Ұлы отан соғысының қатысушылары мен мүгедектерін әлеуметтік қорғау жөніндегі қосымша шаралар туралы Күшін жойған

Ұлы отан соғысының қатысушылары мен мүгедектерін әлеуметтік қорғау жөніндегі қосымша шаралар туралы Қазақстан Республиқасының “Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы” Заңының 20 бабын басшылыққа ала отырып және Ескелді аудандық мәслихаттың 2006 жылғы 6 мамырдағы “Аудандағы Ұлы Отан соғысының қатысушылары мен мүгедектеріне әлеуметтік көмек көрсету туралы” 40-133 санды шешімнің негізінде, Ұлы Отан соғысының қатысушылары мен мүгедектеріне қосымша әлеуметтік қолдау мақсатында аудан әкімдігі ҚАУЛЫ ЕТЕДІ:

1. Ұлы Отан соғысының қатысушылары мен мүгедектеріне тұрғын үй-коммуналдық қызметтері бойынша қосымша жеңілдіктер аудан бюджетінің қаражаты есебінен 2006 жыл бойы төленсін.

2. Ұлы Отан соғысының қатысушылары мен мүгедектеріне тұрғын үй- коммуналдық қызметтер бойынша қосымша жеңілдіктер белгіленсін: жылумен, суық және ыстық сумен, газбен, электр қуатымeн жабдықтау, қокыс шығару және коммуналдық қызметтерге белгіленген нормалар шегінде (есеп бойынша: қокыс шығару, электр қуаты 45 квт, жылыту-тұрғын алаңының 18 шаршы метріне, айына 1 газ балонның құны, ал орталықтандырылған жылыту жүйесі жоқ үйлерде тұратындарға жылына 1 рет 3 тонна көмірдің құны 10500 (он мың бес жүз) теңге

3. Аудандық қаржы бөлімі (Г.М.Бейсеқұлова) Ұлы Отан соғысының қатысушылары мен мүгедектеріне тұрғын үй-коммуналдық қызметтер бойынша қосымша жеңілдіктердің төленуін қамтамасыз етсін.

4. Осы Қаулының орындалуына бақылау жасау аудан әкімнің бірінші орынбасары Қ.А.Әлібаевқа жүктелсін.

5. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.