 2006 жылғы 31 қаңтардағы № 45, (2006 жылғы 8 ақпандағы № 17 «Костанайские новости» газетінде, 2006 жылғы 7 ақпандағы № 16 «Қостанай таңы» газетінде жарияланған, 2006 жылғы 2 ақпандағы мемлекеттік тіркеу нөмірі 3537) Қостанай облысы әкімдігі қаулысының күші жойылды деп танылсын.

5. Осы қаулының орындалуын бақылау облыс әкімінің орынбасарлары С.Ш. Бектұрғанов, А.П. Рауға жүктелсін.