Об утверждении Положения об участковых комиссиях Күшін жойған

Учаскелік комиссиялар туралы ережені бекіту туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 27-бабы , Қазақстан Республикасының «Мемлекеттік атаулы әлеуметтік көмек туралы» Заңы , Қазақстан Республикасының «Балалы отбасыларға берілетін мемлекеттік жәрдемақылар туралы» Заңы , Қазақстан Республикасы Yкіметінің 2001 жылғы 24 желтоқсандағы № 1685 «Мемлекеттік атаулы әлеуметтік көмек туралы» Қазақстан Республикасының Заңын іске асыру жөніндегі шаралар туралы», 2005 жылғы 2 қарашадағы № 1092 «Балалы отбасыларға берілетін мемлекеттік жәрдемақылар туралы» Қазақстан Республикасының Заңын іске асыру жөніндегі кейбір шаралар туралы» қаулыларының негізінде және қолданыстағы заңнамадағы өзгерістерге байланысты Қостанай облысының әкімдігі ҚАУЛЫ ЕТЕДІ:

1. Қостанай облыстық мәслихатының келісімі бойынша қосымшаға сәйкес Учаскелік комиссиялар туралы ереже бекітілсін.

2. Осы қаулының орындалуын бақылау Қостанай облысы әкімінің орынбасары С.Ш. Бектұрғановқа жүктелсін.

3. Осы қаулы 2006 жылдың 1 қаңтарынан бастап қолданысқа енгізіледі.

Әкімдіктің 2006 жылғы 16 наурыздағы № 85 қаулысымен бекітілген Учаскелік комиссиялар туралы ереже Осы Ереже мемлекеттік атаулы әлеуметтік көмек және (немесе) он сегіз жасқа дейінгі балаларға берілетін ай сайынғы жәрдемақы көрсету жөніндегі учаскелік комиссиялардың (бұдан әрі - учаскелік комиссиялар) мәртебесін және өкілеттілігін белгілейді.

1. Жалпы ережелер

1. Учаскелік комиссиялар мемлекеттік атаулы әлеуметтік көмек және (немесе) он сегіз жасқа дейінгі балаларға берілетін ай сайынғы жәрдемақы көрсету (бұдан әрі - әлеуметтік көмек) сұраған адамдардың (отбасылардың) материалдық жағдайына тексеру жүргізу және қорытынды дайындау үшін тиісті әкімшілік - аумақтық бірлік әкімдерінің шешімімен құрылады.

2. Учаскелік комиссиялардың құрамына жергілікті өкілдік органдардың, қоғамдық бірлестіктердің, үй-жайлардың (пәтерлердің) меншік иелері кооперативтерінің, халықтың, ұйымдардың және білім беру, денсаулық сақтау, әлеуметтік қорғау, құқық қорғау органдарының өкілдерін енгізуге болады. Комиссия мүшелерінің жалпы саны тақ болуы керек.

3. Комиссияның жұмысын, комиссия жүзеге асыратын қызмет үшін жауап беретін, төраға басқарады. Төраға болмаған жағдайда оның міндетін төрағаның орынбасары атқарады.

4. Учаскелік комиссиялар өзінің қызметінде Қазақстан Республикасының қолданыстағы заңнамасын басшылыққа алады, өз қызметін осы Ережеге сәйкес жүзеге асырады. Учаскелік комиссиялар өз қызметін қоғамдық негізде жүзеге асырады.

2. Негізгі міндеттер мен құқықтар

5. Учаскелік комиссиялар төмендегі міндеттерді жүзеге асырады:

1) уәкілетті органдардың және кент, ауыл, ауылдық округ әкімдерінің халыққа әлеуметтік көмек көрсету жөніндегі қызметіне жәрдемдеседі;

2) уәкілетті органның немесе кент, ауыл, ауылдық округ әкімінің жазбаша тапсырмасы бойынша әлеуметтік көмек алудан үміткерлердің келісім бергендерінің тұрып жатқан орындарына барып, өтініш берушінің материалдық жағдайын тексеруді жүзеге асырады және отбасының материалдық жағдайы жөнінде акт толтырады.

3) уәкілетті органның, кент, ауыл, ауылдық округ әкімінің тапсырмасы бойынша табыс етілген құжаттарды ішінара тексереді;

4) әлеуметтік көмек берудің қажеттігі (отбасының мұқтаждығы) немесе әлеуметтік көмек беруге ұсыным жасаудан бас тарту жөнінде осы Ереженің қосымшасының үлгісі бойынша (өтініш беруші табыс еткен құжаттардың, әлеуметтік карталардың немесе өтініш беруші отбасын материалдық тексерудің негізінде) қорытынды әзірлейді және оны уәкілетті органға немесе кент, ауыл, ауылдық округ әкіміне ұсынады.

6. Өтініш беруші отбасын материалдық тексерудің нәтижелері бойынша учаскелік комиссия мынадай шешім қабылдайды: әлеуметтік көмек беруге ұсыныс жасалсын; әлеуметтік көмек беруге ұсыныс жасаудан бас тарту.

7. Әлеуметтік көмек беру қажеттілігі туралы қорытынды дайындағанда учаскелік комиссия төмендегі жағдайларда көмек тағайындалмасын деген ұсыныс беруге құқылы:

1) отбасының жұмыссыз мүшесi ұсынылған жұмыстан немесе жұмысқа орналасудан (оның iшiнде уақытша), кәсіби дайындау, біліктілігін арттыру және қайта даярлаудан себепсiз бас тартса;

2) қоғамдық жұмысқа қатысуды өз бетiнше тоқтатса;

3) отбасының жұмыссыз мүшесiнің Қазақстан Республикасының «Халықты жұмыспен қамту туралы» Заңының 15-бабының 7-тармағында көзделген уәкілетті органға келіп тұру мерзімдерін дәлелсіз себептермен бұзса;

4) әлеуметтiк көмек алу мақсатында табысты әдейi жасыру немесе табысты азайту фактiсi анықталса;

5) өтiнiш берушi отбасының материалдық жағдайын тексеруге учаскелiк комиссия мүшелерiн жiбермесе, сонымен қатар өтiнiш берушiнiң (отбасының) материалдық жағдайын толық және объективтi тексеруге кедергi жасалса;

6) өтініш берушiнiң материалдық жағдайын тексеру мақсатымен келгенде оның тұрғылықты жерде (екi реттен көп) болмауы;

7) өтініш берушiнiң учаскелiк комиссияның отырысына себепсiз қайталай келмесе;

8) өтініш беруші және (немесе) оның отбасы мүшелерi iшкiлiкке, нашақорлыққа, улы заттармен әуестенуге салынса;

9) өтініш беруші және (немесе) оның отбасы мүшелерінің өздерiнiң еңбек табыстарын көбейтуге және отбасының жағдайын жақсартуға талаптанбауы. Әлеуметтік көмекті тағайындаудан бас тарту құжаттармен дәлелденетін фактілерге негізделуі тиіс.

8. Егер әлеуметтік көмек беру қажеттігі туралы қорытынды жасағанда, мүшелердің бекітілген құрам санының екіден үші қатысса, учаскелік комиссиялар шешім қабылдауға өкілетті.

9. Комиссияның қорытындысы ашық дауыспен қабылданады және қатысып отырған учаскелік комиссия мүшелерінің көбі қорытындыға дауыс берсе, ол қабылданған болып есептеледі. Дауыс бірдей болған жағдайда учаскелік комиссия төрағасының дауысы шешуші болып есептеледі.

10. Учаскелік комиссиялардың тексеру жүргізу үшін тиісті органдардан қажетті мәліметтерді сұратуға құқығы бар.

3. Материалдық жағдайға тексеру жүргізу

11. Өтініш беруші отбасының материалдық жағдайын тексеруді учаскелік комиссиялар уәкілетті органның немесе кент, ауыл, ауылдық округ әкімінің жазбаша тапсырмасы бойынша жүргізеді.

12. Учаскелік комиссиялар отбасының материалдық жағдайын тексеру барысында өтініш берушінің әлеуметтік көмек сұрауына байланысты жағдайларды анықтайды. Онда төмендегі жағдайларға көңіл бөлу ұсынылады:

1) отбасының нақтылы құрамына;

2) отбасы мүшелерінің жұмыс істейтіндерінің санына;

3) еңбекке қабілетті жастағы отбасы мүшелерінің жұмыс істемейтіндерінің (жұмыссыздарының, жұмыспен қамту мәселелері жөніндегі уәкілетті органда тіркелгендерінің (тіркелмегендерінің) санына;

4) отбасында жеті жасқа дейінгі баланы, бірінші, екінші топтағы мүгедек баланы, сексен жастан асқан қарттарды, ауруларды күтіп отырған еңбекке қабілетті адамның болуына;

5) отбасында кәмелетке толмаған балалардың және күтуге мұқтаж адамдардың (мүгедектердің, қарттардың, аурулардың) болуы;

6) жұмыспен қамтылмағаны туралы мәлімдегендердің нақтылы табыс деңгейі (отбасы мүшелерінен, көршілерден сұрау арқылы анықталады);

7) шартты жер үлесінің, малдың (ірі қара мал, жылқы, түйе, қой, шошқа), құстың (тауық, үйрек, қаз), саны, жер учаскесінің, оның ішінде үй жанындағы учаске, бақша, саяжайлардың, болуы және, шамасы, оларды пайдаланудан түсіп отырған нақтылы табыстың мөлшері;

8) үй-жайдың (пәтердің, үйдің) болуы және санына;

9) пайдалануға жарамды автокөліктің (мүгедектіктіктен басқа) болуына немесе болмауына;

10) мүліктік үлестің болуы және шамасына;

11) отбасының материалдық жағдайына сеп тигізетін басқа жағдайларға. Өтініш берушінің отбасының материалдық жағдайын тексеру арыз берушінің немесе кәмелетке толған отбасы мүшесінің қатысуымен жүргізіледі.

13. Қажет болған жағдайда учаскелік комиссиялар уәкілетті органның немесе кент, ауыл, ауылдық округ әкімі тапсырма берген күннен бастап бес күндік мерзімде әлеуметтік көмек сұрап, өтініш жасаған адамдардың (отбасылардың) материалдық жағдайына тексеру жүргізеді.

14. Жүргізілген тексеру нәтижесі бойынша учаскелік комиссиялар адамдардың (отбасылардың) материалдық жағдайы туралы қорытынды әзірлейді, оған барлық комиссия мүшелері қол қояды және оны уәкілетті органға немесе кент, ауыл, ауылдық округ әкіміне табыс етеді.

15. Өтініш беруші учаскелік комиссиялар мүшелеріне тексеру үшін немесе толық және объективті тексеруге кедергі жасаса, учаскелік комиссия қорытындыда бұл туралы тиісті белгі жасайды.

16. Өтініш берушінің және оның отбасының материалдық жағдайын учаскелік комиссиялар азаматтардың жеке өміріне деген сыйластықты сақтай отырып, олардың қадыр-қасиетін қорлайтындай іс-қимылға бармайтын жағдайда өткізуге тиіс.

17. Комиссия мүшелері азаматтардың жеке өмірі туралы деректерді жария етпеуге міндетті.