Об улучшении социально-бытового обустройства репатриантов и укреплении материально-технической базы областной службы миграции Күшін жойған

Оралмандардың әлеуметтік-тұрмыстық орналасуын жақсарту және облыстық көші-қон қызметінің материалдық-техникалық базасын нығайту туралы 📌 Ескерту. Күші жойылды - Шығыс Қазақстан облысы әкімінің 2004 жылғы 19 тамыздагы N 94 шешімімен. Оралмандардың жайластыру кезеңiндегi әлеуметтiк-экономикалық жағдайын ескерiп және олардың тұрғын үймен қамтамасыз ету, көшi-қон және демография жөнiндегi басқармасының техникалық жарақтану мәселелерiн шешу мақсатында:

1. Облыс әкiмi аппаратының басшысы Т.Т.Ибраев қалалық әкiмшiлiкпен (А.И. Ширшов) бiрлесiп оралмандардың аса зәру отбасыларына кезегiне сәйкес 1999 жылдың 1 тамызына дейiн тұрғын үй бөлсiн (тiзiмi қоса берiлуде).

2. Облыс әкiмiнiң орынбасары Т.Ж. Абайдiлдин қалалар мен аудандардың барлық әкiмдерiне оралмандардың аса зәру отбасыларын коммуналдық меншiктiң қарамағындағы үйлердi қалпына келтiру арқылы тұрғын үймен қамтамасыз ету туралы хат жолдасын.

3. Көшi-қон және демография жөнiндегi басқармаға 1992 жылы шығарылған Газ-31029 автомашинаның орнына техникалық ақаусыз автомашина және компьютерлiк техника кешенi (компьютер, ксерокс, факс) бөлiнсiн.

4. Осы өкiмнiң орындалуына бақылау жасау облыс әкiмi аппаратының басшысы Т.Т. Ибраевқа жүктелсiн.

Облыс Әкiмiнiң 1999 жылғы 5 мамырдағы № 1-607ө өкіміне қосымша Өскемен қаласы бойынша тұрғын үйге аса зәру оралмандардың ТIЗIМI

1. Кеңшiлiк Бақыт - 1960 жылы туылған, бiлiмi арнаулы орта, үйленген, 4 баласы бар, оның үшеуi мектеп жасына толмағандар. Монголиядан 1992 жылы еңбек келiсiм шарты бойынша көшiп келген. Баспанамен қамтамасыз етiлмеген, Физкультурная көшесiндегi пайдалануға жарамсыз N 10а үйде тұрады. Кеңшiлiк Бақыт және оның әйелi жұмыс iстемейдi. Өскемен қаласы бойынша бiрiншi кезекте тұрғандықтан бiрiншi кезекте үймен қамтамасыз етiлуге құқысы бар.

2. Мұқаш Алмасбек - 1971 жылы туылған, бiлiмi орта, үйленген, 2 баласы бар, оның бiреуi мектеп жасында. Монголиядан 1992 жылы еңбек келiсiм шарты бойынша көшiп келген. Баспанамен қамтамасыз етiлмеген, Островский көшесiндегi пайдалануға жарамсыз N 52 барақта тұрады. Мұқаш Алмасбек және оның әйелi жұмыс iстемейдi. Өскемен қаласы бойынша екiншi кезекте тұрғандықтан үймен қамтамасыз етiлуге құқысы бар.

3. Нүрке Халел - 1943 жылы туылған, бiлiмi жоғары, 2 баласы бар. Монголиядан 1992 жылы еңбек келiсiм шарты бойынша көшiп келген. Баспанамен қамтамасыз етiлмеген. Физкультурная көшесiндегi пайдалануға жарамсыз N 10а үйде турады. N 43 мектепте мұғалiм болып жұмыс iстейдi. Өскемен қаласы бойынша үшiншi кезекте тұрғандықтан үймен қамтамасыз етiлуге құқысы бар. Облыстық көшi-қон және демография жөнiндегi басқармасының бастығы