Аудан бойынша мұқтаж азаматтардың жекелеген санаттарына әлеуметтік көмек көрсету туралы от 12.04.2006 г. № 133 (Аудан бойынша мұқтаж азаматтардың жекелеген санаттарына әлеуметтік көмек көрсету туралы)

Аудан бойынша мұқтаж азаматтардың жекелеген санаттарына әлеуметтік көмек көрсету туралы
Халықтың әлеуметтік қорғансыз бөлігіне көмек көрсету мәселелерін қарастыра отырып, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31 бабының 1 тармағының 14 тармақшасын басшылыққа алып аудандық әкімият ҚАУЛЫ ЕТЕДІ:

1. Аудандық бюджетте қаралған қаражат көлемінде аудан бойынша мұқтаж азаматтардың жекелеген санаттарына материалдық көмек көрсету мақсатында әлеуметтік көмек көрсету жөніндегі комиссия құрамы қосымшаға сәйкес құрылсын (жалғанды).

2. Аудан бойынша мұқтаж азаматтардың жеке санаттарының тізімі мен материалдық көмектің төлену жағдайы мен мөлшері төмендегідей белгіленсін:

1) Ұлы Отан соғысы ардагерлері - монша, шаштараз қызметтерін көрсетуге ай сайынғы материалдық көмек;

2) жергілікті маңызы бар дербес зейнеткерлерге, 1941-1945 жылдары Ұлы Отан соғысына соңғы шақырылған әскери қызметшілерге, бейбітшілік уақытта қаза болған әскери қызметшілердің отбасыларына - материалдық көмек көрсетуге;

3) ауданның жалғызбасты және аз қамтылған азаматтарын жерлеу рәсімін ұйымдастыру шығындарын жабуға;

4) 100 жасқа толған аудан азаматтарына бір реттік көмекке;

5) Ұлы Отан соғысы ардагерлеріне, мүгедектеріне және соларға теңестірілген азаматтарға, Ұлы Отан соғысында қайтыс болғандардың қайта некеге тұрмаған жесірлеріне Жеңіс күніне байланысты бір реттік көмекке;

6) аз қамтылған жанұялар, өртке ұшыраған және тасқын су зардабын шеккен жағдайда бір реттік көмекке;

7) айлық шеңберінде материалдық көмекті аса қажет ететін мүгедектерге бір реттік көмекке.

3. Бір жолғы материалдық көмектің мөлшері 5-10 айлық есептік көрсеткіш есебінде, өртке ұшыраған және тасқын су зардабын шеккен жағдайда бір реттік көмектің мөлшері 20-25 айлық есептік көрсеткіш есебінде көзделсін.

4. Батыс Қазақстан облысының жоғарыдағы жергілікті өкілді және атқарушы органдарының шешімдері бойынша әлеуметтік төлеулер және істегі заңдарға сәйкес басқа да әлеуметтік төлеулер ұйымдастырылсын.

5. Әлеуметтік төлеулер аудандық жұмыспен қамту және әлеуметтік бағдарламалар бөлімі арқылы жүргізілсін.

6. 2005 жылдың 28 ақпандағы аудан әкімиятының № 58 “Ауданның жеке санаттағы азаматтарына әлеуметтік төлеулер беру тәртібі ережесі туралы» қаулысы бұзылды деп танылсын.

7. Осы қаулының орындалуын бақылау аудан әкімінің орынбасары Люция Әсетқызы Жұбанышқалиеваға жүктелсін.

Аудан әкімиятының
2006 жылғы 13 сәуір №133 қаулысына
№1 қосымша
Аудан бойынша мұқтаж азаматтардың жекелеген санаттары әлеуметтік көмек көрсету жөніндегі комиссия құрамы
1. Жубанышкалиева Люция Әсетқызы - аудан әкімінің орынбасары, комиссия төрайымы;
2. Мусалимова Раушан Сабырғалиқызы - аудандық жұмыспен қамту және әлеуметтік бағдарламалар бөлімі бастығы, комиссия төрайымының орынбасары.
3. Матеюнас Валерий Иозасович - Тасқала селолық округінің әкімі;
4. Қалибеков Талғат Андақүлұлы - аудандық аумақтық медициналық бірлестігінің бас дәрігері (келісім бойынша);
5. Ақжолова Гүлмаржан Хамитқызы - аудандық қаржы бөлімінің меңгерушісі;
6. Төкешева Айгүл Әдиетқызы - аудандық ішкі саясат бөлімінің меңгерушісі;
7. Шапикова Күляш Мәселқызы - аудандық білім бөлімінің меңгерушісі;
8. Ержігітова Тоғжан Сансызбайқызы - аудандық жұмыспен қамту және әлеуметтік бағдарламалар бөлімінің бас маманы, комиссия хатшысы