Об утверждении правил предоставления социальной помощи студентам из малообеспеченных семей и студентам из числа детей-сирот обучающимся в учебных заведениях Күшін жойған

Cтуденттер арасындағы жетім балалар мен аз қамтамасыз етілген отбасыларындағы студенттерге әлеуметтік көмек берудің ережесін бекіту туралы Студенттер арасындағы жетім балалар мен аз қамтамасыз етілген отбасыларындағы студенттерге кәсіби жоғары білім алу үшін әлеуметтік көмек көрсету максатында, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31 бабы 1 тармағы 14 тармақшасы негізінде аудан әкімдігі ҚАУЛЫ ЕТЕДІ:

1. Студенттер арасындағы жетім балалар мен аз қамтамасыз етілген отбасыларындағы студенттерге әлеуметтік көмек берудің қоса берілген Ережесі бекітілсін.

2. Аудандық білім беру бөлімі (Зәкенов Б.Н.) жоғары оқу орындарында оқу кезеңінде әлеуметтік көмек алуға студенттер арасындағы жетім балалар мен аз қамтамасыз етілген отбасылардағы студенттерді таңдауды жыл сайын және уақытында қамтамасыз етсін.

3. 451007000332 «Жергілікті өкілді органның шешімімен жеке санаттағы азаматтарға берілетін әлеуметтік төлемдер» бағдарламасы әкімгері болып жұмыспен қамту және әлеуметтік бағдарламалар бөлімі анықталсын.

4. Аудан әкімдігінің «Аз қамтамасыз етілген отбасыларындағы студенттерге әлеуметтік қолдау берудің ережесін бекіту туралы» 2005 жылғы 20 сәуірдегі №269 (тіркеу №13-4-3, аудандық «Дала дидары» газетінде 2005 жылғы 7 мамырда жарияланған) қаулысының күші жойылды деп танылсын.

5. Осы қаулының орындалуын бақылау аудан әкімінің орынбасары А Тастеміровке жүктелсін.

2006 жылғы «22» мамырдағы №126 аудан әкімінің қаулысымен бекітілген Студенттер арасындағы жетім балалар мен аз қамтамасыз етілген отбасыларындағы студенттерге әлеуметтік көмек беру ЕРЕЖЕСІ

1. Жалпы ережелер

1. Осы Ереже студенттер арасындағы жетім балалар мен аз қамтамасыз етілген отбасыларындағы студенттерге ақшалай әлеуметтік көмек көрсетудің тәртібі мен шарттарын белгілейді.

2. Әлеуметтік көмек алуға Солтүстік Қазақстан облысы Ақжар ауданы аумағында тұрақты тұратын және мемлекеттік жалпы білім гранттарының жулдегерлері бола алмаған Қазақстан Республикасының азаматтары құқылы.

3. Осы Ережеде мынандай ұғымдар пайдаланылады: әлеуметтік көмек - студенттердің кәсіби оқуын төлеуге бағытталған әлеуметтік төлем түріндегі халықты әлеуметтік қорғаудың бір нысаны; әлеуметтік көмек көрсету құқын айқындау жөніндегі комиссия (бұдан әрі - аудандық комиссия) - аудан әкімі жанында аудан әкімі орынбасарының төрағалығымен білім, жұмыспен қамту және әлеуметтік бағдарламалар бөлімдері өкілдерін міндетті түрде енгізе отыры құрылатын және әлеуметтік қолдау көрсету мүмкіндігі туралы шешім шығаруды жүзеге асыратын комиссия; алушы - мемлекеттік жалпы білім гранттарының жүлдегерлері бола алмаған студенттер арасындағы жетім балалар және жан басына шаққандағы орташа табысы ең төменгі күнкөріс мөлшерінен төмен отбасы мүшесі болып табылатын жоғары, арнаулы орта оқу орнының немесе кәсіптік техникалық мектептің күндізгі және сырттай бөлімінің студенттері; уәкілетті орган - әлеуметтік көмекті тағайындау мен ұйымдастыруды жургізетін, әлеуметтік көмек көрсетуге сай студент контингентін айқындау жөне төлеу жөніндегі орган (бүдан әрі - Ақжар ауданының жұмыспен қамту және әлеуметтік бағдарламалар бөлімі); ақшалай қаражатты беру жөніндегі уәкілетті орган - банкілік операциялардың жеке түрлерін жүзеге асыруға Қазақстан Республикасы Ұлттық Банкінің лицензиясы бар, банкілік қызмет көрсетудің осы түрін жүзеге асыру конкурсын жеңіп алған екінші деңгейдегі банк.

2. Ақшалай қаражатты алудың шарттары мен тәртібі

4. Ақшалай қаражатты алу үшін студенттер Ақжар ауданының жұмыспен қамту және әлеуметтік бағдарламалар бөліміне мынадай құжаттарды ұсынады:

1) белгіленген үлгідегі өтініш;

2) тұлғаны куәландыратын құжаттың көшірмесі (нотариалды куәландырылған);

3) отбасы құрамы туралы анықтама;

4) отбасының табыстары туралы анықтама;

5) білімі туралы құжаттың нотариалды куәландырылған көшірмесі;

6) кешенді тестілеу нәтижесі туралы белгіленген үлгідегі мемлекеттік сертификаттың нотариалды куәландырылған көшірмесі;

7) Мемлекеттік жоғары және арнаулы орта оқу орындарымен немесе кәсіптік техникалық мектеппен оқыту туралы келісім.

5. Алушылар әлеуметтік көмек тағайындауға келесі арыз бергенде жоғарыда аталған құжаттардан басқа, жоғары, арнаулы орта оқу орнынан және кәсіптік техникалық мектептен олар осы жоғары, арнаулы орта оқу орнынан және кәсіптік техникалық мектептердің студенті болып табылатындығын растау-анықтаманы, сондай-ақ сынақ кітапшасының көшірмесін ұсынады.

6. Әлеуметтік көмек алуға қажетті құжаттар түпнұсқа және көшірме түрінде Ақжар ауданының жұмыспен қамту және әлеуметтік бағдарламалар бөліміне істі қалыптастыру үшін арызданушылардан құжаттардың толық пакеті түскен күннен бастап 5 күндік мерзімде ұсынылады және әлеуметтік көмек тағайындау не тағайындамау туралы шешім жобасын, әлеуметтік көмек көрсету құқын айқындау жөніндегі аудандық комиссияға жібереді.

7. Аудандық комиссия 10 күндік мерзімде ұсынылған құжаттарды қарастырады және әлеуметтік көмекті тағайындау немесе тағайындамау туралы шешім шығарады. Арызданушылардың істерін және комиссия мәжілісі хаттамасының көшірмелерін Ақжар ауданының жұмыспен қамту және әлеуметтік бағдарламалар бөліміне жібереді.

8. Аудандық комиссия әлеуметтік көмек беру туралы шешім шығару барысында кешенді тестілеуде алған балл санын, үздік аттестаттардың немесе арнаулы орта білімнің үздік дипломы бар болуын есепке алады.

9. Оң шешім болған жағдайда, өкілетті органнан хабарландырылған алушылар банкте жеке шот ашады. Бас тартқан жағдайда, Ақжар ауданының жұмыспен қамту және әлеуметтік бағдарламалар бөлімі бас тарту себебін көрсете отырып, арызданушыға құжаттарды қайтарады. Әлеуметтік көмекті тағайындаудан бас тарту үшін: жоғарғы, арнаулы орта және кәсіптік техникалық мектеп оқу орындарына түсу туралы біле тұра жалған мәліметтер және 4-тармақта көрсетілген құжаттар бойынша жалған мәліметтер ұсыну негіз болып саналады.

10. Ақжар ауданының жұмыспен қамту және әлеуметтік бағдарламалар бөлімі алушылардың екі дана тізім-ведомостін жасайды, оның біреуін банкке жібереді.

11. Банк ақылы қызмет көрсету келісімі және тізім-ведомосы негізінде алушылар ашқан жеке шоттарға сомаларды аударады.

3. Қаржыландыру механизмі

12. Студенттерге әлеуметтік көмек көрсету жөніндегі шығындарды қаржыландыру 451007000332 «Жергілікті өкілетті органдар шешімі бойынша азаматтардың жеке санаттарына әлеуметтік төлемдер» бағдарламасы бойынша аудандық бюджеттен осы мақсатқа қарастырылған қаржылар есебінен жүргізіледі.

4. Бақылауды жүзеге асыру

13. Әлеуметтік көмекті тағайындау жөніндегі уәкілетті орган Қазақстан Республикасының заңдылық актілеріне сәйкес әлеуметтік көмекті дұрыс тағайындауға жауапты.

14. Әлеуметтік көмек тағайындаудың және төлеудің дұрыстығын бақылау қолданылып жүрген заңдылықтарға сәйкес жүзеге асырылады.