Күндізгі бөлім оқушыларының қала ішіндегі қоғамдық көлікте (таксиден басқа) жеңілдікпен жүруі туралы Күшін жойған

Күндізгі бөлім оқушыларының қала ішіндегі қоғамдық көлікте (таксиден басқа) жеңілдікпен жүруі туралы «Қазақстан Республикасының Бюджет кодексі» Қазақстан Республикасының Кодексіне, «Қазақстан Республикасындағы жергілікті мемлекеттік басқару туралы» Қазақстан Республикасының Заңына, «Қазақстан Республикасындағы көлік туралы» Қазақстан Республикасының Заңына сәйкес қалалық мәслихат ШЕШІМ ЕТТІ:

1. 2006 жылы қала ішіндегі қоғамдық көлікте (таксиден басқа) жеңілдікпен жүру Сәтбаев қаласының төмендегі оқушылар санаттарына белгіленсін:

1) жалпы білім беру оқу орындарының бірінші сныптан сегізінші сыныпқа дейінгі оқушылары – тегін жүру (2006 жылдың 1 маусымынан 31 тамызына дейінгі жазғы уақыттан басқа);

2) жалпы білім беру оқу орындарының тоғызыншы сыныптан он бірінші сыныпқа дейінгі оқушылары, кәсіби мектептердің, колледж оқушылары – белгіленген тарифтің 50% төлеумен (2006 жылдың 1 маусымынан 31 тамызына дейінгі жазғы уақыттан басқа).

2. Сәтбаев қаласының жалпы білім беру оқу орындарының, кәсіби мектептерінің, колледж оқушыларының келесі санаттарына 2006 жылдың жазғы маусымына (2006 жылдың 1 маусымынан 31 тамызына дейін) қала ішіндегі қоғамдық көлікте (таксиден басқа) жеңілдікпен жүру сақталсын:

1) жетім балалар;

2) ата-анасының қамқорлығынсыз қалған балалар;

3) даму мүмкіндіктері шектеулі балалар;

4) мүгедек балалар және бала кезінен мүгедек балалар;

5) көпбалалы отбасыларынан шыққан балалар;

6) ата-анасының біреуінен айырылған балалар;

7) жалғызбасты аналардың балалары.

3. 2006 жылға арналған қалалық бюджеттен Қазақстан Республикасының Бірыңғай бюджеттік сыныптамасының «Қоғамдық көлікте (таксиден басқа) жеңілдікпен жүру» 06.2.464.008.100 бағдарламасының, кіші бағдарламасы бойынша 11 200 мың теңге көлемінде қаржы бөлу қамтамасыз етілсін.

4. Осы шешім 2006 жылғы 1 қаңтардан бастап қолданысқа енеді.

5. Осы шешімнің орындалуын бақылау әлеуметтік сала, құқықтық тәртіп және әлеуметтік қорғау мәселелері жөніндегі тұрақты комиссияға жүктелсін (төрағасы Борисов Петр Евгеньвич).