О внесении дополнений в Правила благоустройства территории населенных пунктов района Магжана Жумабаева Қолданыста

«Мағжан Жұмабаев ауданының елді мекендерінің аумағын көркейту» Ережесіне толықтыру енгізу туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 6 бабындағы 8 тармағының 8 тармақшасына және Қазақстан Республикасының «Әкімшілік құқықбұзушылықтар туралы» Кодексінің 3 бабына сәйкес аудандық мәслихат ШЕШТІ:

1. Аудандық мәслихаттың «Мағжан Жұмабаев ауданының елді мекендерінің аумағын көркейту Ережесін бекіту туралы» 2005 жылғы 16 қыркүйектегі шешіміне толықтыру енгізілсін: Мағжан Жұмабаев ауданының елді мекендерінің аумағын көркейту Ережесінің 20 тармағы келесі мазмұндағы 4 тармақпен толықтырылсын: 4) малды, құсты көшелерде, гүл алаңдарында, бақшаларда, стадиондарда, мектеп жанындағы учаскелерде бағуға тыйым салынады.

2. Осы шешім ауданның әділет басқармасында мемлекеттік тіркеуден өткен кезден күшіне енеді. КЕЛІСІЛДІ: Құкықтық сұрақтар жөніндегі кеңесші Н. Годлевская

Мағжан Жұмабаев ауданы мәслихатының 2005 жылғы 16 қыркүйектегі № 23-4 шешімімен Бекітілген Мағжан Жұмабаев ауданының елді мекендерінің аумағын көркейту Ережесі

Осы Мағжан Жұмабаев ауданының елді мекендерін көркейту Ережесі (ары қарай Ереже) 2001 жылғы 30 қаңтардағы Қазақстан Республикасының Әкімшілік құқықбұзушылықтар туралы» Кодексіне, Қазақстан Республикасының халықтың санитарлық эпидемиологиялық аман-саулыгы мәселелері заңнамасына сәйкес жасалған және ауданның елді мекендерінің аумағын көркейту, санитарлық тазалау және жинауды ұйымдастыру саласында жеке және заңды тұлғалардың қатынасын, сондай-ақ осы Ережені бұзғаны үшін жауапкершілікті реттейді. Ереже меншік түріне қарамастан Мағжан Жұмабаев ауданының елді мекендерінің аумағында орналасқан барлық субъектілер үшін міндетті.

1. Жалпы ережелер

1. Меншік түріне қарамастан ұйымдар, кәсіпорындар, мекемелер, лауазымдық тұлғалар және азаматтар ауданның елді мекендері аумағында көркейту Ережесін, тазалықты және тәртіпті сақтауга міндетті.

2. Елді мекендердің аумағын санитарлық тазалау жүйесі тұрмыстық және өндірістік қалдықтарды жинау, жою, залалсыздандыру және өңдеуді қарастырады.

3. Осы Ережеде қолданылатын түсініктер қолданыстагы заңнамаға сәйкес анықталады.

2. Елді мекендердің аумағын жинау және ұстау

4. Қоғамдық орындар Қазақстан Республикасының заңнамалық актілерімен, басқа нормативтік құқықтық актілермен және осы Ережемен белгіленген талаптарға сәйкес ұсталады.

5. Қоғамдық қолданыс орындарында қоқыс жинайтын ыдыстар қойылуы тиіс. Бұл ыдыстардың ара қашықтығы халық көп жүретін көшелерде 40 метрден (әрі қарай м), аз жүретін көшелерде 100 м аспауы керек. Олар толған кезде қоқыстан тазартып отыру қажет.

6. Жоспарлы-жүйелі тазалау жиналған қалдықтарды шығарушы жеке және заңды тулғалармен жасалған шарт- кестелер бойынша жүргізілуі тиіс.

7. Саябақтың қоқыс жинайтын ыдыс орнатуға арналған шаруашылық аумағы демалушылар көп жиналатын орындардан (би алаңдары, эстрадалар, бұрқақтар, бас аллеялар, көрініс павильондары) 50 м жақын болмауы керек.

8. Қоқыс жинайтын ыдыстар саны былай анықталады: саябақ алаңының 800 шаршы метріне - 1 ыдыс. Бас аллеяларда қоқыс жинайтын ыдыстардың ара қашықтығы 40 метрден аспауы керек. Әр дүкен, дүңгіршек маңында қоқыс жинайтын ыдыс орнатылуы тиіс.

9. Жапырақтар түсетін кезде оларды уақытында жинау қажет. Жиналған жапырақтарды арнайы бөлінген орындарға немесе бастыру алқаптарына шығару керек.

10. Үй қожалықтарының, үйымдар, мәдени-көпшілік мекемелері, демалыс орындарының аумағында қоқыс пен қалдықтарды жинайтын контейнерлер орнатылуы тиіс және оларға көлік жақындай алатын жол болуы тиіс.

11. Контейнерлер орнатуға арналған орындар тұрғын үйлер және барлық түрдегі қоғамдық ғимараттар мен ұйымдардан, спорттық алаңдардан, халықтың демалыс орындарынан 25 метрден кем емес және 100 метрден аспайтын жерде орналасуы тиіс.

12. Аула дәретханаларынан, контейнерлік алаңдардан бекітілген бөліністі сақтау мүмкіндігі жоқ құрылыс аумақтарында бұл ара қашықтықтарды аудандық сәулетші, тұрғын үйді пайдалану ұйымы және мемлекеттік санитарлық эпидемиологиялық қызметі аумақтық органының маманы қатысқан комиссия белгілейді.

13. Қатты және сұйық тұрмыстық қалдықтарды залалсыздандыру қолданыстағы нормативтік құжаттарға сәйкес келетін арнайы орындарда (қатты тұрмыстық қалдықтар полигондары, тазарту алаңдары, жырту алаңдары, мал жерлейтін орындар, канализациялық құрылыстар) жасалуы тиіс. Қалдыктарды оларға арналмаған орындарға шығаруға, сондай-ақ ауылшаруашылық алқаптарында көмуге рұқсат етілмейді.

14. Су құйылатын канализациялары жоқ көшелердің көлік жүретін жолдары сыпыру-жинау машиналарымен тазалануы керек. Көшелерге ас тұзын себуге болмайды.

15. Жолдарды жуған кезде жол жиектерінде жиналған балшықтар су ағынымен жасыл екпелерге және тротуарға лақтырылмау керек.

16. Қысқы кезеңде жасыл екпе алаңдарына мүз ойындыларын, ластанған қарды тасу, лақтыру және жинауға болмайды.

17. Қоқыс жинағыштар (контейнерлер) санын анықтау үшін оларды қолданатын тұрғындар санын, қалдықтарды жинау, оларды сақтау нормаларын есепке алу керек.

18. Сумен жабдықтау орталықтандырылмаған жағдайда аула дәретханалары қалдықтардан және су көздерінен 50 метрден кем емес қашыктыкта орнатылуы тиіс. Аула дәретханалары күнде тазартылып тұруы қажет. Базарлар нормативтік құжаттар талаптарына сәйкес оқшауландырылған аумақтарда орналастырылуы қажет.

19. Базарды ұйымдастырғанда міндетті түрде Қазақстан Республикасының қолданыстағы заңнамасына сәйкес тазалық ережелері мен нормалары, өрт қауіпсіздігі ережелері, сәулет, құрылыс, ветеринарлық, экологиялық және басқа талаптар сақталуы тиіс.

20. Елді мекендер аумағында

1) көшенің көлік және жолаушылар жүретін бөліктерін, су қоймаларын, жағалауларды, бос жатқан жер аумақтарын, жасыл екпелер аумақтарын және басқа да жалпы пайдаланыс орындарын қоқыстармен (шылым қалдықтары, бөтелкелер, қағаздар) ластауға;

2) халық суға түсуге арналған орындарда көлік құралдарын жууға, кір жууға, малдарды жуындыруға;

3) белгіленбеген орындарда хабарландырулар, жарқағаздар, үндеухаттар, хабарламалар және басқа материалдар жапсыруға;

4) малды, құсты көшелерде, гүл алаңдарында, бауларда, стадиондарда, мектеп жанындағы учаскелерде бағуға тыйым салынады.

21. Елді мекен аумағын жинау жөніндегі ұйым әкімшілігі:

1) тұрғын үйлер, ұйымдар, мекемелер аумағынан қатты және сұйық тұрмыстық қалдықтарды мерзімінде (шартқа сәйкес) шығаруға;

2) әр арнайы машинаға қозғалыс сызбасы мен бағыттық кестелер құрастыруға және оларды пайдалану шарттарының өзгеруіне сәйкес түзетуге;

3) заматтардың жеке меншік құдығындағы үй құрылысы аумағын қатты тұрмыстық қалдықтардан жоспарлы-жүйелі түрде аптасына екі рет тазалауға тиісті.

3. Осы Ережені бұзғаны үшін жауапкершілік

22. Осы Ереженің талаптарын бұзғаны үшін Қазақстан Республикасының «Әкімшілік құқық бұзушылықтар туралы» Кодексіне сәйкес жауапкершілік тартылады.