Об установлении ограничительных мероприятий в связи с неблагополучной эпизоотической ситуацией на территории Каражарского сельского округа Қолданыста

Қаражар селолық округінің аумағында қолайсыз эпизоотикалық жағдайларға байланысты шек қоятын іс-шаралар орнату туралы «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы № 148 Заңына, «Ветеринария туралы» Қазақстан Республикасының 2002 жылғы 10 шілдедегі № 339 Заңына, «Адам және жануарлар үшін ортақ (бруцеллез) ауруларды алдын алу және күресу жөніндегі ветеринарлық-санитарлық және санитарлық-эпидемиологиялық ережені бекіту туралы Қазақстан Республикасы Ауыл шаруашылығы министрінің 2004 жылғы 5 қарашадағы № 632 бұйрығымен Атбасар ауданы бас мемлекеттік ветеринарлық инспекторының 2006 жылғы 17 мамырдағы № 01-15-168 ұсынысы негізінде, Қаражар селолық округіндегі колайсыз эпизоотикалық жағдайдың құрылуына байланысты және селолық округ аумағында мал бруцеллезінің таралуын ескерту мақсатымен Атбасар ауданының әкімдігі ҚАУЛЫ ЕТЕДІ:

1. Аурудың эпизоотикалық індет ошағы бар Қаражар селосының аумағын мал брузеллезі бойынша қолайсыз деп санау.

2. Село аумағында шек қоятын іс-шаралар белгілеу:

1) шектеу белгіленген аумақ арқылы сау малдарды айдап өтуге шектеу қоятын шараларды алғанға дейін союға жіберуден басқа сатуға, әкелуге, әкетуге тыйым салу:

2) бруцеллезге күдікті малы анықталған қорадан малды айдап шығуға тиым салу, Бруцеллез болған малдарды сау бастардан бөлектеп ұстау;

3) қолайсыз аумақтан басқа аумаққа әкетуге шөп, сабан және басқа мал азығын дайындауға. сондай-ақ мал мен адамдардың жиналуына байланысты шаралар жүргізуге тиым салу;

4) бруцеллезбен ауырған сиырды саууга, шектеу шараларын алғанға дейін мал өнімдерін (ет, сүт, басқаларын) сатуға тиым салу;

5) жануарлардың өлекселері, іш тасталынған төл міндетті түрде жойылалы немесе утелдеуге жіберіледі;

6) малы оң нәтиже берген етке союға тапсырылған ет өңдейтін косіпорындардың иелері санитарлық-ветеринарлық ережені сақтайды.

3. Ауыл шаруашылығы Министрлігінің Атбасар аудандық аумақтық басқармасының бас мемлекеттік ветеринарлық инспекторы Ж.И. Ғазизовқа ұсыну (келісім бойынша):

1) қатарынан екі рет теріс нәтижелер алынғанға дейін жүйелі диагностикалық зерттеулер жүргізу (қан алу), содан кейін үш айлық бақылауға қойылып, арасына 1-1,5 ай салып диагностикалық зерттеулермен тексеріледі. Бақылау тексерулері кезінде теріс нәтижелер алынып және қорытынды іс-шаралар жүргізілгеннен кейін аурудан таза емес пункттен шектеу алынады.

2) бруцеллезге оң нәтиже берген мал қораларына мұқиятты механикаландырылған тазалау жүргізіліп, дезинфекцияланады.

3) шектеу шараларының талаптарын орындамаған ауру мал иелеріне әкімшілік ықпал жасау шараларын қолдану.

4. Атбасар қаласының, село, ауылдық және селолық округ әкімдеріне аудан аумағында алдағы уақытта жануарлардың бруцеллез ауруының таралмауы бойынша барлық қажетті шараларды қолдансын.

5. Осы қаулының орындалуын бақылау аудан әкімінің орынбасары С.Л. Сергеевке жүктелсін.

6. Осы қаулы әділет басқармасында тіркелген күннен бастап күшіне енеді және ресми жариялануға жатады.