Об оказании социальной помощи молодежи из числа студентов для частичного возмещения расходов, связанных с получением образования Қолданыста

Білім алуына байланысты шығыстарын ішінара өтеу үшін студенттер қатарындағы жастарға әлеуметтік көмек көрсету туралы «Қазақстан Республикасындағы жергілікті мемлекеттік басқару туралы» Қазақстан Республикасы Заңының 27-бабына , «Қазақстан Республикасындағы мемлекеттік жастар саясаты туралы» Қазақстан Республикасы Заңының 4-бабына сәйкес, Қостанай облыстық мәслихатының 2005 жылғы 23 желтоқсандағы № 267 «Қостанай облысының 2006-2008 жылдарға арналған өңірлік жастар саясаты бағдарламасын бекіту туралы» шешімімен бекітілген Қостанай облысының 2006-2008 жылдарға арналған өңірлік жастар саясаты бағдарламасын орындау үшін Қостанай облысының әкімдігі ҚАУЛЫ ЕТЕДІ:

1. Білім алуына байланысты шығыстарын ішінара өтеу yшін студенттер қатарындағы жастарға әлеуметтік көмек көрсетілсін: жоғары оқу орындарының педагогикалық мамандықтары бойынша күндізгі оқу бөліміндегі, тұрмысы төмен отбасылардан шыққан 40 студентке 2006 жылдың қарашасында 50000 теңге мөлшерінде; жоғары оқу орындарының дәрігерлік мамандықтары бойынша күндізгі оқу бөліміндегі, тұрмысы төмен отбасылардан шыққан 40 студентке 2006 жылдың қарашасында 119050 теңге мөлшерінде; жоғары оқу орындарының күндізгі оқу бөліміндегі студенттер ішінен, оқытудың 2 курсынан бастап, оқу озаттары, облыстың қоғамдық өміріне белсене қатысып жүрген, тұрмысы төмен отбасылардан шыққан 20 студентке 2006 жылдың қарашасында 40000 теңге мөлшерінде және 2006 жылдың желтоқсанында 10000 теңге; орта кәсіптік оқу орындарының күндізгі оқу бөліміндегі студенттер ішінен, оқытудың 1 курсынан бастап, оқу озаттары, облыстың қоғамдық өміріне белсене қатысып жүрген, тұрмысы төмен отбасылардан шыққан 18 студентке бастап 2006 жылдың қарашасында 23200 теңге мөлшерінде және 2006 жылдың желтоқсанында 5800 теңге.

2. «Қостанай облысының ішкі саясат департаменті» мемлекеттік мекемесі (Т.С. Жақыпова) білім алу кезеңінде шығыстарын ішінара өтеу үшін студенттер қатарындағы жастарға әлеуметтік көмек көрсету жағынан Қостанай облысының 2006-2008 жылдарға арналған өңірлік жастар саясаты бағдарламасының іс-шараларын орындауды қамтамасыз етсін.

3. Облыс әкімдігінің жанындағы жастар істері жөніндегі кеңес бюджеттік бағдарламалардың әкімшісі «Қостанай облысының ішкі саясат департаменті» мемлекеттік мекемесіне әлеуметтік көмекті алуға үміткерлерді анықтау жөнінде ұсыныстар әзірлесін және енгізсін.

4. Қостанай облысы әкімдігінің 2006 жылғы 28 ақпандағы № 65 «Білім алуына байланысты шығыстарын ішінара өтеу үшін студенттер қатарындағы жастарға әлеуметтік көмек көрсету туралы» қаулысының күші жойылды деп есептелсін (2006 жылғы 15 наурыздағы мемлекеттік тіркеу нөмірі 3542, № 41 «Қостанай таңы» газетінде 2006 жылдың 4 сәуірінде жарияланған, № 48 «Костанайские новости» газетінде 2006 жылдың 6 сәуірінде жарияланған).

5. Қостанай облысы әкімдігінің 2006 жылғы 31 тамыздағы № 300 «Білім алуына байланысты шығыстарын ішінара өтеу үшін студенттер қатарындағы жастарға әлеуметтік көмек көрсету туралы» қаулысының күші жойылсын.

6. Қостанай облысы әкімдігінің 2006 жылғы 5 қазандағы № 344 «Білім алуына байланысты шығыстарын ішінара өтеу үшін студенттер қатарындағы жастарға әлеуметтік көмек көрсету туралы» қаулысының күші жойылсын.

7. Осы қаулының орындалуын бақылау облыс әкімінің орынбасары С.Ш. Бектұрғановқа жүктелсін.

8. Осы қаулы алғаш ресми жарияланғаннан кейін он күнтізбелік күн өткен соң қолданысқа енгізіледі.