О перечне лиц, относящихся к целевым группам населения Қолданыста

Халықтың нысаналы топтарына жататын тұлғалардың тізбесі туралы "Қазакстан Республикасындағы жергілікті мемлекеттік басқару туралы" Қазақстан Республикасы Заңының 31-бабының 1-тармағының 13) тармақшасы негізінде және "Халықты жұмыспен қамту туралы" Қазақстан Республикасы Заңының 5-бабының 2-тармағына, 7-бабының 2-тармағына сәйкес Алтынсарин ауданының әкімдігі ҚАУЛЫ ЕТЕДІ:

1. Халыктың нысаналы топтарына жататын, тұлғалардың тізбесі қосымшаға сәйкес бекітілсін.

2. "Алтынсарин ауданы әкімдігінің жұмыспен қамту және әлеуметтік бағдарламалар бөлімі" мемлекеттік мекемесі (М.Қ. Есенбаева) халықтың нысаналы топтарын жұмыспен қамтуға жәрдемдесу жөніндегі шараларды қарастырсын.

3. Алтынсарин ауданы әкімдігінің 2005 жылғы 12 сәуірдегі № 100 "Халыктың нысаналы топтарына жататын, тұлғалардың тізбесі туралы" қаулысының күшін жойылды деп танылсын, (мемлекеттік тіркеу нөмірі 9-5-6, 2005 жылғы 15 маусымдағы № 15-16 «Таза-Бұлак-Чистый родник»)

4. Алтынсарин ауданы әкімдігінің 2006 жылғы 22 ақпандағы № 66 "Халыктың нысаналы топтарына жататын, тұлғалардың тізбесі туралы» қаулысының күші жойылсын.

5. Осы каулының орындалуын бақылау аудан әкімінің орынбасары С.Б. Жаманшаловқа жүктелсін.

Әкімдіктің 2006 жылғы 7 наурыздағы № 84 қаулысына қосымша Халықтың нысаналы топтарына жататын тұлғалардың тізбесі Табысы аз адамдар; жиырма бір жасқа дейінгі жастар; балалар үйлерінің тәрбиеленушілері, жетім балалар мен ата-ананың қамқорлығынсыз қалған жиырма үш жасқа дейінгі балалар; кәмелетке толмаған балаларды тәрбиелеп отырған жалғызілікті, көп балалы ата-аналар; Қазақстан Республикасының Заңдарында белгіленген тәртіппен асырауында тұрақты күтімді, көмекті немесе қадағалауды қажет етеді деп танылған адамдар бар азаматтар; зейнеткерлікке шығу алдындағы адамдар (жасына байланысты зейнеткерлікке шығуға екі жыл қалған); мүгедектер; Қазақстан Республикасының Қарулы Күштері қатарынан босатылған адамдар; бас бостандығынан айыру және (немесе) мәжбүрлеп емдеу орындарынан босатылған адамдар; оралмандар; ұзақ уақыт жұмыс істемейтін азаматтар (бір жыл және одан да көп); кәсіби, орта-арнаулы және жоғары білім беру ұйымдарының түлектері.