Аудан бойынша әлеуметтік жұмыс орнын ұйымдастыруды ұсынатын жұмыс берушілерді іріктеу тәртібі туралы Қолданыста

Аудан бойынша әлеуметтік жұмыс орнын ұйымдастыруды ұсынатын жұмыс берушілерді іріктеу тәртібі туралы «Халықты жұмыспен қамту туралы» Заңының 18-1 бабының 4 тармағын басшылыққа ала отырып аудан әкімияты ҚАУЛЫ ЕТЕДІ:

1. Ауданда әлеуметтік жұмыс орнын ұйымдастыруды ұсынатын жұмыс берушілерді іріктеу тәртібі қосымшаға сәйкес бекітілсін.

2. Аудандық жұмыспен қамту және әлеуметтік бағдарламалар бөлімі (Муратбай Ансатбаев) жұмыс берушінің әлеуметтік жұмыс орнындағы жұмыссыздардың еңбек ақы шығынының бөлігін ауданның қаржы жоспарында көрсетілген шегінде өтем ақы төлесін.

3. Аудандық қаржы бөліміне (Нұрлан Өскенович Белесаров) әлеуметтік жұмыс орнындағы жұмыссыздарға төленетін қаржының уақытылы бөлінуін қамтамасыз ету тапсырылсын.

4. Осы қаулының орындалуын бақылау аудан әкімінің орынбасары Владимир Петрович Лысенкоға жүктелсін.

5. Осы қаулы алғаш ресми жарияланғаннан кейін күнтізбелік он күн мерзім өткеннен бастап қолданысқа енгізілсін.

Еңбекшіқазақ Аудан әкімиятымен бекітілген 2006 жылғы «02» 05 № 1218 Аудан бойынша әлеуметтік жұмыс орнын ұйымдастыруды ұсынатын жұмыс берушілерді іріктеу тәртібі туралы қаулысына қосымша Әлеуметтік жұмыс орнын ұйымдастыруды ұсынатын жұмыс берушілерді іріктеу ТӘРТІБІ

1. Әлеуметтік жұмыс орнын ұйымдастыруды ұсынатын жұмыс берушілер төмендегі категориялар бойынша анықталады:

1) әлеуметтік жұмыс орны халықтың нысаналы тобының жұмыссыздарына арнайы болуы керек;

2) әлеуметтік жұмыс орны уақытша жұмыс түрі, оны ұйымдастыруда тұрақты жұмыс орнын және бос жұмыс орнын қолдануға болмайды;

3) жұмыс берушінің жұмысты ұйымдастыруда икемді график және толық емес жұмыс жағдайларын қарастыру мүмкіндігі бар;

4) әлеуметтік жұмыс орны - экономикалық және әлеуметтік пайдалы болуы қажет.

2. Әлеуметтік жұмыс орын құрғысы келетін жұмыс беруші аудандық жұмыспен қамту және әлеуметтік бағдарламалар бөлімімен шарт жасағанда келісуші жақтардың міндеттері, жұмыс түрлері көлемі, еңбек ақының мөлшері мен жағдайы, әлеуметтік жұмыс орнының мерзімі мен қаржыландыру көзі көрсетіледі.

3. Жұмыс берушінің әлеуметтік жұмыс орнындағы жұмыссыздардың еңбек ақы шығының бөлігінің өтемақысы аудан бюджетінде қаралған қаржы шегінде әр жұмыссызға республика бойынша 2006 жылға бекітілген төменгі еңбекақы мөлшерінде жүзеге асырылады.