Об утверждении Правил содержания собак и кошек на территории Денисовского района Күшін жойған

Денисов ауданы аумағында иттер мен мысықтарды ұстау Ережелерін бекіту туралы Қазақстан Республикасындағы «Қазақстан Республикасында жергілікті мемлекеттік басқару туралы» Заңының 6-бабының 1-тармағының 8) тармақшасына сәйкес Денисов аудандық мәслихат ШЕШТІ:

1. «Денисов ауданы аумағында иттер мен мысықтарды ұстау ережелері» бекітілсін. (қосымша беріліп отыр).

2. Мәслихаттың 2002 жылғы 15 ақпандағы № 7 «Денисов ауданы аумағында бұзылғаны үшін әкімшілік жауаптылық көздейтін міндеті ережелері туралы» шешімінің «Иттер мен мысықтарды ұстау ережелері» бөлімінің күші жойылды деп танылсын (мемлекеттік тіркеу номері 1304).

Денисов аудандық мәслихатының 2006 жылғы 12 шілдедегі № 41 шешіміне қосымша Денисов ауданы аумағында иттер мен мысықтарды ұстау ЕРЕЖЕСІ

1. Жалпы ережелер

1. Денисов ауданы аумағында иттер мен мысықтарды ұстаудың осы Ережелер (әрі карай - Ереже) Денисов ауданы аумағында иттер мен мысықтардың ұстауын регламенттеу мақсатымен әзірленген, жеке және занды тұлғалардың жауапкершілігін белгілейді.

2. Ереже, меншік нысанына қарамастан, иттер мен мысықтарды ұстайтын жеке және заңды тұлғаларға бірдей таратылады. Ережеге қызметтік иттерді ұстайтын құқық қорғау органдардың мекемелері жатпайды.

3. Осы Ереже Қазақстан Республикасының «Қазақстан Республикасындағы жергілікті мемлекеттік басқару туралы» Заңына, Қазақстан Республикасының «Әкімшілік құқық бұзушылық туралы» кодексіне және Қазақстан Республикасының «Ветеринария туралы» Заңына сәйкес әзірленген.

4. Осы Ережені ұстауға бақылау Қазақстан Республикасы ішкі істер бөлімі Министрлігі Қостанай облысы ішкі істер Департаментінің «Денисов ауданының ішкі істер бөлімі» мемлекеттік мекемесі (әрі қарай - ішкі істер бөлімі) Қазақстан Республикасының «Әкімшілік құқық бұзушылық туралы» кодексінің 311 бабына сәйкес жүргізеді, және Ережені сақтамайтын тұлғаларды әкімшілік жуапкершілікке тарту мәселелерін де шешеді.

2. Жануарларды ұстау тәртібі

5. Иттер мен мысықтарды ұстайтын иелер санитарлық-гигиеналық, ветеринарлық ережелерін сақтау керек.

6. Көпқабатты үйлердін қоғамдық орындарында (баспалдақ торларында, жер қабаттарында, дәліздерде) сонымен қатар балкондарда және лоджияларда иттерді ұстауға тыйым салынады.

7. Жеке үй иелері иттерді ұстау барысында олардың қашып кетпеуін және жеке үйдің шекарасында ұстауын қадағалауға міндетті. Жеке үйлердің ауласында ұстауға рұқсат етілген иттер мен мысықтардың саны шектеусіз, бірақ көршілерге қолайсыздық танытпау керек.

8. Көшеде, аулада, қоғамдык орындарда иесіз, бос жүрген иттер белгіленген тәртіпті және сақтану ережесін сақтай отырып ауланады.

9. Иттер мен мысықтар жеке ветеринарлық паспорттар беру жолымен бірдейлендіріледі.

3. Жануарлар иелерінің міндеттері

10. Иттер мен мысықтардың иелері заңды мәртебесіне және меншік нысанына қарамастан:

1) иттер мен мысықтардың ұстауын негізгі Ереженің талаптарына сәйкес қамтамасыз етуге;

2) қоршағандардың қауіпсіздігін қамтамасыз ету, тыныштығын, санитарлық ережелерін сақтау үшін қажетті шараларды қолдануға;

3) иттер мен мысықтарды қыдыртқанда пайда болған жалпыға ортақ қолданылатын және басқа да ластанған қоғамдык орындарды тазартуға;

4) жануарларға адамгершілікпен қарау, оларды тақтырмау, караусыз, тамақсыз, сусыз қалдырмау, балаларға жануарларды қорлатуға жол бермеуге;

5) жануарларды ұстағысы келмеген жағдайда, оларды сатуға немесе басқа тұлғаларға өткізуге, ұйықтатуға ветемдеуге беруге;

6) иттерге азаматтарды тістетуге жол бермеу. Тістеген жағдайда өзінің және иттің мәліметтерін хабарлау. Тістегеннен кейін итті тексеру үшін дереу ветеринарлык станцияға жеткізуге;

7) ветеринарлық станциясының жануарды егу, қарау және ұстауға байланысты шығындарын өтеуге;

8) бірнеше жануар кенеттен өлген, бір мезгілде ауырған немесе олар әдеттен тыс мінез көрсеткен жағдайлар туралы ветеринарлык мамандарға хабарлауға және ветеринарлық мамандар көлгенге дейін ауру деп күдік келтірілген жануарларды оқшаулап ұстау жөнінде шаралар қолдануға;

9) жануарлар өлекселерін қоқыс жинау орындарынан тыс жерге лақтыруға болмайды. Құлаған жануралардың өлекселері мал қорымдарында өртеуге, немесе өлексе жағатын пештерде өртеуге міндетті.

10) ветеринарлық қызметкерлерге жануарларды диагностикалық зерттеу және вакцинация мен дигельминтизацияны өткізу үшін олардын талабы бойынша беру;

11. Жануарларды қыдырта жүріп, олардың иелері мына ережелерді ұстану керек:

1) итті аулаға, басқа да коғамдык орындарға және жалпыға ортак жерлерге қысқа жіппен және мұрынға киетін құралмен шығару;

2) иттерді аулада, балалар алаңдарында, мектеп аулаларында, стадиондарда, саябақтарда, скверлерде қыдыртуға болмайды. Қыдыратын орынға жеткенше иттер мен мысықтардың калдырған (табиғи шығарылымдарын) ластауларын тазартуға;

3) иттерді арнайы бекітілген, коршалған жерлерде қыдырту керек. Егер осындай жерлер болмаса, иттердің кыдыртуын кұла далада жүзеге асыру;

4) адамдар көп шоғырланатын жерлерде, қоғамдық көліктерде және қоғамдык орындарда иттерді қысқа жіппен және мұрынға киетін құралмен шығару керек. Адам аз жерлерде иттерді ұзын жіппен және мұрынға киетінсіз қыдырту рұқсат етіледі. Қоршалған жерлерде және алыс жерлерде, адамдар жоқ кезде иттерді бос және мұрынға киетінді шешіп жіберу рұқсат етіледі;

5) иттерді түнгі уақытта қыдыртқан кезде олардың иелері тыныштықты сақтау шараларын қамтамасыз ету.

12. Қазақстан Республикасының кодексіне сәйкес «Әкімшілік құқық бұзушылықтары туралы» Ережелерді бұзғаны үшін әкімшілік жауапкершілік қарастырылған. Осы санаттағы әкімшілік құқық бұзушылық жөнінде істерді ішкі істер бөлімі жүргізеді.