Об утверждении стоимости разовых талонов на рынках Карабалыкского района (за день торговли) Күшін жойған

Қарабалық ауданының базарларында (бір күнгі сауда үшін) біржолғы талонның құнын бекіту туралы Қазақстан Республикасының 2001 жылғы 12 маусымдағы № 209 "Салық және бюджетке төленетін басқа да міндетті төлемдер туралы" Кодексінің 373 бабының 2 тармағының негізінде, Қарабалық ауданы бойынша салық комитетімен жүргізілген кіріс алынатын объектінің орналасқан жерін, түрін, қызметті жүзеге асыру жағдайларын, сапасы мен көлемін, сондай-ақ қызметпен шұғылдану тиімділігіне ықпал ететін баска да факторларды ескере отырып, салық органы жүргізген орташа күндік хронометраждық қадағалау мен зерттеу деректері негізінде қарастырып, Қарабалық аудандық мәслихаты ШЕШТІ:

1. Қоса беріліп отырған Қарабалық ауданының базарларында (бір күнгі сауда үшін) біржолғы талонның құны бекітілсін.

2. Мәслихаттың 2005 жылғы 28 сәуірдегі № 117 "2005 жылға арналған Қарабалық ауданының базарларында (бір күнгі сауда үшін) біржолғы талонның құнын бекіту туралы" шешімінің мемлекеттік тіркеу нөмірі 3469 ("Айна" 2005 жылғы 26 мамырда № 22), күші жойылды деп танылсын.

3. Осы шешім 2006 жылдың 4 тамыздан бастап іс-қимылға енеді.

Мәслихаттың 2006 жылғы 20 шілдедегі № 242 шешімімен бекітілді Қарабалық ауданының базарларында (бір күнгі сауда үшін) біржолғы талонның құны

1. "Сыпыртқыны, сыпырғышты, орман жидектерін, саңырауқұлақ және балықты іске асыру" - алып отырған көлемнің бір шаршы метрі үшін ең төменгі есептік көрсеткішінен - 5 пайызы.

2. "Азық-түлік тағамдарын іске асыру" - алып отырған көлемнің бір шаршы метрі үшін ең төменгі есептік көрсеткішінен - 11 пайызы.

3. "Киім - кешектерді іске асыру" - алып отырған көлемнің бір шаршы метрі үшін ең төменгі есептік көрсеткішінен - 8 пайызы.

4. "Жеке ауыл шаруашылық, баушылық, бақшашылық, дачалык учаскелерін және бақшалық дақылдарын іске асыру" - алып отырған көлемнің бір шаршы метрі үшін ең төменгі есептік көрсеткішінен - 6 пайызы.