О реструктуризации учреждений первичной медико-санитарной помощи Восточно-Казахстанской области Күшін жойған

Шығыс Қазақстан облысының бастапқы медициналық-санитарлық көмек мекемелерін қайта құру туралы 📌 Ескерту. Күші жойылды - Шығыс Қазақстан облысы әкімінің 2004 жылғы 19 тамыздағы N 94 шешімімен. "Қазақстан Республикасы азаматтарының денсаулық жағдайын жақсарту жөнiндегi бiрiншi кезектегi шаралар туралы" Қазақстан Республикасы Президентiнiң 1998 жылғы 18 мамырдағы N 3956 Жарлығына сәйкес денсаулық сақтау жүйесiн жетiлдiру және медициналық көмек көрсетудiң қазiргi деңгейiн қамтамасыз ету мақсатында ШЕШIМ қабылдаймын:

1. Бекiтiлсiн:

1.1. Облыстың денсаулық сақтау Бағдарламасы мен iс-қимыл Жоспарын әзiрлеу және жүзеге асыру жөнiндегi жұмысшы тобының құрамы (N 1 қосымша);

1.2. Шығыс Қазақстан облысының халқына бастапқы медициналық-санитарлық көмек көрсететiн мекемелерiн қайта құрудың күнтiзбелiк жоспары (N 2 қосымша).

2. Облыстық қаржы басқармасының бастығы Құрманғалиев А.Ә., облыстық денсаулық сақтау басқармасы бастығының мiндетiн атқарушы Аңдағұлов Қ.Б., қалалар мен аудандардың әкiмдерi облыстың бағдарлама бойынша да, сондай-ақ медициналық көмектiң кепiлдi көлемi бойынша да жұмыс iстейтiн барлық денсаулық сақтау мекемелерiн қаржыландыруды 1999 жылдың 1 қаңтарынан бастап бiрыңғай төлемшi принципi бойынша ақшалай қаражаттарды бiрiктiру жолымен жүргiзсiн, сондай-ақ бастапқы медициналық-санитарлық көмектiң жан басына қаржыландыру принципiне көшудi жүзеге асырсын.

3. Қалалар мен аудандардың әкiмдерi денсаулық сақтау мекемелерiмен бiрлесiп 1999 жылдың 1 қаңтарына дейiнгi мерзiмде медициналық қызметтi қайта ұйымдастыруды жүргiзсiн және мемлекеттiк тапсырыс жүйесiне енгiзiлетiн медициналық мекемелер тiзбесiн бекiтсiн.

4. Осы шешiмнiң орындалуына бақылау жасау облыс Әкiмiнiң орынбасары Т.Ж.Абайдiлдинге жүктелсiн.

Облыс Әкiмiнiң 1999 жылғы 22 қаңтар N 639 шешiмiне N 1 қосымша Облыстың бастапқы медициналық-санитарлық көмек мекемелерiн қайта құру жөнiндегi бағдарламаны және күнтiзбелiк Жоспарды әзiрлеу және жүзеге асыру жөнiндегi жұмысшы топтың ҚҰРАМЫ Шығыс Қазақстан облысының Әкiмi аппаратының басшысы Т.Ибраев

Облыс Әкiмiнiң 1999 жылғы 22 қаңтар N 639 шешiмiне N 2 қосымша Бастапқы медициналық-санитарлық көмектi қайта құру және жалпы практика дәрiгерi-отбасы дәрiгерi жүйесiн дамыту жөнiндегi 1998-1999 жылдарға арналған шаралар ЖОСПАРЫ Шығыс Қазақстан облысының Әкiмi аппаратының басшысы Т.Ибраев